Morgunblaðið - 09.12.2006, Page 10

10 LAUGARDAGUR 9. DESEMBER 2006 MORGUNBLAÐIÐ
ALÞINGI
Hafa áhyggjur
af ímynd Íslands
ÁKVÖRÐUN bandarísku verslunar-
keðjunnar Whole Foods Market um
að hætta markaðssetningu á íslensk-
um vörum í búðum sínum, vegna
hvalveiða Íslendinga, var rædd í upp-
hafi þingfundar á Alþingi í gær. Sjáv-
arútvegsráðherra, Einar K. Guð-
finnsson, sagði m.a. að ekki mætti
gera lítið úr ákvörðuninni, en á sama
tíma ætti ekki heldur að oftúlka áhrif
hennar.
Ingibjörg Sólrún Gísladóttir, Sam-
fylkingu, gagnrýndi ekki einasta
hvernig ráðherrann hefði staðið að
hvalveiðimálunum heldur einnig
hvernig hann hefði beitt sér á vett-
vangi Sameinuðu þjóðanna gegn
tímabundnu banni á botnvörpuveið-
um á úthafsmiðum. „Þannig að ráð-
herrann síkáti hefur afrekað ýmis-
legt í umhverfismálum,“ sagði hún.
Kolbrún Halldórsdóttir, Vinstri
grænum, sagði m.a. að ákvörðun
verslunarkeðjunnar væri afar dapur-
leg, en þó fyrirsjáanleg. Viðbrögð
stjórnvalda þyrftu þó að vera yfirveg-
aðri en þau sem sjávarútvegsráð-
herra hefði sýnt. Ráðherra ítrekaði
að reynslan sýndi að áhrif af hval-
veiðunum myndu hverfa og til lengri
tíma myndi íslenska þjóðin ekki skað-
ast af þeim.
Mörður Árnason, Samfylkingu,
átaldi m.a. að engin könnun hefði ver-
ið gerð um væntanleg áhrif hvalveið-
anna og Jón Bjarnason, Vinstri
grænum, sagði mikilvægt að Íslend-
ingar væru trúverðugir er þeir mark-
aðssettu ímynd sína.
Guðjón A. Kristjánsson, Frjáls-
lyndum, sagði eðlilegt að nýta hvali
með skynsamlegum hætti og Pétur
H. Blöndal, Sjálfstæðisflokki, sagði
að íslensk náttúra væri þvílík að hún
hefði enga samkeppni. „Vilji fólk ekki
koma til Íslands til að sjá náttúruna
er það þess vandamál en ekki mitt.“
Samfylkingarmenn gagnrýna botnvörpuveiðar
Í HNOTSKURN
»Bandaríska versl-unarkeðjan Whole Foods
Market sendi sjávarútvegs-
ráðherra bréf hinn 22. nóv-
ember sl., þar sem tilkynnt var
að fyrirtækið hygðist fjar-
lægja auglýsingaskilti og
fleira sem vekti athygli á Ís-
landi og íslenskum vörum,
vegna hvalveiða íslendinga.
» Í bréfi keðjunnar var þótekið fram að hún myndi
halda áfram að selja vörur frá
íslenskum framleiðendum, að
sögn ráðherra.
ÞINGMENN
skömmuðu Guð-
jón Ó. Jónsson,
þingmann Fram-
sóknarflokksins,
á Alþingi í gær,
fyrir ummæli
sem hann lét
falla í útvarps-
fréttum Ríkisút-
varpsins fyrr um
morguninn. Þar sagði Guðjón m.a.
að ekki hefði verið tekið tillit til
vilja Framsóknarflokksins þegar
Sjálfstæðisflokkurinn og stjórnar-
andstaðan ákváðu að semja um
þinglokin til þess að geta komist í
skemmtiferð til útlanda. Fram-
sóknarflokkurinn hefði verið eini
flokkurinn sem hefði viljað starfa
fram að jólum. Þingmenn sögðu
m.a. að Guðjón hefði með orðum
sínum dregið úr virðingu Alþingis.
Í næstu viku er fyrirhuguð ferð,
á vegum utanríkismálanefndar
þingsins, til Eystrasaltsríkjanna og
var Guðjón að vísa til hennar. Hall-
dór Blöndal, þingmaður Sjálfstæð-
isflokks og formaður nefndarinnar,
sagði hins vegar að á undanförnum
árum hefði vaknað skilningur á
nauðsyn þess að nefndin ætti meiri
og betri viðskipti við þjóðþing ann-
ara landa. Af þeim sökum hefði
verið ætlað sérstakt fé til þess af
fjárlögum. Á þessu ári hefði verið
ákveðið að fara til Eystrasaltsríkj-
anna.
Steingrímur J. Sigfússon,
Vinstri grænum, sagði m.a. að ut-
anlandsferðir þingnefndar væru
vinnuferðir, en ekki skemmtiferðir.
Ástæðulaust væri fyrir Guðjón að
grafa undan virðingu Alþingis með
þessum hætti. Fleiri þingmenn töl-
uðu á svipuðum nótum. Guðjón
kvað m.a. að það væri óþarfi fyrir
þingmenn að fyrtast við þótt hann
notaði orðið „skemmtiferð“. Hann
sagði ennfremur að þetta væri
óþarfa viðkvæmni af hálfu þing-
manna.
Guðjón Ó. skammaður
Guðjón Ó. Jónsson
FIMM frumvörp voru afgreidd sem
lög frá Alþingi í gær, á næstsíðasta
þingfundi fyrir jólahlé. Meðal
þeirra frumvarpa sem samþykkt
voru má nefna frumvarp félags-
málaráðherra um að foreldrar geti
fengið umönnunargreiðslur á sama
tíma og fæðingarorlofsgreiðslur.
Þá er í frumvarpinu gert ráð fyrir
því að Vinnumálastofnun sjái um
vörslu fæðingarorlofssjóðs í stað
Tryggingastofnunar ríkisins. Lögin
öðlast gildi hinn 1. janúar nk.
Önnur frumvörp sem samþykkt
voru eru frumvarp um stofnun op-
inbers hlutafélags um Lánasjóð
sveitarfélaga, frumvarp um að
óheimilt verði að skrá lögheimili í
frístundabyggð, frumvarp um upp-
lýsingar og samráð í fyrirtækjum
og frumvarp um flutning verkefna
frá dóms- og kirkjumálaráðuneyt-
inu til sýslumannsembætta.
Ný lög
samþykkt
INGIBJÖRG Sólrún Gísladóttir,
formaður Samfylkingarinnar, hefur
sent öllum þingflokkum drög að
þingsályktun um að skipuð verði
rannsóknarnefnd vegna hlerunar-
mála. Í tillögunni er lagt til að Al-
þingi álykti að skipuð verði nefnd
sem hafi það verkefni að rannsaka
hvaðeina sem tengist grunsemdum
eða upplýsingum um að öryggis-
gæsla hjá ríkinu, lögregluyfirvöld
eða aðrir aðilar á vegum stjórnvalda
hafi hlerað síma eða haft eftirlit með
íslenskum ríkisborgurum á þeirri
forsendu að skoðanir þeirra eða at-
hafnir væru meint ógn við öryggi
ríkisins.
Ingibjörg Sólrún, sem var máls-
hefjandi utandagskrárumræðu um
símhleranir á Alþingi í gær, sagði í
umræðunum að hún vonaðist til þess
að Sjálfstæðisflokkurinn og aðrir
flokkar tækju undir ályktunina.
Ingibjörg vitnaði í bókina Óvinir
ríkisins eftir Guðna Th. Jóhannesson
sagnfræðing, en í bókinni er greint
frá því að heimildir hafi verið fyrir
hlerunum 33 einstaklinga á tímum
kalda stríðsins. Ingibjörg Sólrún
sagði að Sjálfstæðisflokkurinn hefði
oft átt aðild að ríkisstjórnum sem
hefðu beitt hlerunum. Hann hefði
með því misbeitt ríkisvaldinu og veg-
ið að æru þeirra sem hefðu verið
hleraðir.
Árni M. Mathiesen, fjármálaráð-
herra og staðgengill dómsmálaráð-
herra, sagði m.a. að nauðsynlegt
væri að allar upplýsingar kæmu upp
á borðið í þessum efnum. Hann vís-
aði til þess að nefnd hefði þegar verið
skipuð, undir forystu Páls Hreins-
sonar, til að gera gögn um þessi mál
aðgengileg fyrir fræðimenn. Hann
sagði að það færi miklu betur á því
að fræðimenn rannsökuðu þessi mál
og fjölluðu um þau á sagnfræðilegan
hátt frekar en stjórnmálamenn eða
nefndir á vegum þeirra.
Ráðherra sagði merkilegt hve
Ingibjörg Sólrún og reyndar fleiri,
sem tekið hefðu þátt í þessari um-
ræðu, vildu gera hlut Sjálfstæðis-
flokksins mikinn. Það væri vissulega
rétt að Sjálfstæðisflokknum væri
umhugað um öryggi ríkisins en það
yrði einnig að láta aðra njóta sann-
mælis í þeim efnum, m.a. Hermann
Jónasson, fyrrverandi forsætisráð-
herra. Þá væri hlutur Steingríms
Hermannssonar, fyrrv. forsætisráð-
herra, ekki heldur lítill. Einar K.
Guðfinnsson sjávarútvegsráðherra
sagði rangt að Sjálfstæðislokkurinn
stæði í vegi fyrir því að ljósi væri
varpað á þessi mál.
Morgunblaðið/ÞÖK
Fylgst með umræðum Jón Gunnarsson og Ingibjörg Sólrún Gísladóttir,
þingmenn Samfylkingarinnar, fylgjast með umræðum á Alþingi.
Ný nefnd rann-
saki hleranir
Hlutur Hermanns ekki lítill
Ummæli þingmanna og ráð-herra, utan þings, verðagjarnan tilefni umræðna á
þingfundum Alþingis. Þannig urðu
ummæli Jóns Sigurðssonar, for-
manns Framsóknarflokksins, um
Íraksmálið á miðstjórnarfundi
flokksins nýverið tilefni umræðna á
Alþingi í sl. viku.
Flokksstjórnarræða Ingibjargar
Sólrúnar Gísladóttur, formanns
Samfylkingarinnar, um síðustu
helgi, varð einnig tilefni fjörugra
umræðna á Alþingi í byrjun þess-
arar viku. Í ræðunni sagði Ingibjörg
m.a. að kjósendur þyrðu ekki að
treysta þingflokknum.
Umræðan um ummæli hennar fór
reyndar út um víðan völl, eins og
stundum vill verða á Alþingi. Þannig
var samfylkingarþingmönnum líkt
við fuglana í Húsdýragarðinum, sem
var fargað á dögunum. „Ég hef
áhuga á því að ræða um förgun ann-
arra fugla hér í þjóðfélaginu, nefni-
lega þeirra sem sitja í þingflokki
Samfylkingarinnar,“ sagði Sigurður
Kári Kristjánsson, Sjálfstæðisflokki.
Hann sagði að formaðurinn hefði
með ræðu sinni slegið heilan þing-
flokk af. Merði Árnasyni, Samfylk-
ingu, fannst ekki mikið til málflutn-
ings hans koma og sagði að nær
væri að yfirheyra meintan morð-
ingja landnámshænsnanna í Hús-
dýragarðinum. Átti hann þar við
Guðna Ágústsson landbún-
aðarráðherra. Sá síðarnefndi tók
upp þráðinn og sagði þá fugla í
sjálfu sér dýrmætari en samfylking-
arþingmennina.
Guðjón Ó. Jónsson, Framsókn-
arflokki, var málshefjandi umræð-
unnar um ræðu Ingibjargar. Það
kom því vel á vondan þegar þing-
menn hófu að skamma hann í gær
fyrir ummæli sín í útvarpinu fyrr um
morguninn. Þar sagði hann að „al-
menningur væri alveg gapandi hissa
á því að þingmenn skyldu þurfa að
fara í jólafrí 8. des. til að Þórunn og
Ingibjörg Sólrún og Steingrímur J.
Sigfússon og fleiri kæmust í ein-
hverja skemmtiferð á vegum þings-
ins.“ Halldór Blöndal, formaður ut-
anríkismálanefndar, var einn þeirra
sem gagnrýndu ummælin. Hann tók
aukinheldur fram að hvorki Þórunn
né Ingibjörg færu í ferðina. Það
gerði hins vegar Steingrímur. „Því
ég hef langa reynslu af því að hann
er til sóma fyrir Alþingi hvarvetna
sem hann kemur á erlendum vett-
vangi,“ sagði Halldór. Þá hló þing-
heimur – enda hrós til Steingríms úr
óvæntri átt.
Um fugla og meintar
skemmtiferðir
ÞINGBRÉF
Arna Schram