Morgunblaðið - 09.12.2006, Síða 25

MORGUNBLAÐIÐ LAUGARDAGUR 9. DESEMBER 2006 25
LANDIÐ
METSÖLUBÓK
UM ALLAN HEIM
„Afburðasnjöll ástarsaga“
- Observer
„Hjartnæm ... fantasía“
- Sunday Telegraph
„Virkilega frumleg“
- Vogue
Kona tímaflakkarans
ÁRBORGARSVÆÐIÐ
Eftir Sigurð Jónsson
Hveragerði | „Fólk
hefur mikla þörf fyrir
öryggi og vill geta
bjargað sér. Við leggj-
um mikla áherslu á
gott aðgengi í kringum
íbúðirnar og inni í þeim
líka, þannig að fólk geti
séð um sig sjálft,“ sagði
Guðrún Jónsdóttir,
arkitekt og formaður
stjórnar húsnæðissam-
vinnufélagsins Bú-
manna, þegar hún tók
fyrstu skóflustunguna
að 43ja íbúða bygg-
ingasvæði í Hveragerði
sem samtökin byggja
með Eðalhúsum hf. á
Selfossi.
Íbúðirnar eru ætlað-
ar fólki 50 ára og eldri
og verða tilbúnar í árs-
lok 2008. Byrjað verð-
ur að úthluta íbúðum í
janúar 2007. Fyrir eru í
Hveragerði 16 íbúðir á
vegum Búmanna. Nú
eru 120 íbúðir í bygg-
ingu á vegum Bú-
manna í 13 sveitarfélögum. Samtals
hafa samtökin tekið 377 íbúðir í
notkun.
Aldís Hafsteinsdóttir, bæjarstjóri
í Hveragerði, fagnaði þessum áfanga
Búmanna í Hveragerði og séra Bald-
ur Kristjánsson blessaði bygginga-
svæðið.
Áhersla á aðgengi
„Þetta hefur gengið mjög vel og
við heyrum bara ánægjuraddir sem
sýnir að fólk kann vel við þennan
kost sem við bjóðum, að greiða 10–
30% af íbúðaverðinu sem búsetu-
tryggingu og síðan ákveðna leigu.
Við leggjum áherslu á aðgengið og
góð böð, rúmgóð svefnherbergi og að
íbúðirnar falli vel að þörfum fólks.
Hérna í Hveragerði verður bíla-
geymsla undir öllu svæðinu en það
verður líka hægt að aka heim að
hverju húsi. Þetta er þétt lág byggð
með miðjuhúsi á tveimur hæðum þar
sem er samkomusalur á efri hæð-
inni,“ sagði Guðrún.
Fólk vill geta
bjargað sér sjálft
Framkvæmt Séra Baldur Kristjánsson, Guðrún
Jónsdóttir arkitekt, Einar Gunnar Sigurðsson
framkvæmdastjóri Eðalhúsa og Aldís Hafsteins-
dóttir bæjarstjóri voru við upphaf framkvæmda.
Morgunblaðið/Sigurður Jónsson
Eftir Helga Bjarnason
helgi@mbl.is
Sauðárkrókur | Nemendum Árskóla
á Sauðárkróki hefur á undanförnum
árum gefist kostur á að kynnast iðn-
námi í Fjölbrautaskóla Norðurlands
vestra og hefur það skilað góðum ár-
angri fyrir skólann og viðkomandi
nemendur. Fjölbrautaskólinn fékk
nýlega eitt af þremur starfsmennta-
verðlaunum sem Starfsmenntaráð
og Mennt veita, fyrir framúrskar-
andi starf á þessu sviði. Ólafur
Ragnar Grímssonar, forseti Íslands,
afhenti verðlaunin.
Fjölbrautaskóli Norðurlands
vestra býður upp á nám í þremur
iðngreinum, málmiðnum, rafiðnum
og tréiðnum. Aðsókn að námi hefur
verið misjöfn milli ára en á síðustu
árum vaxið til muna. Þorkell V. Þor-
steinsson, aðstoðarskólameistari,
þakkar það meðal annars iðnkynn-
ingunni fyrir nemendur Árskóla.
Aðsókn eykst að iðnnámi
Kynningin hófst á vorönn 2001 og
hefur staðið óslitið síðan. Nemend-
um 9. og 10 bekkjar gefst kostur á að
kynnast iðnnáminu. Annars vegar er
um að ræða þróunarverkefni fyrir
nemendur sem ekki hafa náð nógu
góðum árangri í bóklegum greinum
og hins vegar nemendur sem taka
þessa tíma sem valfag. Um 100 nem-
endur taka þátt í kynningunni.
Þorkell segir að árangurinn sé
mjög góður. Bæði hafi aðsókn að
verknámsgreinum skólans aukist á
þessum árum, ekki síst vegna nem-
enda sem hafi tekið þátt í þessu
verkefni, og það styrki þessar grein-
ar. Það skipti hins vegar meira máli
að þetta hafi hjálpað nemendum sem
hafi verið búnir að fá sig fullsadda af
bóklegu námi og annars hefðu hætt í
námi eða tekið sér hvíld, til að finna
sig í skóla á nýjum grunni sem þau
hefðu meiri áhuga á. Þau finni fyrr
sína braut í náminu og losni freka
við tímaeyðslu og vonbrigði. „Við
trúum því að við höfum náð að auka
vellíðan þessara krakka,“ segir Þor-
kell. Þær einingar sem nemendurnir
taka nýtast þeim síðan við námið í
Fjölbraut.
Þorkell segir að starfsmennta-
verðlaunin séu mikilvæg hvatning
fyrir þetta starf skólans, ekki síst
vegna þess að þau komi frá sam-
starfsvettvangi skóla og atvinnulífs.
Þá megi ekki gleyma mikilvægum
hlut Árskóla í þeim.
Hjálpar nemendum
að finna sig að nýju
Ljósmynd/Fjölbrautaskóli Norðurlands vestra
Áhugi Nemendur Árskóla fá oft mikinn áhuga á verklegum greinum í
kynningu í Fjölbrautaskólanum og vinna af elju að verkefnum sínum.
Iðnkynning í grunn-
skóla á Sauðárkróki
skilar góðum árangri
Í HNOTSKURN
»Hundrað nemendur Ár-skóla hafa farið í iðnkynn-
ingu í Fjölbrautaskólanum á
fimm og hálfu ári.
» Iðnnámið hefur styrkst ognemendur sem ekki eru
fyrir bóklegar greinar finna
fjölina sína.
Ísafjarðarbær | Meðal tillagna til
hagræðingar í fræðslumálum hjá
Ísafjarðarbæ er að aka börnum í
þremur efstu bekkjum grunnskól-
anna á Suðureyri og Flateyri til Ísa-
fjarðar og kenna í grunnskólanum
þar. Íbúar í Önundarfirði hafa lagst
hart gegn þessum hugmyndum
sviðsstjóra í fræðslumálum.
Ísafjarðarbær rekur fjóra grunn-
skóla; á Ísafirði, Þingeyri, Flateyri
og Suðureyri. Skólarnir á Flateyri
eru fámennastir með um fjörutíu
nemendur. Þar af eru aðeins um tíu í
þremur efstu bekkjunum á Flateyri
og um fimmtán á Suðureyri.
Við gerð fjárhagsáætlunar fyrir
næsta ár gerði sviðsstjóri fræðslu-
mála nokkrar tillögur til hagræðing-
ar, samtals um 60 milljónir kr. Ein
tillagan felst í því að aka nemendum
þriggja efstu bekkjanna á Flateyri
og Suðureyri til Ísafjarðar og bæta
þeim í bekkina þar. Íbúasamtök Ön-
undarfjarðar og foreldrafélag
Grunnskóla Önundarfjarðar hafa
sent frá sér samþykktir þar sem
þessum hugmyndum er mótmælt.
Meðal annars er því mótmælt að
menntun barnanna sé verðlögð með
þessum hætti.
Fræðslunefnd lagði áherslu á að
málið yrði að kynna og ræða á vett-
vangi foreldra, nemenda, kennara og
stjórnenda. Meirihluti bæjarstjórn-
ar tók undir það á fundi í fyrrakvöld
og samþykkti að megináherslan ætti
að vera á faglegan þátt skólastarfs-
ins fremur en fjárhagslegan. „Það
verður ekkert gert í þessu máli í and-
stöðu við fólkið í sveitarfélaginu. Ég
legg áherslu á það,“ sagði Halldór
Halldórsson, bæjarstjóri og formað-
ur fræðslunefndar í gær.
Faglegt mál
fremur en
fjárhagslegt
Akranes | Lágvöruverðsverslunin
Kaskó, sem er í eigu Samkaupa, var
opnuð á Akranesi á dögunum og
kemur hún í staðinn fyrir verslun
Nettó. Með opnun verslunarinnar
búa Samkaupsmenn sig undir
aukna samkeppni á Akranesi.
Sturla Eðvarðsson, fram-
kvæmdastjóri Samkaupa, sagði í
ávarpi við opnun verslunarinnar að
með þessari nýju verslun vildi fyr-
irtækið bjóða viðskiptavinum sínum
lægra vöruverð. Með þessari nýju
verslun vildu Samkaupsmenn búa
sig undir aukna samkeppni í versl-
un á Akranesi. Fyrir liggur að
Krónan mun opna verslun á Akra-
nesi innan tíðar og á næsta ári mun
Bónus einnig opna þar verslun.
Við opnun verslunarinnar af-
henti fyrirtækið tveimur aðilum
peningagjafir. Það voru Þjóðlaga-
sveit Tónlistarskólans á Akranesi
sem fékk 250 þúsund króna styrk
vegna starfseminnar og Sandra
Björg Ólafsdóttir sem fékk sömu
fjárhæð en hún og fjölskylda henn-
ar hafa glímt við arfgengan sjúk-
dóm.
Samkaup opna
Kaskóverslun
á Akranesi
Morgunblaðið/Jón Gunnlaugsson
Stuðningur Sturla Eðvarðsson af-
hendir Ragnari Skúlasyni stjórn-
anda þjóðlagasveitarinnar styrk.
Selfoss | Árlegur jólagjafafundur
Kvenfélags Selfoss var haldinn síð-
astliðinn fimmtudag þegar félagið
boðaði til sín fulltrúa nokkurra
stofnana á Selfossi og nágrenni til
að afhenda þeim jólagjafir til
styrktar starfseminni á hverjum
stað. Þessi árlega samkoma er ætíð
hátíðleg í aðdraganda jólahátíðar-
innar.
Frumkvöðlar í ýmsum málum
Kvenfélagið var stofnað 4. mars
1948 og hefur frá þeim tíma unnið
að stuðningi við ýmis framfaramál í
samfélaginu.
Félagið hefur allt frá stofnun
gegnt mikilvægu hlutverki í menn-
ingu Selfoss og fylgt eftir framfara-
málum. Á fyrstu árum í uppbygg-
ingu Selfoss var félagið frum-
kvöðull að því að koma á fót
stofnunum og fylgdi áherslum sín-
um eftir við þá sem fóru með stjórn
Selfosshrepps í þá daga. Þannig
studdi félagið byggingu Selfoss-
kirkju og gaf til kirkjunnar gólf-
dregla. Það safnaði fyrir byggingu
sjúkrahúss og þegar það var tilbúið
þá gáfu kvenfélagskonur allt lín til
starfseminnar. Kvenfélagskonurn-
ar byggðu leikskóla við Tryggva-
götu og höfðu frumkvæði að því að
leikvellir voru settir upp á Selfossi.
Þá minnast margir Selfyssingar
jólatrésskemmtana félagsins.
Dagbókin Jóra stendur undir
kostnaði við jólagjafirnar
Á fyrstu árum héldu kvenfélags-
konur samkomur til að afla fjár,
sýndu leikrit og héldu basara. Í dag
er útgáfa dagbókarinnar Jóru
helsta fjáröflunin og stendur undir
myndarlegum gjöfum félagsins. Í
henni er að finna uppskriftir, nyt-
saman fróðleik og skemmtiefni.
Að þessu sinni fengu gjafir Heil-
brigðisstofnun Suðurlands, Viss –
vinnustofa, Kvennaathvarfið, Gaul-
verjaskóli, Gjafasjóður Selfoss-
kirkju, Dagdvöl aldraðra á Selfossi,
Leikskólinn Hulduheimar, Sér-
deildin á Selfossi og Skammtíma-
vistunin að Lambhaga 48. Sam-
kvæmt hefðinni var öllum gestum
boðið upp á kaffi og ekta kven-
félagskökur sem gerð voru góð
skil.
Níu samtök fá jólagjafir
Morgunblaðið/Sigurður Jónsson
Jólafundur Kvenfélagskonur færðu samtökum og stofnunum gjafir.