Morgunblaðið - 20.03.2007, Síða 1




 

    





 
 






Eftir Sunnu Ósk Logadóttur
sunna@mbl.is
UM þriðjungur þeirra 3.500 ábendinga sem Barna-
heillum hafa borist frá almenningi undanfarin fjögur
ár varðar meint ólöglegt efni á Netinu, aðallega barna-
klám. Eru þær í kjölfarið sendar ríkislögreglustjóra til
frekari rannsóknar eða til ábendingalína í þeim lönd-
um er efnið hýsa, sem senda þær síðan áfram til lög-
reglu. Um 2–3% allra ábendinga sem berast snúa að
ólöglegu efni á vefsíðum sem hýstar eru á Íslandi.
Alls bárust Barnaheillum 1.076 ábendingar um
ólöglegt efni á Netinu á tímabilinu 2001–2006. Aðrar
snúa að ósiðlegu efni og er slíkum ábendingum beint
til netþjónustuaðila hér á Íslandi. Frá september 2004
til ágúst 2005 bárust 600 ábendingar frá almenningi
þar sem í 176 tilfellum reyndist um kynferðislegt of-
beldi á börnum að ræða. Á sama tímabili árin 2005–
2006 bárust 418 ábendingar þar sem í 220 tilfellum
reyndist um kynferðislegt ofbeldi á börnum að ræða.
Niðurstaðan bendir til þess að almenningur sé sér bet-
ur meðvitandi um hvað átt sé við með ólöglegu efni eða
barnaklámi, segir Petrína Ásgeirsdóttir, fram-
kvæmdastjóri Barnaheilla. Hún segir mikilvægt að
netþjónustuaðilar komi að baráttunni við barnaklám
og klámefni sem birtist börnum að óvörum og óumbeð-
ið. Barnaheill hafi einnig áhuga á að settar verði síur á
vefsíður þar sem ólöglegt klám- og ofbeldisefni sé að
finna, líkt og gert sé í Noregi og víðar á Norðurlöndum
með ágætum árangri. Slíkar síur koma þó aldrei í stað
vökuls auga foreldris. „Þetta eitt og sér leysir ekki
vandamálið,“ segir Petrína.
Um 49% íslenskra barna sem nota Netið hafa heim-
sótt síður með klámfengnu efni fyrir slysni, samkvæmt
könnun sem gerð var fyrir nokkru meðal níu til 16 ára
barna. Sama könnun sýndi að um 87% foreldra segjast
sitja hjá börnum sínum þegar þau vafra um Netið en
einungis um 22% barnanna segja að svo sé. „Miðað við
þessar tölur eru börn á Íslandi í dag berskjölduð fyrir
klámi og ofbeldi á Netinu,“ segir Petrína.

„Kynþokkafullar háskólastelpur“| 6
Börn eru berskjölduð
fyrir klámi á Netinu

Yfir eitt þúsund ábendingar borist Barnaheillum um ólöglegt efni á Netinu
STOFNAÐ 1913 78. TBL. 95. ÁRG. ÞRIÐJUDAGUR 20. MARS 2007 PRENTSMIÐJA MORGUNBLAÐSINS mbl.is
KÖRFUBOLTINN
KRAFTMIKLAR STELPUR SEGJA KÖRFU
EKKI BARA FYRIR HÁVAXNA >> 20
ÍMYNDUNARVEIKIN
Í ÞJÓÐLEIKHÚSINU
EFTIRMOLIÈRE
FJÖLSKYLDUDRAMA >> 16
FRÉTTASKÝRING
Eftir Agnesi Bragadóttur
agnes@mbl.is
GJÁIN sem hefur verið að myndast innan
Samfylkingarinnar, á milli þeirra sem eru
andvígir stækkun álversins í Straumsvík og
þeirra sem eru fylgjandi stækkun, virðist
breikka og dýpka með degi hverjum, og hún
mun halda áfram að gera það fram til 31.
mars, þegar kosið verður um stækkunina, ef
marka má ummæli samfylkingarfólks sem
ég ræddi við í gær.
Andstæðingum stækkunar álversins inn-
an Samfylkingarinnar hljóp kapp í kinn í
gær, þegar bæjarstjórn Hafnarfjarðar
kynnti á blaðamannafundi skýrslu Hag-
fræðistofnunar Háskóla Íslands, sem unnin
var fyrir Hafnarfjarðarbæ, en þar kemur
m.a. fram að tekjuauki Hafnfirðinga af
stækkun álvers yrði á bilinu 3,4 til 4,7 millj-
arðar króna. Gagnrýna þeir harðlega að
hvergi sé tekið tillit til umhverfisskaða í
skýrslunni og afgreiða skýrsluna út af borð-
inu, á þann veg, að um pantað plagg með
pantaðri niðurstöðu sé að ræða.
„Fagra Ísland“ orðin tóm
Andstæðingarnir segja sem svo, að verði
það niðurstaðan að stækkun álversins í
Straumsvík verði samþykkt hinn 31. mars
nk. sé ljóst að gróðahyggjan og skammtíma-
sjónarmið hafi valtað yfir umhverfissjónar-
mið og hugsjónir Samfylkingarinnar og þeir
spyrja hvernig flokkurinn eigi að geta hald-
ið því fram að umhverfis- og náttúruvernd-
arstefna flokksins „Fagra Ísland“ sé annað
en orðin tóm verði stækkun samþykkt.
Andstæðingarnir virðast flestir vera von-
daufir um að Hafnfirðingar hafni stækkun
og segja að verði stækkunin samþykkt muni
fylgið hrynja af Samfylkingunni í Suðvest-
urkjördæmi og í Hafnarfirði sérstaklega og
flytjast beint yfir á Vinstri græn.
Samfylkingarmenn í Hafnarfirði sem eru
fylgjandi stækkun segja að flokkssystkin
þeirra sem eru svo hörð á móti sýni óþarfa
taugaveiklun. Þeir sem hafi sig mest í
frammi gegn stækkun séu alls ekki Hafn-
firðingar, heldur búi í öðrum sveitarfélög-
um, og þeim komi málið, strangt til tekið,
ekkert við. Benda þeir á að „Fagra Ísland“
hafi orðið til 13. september sl. en ákvörðun
Hafnarfjarðarbæjar um íbúalýðræði og að
bera stórar ákvarðanir undir bæjarbúa hafi
verið tekin árið 2001.
Morgunblaðið/Ómar
ALCAN Átökin um stækkun álversins
stigmagnast frá degi til dags.
Pantað
plagg
pöntuð
niðurstaða?
Andstæðingar í Samfylk-
ingu mjög gagnrýnir
Eftir Steinþór Guðbjartsson
steg@mbl.is
PÁSKAEGG eru farin að taka
sitt pláss í verslunum og kemur
sjálfsagt fáum á óvart enda innan
við þrjár vikur til páska. Eins og
undanfarin ár eru framleidd tæp-
lega milljón páskaegg hérlendis
fyrir vertíðina. Verð frá fram-
leiðendum hefur hækkað um 5 til
12% á milli ára en verð til neyt-
enda hefur lækkað vegna breyt-
inga á virðisaukaskattinum úr
24,5% í 7%.
Samtals 26 tegundir
Helgi Vilhjálmsson í Góu fram-
leiðir fjórar tegundir og gerir
ráð fyrir að selja um 100.000
páskaegg. Hann segist vera
brautryðjandi í því að hafa lækk-
að verðið á páskaeggjum en
hækkunin nú sé um 6–7% á milli
ára, fyrst og fremst vegna al-
mennra hækkana. Hins vegar
bendir hann á að verðið til neyt-
enda lækki vegna lægri virð-
isaukaskatts og það skipti öllu
máli.
Freyja framleiðir átta tegundir
og samtals hátt í 300.000 páska-
egg. Ævar Guðmundsson fram-
kvæmdastjóri segir að helsta
söluaukningin sé í mjólkur- og
sykurlausum eggjum og öll fram-
leiðslan sé á vegum Freyju eftir
kaup fyrirtækisins á Mónu. Ævar
segir að verðhækkunin á milli
ára sé um 12%, fyrst og fremst
vegna hækkaðs hráefnisverðs og
þá fylgi því kostnaður að taka
óseld egg til baka, en samt sem
áður verði páskaegg stöðugt
ódýrari miðað við það sem áður
hafi verið.
Gunnar Sigurgeirsson, mark-
aðsstjóri hjá Nóa-Síríusi hf., seg-
ir að fyrirtækið framleiði 14
vörunúmer og samtals um
500.000 páskaegg, frá litlum
eggjum upp í risaegg. Verðið
hafi ekki hækkað í nokkur ár en
það sé nú um 5% hærra en í
fyrra. Hækkunin sé tilkomin
vegna hækkunar á launum og að-
föngum og í því sambandi segir
hann að umbúðir hafi t.d. hækk-
að um 16% á innan við ári. Verð
hafi verið hækkað á öllum fram-
leiðsluvörum fyrirtækisins í byrj-
un árs en bara hækkanir á að-
föngum eftir það séu enn meiri.
Morgunblaðið/Ásdís
Skreyting Starfsmenn Nóa-Síríusar leggja lokahönd á nokkur af þeim 500.000 eggjum sem framleidd eru.
Milljón egg á markaðinn

5 til 12% hækk-
un á verði frá
framleiðendum

Vsk. af páska-
eggjum lækkar úr
24,5% í 7%
30-40% ábendinga barnaklám
VEFVARP mbl.is