Samvinnan - 01.08.1957, Blaðsíða 27

íslenzk húsgögn
(Framh. af bls. 15)
ofin veggteppi, handofin glugga-
tjaldaefni og borðdúka úr hör. Við-
skiptin fara sívaxandi. Þeir hafa smíð-
að mikið af stólum og borðum fyrir
Arnarhvol, sem þar prýða sali og
ganga. I sýningarsalnum nýja við
Ingólfsstræti er stólum frá þeim
stillt út meðal listaverka og hand-
bragð þeirra er á stórum hluta hús-
gagna þeirra, sem prýða hina vistlegu
setustofu í Bifröst í Borgarfirði.
Húsgagnasmíði, eins og hún gerist
hjá þeim bræðrum er að sjálfsögðu
mjög listræn iðja. Þó hafa þeir leitað
lengra til að fullnægja listrænni sköp-
unarþrá. Það þekkti ég að nokkru eftir
að hafa séð verk þeirra bræðra á sýn-
ingum, þar sem þau hafa vakið mikla
athygli. Á heimili þeirra þar á Lauf-
ásvegi var gnótt listaverka í nýjum
stíl. Fyrir þann hæfileika er hægt að
búast við meiru af þeim í húsgagna-
gerðinni og er vonandi að þeir láti
hana njóta þess.
Þeir fóru árið 1951 í Myndlistar-
skólann og lögðu stund á modelteikn-
ingu og höggmyndalist hjá Ásmundi
Sveinssyni, myndhöggvara. Mörg
verka þeirra eru afar skemmtileg. Sum
þeirra eru alveg óhlutlæg, önnur hlut-
læg, en mjög stíliseruð. Þeir tóku
fyrst þátt í sýningu hjá Bandalagi
íslenzkra listamanna 1955. Síðan hafa
þeir haft sýningu hvor fyrir sig í
Regnboganum í vor og samsýningu
í nýja sýningarsalnum við Ingólfs-
stræti. Þar fyrir utan hefur Jón tekið
þátt í listiðnaðarsýningu í Þýzka-
Iandi.
Flestar mynda þeirra eru unnar í
tré. Til þess hafa þeir allar þær viðar-
tegundir, sem þeir flytja inn vegna
húsgagnagerðarinnar og hér eru áður
taldar. Auk þess vinna þeir myndir
í sítrónuvið og rósvið frá Austurlönd-
löndum. En fyrir utan tré hafa þeir
efnivið svo sem járn, leir, gibs og
stein.
Þeir Jón og Guðmundur hafa í
huga að koma sér upp stærra vinnu-
verkstæði. En það er hjá þeim eins og
fleirum: Það fæst ekki lóð fyrir bygg-
ingu. Verzlunin ætti skilið að vera á
betri stað. Það ber mjög Iítið á henni
þar sem hún er og of fáir vita þess
vegna um hana.
En þrátt fyrir allt er gleðilegt til
þess að vita, að hér skuli hafin fram-
leiðsla á hentugum og smekklegum
húsgögnum, sem því miður hafa
hingað til aðeins verið dýr leikföng
efnamanna og innflutt í ofanálag.
gs-
Hofsós,...
(Framh. af bls. 7)
hlíð eru um 10 km. Þessar stuttu
vegalengdir gera það auðvelt fyrir
bændur að sækja vörur í kaupfélagið
á dráttarvélum eða bílum.
Sambandsskipin koma oft á Hofs-
ós og ríkisskip hafa áætlunarferðir
þangað hálfsmánaðarlega. Einnig
kemur þangað flóabáturinn Drangur,
sem siglir milli Sauðárkróks og Ak-
ureyrar þann tíma, sem Siglufjarðar-
skarð er ófært. Kaupfélagið hefur
skipaafgreiðslu á hendi fyrir þessi skip
og önnur, sem þangað koma.
Húsakostur kaufifélagsins.
Fyrstu tvö ár félagsins var búðin í
skúr við Hofsá. Árið 1922 var keypt
húseign niðri á mölinni, þar sem Hofs-
áin fellur út í víkina. Þar hafði kaup-
félagið aðsetur þar til nú í vor. Þetta
hús var orðið mjög af sér gengið. Það
var orðið fúið og gisið, enda gekk sjó-
rokið yfir það í vestanátt. Áfast við
það var vörugeymsluhús félagsins.
I vor flutti kaupfélagið í nýtt
verzlunarhús. Það er stórt og glæsi-
legt og við það hefur aðstaða félags-
ins batnað til muna. Skúli Norðdahl
hefur teiknað húsið, en öllu innra út-
liti réði Hákon Hertevig á teikni-
stofu SÍS. Verzlunin er mjög rúmgóð
og allar innréttingar með nýtízku
sniði. Út frá verzluninni eru vörulag-
erar. Á efri hæðinni eru tvær stórar
skrifstofur og fundarsalur. Getur
komið til greina að hann verði not-
aður til greiðasölu á sumrin og gamla
gistihúsið lagt af sem slíkt. Nýja hús-
ið stendur á sléttri valllendisflöt aust-
an við Hofsána. Þar er mjög fallegt
bæjarstæði, enda eru öll ný hús byggð
á því svæði.
Saga jélagsins.
Kaupfélag Austur-Skagfirðinga er
talið stofnað 13. nóv. 1918. Að stofn-
uninni stóðu 19 bændur úr Fellshreppi
og í fyrstu var það nefnt Pöntunarfé-
lag Fellshrepps. Arið 1920 var svo
félagssvæðið stækkað og heimili og
varnarþing þess talið á Hofsósi. Sama
ár gekk félagið í SlS.
Fyrsti forstöðumaður félagsins var
Tómas Jónasson, bóndi á Miðhóli.
Hann vann þau störf þó samhliða bú-
skap sínum, en eftir að búð var opn-
uð á Hofsósi, flutti hann niður í
þorpið og átti þar heima eftir það. Fé-
lagið færði brátt út kvíamar, allt
norður að Fljótum og starfsemin fór
árvaxandi. Tómas kom á fót útibúi á
Siglufirði og reyndist þar góður mark-
aður fyrir allskonar landbúnaðarvör-
ur og viðskiptin voru hagur beggja,
Siglfirðinga og félagsmanna kaupfé-
lagsins. Kaupfélagið naut ekki lengi
starfskrafta Tómasar. Hann fórst á
leið til Siglufjarðar, er fárveður skall
á bátinn. Þá tók við kaupfélagsstjórn
ungur maður frá Hofsósi, Kristján
Hallsson, sem nú er kaupfélagsstjóri
í Stykkishólmi. Geirmundur Jónsson
var ráðinn kaupfélagsstjóri eftir að
Kristján fór og gegnir hann starfinu
nú. Hann hefur staðið fyrir hinni
myndarlegu verzlunarhússbyggingu.
I stjórn Kaupfélags Austur-Skag-
firðinga eiga sæti þessir menn: Jón
Jónsson, bóndi Hofi, og er hann for-
maður, Þorsteinn Hjálmarsson, sím-
stöðvarstjóri, Hofsósi, Friðbjörn
Traustason, kennari, Hólum, Kristján
Jónsson, bóndi Óslandi og Jón Guðna-
son, bóndi á Heiði.
Hjá kaupfélaginu vinna níu fastir
starfsmenn og á síðasta ári fékk þetta
starfsfólk greitt í vinnulaun 413.750,-
00 kr., en alls greiddi félagið í vinnu-
laun 598,050,00 kr. Veltan á síðasta
ári var 8.204.404,37 kr. gs.
SAMVINNAN 27