Morgunn - 01.12.1946, Page 84

154
MORGUNN
Margir aðrir hafa sýnt hlýjan hug sinn til málefnis vors
með peningasendingum, en mikið má, ef duga skal, og hús
félagsins verður að komast upp sem fyrst. Heitir Morgunn
því á alla stuðningsmenn og vini málefnisins, að bregðast
vel við og hjálpa, hver eftir sinni getur, til þess, að árang-
urinn af happdrætti félagsins, sem nú stendur yfir, verði
sem beztur.
Stærsta gjöfin, sem félaginu hefir enn borizt, er hin
höfðinglega gjöf frá Frjálslynda söfnuðinum í Reykja-
vík. Þegar prestur hans var kosinn til dómkirkjusafnaðar-
ins, gjörðist ekki þörf fyrir kirkjubyggingarsjóð þann, sem
söfnuðurinn var búinn að mynda, og samþykkti aðalsafn-
aðarfundur þá skipting á eignum safnaðarins milli líknar-
og menningarmála, en gjöfin, sem Sálarrannsóknafélagi
Islands var þar gefin, mun nema milli 60 og 70 þúsundum
króna. Fyrir þá dæmafáu rausn og góðvild Frjálslynda
safnaðarins þakkar Sálarrannsóknafélag Islands hjartan-
lega. Þessi höfðinglega gjöf mun vissulega stuðla að því,
að hús S.R.F.l. kemst upp fyrr en annars hefði orðið.
Ákveðið var á síðasta aðalfundi S.R.F.l. að reikningar
félagsins skyldu birtir í Morgni, en vegna þess, að þessi
stórgjöf er enn ekki komin inn, miðlasjóð félagsins hefir
ekki verið hægt að gera upp til fullnustu og happdrættið
er nú i fullum gangi, var talið réttara að bíða með það til
næsta árs. Er heitið á alla vini málefnisins að vinna nú
að því, að sá reikningur geti orðið sem glæsilegastur.
Síðan gjafalisti var birtur síðast í ritinu, hafa þessar
gjafir í húsbyggingarsjóðinn borizt:
Frá gamalli konu kr. 100,00. Frú G. K. 50,00. Sigríður Oddsd.,
Akureyri, 100,00. Frú Soffía Haralz og Sveinn M. Sveinsson
5000,00. Svanlaug Bjarnad. 40,00. N. N. (v. Rannv. Jónsd.)
10,00. J. J. Bár. 30, 10,00. Guðjón Vilhjálmsson 10,00. Ættmenn
Margrétar Gíslad., Tjarnark., Miðfirði, aldarminning (v. séra
J. A.) 1000,00. St. Nik., Hafnarf. (v. séra J. A.) 100,00. Minn-
ing lítillar stúlku (v. séra J. A.) 50,00. Frá þrem afk. R.
Jónsd., 70,00. G. G. 100,00. Ingibj. Stefánsd. 30,00. Sveinn Jóns-