Vera - 01.12.1994, Blaðsíða 10

]
Ungu sjálfstæðisstelpurnar hafa blásið í
lúðra og þann 22. okt. sl. boöuðu þær til
ráðstefnu á Hótel Borg undir yfirskriftinni:
Kvennapólitík til hægri. Framtaki þeirra ber
að fagna, þvf það er löngu tímabært að gera
skurk innan Sjálfstæðisflokksins hvað þetta
varðar.
Er leið á ráðstefnuna kom í Ijós að
„kvennapólitík til hægri“ á að vera einhvers
konar mótvægi við „kvennapólitík til vinstri",
þ.e. hún skilgreinist í raun sem formælingar í
garö „hefðbundinnar" kvennabaráttu sem þær
segja vinstrisinnaða. Vinstri flokkarnir hafa
óprúttnir rænt þessum málaflokki og öllum
þeim atkvæðum sem honum fylgja. í raun
ættu öll þessi atkvæði heima í Sjálfstæðis-
flokknum, því hann byggir á frelsi og sjálfstæði
einstaklinga, þ.e. allir em jafnir.
Þó að Kvennalistinn sé ekki
flokkur og ekki til vinstri, var það
helst hann sem varö fyrir ásökun-
um, um aö beita vopnum sem fyrir
löngu væru hætt aö bíta, um að
skreyta sig merkingarlausum orðum
og frösum en engin tilraun gerð til
að ná fram auknu jafnrétti karla og
kvenna í raun. Ungu sjálfstæðisstelpurnar
hafa nú seilst inn í vopnabúr Kvennalistans
og sest við hverfi-
steininn. Þær beita
nýbrýndum vopnum
gegn eigin kynsystr-
um. Sannast hiö
margsagöa, konur
eru konum verstar.
Fram kom að
vegna þess hve umræöan um kvennapólitík
er „vinstrisinnuö" hafa sjálfstæðisstelpurn-
ar ekki getað tekið þátt í henni, þó aö það
læðist aö manni grunur um aö eitthvað ann-
aö hafi haldið aftur af þeim. Þær ætla að
finna upp á nýrri kvennapólitík, því þessi
vinstrisinnaða er verri en engin, segja þær.
í raun ætla þær ekki að berjast fyrir jafn-
rétti eða kvenfrelsi heldur að auknu sjálf-
stæði kvenna, því konan er einstaklingur en
ekki hluti af einhverri heild. „Okkur hefur
fundist kvennabaráttan hafi verið spiluö á
þeim nótum að konur séu kúgaður hópur og
í Ijósi þeirra forsendna sé gengiö út frá því
aö þaö þurfi að ýta undir konur og hjálpa
þeim. í því skyni er gripiö til leiða eins og já-
kvæörar mismununar, þar sem gert er upp
á milli kynja, konum í hag." Þær hafna þess-
ari hóphyggju sem þeim finnst hafa staðiö í
vegi fyrir auknu jafnrétti, í raun búið til þá
mismunun sem ríkir milli kynja. Þær vilja
afsanna „þjóðsöguna" um að konan sé fórn-
arlamb, sem þærtelja að hafi mjög neikvæð
áhrif á sjálfsímynd kvenna. Meö þessa
sjálfsímynd geta þær ekki tekið þátt í sam-
keppninni eins og allir aðrir. Þær viðurkenna
þó að það geti skapað neikvæða sjálfs-
ímynd að búa ekki viö sömu kjör og karlar,
að fá verri laun, aö hafa minni líkur á stööu-
hækkun, aö eiga svolítiö erfiðara með að
komast að heiman o.s.frv., en konan er
samt sem áöur sjálfstæður og frjáls ein-
staklingur, en ekki hluti af kúguöum minni-
kvenna
/
hlutahópi sem beittur er misrétti.
Vinstrisinnuð kvennapólitík hefur dregið úr
jafnrétti, með því aö stimpla konuna, með
því að vekja athygli á hvernig komiö væri fyr-
ir konum. En hefði kannski betur þagað yfir
því svo konan sem einstaklingur fengi að
halda sinni reisn.
Sjálfstæðisflokkurinn vill hneppa kúgað-
ar konur úr viðjum vinstrisinnaðra, sem ein-
ungis búa til mismunun með eilífu nöldri um
að konur búi ekki við sama rétt og karlar,
sem leiðir einungis til „neikvæðra áhrifa á
sjálfsímynd kvenna og standa í vegi fyrir
frama þeirra og sjálfstæði".
En þó að Sjálfstæðisflokkurinn hafi tekið
þátt í næstum öllum ríkisstjórnum frá stofn-
un lýðveldis og haft þar af leiðandi tækifæri
til að stuöla að frelsi og sjálfstæði allra ein-
staklinga, eru ungar sjálfstæöar stelpur
saman komnar -1 einn hóp - til að vinna að
auknu jafnrétti. Margar tillögur þeirra eru
mjög vinstrisinnaðar, eins ogt.d. að draga úr
launamisrétti, auka ábyrgð karla á heimilinu,
lengja fæðingarorlof til þess að karlargeti þá
tekiö helming þess og síðast en ekki síst að
breyta vitund þjóðarinnar og margt fleira sem
allir vinstrisinnaðir og Kvennalistakonur
kannast við.
Hægrisinnaöar tillögur komu
ekki fram á þessari ráðstefnu, en
hinar ungu og ákveðnu sjálfstæðis-
stelpur eiga eflaust eftir að kynna
þær sfðar meir. Það verður spenn-
andi aö fýlgjast með og fagnaöar-
efni að fleiri hafi bæst við í barátt-
unni, sem án efa mun auka
líkurnar á árangri. Vera býður þær velkomn-
ar í hópinn.
Þó að ráðstefna hópsins hafi verið auglýst í
sjónvarpi og þar sagt að allir væru velkomnir,
kom þó I Ijós er blaöamaöur Veru birtist á
Hótel Borg, að ráðstefnan væri eingöngu
ætluð flokksbundnum. Blaöamanni flaug
svona ósjálfrátt í hug aö þessar stelpur væru
í raun að mótmæla stööu kvenna innan Sjálf-
stæðisflokksins en ekki þjóðfélagsins í heild
eða hvemig leist þeim á úrslit prófkjaranna?
Ásdís Halla Bragadóttir, forsvarsmaður hóps-
ins, svaraði því svo til að fjölmiðlar hefðu ein-
blínt á úrslit í Reykjaneskjördæmi þar sem
Salóme var hafnað. En í raun hefðu konur kom-
ið vel út í öðrum prófkjörum, t.d. í Reykjavík og
á Austurlandi. Á þingi fjölgi konum úr flórum í
sex, ef Sjálfstæðisflokkurinn haldi sömu
þingmannatölu, 29.
Kolfinna Baldvinsdóttir
l.v. Asdis Halla llragadiittir, Inga Dóra Sigfusdóttir, Hildur Jónsdóttir, SigríSur Diína Kristvnmdsdóttir og Elsa li. Valsdóttir■