Ljósmæðrablaðið - 15.06.2005, Page 10
Greinarhöfundur og lítil eskimóastelpa sem er á leiö heim í þorpiö sitt eftir vel heppnaða
fœðingu.
eru nokkuð góðar og líklega betri en ég
hafði ímyndað mér. Á sjálfu sjúkrahús-
inu eru til að mynda þrjár stöður lækna
og fjórar stöður hjúkrunarfræðinga.
Síðustu ár hefur gengið ágætlega að
manna þessar stöður. Aðstaða fyrir
keisarafæðingar er góð, ágætlega útbú-
in skurðstofa og vel menntað starfsfólk.
Fyrir nokkrum árum fæddist t.d. 28
vikna gamalt barn í Tasiilaq sem tókst
að halda á lífi í CPAP vél og flytja í
sjúkraflugi til Islands. Móðir þessarar
stúlku var aftur barnshafandi núna og
sagði mér sögu sína um reynslu sína af
verunni á vökudeildinni, en litlu
stúlkunni heilsast vel í dag.
Almennur vinnudagur á sjúkrahús-
inu hófst með morgunfundi þar sem all-
ir starfsmenn sjúkrahússins hittust og
fóru yfir innlagða sjúklinga. Ég fékk
því góða innsýn inn í heilsufar bæjar-
búa. Á þessum fundum voru ýmsar
mýtur um heilsufar og lifnaðarhætti
Grænlendinga því miður staðfestar. Að-
stæður fólks í þessu næsta nágrannaríki
okkar Islendinga eru satt best að segja
oft á tíðum afar dapurlegar. Margar inn-
lagnir eru vegna heimilisofbeldis eða
drykkjuvandamála og berklafaraldur
skaut upp kollinum á þessum stutta
tíma þegar ég var þarna. Að sama skapi
voru vandamál kvennanna i mæðra-
vernd oft tengd heimilisofbeldi og
drykkju, kynsjúkdómar voru algengir
og ýmis knýjandi félagsleg vandamál.
Sjúkrahús og tækni
var það heiilin...
Ungbarnadauði er oft notaður sem
breyta til að lýsa heilbrigðisástandi í
samfélagi. Hann liggur u.þ.b. í kringum
15-25/1000 fyrir Grænland (hæstur í
austur-Grænlandi) og í samanburði við
ísland er þessi tala 2,5/1000. Græn-
lenskar konur fæða 2,6 böm að meðal-
tali. I einangruðum bæjum á austur
Grænlandi fæða konur 4,9 börn að
meðaltali. Á Grænlandi endar 45% af
þungunum með fóstureyðingum2-
Vegna hins háa barnadauða í Grænlandi
hafa heilbrigðisyfirvöld lagt áherslu á
að einungis algjörlega eðlilegar fæðing-
ar „megi“ eiga sér stað á stöðum sem
ekki hafa fæðingarlækna, ljósmæður og
svæfingalækna á sólarhringsvöktum,
en í Grænlandi er Nuuk eini staðurinn
sem býður upp á þessa þjónustu. Að
Skemmtileg iðja. Faðir og dóttir dunda sér á hundasleða á sólríkum sunnudegi. Heima við eru hundarnir síðan bundnir við húsin og spangóla
i nœturkyrrðinni í dansandi norðurljósum.
10 Ljósmæðrablaðið júní 2005