Morgunblaðið - 15.10.2012, Síða 13

FRÉTTIR 13Innlent
MORGUNBLAÐIÐ MÁNUDAGUR 15. OKTÓBER 2012
25% AFMÆLISAFSLÁ
TTUR
15., 16. og 17. okt. - O
pið til kl. 20 þessa þrjá
daga.
HLÖKKUM TIL AÐ SJÁ ÞIG!
Suðurlandsbraut 50 (Bláu húsin við Faxafen) ◊ 108 Reykjavík ◊ Sími 588 4499 ◊ mostc.is ◊ Möst.C
Opið alla virka daga 12-18 og laugardaga frá 11-16
Tískuvöruverslun fyrir konur á öllum aldri
SVIÐSLJÓS
Guðni Einarsson
gudni@mbl.is
„Ég fékk ekki tannpínu, ég fékk
brjóstakrabbamein,“ sagði kona á
miðjum aldri sem býr á höfuðborg-
arsvæðinu. Henni líður illa yfir því
að hafa ekki fengið tíma í eftirliti á
Landspítalanum í sumar og haust.
Konan fékk síðast tíma í janúar og
átti von á að fara aftur í skoðun um
mitt árið. Hún var ekki enn búin að
fá tíma í seinni skoðun ársins í gær.
Þá er hún búin að bíða í hálft ann-
að ár eftir uppbyggingu nýs brjósts
og bólar ekkert á aðgerðinni. Kon-
an sagði Morgunblaðinu sögu sína
en óskaði eftir nafnleynd.
„Ég fékk brjóstakrabbamein og
er að nálgast fjórða árið frá því ég
var greind í nóvember 2008. Það er
oft talað um fimm ár sem maður er
í sérstöku eftirliti. Ég vil láta skoða
mig og vera undir eftirliti,“ sagði
konan. „Ég fékk aldrei tíma í maí
og ekki í júní en mér var sagt að ég
myndi fá bréf. Í júlí fór ég að
hringja á Landspítalann og ganga
eftir því hvort ég fengi ekki tíma.
Þá var mér sagt að ég væri dottin
út af listanum. Ég varð mjög hissa
og spurði hvernig það gæti gerst.“
Bíður enn eftir skoðuninni
Konan kvaðst hafa haft samband
við spítalann í ágúst án þess að fá
tíma og svo hafði hún samband aft-
ur nú nýlega. „Þá er mér sagt að
ég sé á lista en það sé búið að
fækka svo starfsfólki, læknar hafi
farið og ástandið sé svona. Sú sem
ég talaði við sagði að því miður
gæti hún ekki látið mig fá tíma. Ég
sagði stúlkunni að ég væri mjög
ósátt við þetta og reið. Þá sagði
stúlkan að hún skildi mig mjög vel.
Nú er kominn miður október og ég
er enn á listanum,“ sagði konan.
Hún sagði að þetta væri ekki eins-
dæmi.
„Móðir mín er líka búin að fá
krabbamein. Við höfum alltaf verið
á svipuðum tíma í skoðunum. Hún
var farin að undrast það í vor að
vera ekki búin að fá bréf með boð-
un í skoðun. Ég sagði henni frá því
hvernig mér hefði gengið að fá
tíma. Hún hafði strax samband við
spítalann og var svo heppin að fá
tíma. Móðir mín sagði mér frá vin-
konu sinni sem fékk krabbamein og
er líka að bíða eftir tíma í eftirliti á
krabbameinsdeildinni.“
Konan sagðist hafa beðið í hálft
annað ár eftir uppbyggingu á
brjósti eftir að hún fór í aðgerð
vegna krabbameinsins. „Það er
ekkert að gerast. Ég er búin að
fara í allar rannsóknir og undirbún-
ing fyrir þessa aðgerð sem er mitt
hjartans mál, því mig langar að
vera eins og kona. Mér finnst ég
enn vera ung og eiga rétt á með-
höndlun,“ sagði konan. Hún kvaðst
vera mjög ósátt og sagði að þetta
ástand ylli sér miklu óöryggi og
kvíða, hreinni sálarangist.
Breytt fyrirkomulag skoðana
Vilhelmína Haraldsdóttir, fram-
kvæmdastjóri lyflækningasviðs og
læknir á Landspítalanum, sagði að-
spurð að ekki væri búið að fækka
kerfisbundið skoðunum á krabba-
meinssjúklingum á spítalanum.
„Við höfum breytt fyrirkomulag-
inu þannig að við bókum ekki leng-
ur fólk í fasta tíma heldur köllum
það inn um það leyti sem það hefði
átt að koma. Það er gert til að auð-
velda skipulagið. Það fá allir sína
skoðun,“ sagði Vilhelmína. Hún
sagði föst viðmið um hve oft sjúk-
lingar sem fengið hefðu brjósta-
krabbamein kæmu í eftirlit. Hún
kvað vera vel þekkt að þegar
lengra liði frá krabbameinsmeðferð
lengdist tíminn á milli skoðana.
Eins breytti miklu hvort sjúklingur
væri enn með virkan sjúkdóm eða
hvort verið væri að fylgjast með
hvort hann væri læknaður. Þegar
engin merki væru um sjúkdóminn
væri eftirlitinu hætt. Oft væri mið-
að við fimm ár.
Vilhelmína sagði að yfir sumar-
tímann geti vel teygst úr bið eftir
skoðun. Kæmi eitthvað brátt upp á
væri tekið strax á móti sjúklingum.
„Yfir sumarið höfum við reynt að
taka nýja sjúklinga því það er ekki
fólk til afleysinga. Mér finnst samt
skrítið að sjúklingurinn skuli fá
svona svör því það er reynt að
sinna öllum hér,“ sagði Vilhelmína.
Tekið skal fram að hún vissi ekki
deili á umræddum sjúklingi.
Vilhelmína sagði að þörf væri
fyrir fleiri krabbameinslækna á
Landspítalanum. Tveir hættu fyrir
tveimur árum og kom einn í stað-
inn af þeim sem stunda lyflækn-
ingar krabbameina. Einn læknanna
sem sinna geislameðferð hefur ver-
ið í leyfi, en reynt hefur verið að
bæta það upp með því að hafa til
aðstoðar yngri lækna í framhalds-
námi.
„Þetta er hreinlega út af því að
útlærðir læknar á þessu sviði eru
ekki á hverju strái hér. Við hefðum
ráðið í staðinn fyrir þessa sem
hættu ef við hefðum haft fólk,“
sagði Vilhelmína.
Ósátt við að fá ekki eftirlit
 Kona sem fékk brjóstakrabbamein segir sér ganga illa að fá tíma í skoðun á Landspítalanum
 Framkvæmdastjóri lyflækningsviðs segir að fyrirkomulagi hafi verið breytt en allir fái skoðun
Morgunblaðið/Golli
Landspítalinn Þörf er á fleiri krabbameinslæknum á spítalanum, að sögn framkvæmdastjóra lyflækningasviðs.