Morgunblaðið - 15.10.2012, Side 16
16 FRÉTTIRViðskipti | Atvinnulíf
MORGUNBLAÐIÐ MÁNUDAGUR 15. OKTÓBER 2012
Ásgeir Ingvarsson
ai@mbl.is
Eftir langt og strangt þróunar- og
prófunarferli er tölvuský íslenska
fyrirtækisins GreenQloud
(www.greenqloud.com) komið af
beta-stigi. Fyrstu vörur fyrirtæk-
isins eru fullskapaðar og hafa alla
burði til að sigra heiminn. Tölvuský
GreenQloud var formlega opnað í
byrjun október á Demo-ráðstefn-
unni í Sílíkondal. „Við höfum fram-
kvæmt prófanir í samstarfi við
hundruð viðskiptavina, allt frá
litlum hýsingaraðilum upp í aðila
sem hýsa risastór kerfi sem þjón-
usta milljónir manna, yfir í við-
skiptavini úr kvikmynda- og lyfja-
geiranum sem þurfa að framkvæma
gríðarlega krefjandi útreikninga,“
segir Eiríkur Hrafnsson við-
skiptaþróunarstjóri og annar stofn-
enda GreenQloud.
Prófanir í rúmt ár
Í stuttu máli má lýsa starfsemi
GreenQloud þannig að fyrirtækið
býður upp á fjölbreyttar lausnir í
skýinu, s.s. hýsingu, gagnageymslu
og gagnavinnslu. Auk þess að bjóða
upp á þessa vöru á mjög öruggan,
notendavænan og aðgengilegan hátt
byggist starfsemin líka á því að lág-
marka umhverfisáhrif. „Betaprófan-
ir hafa staðið yfir frá því í júlí í
fyrra og miðað að því að bæði
tryggja stöðugleika og besta kerfið
þannig að GreenQloud sé vel í stakk
búið fyrir stórnotkun á fyrstu
tveimur vörunum: Compute Qloud
og Storage Qloud,“ útskýrir Eirík-
ur. „Vinnan er líka að skila því að
okkur tekst að brjóta blað í tölvu-
skýjabransanum og erum í senn að
bjóða umhverfisvænasta tölvuskýið
og jafnramt það ódýrasta á mark-
aðinum.“
Eiríkur segir GreenQloud geta
boðið verð sem eru á bilinu 20-40%
ódýrari en leiðtoginn á markaðinum
í dag, Amazon. Markaðurinn hefur
greinilega tekið eftir þessu og segir
Eiríkur að GreenQloud sjái í dag
30% vöxt í sölu á milli mánaða.
„Verðmunurinn skýrist einkum af
því að við höfum fundið ódýrari og
skilvirkari lausnir. Það sparar okk-
ur einnig verulegar fjárhæðir að
GreenQloud er þróað með opnum
hugbúnaði eingöngu sem þýðir að
ekki þarf að borga há leyfisgjöld.“
Raforkan stöðug og verðið líka
GreenQloud nýtir í dag íslensku
gagnaverin Verne og ThorDC en
Eiríkur segir íslenska raforkuverðið
ekki skýra nema að litlu leyti það
lága verð sem GreenQloud nær að
bjóða. „Umfangið á íslenskum
gagnaverum er enn langt frá því að
geta notið svokallaðs stóriðjutaxta á
raforku. Miðað við Evrópu er þó
raforkuverðið lágt og jafnvel helm-
ingur eða þriðjungur af verðinu sem
sést á sumum stöðum á meginland-
inu. Það sem er þó mest aðlaðandi
við að velja svona starfsemi stað á
Íslandi er bæði stöðugt framboð og
stöðugt verð á raforku.“
GreenQloud ætlar þó ekki bara
að gera út frá Íslandi og segir Erík-
ur stefnuna setta á að koma upp
bækistöðvum á erlendri grundu áð-
ur en langt um líður. „Við stefnum
að hlutafjárútboði á næsta ári og í
kjölfarið að útvíkka starfsemina.
Víða er hægt að komast í endurnýj-
anlega orku og ýmsir staðir sem
koma til greina bæði í S-Ameríku, í
Evrópu og svo á vesturströnd
Bandaríkjanna.“
Bæði grænni og mun ódýrari
Hafa þróað skilvirkar lausnir sem lækka kostnaðinn við að vinna í skýinu Langt þróunar- og próf-
unartímabil til að tryggja áreiðanleika þjónustunnar Vöntun á löggjöf til að tryggja verndun gagna
Morgunblaðið/Sigurgeir S.
Eftirspurn „Allar spár hljóða upp á ört vaxandi þörf fyrir þjónustu af þessu tagi og áætlað er að á næstu átta árum
muni gagnamagn í umferð vaxa þrjátíuogfimmfalt,“ segir Eiríkur Hrafnsson um framtíðarhorfurnar.
Fyrstu vörurnar frá GreenQloud callast Compute Qloud
og Storage Qloud. „Compute Qloud er sjálfsafgreiðslu-
kerfi sýndarvéla sem hægt er að nota t.d. til að hýsa
vefi eða vefkerfi og vinna úr gögnum. Allar spár hljóða
upp á ört vaxandi þörf fyrir þjónustu af þessu tagi og
áætlað er að á næstu átta árum muni gagnamagn í um-
ferð vaxa þrjátíuogfimmfalt. Allt þetta mikla magn
gagna kallar á mun meiri og öflugri tölvuvinnslu svo
hægt sé að vinna úr gögnunum eitthvað nýtilegt fyrir
fyrirtæki og stofnanir,“ segir Eiríkur. „Storage Qloud er
svo örugg geymsla og deiling gagna í skýinu. Þar erum
við með mjög skalanlega þjónustu og er þess stutt að
bíða að við bætum við vöru sem keppa á við Dropbox
geymslu- og deiliforritið vinsæla.“
Eiríkur segir að langur aðdragandinn skýrist einkum
af því að þjónustan verði að vera algjörlega áreiðanleg
og traust og því þörf á mjög ítarlegum prófunum. Við-
skiptavinirnir verði að geta stólað á örugga meðferð
gagna og að staðið sé við gefin loforð. Stór hluti af
vexti GreenQloud hvíli á því að byggja upp gott orðspor
og þannig laða að fleiri viðskiptavini. „Það er vegna
þessarar miklu þróunarvinnu að við getum sett á for-
síðuna hjá okkur þjónustusamning sem lofar við-
skiptavinum bótum ef þjónustan er ekki af því stigi
sem við viljum tryggja. Þetta þjónustustig er raunar
hærra, og gæðakrafan meiri en hjá flestum okkar sam-
keppnisaðilum.“
Eitt gæti styrkt samkeppnisstöðu GreenQloud enn
frekar: að Alþingi festi í lög ákvæði um öryggi gagna.
„Með slíkum lögum er ekki verið að gera Ísland að ein-
hvers konar frísvæði fyrir óæskilegt og ólöglegt efni.
Fyrst og fremst snýst slík löggjöf um að þeir sem
geyma gögnin sín hér á land geti stólað á að gögnin
njóti ákveðinnar friðhelgi. Skapa þarf lagaumgörð þar
sem hlutleysi þjónustuveitandans er verndað og engin
hætta á að erlendir dómstólar geti með óeðlilegum
hætti þvingað þjónustuveitandann til að afhenda eða
eyða gögnum sem ekki brjóta íslensk lög.“
Verða að geta staðið við gæðin
ÖRYGGI GAGNA SKIPTIR HÖFUÐMÁLI
Sjaldan hefur verið meiri þörf
fyrir græna nálgun í gagna-
málum. Eiríkur bendir á hvernig
hinn almenni tölvunotandi gerir
sér oft ekki nægilega góða
grein fyrir því hvað gagna-
geymsla og gagnavinnsla getur
verið orkufrek. „Í dag notar all-
ur tölvuskýjabransinn tvöfalt
meiri orku en sem nemur heild-
arraforkunotkun Bretlands. Ár-
ið 2007 framkallaði orkunotkun
tölvuskýja álíka mikið koldíoxíð
og allur flugvélafloti heims.
Áætlað er að mengun vegna
orkunotkunar tölvuskýsins
muni tvöfaldast á næstu átta
árum.“
Þessi mikla orkunotkun segir
Eiríkur að komi bæði til af þeirri
almennu þróun að notendur
safna meiri gögnum og þarfnast
meira krefjandi gagnavinnslu,
og einnig er lægra verð að knýja
fram aukna nýtingu á tækninni.
„Eftir því sem kostnaðurinn við
vinnslu og geymslu gagna
minnkar er fólk að finna æ fleiri
leiðir til að nota tæknina.“
Gögnin eru
orkufrek
MIKIL UMHVERFISÁHRIF
Bandarískir unnendur þýskra gæðabíla eiga
góða daga framundan en þar virðist stefna í
harkalegan slag milli BMW og Mercedes-
Benz.
Sala á Mercedes bílum tók 7% stökk í sept-
ember og jók þannig verulega forskot bíla-
framleiðandans á BMW í keppninni um að
vera vinsælasta lúxusbílamerki Bandaríkj-
anna.
Á síðasta ári átti BMW toppsætið á lúx-
usbílamarkaðinum vestanhafs, og skýrðist
það meðal annars af veiklaðri fram-
leiðslugetu Lexus og Toyota í kjölfar nátt-
úruhamfara í Asíu.
Nú hefur BMW komið með kröftugt útspil
til að ná í skottið á Mercedes-Benz og býður
kaupendum ákveðinna módela að sleppa allt
að þremur afborgunum á ári. Tilboðið nær til
allrar framleiðslulínunnar að undanskilinni
M-línunni og ákveðnum bílum í 3-línunni.
Fyrr í sumar var BMW með vegleg afslátt-
artilboð í gangi og náði að minnka sölu-
forskot Mercedes niður í aðeins 104 bíla. Að
því er Bloomberg fréttaveitan greinir frá
seldi BMW á siðasta ári 2.715 fleiri lúxus-
bifreiðir en Benz.
ai@mbl.is
Benz og BMW berjast
um Bandaríkjamarkað
Morgunblaðið/Styrmir Kári
Drossía Hefð er fyrir því í Bandaríkjunum að
harka færist í slaginn milli lúxusbílaframleið-
enda þegar líða tekur á árið.
Von á flóði freistandi til-
boða síðustu mánuði ársins
Dómsmál er nú farið af stað vegna byggingarinnar sem er nærri
fullkláruð á reitnum þar sem Tvíburaturnarnir stóðu í New York.
Það er Samgöngustofnun New York (e. Port Authority) sem kærir
kanadísku stálsmiðjuna ADF Steel Corp. fyrir að afhenda ekki
málmspíruna sem á að prýða topp turnsins sem stundum er kall-
aður Frelsisturninn.
Er kanadíska fyrirtækið sakað um að halda smíði turnsins „í
gíslingu“ með því að neita að afhenda mastrið. ADF vill ekki láta
mastrið af hendi fyrr en þeim hefur borist greiðsla að upphæð sex
milljónir bandaríkjadala vegna annars verkefnis.
Mastrið er yfir 400 fet (122 metrar) á hæð og mun gera bygg-
inguna þá hæstu á vesturhveli jarðar. Bloomberg fréttaveitan hef-
ur það eftir gögnum dómsmálsins að með því að ljúka byggingunni
og skipa henni sess sem hæsti turn álfunnar verði til sterk tákn-
mynd bata og uppbyggingar eftir hrun Tvíburaturnanna 11. sept-
ember 2001.
ADF á að hafa lofað að ekki yrði töf á afhendingu mastursins
þrátt fyrir deilur um uppgjör vegna fyrri verkefna. Port Authority
segir að um 100 málmiðnaðarmenn geti misst vinnuna fyrr en ella
ef þeir hafa ekkert mastur til að koma fyrir á toppi bygging-
arinnar. Mastrið kostar 10 milljónir dala. ai@mbl.is
Deilt um loftnetið á
World Trade Center
Kanadískur framleiðandi heldur
turninum „í gíslingu“ á lokastigum
AFP
Spíra Turninn gnæfir
yfir borgina og vantar
bara herslumuninn, og
svo auðvitað loftnetið.