Morgunblaðið - 15.10.2012, Side 32
32 DÆGRADVÖL
MORGUNBLAÐIÐ MÁNUDAGUR 15. OKTÓBER 2012
Stjörnuspá
21. mars - 19. apríl
Hrútur Hlauptu í átt að tækifærunum,
tilbúin/n til að taka ákvörðun. Talaðu við
aðra og reyndu að njóta lífsins til fulls.
20. apríl - 20. maí
Naut Samstarfsmaður þinn er með ónot í
þinn garð svo best væri að ganga hreint til
verks og spyrja hvað búi að baki. Ekki fara
ófögrum orðum um náungann.
21. maí - 20. júní
Tvíburar Hafðu augun hjá þér því einhvers-
staðar eru í gangi gróusögur um þig og
þína. Taktu uppeldið föstum tökum.
21. júní - 22. júlí
Krabbi Þið skuluð ekki láta aðra marka ykk-
ur völl án þess að hafa eitthvað um það að
segja. Reyndu að sýna þolinmæði og gott
fordæmi. Stjörnurnar eru þér hagstæðar.
23. júlí - 22. ágúst
Ljón Það lítur út fyrir að samband, sem
hefur skipt þig miklu máli, sé að rofna. Þú
hefur tangarhald á makanum. Láttu þér í
léttu rúmi liggja þó allt sé á rúi og stúi
heima.
23. ágúst - 22. sept.
Meyja Þú hefur þurft að láta í minni pokann
og sleppa hendinni af ýmsu. Af hverju ekki
að gera við það sem er bilað? Lífið fer mjúk-
um höndum um þig næstu mánuði.
23. sept. - 22. okt.
Vog Nú er komið að því að þú kastir þér út í
sviðsljósið. Breyttu svo máli þínu svo allir
geti séð hvert þú ert að fara. Það sýður upp
úr í sambandi.
23. okt. - 21. nóv.
Sporðdreki Þér finnst alltaf skemmtilegra
að eiga fyrir því sem þú kaupir þér, en í dag
freistast þú til að breyta út af þeirri venju.
Láttu það þó ekki eyðileggja fyrir þér dag-
inn.
22. nóv. - 21. des.
Bogmaður Þú ættir að fara eftir eðlisávísun
þinni í máli, sem hátt rís á vinnustað þínum.
Gleðstu yfir því smáa í lífinu. Gerðu verð-
samanburð áður en þú kaupir eitthvað.
22. des. - 19. janúar
Steingeit Einhver getur gefið þér góð ráð
varðandi framtíð þína. Prófaðu að fara í sjó-
sund. Þú gætir orðið háð/ur því.
20. jan. - 18. febr.
Vatnsberi Þú ert næm/ur fyrir börnum í
dag. Gættu þess bara að tala ekki of mikið
og sýndu öðrum tillitssemi og skilning.
19. feb. - 20. mars
Fiskar Ekki láta átök halda áfram – þau er
létt að leysa. Þér líður best í rólegheitum
heima hjá þér. Hafðu ekki áhyggjur af morg-
undeginum. Hann sér um sig.
Karlinn á Laugaveginum heils-aði ekki, þegar ég hitti hann,
en kom beint að efninu:
Ég heyri það að fleiri og fleiri
og fleiri taka smálán
– það gerist varla verri og meiri
vinstri-stjórnar áþján.
Fleyg urðu þau ummæli séra
Árna Þórarinssonar að Háskóli Ís-
lands stæði í sveitum landsins.
Þessa hugsun má skilja með marg-
víslegum hætti. Mér finnst nærtæk-
ast að benda á, að ummælin vísi til
þess að bændamenningin hafi
blómstrað og þroskast við þær
hræringar sem hér urðu um alda-
mótin 1900 þegar þéttbýli tók að
myndast og vélbáta- og togaraút-
gerð hófst. Það unga fólk, sem
hleypti heimdraganum, var furðu
vel undir lífsbaráttuna búið. Sama
hugsun kemur fram í vísu Vestur-
Íslendingsins Sigurðar Júlíusar Jó-
hannessonar. Hann fór til Vestur-
heims 1899 og lauk læknaprófi í
Chicago 1907:
Lærdóm mestan, lífsins besta skóla
heima þjóðin á sér æ
inni í góðum sveitabæ. : .
Það er fróðlegt að blaða í Huld,
safni alþýðlegra fræða íslenzkra.
Þorvaldur Rögnvaldsson (um 1600-
1690) bjó á Sauðanesi. Eitt sinn tók
snjóflóð alla sauði hans, og bát hans
spýtti á sjó út fyrir veðri. Kona hans
bar sig mjög illa og þá kvað hann:
Mas er að hafa mammons grát
þó miðlist nokkuð af auði,
nú skal efna í annan bát
og ala upp nýja sauði.
Sigurður Ingimundarson fór til
Englands á haustum en kom jafnan
út til Íslands á vorin vestur í Rifi.
Vorið 1666 flutti hann Brynjólfi
biskupi fregnina um lát Halldórs
sonar hans í Járnmóðu á Englandi.
Hann orti:
Út er runnin æskan blíð,
ellin gerir mig þungan,
aftur kemur kærri tíð,
Kristur gerir um ungan.
Og um 1680 hafði maður dáið í
Saurbæ eða á Kalastöðum, sá er
vakandi hafði sjaldan ókveðandi
verið, en á líkbörunum hafði hann
þetta erindi hátt kveðið:
Sefur hind á heiði, stungin svefnþorn.
Skal hún ekki vakna vilja, veiga norn?
Steinunn Finnsdóttir, á Höfn í
Melasveit, enn á lífi 1710, orti:
Við norðanveðri í Höfn er hnýtt,
hvirflar hann upp úr sænum,
kerlingunum kemur það lítt,
þær kreppa sig inni í bænum..
Halldór Blöndal
halldorblondal@simnet.is
Vísnahorn
Mas er að hafa
mammons grát
eftir Jim Unger
„ÉG LEYFI HONUM YFIRLEITT AÐ BORGA,
ÞAÐ ER SVONA MÍN LEIÐ TIL AÐ SÝNA
HONUM VIRÐINGU OG KURTEISI.“
HermannÍ klípu
„OG HÉR ER SJÓÐHEITT MEÐMÆLA-
BRÉF, EINS OG ÉG LOFAÐI ÞÉR.“
eftir Mike Baldwin
Ferdinand
Hrólfur hræðilegi
Grettir
... þegar hann
lætur sjálfstjórnina
lönd og leið.
ÉG ER ENGI-
SPRETTUPLÁGA,
FORÐAÐU ÞÉR!
HEIMSENDIR
ER Í NÁND!
AAAAAAAAA!
ÞÚ ERT
BARA EIN!
JÁ, EN ÉG
ER ROSA
GÓÐ!
ÓTTALEGA
ER ÞETTA
LJÓTUR RAKKI!
ÉG ER VISS UM
AÐ HANN ER MEÐ
FLÆR!
EKKI MIKIÐ
LENGUR ...
... VIÐ KENNDUM
ÞEIM AÐ
STÖKKVA.
Víkverji er frekar lofthræddur.Hann svimar þegar hann þarf
að standa uppi á stól og reynir mest-
anpart að halda sig á jafnsléttu.
Honum blöskraði því uppátæki
Austurríkismannsins Felix Baumg-
artners, sem stökk úr rúmlega 39
km hæð í fallhlíf í gær og setti þar
með heimsmet. „Baumgartner lend-
ir eftir metstökk öruggur á jörð-
inni,“ stóð í fyrirsögn erlends miðils
um stökkið. Víkverji vissi að stökkið
var hátt, en hafði ekki áttað sig á að
Baumgartner hefði getað farið fram
hjá jörðinni með einhverjum hætti
og lent einhvers staðar annars stað-
ar, kannski tunglinu, nú eða Mars
eða Venusi. Baumgartner fór upp í
loftbelg og mun þegar hann sat og
bjóst til að stökkva hafa sagt: „Þetta
er mjög, mjög hátt.“ Víkverji áttar
sig á því að erfitt er að setja saman
ódauðleg ummæli þegar mikið ligg-
ur við, en þessi tilþrif eru ekki bein-
línis stórbrotin.
x x x
Því er þó ekki að neita að stökkv-arinn hafði rétt fyrir sér. Hann
var mjög, mjög hátt uppi og nokkuð
vel af sér vikið að komast niður heill
á húfi því að stökkið var stór-
hættulegt. Lykilatriði var að hann
missti ekki stjórn á sér í stökkinu því
þá hefði hann getað kastast til og
misst meðvitund. Hann var í sér-
stökum loftþrýstingsbúningi, ekki
ósvipuðum geimbúningi, og hefði
komið gat á hann í þessari miklu
hæð og þrýstingurinn fallið hefði
blóðið í ofurhuganum getað farið að
sjóða. Þá fór kuldinn á leiðinni til
jarðar niður í 68 gráðu frost, sem
einnig hefði getað komið honum í
koll, þannig að ekki hefur þetta verið
mikil sæluför, sérstaklega ekki þar
sem eitthvað brást í öndunarbúnaði
stökkvarans þannig að þegar hann
andaði frá sér kom móða innan á
hjálminn hjá honum.
x x x
Baumgartner var ekki að stökkva ífyrsta skipti. Hann hefur vakið
athygli með því að stökkva ofan af
Petronas-turnunum í Kuala Lumpur
og styttunni af frelsaranum í Ríó de
Janeiro í Brasilíu. Hann æfði sig í
fimm ár fyrir stökkið í gær.
víkverji@mbl.is
Víkverji
Guð vonarinnar fylli yður öllum fögn-
uði og friði í trúnni svo að þér séuð
auðug að voninni í krafti heilags
anda. (Rómverjabréfið 15:13)
Spriklandi fiskbúð
Veitingastaður / verslun
Nethylur 2 • 110 Reykjavík • Sími: 587 2882 • galleryfiskur.is