Dagblaðið Vísir - DV - 19.06.2008, Page 4
fimmtudagur 19. júní 20084 Fréttir DV
InnlendarFréttIr
ritstjorn@dv.is
Unglingar í forn-
leifauppgreftri
Á næstu mánuðum fá súð-
vískir vinnuskólakrakkar að
kynnast fornleifauppgreftri.
Fimmtán krakkar eru í vinnu-
skóla Súðavíkur og verður farið
með þá til Vatnsfjarðar í Ísafjarð-
ardjúpi til að aðstoða fornleifa-
fræðinga við sín störf. Í ferðinni
fá krakkarnir að kynnast starf-
seminni, þeim verður sýnt hvað
verið sé að gera og hvers konar
gripir hafi fundist þar. Áætlað er
að eftir daginn verði þeim boðið
upp á pylsur og sundferð. Því
verður þetta skemmtun, fræðsla
og vinna á sama degi.
Kreppa í
Reykjavík
Á síðasta fundi borgar-
stjórnar áætlaði Ólafur F.
Magnússon, borgarstjóri
Reykjavíkur, að mikil um-
skipti í ytra efnahagsum-
hverfi borgarinnar verði
til þess að Reykjavík verði
af hálfum milljarði króna í
skatttekjur. Þá segir hann
jafnframt að verðbólga
mælist nú margföld á við
forsendur fjárhagsáætlunar
ársins sem hann vill meina
að fjárheimildir sviðanna
innan borgarinnar muni
hrökkva fyrir mun minni að-
fangakaupum en áætlað var.
Nýtt bjálkahús
Nýtt bjálkahús rís við golfvöll-
inn og fótboltavöllinn á Skelja-
víkurgrundum við Hólmavík. Er
húsinu ætlað að vera aðstöðu-
hús fyrir golfið og fótboltann, þar
verður salernis- og kaffiaðstaða
og batnar öll aðstaðan á völlun-
um við þetta.
Stefnt er að því að húsið verði
tilbúið fyrir Hamingjudaga sem
verða í lok mánaðarins. Ef það
tekst ekki í ár verður það allavega
tilbúið fyrir Hamingjudaga á
næsta ári.
Gervihnöttur
á tjaldsvæði
Hollendingar sem dvöldu
á tjaldsvæði við Tálkna-
fjörð höfðu vaðið fyrir neð-
an sig vegna Evrópumóts
í knattspyrnu en þeir tóku
gervihnattadisk með sér svo
þeir gætu fylgst með hinum
sigursælu Hollendingum á
Evrópumótinu. Samkvæmt
fréttavef Tálknafjarðar nutu
Hollendingar þess að horfa
á sigurleik þjóðar sinnar í
gær þegar landsliðið sigr-
aði Rúmena með tveimur
mörkum. Hollenska parið
ætlar að dvelja hér á landi í
allt sumar en landar þeirra,
annað par, hyggjast hjóla
um landið.
„Það mætti halda að þetta sé orð-
ið persónuleg herferð hjá innheimtu-
stjóra STEF,“ segir Ólafur Thorodd-
sen hæstaréttalögmaður, en hann er
lögmaður veitingahússins Þjóðhild-
ar 2 ehf. sem flestir þekkja sem Gull-
hamra. Veitingahúsið hefur stefnt
STEF, sambandi tónskálda og eigenda
flutningsréttar, vegna einkennilegra
vinnubragða við rukkun stefgjalda.
„Þeir geta ekki farið í fýlu eins og smá-
strákar vegna andmæla á reikning-
um,“ segir Ólafur.
Málið hófst fyrir tveimur árum þeg-
ar STEF sendi veitingahúsinu Gull-
hömrum reikninga, sem í kjölfarið
var andmælt af forsvarsmönnum fyr-
irtækisins. Því dró STEF reikningana
til baka, en sendi síðan aðra hærri
reikninga nokkru síðar. Sama mál
kom aftur upp í apríl þegar STEF
sendi þeim reikninga fyrir árið 2007.
„Þeim er óheimilt að afturkalla út-
gefna reikninga,“ segir Ólafur og seg-
ir að það sé ekki leyfilegt að hækka
reikninga eins og þeim þóknast. Ól-
afur nefnir að þeir séu ekki þeir einu
sem hafa lent í þessu. „Þetta snýst
ekki um peninga heldur hvort þeir
geti gert allt eftir sínu höfði. Okkur
finnst þetta ekki rétt vinnubrögð og
því fórum við út í þetta mál,“ segir Ól-
afur. Þungamiðjan í málinu er hvort
STEF geti sent reikninga á fyrirtæki og
dregið þá til baka og sent aðra hærri
reikninga aftur.
Lögmaður STEF, Ragnar Tómas
Árnason, er farinn í sumarfrí og ekki
fengust svör vegna málsins þegar eft-
ir því var leitað hjá STEF í gær. Málið
verður tekið fyrir á morgun. Það hefst
með frávísunarkröfu STEF.
Lögmaður veitingahúss segir STEF rukka eftir eigin höfði:
Gullhamrar rukkaðir um hærri gjöld
Héraðsdómur StEf hefur verið
stefnt fyrir héraðsdóm vegna
hækkunar á rukkun til veitingastaðar.
„Ég þakka fyrir viðleitnina til að
bjarga honum. Það er til fyrirmynd-
ar að íslensk stjórnvöld reyni að
bjarga birninum og koma honum til
sinna náttúrulegu heimkynna í stað
þess að fella hann eða láta hann
verja síðustu stundum ævi sinnar í
dýragarði. Það hefðu orðið ömurleg
örlög fyrir þetta vesalings dýr. Því
miður getum við ekki lífgað það aft-
ur við og yfirvöld gera það sem þau
vilja,“ segir Bardot.
Mikill viðbúnaður
DV spurði Bardot álits á til-
raunum íslenskra stjórnvalda til að
bjarga hvítabirninum sem gekk á
land á Skaga á mánudag og örlögum
hans. Sem kunnugt er var mikill við-
búnaður í Skagafirði hjá lögreglunni
Sauðárkróki og Umhverfisstofnun
þegar hvítabjörninn gekk á land.
Leitað var aðstoðar dýragarðsins í
Kaupmannahöfn við að fanga björn-
inn. Sérfræðingur frá dýragarðinum
var sendur hingað til lands og kom
hann til landsins í fyrradag með við-
eigandi búnað til að deyfa björninn
auk búrs fyrir hann. Varðskip beið
svo átekta úti fyrir Skaga reiðubúið
að taka við birninum og flytja hann
til Austur-Grænlands, þar sem stóð
til að honum yrði sleppt.
Sérfræðingurinn komst aldrei
nógu nálægt birninum til að skjóta
deyfilyfjum í hann og þegar björn-
inn lagði leið sína í átt til sjávar var
sú ákvörðun tekin að fella hann.
Reyndist þetta vera særð og horuð
eldri birna. Samkvæmt upplýsing-
um frá Umhverfisstofnun hefði hún
líklega ekki þolað svæfingu.
Annar björninn
Í byrjun þessa mánaðar kom
annar hvítabjörn til landsins sem
einnig var felldur. Sá var mun inn-
ar á Skaga, nánar tiltekið við Þver-
árfjall. Hann var felldur einung-
is tveimur klukkustundum eftir að
fyrst sást til hans. Var hann þá tal-
inn ógna mannfólki og óttuðust lög-
reglumenn að þeir væru að missa
sjónar af honum inn í þoku sem var
á svæðinu.
Bardot fordæmdi þá ákvörð-
un þegar björninn var tekinn af
lífi í byrjun mánaðarins og talaði
um morð. „Þvílíkt hneyksli! Þetta
er smánarlegt! Þetta er örvænting!
Hvert sem vandamálið virðist vera
hefur maðurinn aðeins eina lausn
á því. Að drepa! Drepa! Drepa! Þessi
heilaga regla um að hafa öryggið í
fyrirrúmi er orðin að afsökun fyrir
því að útrýma öllu því sem er hreint
og fagurt á jörðinni. Aumingja jörð-
in er að deyja jafnt og þétt og við
með henni,“ sagði leikkonan við DV
í byrjun þessa mánaðar.
Umdeildar skoðanir
Bardot er þekkt fyrir störf sín í
skemmtanabransanum, en hún
lagði upp laupana á þeim vettvangi
að mestu á áttunda áratug síðustu
aldar. Hún markaði sér sess ásamt
Marilyn Monroe sem ein kynþokka-
fyllsta leikkona á sínum tíma. Er Bar-
dot nú forsvarsmaður dýraverndun-
arsamtakanna Foundation Brigitte
Bardot í Frakklandi.
Skoðanir hennar hafa löngum
verið umdeildar og hefur hún verið
dæmd fimm sinnum fyrir meiðyrði
í garð samfélags múslíma. Í byrjun
þessa mánaðar var hún til að mynda
dæmd til að greiða 1,8 milljónir í
skaðabætur vegna ummæla sinna
um múslíma. Þá sagði hún að þeir
væru að eyðileggja Frakkland með
því að þröngva siðum sínum upp á
franska menningu.
Brigitte Bardot, leikkona, söngkona og fyrrverandi fyrirsæta, gleðst yfir tilraun ís-
lenskra stjórnvalda til að bjarga hvítabirni sem gekk á land á Skaga á mánudag. Hún
segir óheppilegt að hann hafi verið skotinn í fyrradag. „Sem betur fer endaði hann líf
sitt frjáls en ekki í dýragarði. Það hefðu verið ömurleg örlög fyrir þetta vesalings
dýr,“ segir Bardot við DV.
Betri daUðUr
eN í dýragarði
róBert HlynUr BAldUrsson
blaðamaður skrifar: roberthb@dv.is
„Því miður getum við ekki
lífgað það aftur við og yfir-
völd gera það sem þau vilja.“
Þakklát fyrir viðleitnina
Brigitte Bardot segir óheppilegt
hvernig máli hvítabjarnarins á
Skaga lyktaði.