Neytendablaðið - 01.11.2009, Blaðsíða 3
Frá leiðbeininga-
og kvörtunarfljónustunni
Gölluð vara keypt á útsölu
Nokkuð hefur borið á því að seljendur sem selja vöru á útsölu telja
sig ekki hafa sömu skyldur til úrbóta komi upp galli í vörunni eins
og ef varan hefði verið keypt fullu verði. Þetta er ekki rétt. Þó vara
sé seld á útsölu á neytandi samt rétt á úrbótum ef varan er gölluð.
Þetta gildir þó ekki ef t.d. ísskápur eða þvottavél er seld á lægra
verði vegna rispna eða dælda. Þá þýðir ekki fyrir neytandann
að koma seinna og krefjast bóta. Sé hins vegar móðurborð eða
kælielement gallað á neytandinn sama úrbótarétt og hann ætti
hefði varan verið keypt fullu verði. Það er svo seljenda að vekja
athygli á því ef sérstakar ástæður, eins og t.d. útlitsgalli, eru fyrir
lækkuðu verði.
Góð þjónusta hjá Símabæ
Maður hafði samband og vildi hrósa fyrirtækinu Símabæ í Mjódd.
Maðurinn hafði farið þangað með gamlan farsíma í viðgerð og átti
ekki orð yfir hvað hann fékk góða þjónustu og hversu hagstætt
verð var á viðgerðinni. Þá fannst manninum ástæða til að benda
fólki á að hugsanlega er hægt að gera við gamla farsíma og spara
sér þannig dágóðan skilding.
Rangar upplýsingar
í verslun
3G lykill virkar ekki
Maður nokkur keypti 3G lykil við tölvuna sína í þeim
tilgangi að komast á netið uppi í sveit. Seljandinn lofaði því
að lykillinn mundi virka á viðkomandi svæði en þegar á
reyndi kom í ljós að hann virkaði ekki og neytandinn komst
því ekki á netið. Í ljósi þess að hann fékk rangar upplýsingar
um notkunarmöguleika vörunnar ákvað hann að skila henni.
Seljandinn neitaði hins vegar að taka lykilinn til baka þar
sem umbúðunum hefði verið hent. Maðurinn leitaði þá til
leiðbeininga- og kvörtunarþjónustu Neytendasamtakanna og
eftir að starfsmaður þar skarst í leikinn féllst seljandi strax á
að endurgreiða lykilinn. Málið leystist því fljótt og vel. Vert er
þó að minna seljendur á að þegar um er að ræða gallaða vöru
(galli getur t.a.m. falist í því að rangar upplýsingar eru gefnar)
á neytandi úrbótarétt óháð því hvort varan er í upprunalegum
umbúðum eður ei.
Góð þjónusta hjá Íslofti
Félagsmaður hafði samband og vildi hrósa fyrirtækinu Íslofti blikk-
og stálsmiðju ehf. Þau hjónin voru að klára að setja upp nýtt eldhús
og áttu einungis eftir að setja upp vaskinn. Fyrst þurfti þó að bora
lítið gat á hann. Hjónin þræddu blikk- og stálsmiðjur uppi á Höfða
en enginn vildi taka verkið að sér með svo stuttum fyrirvara. Á
einum stað höfðu hjónin á tilfinningunni að þau væru að stöðva
billiardleik og á öðrum stöðum var þeim sagt að panta tíma daginn
eftir. Orðin úrkula vonar knúðu hjónin dyra hjá Íslofti en þá var
klukkan orðin fimm og starfsmenn á leið heim. Þar var hins vegar
tekið vel á móti fólkinu, hola var boruð á vaskinn án mikillar
fyrirhafnar og ekki þótti taka því að rukka fyrir viðvikið. Hjónin
áttu ekki orð yfir þessa góðu þjónustu og vildu koma á framfæri
þakklæti til starfsmanna Íslofts blikk- og stálsmiðju.
Neytendur eiga sama rétt til úrbóta ef vara er gölluð hvort sem hún er keypt á
útsölu eða ekki.
NEYTENDABLA‹I‹ 4. TBL. 2009