Neytendablaðið - 01.11.2009, Blaðsíða 8
Markmið Neytendasamtakanna
Markmið samtakanna er að gæta hagsmuna neytenda í þjóðfélaginu
og er það gert með margvíslegum hætti.
• Þjónusta
Stærsti þáttur starfseminnar er rekstur leiðbeininga- og
kvörtunarþjónustu. Samtökin fá fjölda fyrirspurna og ábendinga
á degi hverjum og starfsmenn leiðbeina neytendum um lagalegan
rétt þeirra eða hafa milligöngu um að leysa úr málum reynist það
nauðsynlegt.
• Hagsmunagæsla
Samtökin vinna að því með öllum ráðum að bæta hag neytenda.
Það er gert m.a. með því að knýja á um úrbætur á neytendasviði,
svo sem með nýjum lögum eða með þrýstingi á framleiðendur og
seljendur. Neytendasamtökin senda umsagnir um lagafrumvörp og
reglugerðir auk þess sem fulltrúar samtakanna eiga sæti í nefndum
og ráðum um neytendamál. Samtökin nota einnig margar leiðir til
að upplýsa neytendur um rétt sinn og gæði vöru.
• Fræðsla
Á heimasíðu samtakanna má finna ýmsar gagnlegar upplýsingar
fyrir neytendur, svo sem um réttindi neytenda, einstaklingsfjármál,
sjálfbæra neyslu og matvæli, auk gæða- og verðkannana.
Félagsmönnum býðst aðgangur að rafrænu heimilisbókhaldi auk
þess sem samtökin halda námskeið í einstaklingsfjármálum. Nýjar
fréttir um það sem efst er á baugi hverju sinni í neytendamálum eru
reglulega settar inn á heimasíðuna auk þess sem samtökin gefa út
fjögur tölublöð af Neytendablaðinu á ári hverju.
Hverjir starfa hjá Neytendasamtökunum?
Í dag starfa átta manns hjá samtökunum, ýmist í fullu starfi eða
hlutastarfi.
· Jóhannes Gunnarsson er formaður Neytendasamtakanna.
· Þuríður Hjartardóttir er framkvæmdastjóri Neytendasamtakanna.
· Hildigunnur Hafsteinsdóttir er lögfræðingur samtakanna og yfir-
maður leiðbeininga- og kvörtunarþjónustunnar.
· Ingibjörg Magnúsdóttir starfar við kvörtunarþjónustuna og sér
m.a. um mál tengd raftækjum, fjarskiptum og bílum.
· Kristín H. Einarsdóttir starfar við kvörtunarþjónustuna og sér m.a.
um ferðamál og erindi sem tengjast húsgögnum og efnalaugum.
· Guðmundur Bjarni Ragnarsson laganemi er í hlutastarfi við kvört-
unarþjónustuna.
· Ásta Vigdís Bjarnadóttir starfar við móttöku og símavörslu.
· Brynhildur Pétursdóttir starfar á skrifstofu samtakanna á Akureyri
og er jafnframt ritstjóri Neytendablaðsins.
Hvað eru margir félagar í Neytendasamtökunum?
Félagsmenn eru tæplega 11.400 og hefur fækkað nokkuð á
undanförnum mánuðum. Neytendasamtökin finna alltaf fyrir því
þegar kreppir að í þjóðfélaginu enda leita fjölmargir neytendur þá
leiða til að spara og ein leiðin er að segja sig úr félögum, þar á meðal
Neytendasamtökunum. Það er hins vegar ekki hægt að kvarta undan
skilningi íslenskra neytenda á mikilvægi neytendastarfs. Þannig eru
Neytendasamtökin, ásamt hollensku neytendasamtökunum, þau
stærstu í heimi þegar miðað er við íbúafjölda.
Neytendasamtökin
vinna fyrir þig
Fyrrverandi formaður Neytendasamtakanna, Reynir Ármannsson,
komst eitt sinn þannig að orði að ekkert mannlegt væri Neytenda-
samtökunum óviðkomandi. Kannski var hér fullmikið sagt en þetta
er samt nærri lagi enda eru neytendamálin mjög víðfeðmur mála-
flokkur. Þótt Neytendasamtökin séu fjölmenn miðað við höfðatölu
háir það starfseminni hversu lítið fjármagn samtökin hafa. Því hafa
Neytendasamtökin orðið að forgangsraða verkefnum og stundum
þarf að víkja til hliðar sumum sem full ástæða hefði verið til sinna,
einfaldlega vegna þess að ekki hefur verið neinn til vinna viðkom-
andi verkefni. Margir halda að Neytendasamtökin séu opinber
stofnun eða að tekjur samtakanna komi að meginhluta frá stjórn-
völdum. Raunin er hins vegar sú að stærsti hluti teknanna kemur
frá félagsmönnum, þ.e. neytendum sjálfum, í formi félagsgjalda.
Því má segja að það séu fyrst og fremst neytendur sem ákveða
styrkleika Neytendasamtakanna. Hér á eftir verður farið nánar yfir
starfsemi Neytendasamtakanna og áherslur í starfi þeirra.
Kristín Einarsdóttir svarar fyrirspurn neytanda
NEYTENDABLA‹I‹ 4. TBL. 2009