Neytendablaðið - 01.11.2009, Blaðsíða 21
Neytendasamtökin könnuðu framboð og verð á uppþvottavélum
í nóvembermánuði sl. og náði könnunin til 14 seljenda. Í ljós
kom að úrvalið er mikið og hægt að velja á milli 153 véla sem
eru misjafnar af stærð.
Til voru 112 mismunandi vélar sem eru af hefðbundinni gerð (u.þ.b.
60 sm breiðar), en þær eru yfirleitt gefnar upp sem 12-14 manna
vélar. Sú ódýrasta kostaði 69.900 kr. en sú dýrasta 392.550 kr. Af
minni vélum (u.þ.b. 45 sm breiðar, 6-11 manna) voru til 19 mismun-
andi tegundir. Sú ódýrasta kostaði 89.900 kr. og sú dýrasta 199.900
kr. Lokst voru 4 borðvélar til en þær eru gefnar upp 5-6 manna
vélar og kostaði sú ódýrasta 59.995 kr. en sú dýrasta 199.995 kr.
Algengustu uppþvottavélarnar eru þær sem ætlað er að falla inn í
innréttingu. Allar vélarnar í tveimur fyrrnefndu flokkunum (60 sm
og 45 sm breiðar) eru til að setja inn í innréttingu en sumar þeirra
má einnig kaupa sem frístandandi.
Þess má geta að fyrr á þessu ári var gerð gæðakönnun á litlum
uppþvottavélum, svokölluðum borðvélum. Niðurstöður voru
sláandi; þær þvo illa og eru hávaðasamar. Það var því frekar mælt
með gamla góða uppþvottaburstanum fremur en að kaupa slíka vél.
Við skulum þó vona að framleiðendur hafi gert eitthvað í því að
bæta gæði þessara véla.
Hvað á hafa í huga við val á uppþvottavél:
Hve mikið tekur vélin?
Hve mikið pláss er í vélinni? Framleiðendur gefa upp hve mikið
leirtau vélin tekur miðað við fjölda einstaklinga sem borða. Stærð
vélanna er frá fjögurra manna og allt upp í 14 manna.
Innrétting vélar
Notar þú oft litla bolla eða bara stórar kaffikrúsir? Reyndu að sjá
fyrir þér hvernig það sem þú þværð upp passar í vélina. Kannski
voru í gömlu uppþvottavélinni lausnir sem þú varst ánægður með
og þú vilt að nýja vélin bjóði einnig uppá.
Stærð
Til eru þrjár mismunandi stærðir uppþvottavéla til heimilisnota.
Algengasta stærðin er 60 cm á breidd og er hægt að setja þær vélar
inn í innréttingu undir borðplötu. Einnig eru seldar vélar sem eru 45
cm breiðar og falla einnig undir borðplötuna, og litlar borðvélar.
Hávaði
Kannaðu hve mikill hávaði (í desíbelum) er í vélinni. Þetta á raunar
að koma fram í upplýsingum sem áfestar eru við vélarnar hjá
seljanda. Það getur skipt máli hversu mikinn hávaða vélin gefur frá
sér, t.d. í „opnu” eldhúsi eða ef hljóðbært er úr eldhúsinu. Hávaði í
nýrri vélum er þó minni en í þeim eldri.
Tími
Hve langan tíma tekur að þvo á því kerfi sem þú kemur til með að
nota mest? Sumar vélar eru líka með tímastilli þannig að hægt er
að ákveða hvenær vélin á að hefja þvott (t.d. að nóttu til).
Öryggi
Er vélin með útbúnað til að tryggja að vélin leki ekki? Algengasta
og viðurkenndasta kerfið hvað þetta varðar kallast Aquastop.
Einföld í notkun
Hikaðu ekki við að fá frekari upplýsingar hjá seljanda ef þú skilur
ekki leiðbeiningabæklinginn en slíkir bæklingar eru misvel unnir.
Mikið úrval til
af uppþvottavélum
Markaðs- og gæðakönnun á netinu
Markaðskönnun á uppþvottavélum má sjá í heild á ns. is en
þar má sjá hvaða tegundir fast hér á markaði, hvar þær eru
seldar og hvað þær kosta. Gæðakönnun á uppvþottavélunum
birtist einnig á heimasíðunni í desember.
1 NEYTENDABLA‹I‹ 4. TBL. 2009