Skírnir - 01.01.1963, Blaðsíða 99
Skirnir
tJr sögu skinnbóka
91
Magnússons levned og skrifter II, Kbhvn 1930, bls. 136). Þó
er ekki einskis vert að vita að mestur bluti bókarinnar kom
frá Skálholti.
f skrá sem Árni Magnússon hefur látið gera yfir nokkrar
bækur, er staðið hafa í ‘Skálholtsstaðar afhendingu til mag-
ister Þórðar Þorlákssonar 1674’ (sjá Hándskriftfortegnelser,
bls. 48—49), er nefnd sem nr. 6 Ólafs saga helga. Þar við
hefur Árni gert þessa athugasemd: ‘Þetta mun vera einhvem-
veginn misskrifað, því engin Ólafs helga saga hefur fylgt
Skálholtskirkju, svo mikið sem ég hefi áskynja orðið. Kynni
vera villt málum, og eiga að vera Ólafs Tryggvasonar sögu
fragmentum, kannske það sem er í stóm folio, og kynni þá
hafa fyllra verið, þó það sé og óvíst. Endilega kynni þeir sem
afhendinguna gjörðu, hafa litið skakkt til, og tekið qvi pro
qvo’ (þ. e. eitt fyrir anna'S).
Þar sem Árni getur um Ólafs sögu Tryggvasonar í stóm
folio, hlýtur hann að eiga við 62. Nú getur vel verið rétt að
þeir sem afhendinguna gerðu, hafi litið skakkt til og tekið
ÓlTr fyrir Ólafs sögu helga, en hitt gæti þó einnig verið, að
báðar Ólafanna sögur hafi upphaflega staðið í 62, en arkir
úr Ólafs sögu helga hafi verið komnar fremst í bókina þegar
afhendingin 1674 var gerð, en um báðar sögumar á það við,
að Árni veit ekki til að þeirra sé getið í neinu afhendingar-
registri Skálholtskirkju. Allt er þetta vafasamt, og upplýs-
ingar Árna Magnússonar þoka okkur ekki lengra áleiðis í
leitinni að uppmna þessa handrits. Þá er að leita annarra
ráða.
IV
I skinnbókum íslenzkum er víða ýmislegt krabb á spássíum
og auðum blöðum, meðal annars mannanöfn. Sumum finnst
lítil prýði að þessu klóri, en ýmsir fraéðimenn hafa þó lagt á
sig stóra augnaraun við að lesa það, því að oft er þar að fá
bendingar um feril handritanna, en það er til margra hluta
nytsamlegt, ef hægt er að komast að, hvar hvert handrit er
skrifað.
1 62 standa fáein mannanöfn á spássíum og á auðu blöð-
unum, og skal það nú talið: Ek einar (bl. 35v, frá 15. öld);