Skírnir - 01.01.1967, Side 121

Skímir
Islenzk frœði í Tjekkóslóvakiu
119
ur til viðbótar, bók Krauses um Björnson og Ibsen, rit Wal-
ters um málstreituna í Noregi, ritgerð mína um forníslenzka
greininn og sögulegt yfirlit yfir norræn mál eftir prófessor
Kaldas. Öll eru þessi verk eftir germönskufræðinga tveggja
hinna eldri kynslóða, sem iðkuðu fræði sín í tómstundum
fram undir síðustu heimsstyrjöld. Unga fólkið er betur sett
í þessum efnum. Það getur helgað sig norrænum fræðum
óskipt, annaðhvort við háskóla vora eða Vísindaakademíuna.
Og þetta unga fólk er þegar farið að gefa út rit. Radko Kejzlar
hefir skrifað bók um I.udvig Holberg og fáeinar ritgerðir um
Wergeland, Knut Hamsun og Nordahl Grieg. Josef Michl
hefir skrifað um máldeiluna í Noi'egi og um sveitasögur Björn-
sons. Helena Kadecková hefir skrifað um Þórberg Þórðarson
og um íslenzka skólann, og Ladislav Baganec frá Bratislava
vinnur að athugunum á byggingu norrænna mála.
Sumir hafa sett sér alþýðlegra mark með ritum sínum. Ur
hópi hinna eldri má nefna Gustav Pallas, sem skrifaði bók
um skáld og rithöfunda og nefndi hana Stjörnur NorSur-
landa; Oldrich Heidrich, sem samið hefir ágrip af sögu
sænskra bókmennta, og Bohuslav Mencák. Af yngri mönn-
um mætti nefna Jan Rak og fleiri, sem helga sig aðallega
þýðingum úr norrænum málum, en eru líka vel að sér í
norrænum nútímabókmenntum.
(Baldur Jónsson lektor þýddi.)