Tímarit hjúkrunarfræðinga - 01.08.2007, Blaðsíða 14
Saga dóttur sem sat hjá móður
sinni að kvöldi dags á erilsamri
sjúkradeild
Ég sat hjá móður minni eitt kvöldið eftir
að hún kom inn á deild - starfsfólkið kom
og fór og stillti takka og stjórnaði öllum
þessum tækjum. Þau tóku einhvern veginn
ekki eftir því að ég væri þarna - kannski
hafa þau haldið að ég vissi allt um þetta
- en sannleikurinn var sá að ég vissi ekkert
hvað þessi tæki gerðu. Ég var á þeim tíma
óvön sjúkrahúsum og þorði alls ekki að tefja
starfsfólkið með spurningum - ég ímyndaði
mér að ef ég tæki tíma frá þeim þá gæti
einhver dáið á næstu stofu á meðan - það
var svo mikið að gera hjá þeim.
Þarna gerði starfsfólkið vel í því að tryggja
öryggi sjúklingsins en forgangsraðaði
ekki mannlegum samskiptum sem hefðu
án efa minnkað kvíða og vanlíðan dóttur-
innar sem bar óttablandna virðingu fyrir
starfsfólkinu á deildinni.
Reynsla ungrar konu sem þurfti
að ganga í gegnum rannsóknir og
lyfjameðferð
Ég var orðin lasin og þurfti að leita til
læknis - ég fór í viðtal, þurfti að ganga
í gegnum ýmsar rannsóknir og svo var
ég sett á lyf sem mér leið ekki vel af.
Mér leið mjög einkennilega eftir þessa
reynslu það var gott að það var hægt að
rannsaka mig og ég var þakklát fyrir allt
sem stuðlað gæti að því að mér batnaði
- en ég fann fyrir sektarkennd, það var
einhvern veginn búið að fletta ofan af mér
og mínu lífi, ég þurfti að horfast í augu við
hluti sem ég hafði ekki þurft að gera áður.
Ég velti því líka fyrir mér í hvert skipti sem
ég tók inn lyfin að þau færu illa með líkam-
ann þó að þau gerðu að sjálfsögðu li'ka
sitt gagn. Ég lagðist ekki inn á sjúkrahús
heldur var heima og mig vantaði svo sár-
lega að ræða þessa skrýtnu reynslu mína
en hafði ekki tækifæri til þess þá - mann
hreinlega vantar að breitt sé yfir þessi sár
sem myndast á sálinni við það að ganga
í gegnum svona ferli.
Fram koma andstæður í reynslu sjúkling-
anna - tæknin getur á sama tíma verið góð
og slæm. Þessar andstæður voru eiginlega
rauði þráðurinn í frásögum sjúklinganna.
Þó við getum ekki tekið erfiðleika í
burtu frá fólki þá höfum við möguleika
á að koma til móts við þá, sýna þeim
hluttekningu, samkennd og skilning á
aðstæðunum og þar er stærsta verkfærið
okkar - við sjálf - samskipti við starfsfólk
er það sem fólk man eftir og tekur með
sér heim í minningunni og einnig gefur
það okkur dýrmæta reynslu og eykur á
færni okkar í samskiptum og ég vil líka
meina að það geti eflt okkur og minnkað
líkur á því að við brennum út.
Lokaorð
Hátækni er komin til að vera og enginn
vildi snúa til baka - möguleikarnir eru
endalausir. Siðferðileg umræða og gagn-
rýn hugsun á beitingu tækninnar þarf að
vera til staðar og við þurfum að forðast
að beiting tækninnar hafi neikvæð áhrif á
lífið. Aukin tækni kallar á aukinn mannafla
í hjúkrun og með því getum við stuðlað
að auknu öryggi og umhyggju
í mínum huga eru þessi tvö hugtök, tækni
og umhyggja, mjög vel samræmanleg
og við gætum líka litið á það þannig að
tæknin sé góð leið til að hafa góð sam-
skipti við sjúkling og fjölskyldu og hún
gefur okkur tvímælalaust aukin tækifæri
á umhyggjusamri meðferð.
En síðast en ekki síst þarf samfélagið að
vera tilbúið að fylgja tæknimögleikum til
enda - veita þeim sem þurfa að lifa við
tæknilega meðferð jafna möguleika og
öðrum í þjóðfélaginu og sýna þannig
umhyggju í sinni víðustu mynd.
FRÉTTAPUNKTUR
Kosin inn í Vísindafélag íslendinga
Dr. Sigríður Halldórsdóttir, prófessor í hjúkrunarfræði við Háskólann á Akureyri var
nýlega kosin inn í Vísindafélag íslendinga (Societas scientiarum Islandica) en tilgangur
félagsins er að styðja vísindalega starfsemi á íslandi og mega aðeins vera 144
félagsmenn í félaginu á hverjum tíma. Sigríður er fyrsti og eini hjúkrunarfræðingurinn
í Vísindafélagi íslendinga en hún er fyrsti prófessor í hjúkrunarfræði á íslandi.
Þetta er mikill heiður enda f félaginu fremstu vísindamenn þjóðarinnar. Tímarit
hjúkrunarfræðinga óskar Sigríði til hamingju með heiðurinn, en hún hefur hlotið bæði
innlend og erlend rannsóknarverðlaun og -styrki á ferli sínum.
i
12
Tímarit hjúkrunarfræðinga - 3. tbl. 83. árg. 2007