Tímarit hjúkrunarfræðinga - 01.08.2007, Blaðsíða 36

ÞANKASTRIK
Ingibjörg Baldursdóttir, hjúkrunarfræðingur og IBCLC-brjóstagjafarráðgjafi, miðstöð heilsuverndar barna.
ingibjorg_ba Ohotmail.com.
RÉTT VIÐHORF OG MANNLEG HLÝJA
Mikilvægi virðingar fyrir einstaklingnum og aðstæðum varðandi brjóstagjöf
Ég varð þeirrar gæfu aðnjótandi að verða mamma í fjórða sinn nú á dögunum.
Allt gekk vel, meðgangan og fæðingin gengu eins og í sögu. Þó er ég komin
yfir fertugt og margir voru búnir að vara mig við að ég væri nú ekki tuttugu
og fimm ára lengur. Það yrði nú erfitt líkamlega að ganga aftur með barn og
fara að vaka á næturnar!
Þetta reyndust þó óþarfa áhyggjur þar
sem þetta var besta og auðveldasta
meðgangan og litla Ijósið hefur sofið eins
og engill síðan hún fæddist. Það þarf
hreinlega að vekja hana til að drekka og
ég hrekk upp eftir sex tíma samfelldan
nætursvefn bara til að ýta við henni og gá
hvort sé ekki allt í lagi með hana, svona
langan svefn þekkti ég ekki hjá hinum
börnunum. Það er frekar að ég sofi ekki
heilan svefn vegna unglinganna minna ef
þau eru ekki komin heim á skikkanlegum
tíma.
Það sem mér kemur kannski mest á
óvart er það hvað börn geta verið ólík,
bæði hvað varðar svefn, skapgerð
og hvernig þau nærast. í vinnu minni
sem brjóstagjafarráðgjafi fæst ég við
vandamálin sem að oftast koma upp
varðandi brjóstagjöfina fyrstu dagana
og vikurnar. Þetta eru vandamál sem
tengjast því að barninu gengur erfiðlega
að taka brjóstið rétt og þá geta komið sár
og eymsli og einnig er oft vandi varðandi
ónóga mjólkurmyndun. Þetta hefur alltaf
gengið vel hjá mér við fyrri brjóstagjöf
eða þannig var það að minnsta kosti í
minningunni. Þess vegna kom mér svona
á óvart að þetta skyldi ekki vera alveg
eins í þetta skipti.
Fyrsti sólarhringurinn lofaði góðu, barnið
var greinilega að fá brodd og það vall
út úr henni og hún svaf eins og steinn.
Þetta leit svo vel út að ég bara dreif
mig heim kvöldið sem hún fæddist. En
þá byrjaði ballið um nóttina. Hún saug
nánast samfellt í fimm klukkutíma og mér
fannst engin mjólk koma! Alveg eðlilegur
hlutur en ég var búin að steingleyma því
að þetta gæti verið svona. Eftir allt þetta
34
Tímarit hjúkrunarfræðinga - 3. tbl. 83. árg. 2007