Dagur - 10.11.1990, Blaðsíða 2

2 - DAGUR - Laugardagur 10. nóvember 1990
Leigusamningur Skotveiðifélags
Akrahrepps um Öxnadalsheiði:
„Eins og högg fyrir
neðan bringspalir“
- segir formaður Skotveiðifélags íslands
„Þetta kemur eins og högg
undir bringspalirnar,“ segir
Sólmundur Einarsson, for-
maður Skotveiðifélags íslands,
um þann samning sem gerður
hefur verið um rjúpnaveiði á
Oxnadalsheiði þar sem Skot-
veiðifélag Akrahrepps hefur
tekið heiðina á leigu og mun
takmarka fjölda veiðimanna á
svæðið og selja veiðileyfi.
„Það hefur svo sem mátt búast
við þessu lengi en ég fagna þessu
ekki. Þarna er greinilega reitt
hátt til höggs. Mér er ekki kunn-
ugt um tilvist þessa félags í Akra-
hreppi en þetta samræmist ekki
okkar markmiðum, þ.e. að við
borgum fyrir það sem við teljum
okkur hafa rétt á. Ég heyrði í
sjónvarpsfréttum að í þessu máli
beri þetta félag fyrir sig álit Páls
Líndal og það að bera fyrir sig
álit eins lögfræðings í afmörkuðu
máli sem þessu finnst mér vera
hæpið,“ sagði Sólmundur.
Hann sagði þó það að vissu
leyti fagnaöarefni að þetta mál
komi upp því nú fáist tækifæri til
að láta á það reyna fyrir dómi
hvort skotveiðimönnum sé heim-
ilt að gagna til rjúpna á afréttum
og almenningum utan landar-
eigna eins og segi í 5. grcin laga
um fuglaveiðar og fuglafriðun.
„Það hefur komið fram í málum
af þessu tagi að afsal er ekki fuli-
gild sönnun. Sönnunarbyrðin er
ntjög mikil og þeir sem kæra veiði-
menn verða að sanna sitt mál.
Því er eina leiðin að láta á þetta
reyna," sagði Sólmundur. JÓH
Húsavík:
Auglýst eftir athafhamönnum
„Við leitum að frumkvöðli sem
hefur yfir að ráða markaðs-
Sjávarútvegsráðuneytið:
Úthafsrækju-
kvótinn aukinn
á næsta ári
Sjávarútvegsráöuneytið hefur
ákveðið að tillögu Hafrann-
sóknastofnunar að auka
úthafsrækjukvóta um sem
nemur 4000 tonnum á einu ári.
Þetta gerir 17% aukningu.
Næsta fiskveiðiár stendur sem
kunnugt er frá 1. janúar til 31.
ágúst 1991 og verður á þeim tíma
leyft að veiða 24 þúsund tonn,
sem er jafn mikill kvóti og allt
þetta ár.
Samkvæmt mælingu Hafrann-
sóknastofnunar er ástand rækju-
stofnsins almennt gott um þessar
mundir, bæði úthafsstofnsins og
rækju á grunnslóð. Einkum er
ástandið gott í ísafjarðardjúpi og
á Húnaflóa. Þá er búið að opna
Öxarfjörð aftur eftir 5 ára hlé og
rækjustofninn í Skagafirði er
greinilega í sókn. óþh
þekkingu, fjármagni og tækni
til að framkvæma eða setja í
gang slíkt verkefni,“ sagði
Asgeir Leifsson, iönráðgjafi á
Húsavík, aðspuröur um aug-
lýsingu Iðnþróunarfélags Þing-
eyinga og Atvinnumálanefnd-
ar Húsavíkur eftir athafna-
manni eða mönnum sem koma
vilja til Húsavíkur.
Um er að ræða verksmiðju sem
framleiði fyrir innanlandsmarkað
og er fjárfesting um 100 milljónir
fyrir utan húsnæði, en alls þarf
um 500m: húsnæði fyrir verk-
smiðjuna og lagerrými. Auk
skrifstofufólks þyrfti þrjá menn
til vinnu í verksmiðjunni.
Ásgeir sagði að hann væri með
fyrirliggjaitdi tilboð á vélabúnaði
fyrir slíka verksmiðju en enginn
hér á staðnum hefði viljað sinna
þessu verkefni. Þetta verkefni
væri ný starfsgrein sem menn
væru ekki tilbúnir að fást við þó
dæntið væri í raun af svipaðri
stærð og kaup á báti. Því er nú
gripið til svipaðra hugmynda og
Plant Location International
vinnur eftir, það er leit að aðila
sem tilbúinn er að fara út í slíkan
rekstur. IM
Þessa dagana stendur yflr sýningin Undraheimur IBM, eins og reyndar kom
fram í Degi sl. miðvikudag. Hér er ekki um tölvusýningu að ræða í eiginlegri
merkingu, því áhersla er lögð á það mannlega hugvit sem felst í tölvutækn-
inni og þær andlegu afurðir sem úr tölvunni koma þcgar hinn skapandi hug-
ur tekur hana í þjónustu sína. Sýningin sem er í Hekluhúsinu í Reykjavík,
hófst sl. miðvikudag og lýkur á morgun. Á myndinni er Þórir Baldursson
tónlistarmaður en hann hefur náð hvað mestum árangri íslenskra tónlistar-
manna við að nýta sér tölvuna við tónsmíðar sínar. Einnig sést í bakið á
Bjarna Hinrikssyni myndlistarmanni seni gerir myndverk á tölvu á sýning-
unni.
fréttir
Sigurður Baldursson markaðsstjóri íslcnskra getrauna er nú á fcrð um Norðurland og fundar með forsvarsmönnum
íþrótta- og ungmennafélaga, sölufólki og áhugasömum „tippurum“. Myndin var tekin á fundi í KA-heimilinu sl.
fimmtudagskvöld. Mynd: Golli
íslenskar getraunir með fundi á Norðurlandi:
Ýmsar nýjungar kynntar
íslenskar getraunir halda þessa
dagana fundi á Norðurlandi
með íþrótta- og ungmennafé-
lögum, ásamt sölufólki og öðr-
um áhugamönnum um getraun-
ir og ensku knattspyrnuna.
Fundaherferðin hófst á Húsa-
vík sl. miðvikudag og henni
lýkur á Siglufírði á mánudags-
kvöld. I dag kl. 12 verður
fundur í Hamri, félagsheimili
Þórs.
Á morgun veröur fundað í
Gagnfræðaskólanum á Sauðár-
króki kl. 15 og í Grunnskólanum
á Blönduósi kl. 20. Síðasti fund-
urinn á Norðurlandi verður í
Kiwanishúsinu á Siglufirði á
mánudagskvöld kl. 20.
Á þessum fundum eru ýmsar
nýjungar kynntar, eins og get-
raunaforrit fyrir tölvur, hvaða
möguleikar bjóðast fyrir eigend-
ur pc-tölva og eyðublöð fyrir
getraunafax, svo eitthvað sé
nefnt.
Eftir að sölukerfi getrauna fór
í gegnum Lottó-kassana fyrir
um tveimur árum, jókst salan
mikið og þá sérstaklega á lands-
byggðinni. Við þá breytingu sátu
landsbyggðarmenn við sama
borð og aðrir, hvað varðar skila-
frest á seðlunum. Síðasta ár hef-
ur hins vegar dregið úr sölu aftur
og hafa t.d. félögin á Norður-
landi dregist aftur úr. íslenskar
getraunir hafa mikinn áhuga á
því að snúa þeirri þróun við, því
eins og flestir vita, er það einnig
hagur félaganna sem eiga get-
raunanúmer að salan verði sem
mest. -KK
Heimahlynning Krabbameinsfélagsins:
Líknarmeðferð deyjandi sjúklinga
- Lilja Pormar kynnir þjónustuna á fundi á Akureyri
Heimahlynning Krabbamcins-
félags íslands veröur kynnt á
aðalfundi Krabbameinsfélags
Akureyrar og nágrennis næst-
komandi mánudagskvöld.
Lilja Þormar, deildarstjóri
Heimahlynningar, fíytur erindi
um starfsemina og eru allir
velkomnir á fundinn. Dagur
haföi samband við Lilju í gær
og var hún spurð um þetta
líknarstarf Heimahlynningar.
Lilja sagði að starfið byggðist á
hugmyndafræði svokallaðrar
hospice-hreyfingar sem átti upp-
tök sín í Bretlandi fyrir rúmum
20 árum. Þjónustan snýst um
líkn, ekki lækningu, enda sinnir
Heimahlynning sjúklingum með
ólæknandi sjúkdóma á lokastigi
og þá sérstaklega krabbameins-
sjúklingum.
„Við viljum gefa þessu fólki
kost á að dvelja eins lengi í
heimahúsi og mögulegt er. en
aðstæður geta að sjálfsögðu verið
mismunandi. Þetta reynum við
að gera kleift með því að veita
markvissa líknarmeðferð. Við
lítum á dauðann sem eðlilega
staðreynd lífsins og okkar til-
gangur er að gefa viðkomandi
skjólstæðingi kost á að lifa eins
tilgangsríku og þjáningarlausu
lífi og mögulegt er þar til yfir
lýkur. Hér er um líkn að ræða
sem felst mikið í einkennameð-
ferð og er verkjameðferð mjög
mikilvæg, enda er hægt að lina
verki og önnur einkenni í lang-
flestum tilvikum," sagði Lilja.
Hún sagði að meðferðin væri
ekki síður fjölskyldumeðferð;
andlegar, félagslegar og trúarleg-
ar þarfir væru líka hluti af þessari
heildrænu meðferð. Áherslan er
lögð á lífsgæði, í þeim skilningi
sem sjúklingurinn sjálfur leggur í
hugtakið.
„Síðan er miðað að því að
sjúklingurinn geti dáið með fullri
reisn og virðingu. Viö þrýstum
ekki á sjúklinga að vera heima og
hvetjum þá til að fara á sjúkrahús
ef aðstæður eru þannig og örygg-
ið ekki nægilegt heima fyrir, en ef
því verður við komið teljum við
æskilegt að sjúklingurinn geti
Sex umsóknir bárust um stöðu
starfsmanns atvinnumálanefnd-
ar Akureyrarbæjar en Halldór
Jónsson bæjarstjóri vildi ekki
gefa upp nöfn umsækjcnda að
svo stöddu, enda hafði atvinnu-
málancfnd ekki fengið þau
uppgefín. Nokkrir umsækj-
enda óskuðu reyndar nafn-
leyndar.
Aðspurður sagði Halldór að
stefnt væri að því að ráða í stöð-
una eins fljótt og mögulegt væri
en hvort það yrði fyrir eða um
áramót gat hann ekki sagt til um.
„Sjálfsagt verður þetta sam-
komulagsatriði við þann sem fyr-
ir valinu verður en það er mein-
dáið heima,“ sagði Lilja.
Heimahlynning er með 24 tíma
vakt og geta sjúklingar og
aðstandendur haft samband hve-
nær sem þörf krefur. Þjónustan
er á höfuðborgarsvæðinu, eða
því svæði sem kalltæki viðkom-
andi lækna og hjúkrunarfræðinga
dregur. Annar þáttur þjónust-
unnar er ráðgjöf og getur fólk þá
haft samband símleiðis og fengið
ráðgjöf, t.d. þeir sem eru að
sinna deyjandi fólki úti á landi.
SS
ingin að ráða í stöðuna sem allra
fyrst og hclst strax. Atvinnumála-
nefnd er að yísu með samning við
Iðnþróunarfélag Eyjafjarðar sem
gildir til áramóta en um dagsetn-
inguna má eflaust semja,“ sagði
Halldór.
Starfsmaður atvinnumála-
nefndar mun sinna almennum
verkefnum sem nefndin felur
honum og hann á einnig að hafa
frumkvæði að því að leita eftir
möguleikum í atvinnulífinu,
kanna þá og leggja fyrir nefnd-
ina. Halldór sagði að menn
væntu mikils af þessu starfi og að
það yrði atvinnulífinu á Akureyri
til framdráttar. SS
Atvinnumálanefnd Akureyrarbæjar:
Sex umsækjendur um stöðu
starfsmanns neftidarinnar