Morgunblaðið - 09.10.2002, Blaðsíða 1
236. TBL. 90. ÁRG. MIÐVIKUDAGUR 9. OKTÓBER 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 9. OKTÓBER 2002
RÚSSAR sögðu í gær að þeir væru
reiðubúnir til að styðja nýja ályktun
Sameinuðu þjóðanna (SÞ) um Írak til
þess að gera vopnaeftirlitið virkara og
draga úr vafa heimsbyggðarinnar um
hernaðaráætlun Íraksstjórnar. „Ef
lagðar eru fyrir öryggisráð SÞ tillög-
ur sem gera vopnaeftirlit í Írak virk-
ara munum við styðja þær,“ hafði
rússneska fréttastofan Interfax eftir
Ígor Ívanov, utanríkisráðherra Rúss-
lands, í gær.
Ívanov sagði ekkert um yfirlýsingu
eins aðstoðarmanna sinna frá því fyrr
í gær þess efnis að Rússar styddu til-
lögu Frakka um að Saddam Hussein
Íraksforseta yrðu settir tveggja
þrepa úrslitakostir – fyrst um vopna-
eftirlit og hernaðaraðgerðir yrðu
Írakar ekki samvinnuþýðir við vopna-
eftirlitið. „Það er of snemmt að tala
um tilteknar tillögur á þessu stigi,“
sagði Ívanov.
Bandaríkjamenn hafa viljað að ör-
yggisráðið samþykkti eina, nýja
ályktun er fæli í sér ákvæði um að
Írakar mættu búast við að verða
beittir vopnavaldi ef þeir afvopnuðust
ekki. Í gær hófst í báðum deildum
bandaríska þingsins umræða um
hvort George W. Bush forseta skyldi
veitt heimild til að hefja herför gegn
Írak, og kann þingið að samþykkja
ályktun þar um strax á morgun. Í
ræðu sem Bush hélt á mánudags-
kvöldið lýsti hann Saddam sem
„morðóðum einræðisherra sem er
haldinn fíkn í gereyðingarvopn“.
Þingmenn ræddu í gær tillögu sem
formenn bæði repúblíkana og demó-
krata í fulltrúadeildinni hafa lýst
stuðningi við, en samkvæmt henni
fengi Bush heimild til að grípa til ein-
hliða aðgerða ef SÞ tekst ekki að
svipta Íraka gereyðingarvopnum
þeirra. Tvær aðrar tillögur hafa verið
lagðar fram og hljóða þær upp á öllu
takmarkaðri heimild fyrir forsetann,
en ólíklegt er að þær verði samþykkt-
ar.
Bandaríska dagblaðið The New
York Times sagði í leiðara í gær að
Bush hefði í ræðu sinni ekki náð að
færa sannfærandi rök fyrir því að
árás yrði gerð á Írak. Hefði forset-
anum heldur ekki tekist að draga úr
áhyggjum bandarísks almennings af
því að afleiðingar herfarar gegn Írak
yrðu meiri hryðjuverk og hert átök
fyrir botni Miðjarðarhafs.
Sagði blaðið ennfremur, að sam-
kvæmt niðurstöðum nýlegrar könn-
unar ætti forsetinn talsvert verk
óunnið ef hann ætlaði sér að sannfæra
bandarískan almenning um nauðsyn
þess að ráðist verði á Írak. Lagði
blaðið til að Bush myndi frekar fara
þá leið sem meirihluti Bandaríkja-
manna væri hlynntur, þ.e., að „beita
öllum diplómatískum þvingunum sem
völ er á, þ.á m. harðorðri, nýrri álykt-
un frá öryggisráði SÞ, áður en Bush
dregur þjóðina út í styrjöld“.
Annað blað, The Wall Street
Journal, var sammála Bush um að
stríð við Íraka væri óhjákvæmilegt, en
mælti með því að raunverulegt mark-
mið aðgerðanna yrði ekki bara að
koma Saddam frá völdum heldur líka
„frelsun írösku þjóðarinnar og aukinn
stöðugleiki í Mið-Austurlöndum“.
Bandaríska utanríkisráðuneytið
kvaðst í gær ánægt með þau viðbrögð
sem það hefði fengið á alþjóðavett-
vangi við ræðu forsetans á mánudags-
kvöldið. „Við höfum séð yfirlýsingar
frá stjórnvöldum nokkurra ríkja og
þær eru yfirleitt jákvæðar,“ sagði
Richard Boucher, talsmaður ráðu-
neytisins.
Rússar lýsa sig fylgjandi
einni ályktun SÞ um Írak
Moskvu, Washington. AFP, AP.
Bush segir tíma/20
Umræður hafnar á Bandaríkjaþingi
um hvort Bush fái heimild til herfarar
BRESK stjórnvöld verða að útiloka
Sinn Féin, stjórnmálaarm Írska lýð-
veldishersins (IRA), frá heimastjórn-
inni á Norður-Írlandi ef þau vilja ekki
að samstjórn kaþólikka og mótmæl-
enda í héraðinu liðist alveg í sundur.
Þetta sagði David Trimble, oddviti
heimastjórnarinnar og leiðtogi
stærsta flokks sambandssinna
(UUP), eftir fund með Tony Blair,
forsætisráðherra Bretlands, í gær.
Trimble gaf bresku stjórninni viku-
frest til að útiloka Sinn Féin frá þátt-
töku í heimastjórninni. Ella myndi
UUP segja sig frá henni.
Tilefni þess uppnáms er aðgerðir
lögreglunnar sl. föstudag en þá var
framkvæmd húsleit á skrifstofum
Sinn Féin, sem og á heimilum nokk-
urra embættismanna flokksins. Er
fullyrt að þar hafi fundist viðkvæm
gögn sem ætluð hafi verið skærulið-
um IRA. Blair brást ekki við orðum
Trimbles í gær en hann mun í dag
eiga fund með Bertie Ahern, forsætis-
ráðherra Írlands, og á morgun með
Gerry Adams, leiðtoga Sinn Féin.
Reuters
Gerry Adams, leiðtogi Sinn Féin (annar frá hægri), og flokksbræður hans, Sean Crowe og Nicky Kehoe, ræða við kjósanda (t.v.) í miðborg Dublin í gær
vegna væntanlegrar atkvæðagreiðslu er fram fer á Írlandi 19. október um Nice-sáttmálann um stækkun Evrópusambandsins.
Vilja að Sinn Féin
verði vísað úr stjórn
London. AFP, AP.
FRANSKUR lögfræðingur
sem hefur gaman af því að leika
á harmónikkuna sína á úti-
mörkuðum á nú á hættu að
missa málflutningsréttindi sín
fyrir óvirðingu við lögfræðinga-
stéttina. Eiginmaður lögfræð-
ingsins spilar á fiðlu, og taka
þau stundum lagið saman.
Lögfræðingurinn, Valerie
Faure, kom fyrir aganefnd á
mánudagskvöldið þar sem hún
svaraði ásökunum um að hún
„gerði atlögu að heiðri laganna“
með harmónikkuleiknum.
„Auðvitað hefur orðið þróun í
lögfræðingastéttinni. Það er
ekki lengur skylda að vera með
bindi í réttarsalnum og sítt hár
er leyfilegt. En að sjá lögfræð-
ing betlandi á götum úti ... það
eru takmörk,“ sagði Christian
Tomme, forseti lögfræðinga-
félags bæjarins Bergerac, þar
sem Faure og maður hennar
eiga heima.
Nokkurt upphlaup varð á
aganefndarfundinum á mánu-
dagskvöldið þegar Faure dró
upp nikkuna sína og spilaði
stuttan polka. „Var þetta eitt-
hvað óvirðulegt?“ spurði hún.
Málið snýst um það hvort
Faure hafi, með því að spila á
hljóðfæri og falast eftir greiðslu
fyrir það, rofið eiðinn sem hún
sór er hún gerðist lögfræðing-
ur, að gæta „heiðurs“ fagsins.
„Betl er ekki glæpur og túlk-
un saksóknara á eiðnum er
röng. Þegar lögmenn flytja mál
fyrir dómi fá þeir greitt fyrir
veitta þjónustu. En þegar mað-
ur leikur tónlist fær maður
umbun fyrir gáfu sína. Þetta
hefur ekkert með heiður að
gera,“ sagði Faure.
Aganefndin tók sér frest til
13. nóvember til að komast að
niðurstöðu.
Er harmó-
nikkan
óvirðuleg?
Bergerac í Frakklandi. AFP.
ARIEL Sharon, forsætisráð-
herra Ísraels, sagði í gær að
ísraelski herinn myndi halda
áfram að
gera árásir
á Gaza-
svæðinu, en
í fyrradag
voru 14 Pal-
estínumenn
myrtir í
árás ísr-
aelska hers-
ins á svæð-
inu. Voru Ísraelar gagnrýndir
harðlega á alþjóðavettvangi
fyrir árásina, m.a. af helstu
bandamönnum sínum, Banda-
ríkjamönnum.
Í gær skutu ísraelskir her-
menn palestínska stúlku til
bana á Gaza-svæðinu. Þá særð-
ust fjórir Ísraelar, þar af einn
alvarlega, í fyrirsát skammt frá
Hebron á Vesturbakkanum, og
á Gaza kom til átaka milli pal-
estínskra lögreglumanna og
stuðningsmanna Hamas-hreyf-
ingar múslíma.
Sharon sagði að aðgerðir
hersins á Gaza í fyrradag hefðu
verið flóknar, en hefðu tekist
fullkomlega. Fór herinn með
um 40 skriðdreka inn í íbúðar-
hverfi í bænum Kahn Yunis.
Palestínumenn brugðust
harkalega við orðum Sharons
og sögðu þau jafnast á við
stríðsyfirlýsingu.
Sharon
hótar fleiri
árásum
Jerúsalem. AFP.
Sharon