Tíminn - 16.01.1957, Page 2

2
Paradís verkamanna í Ungverjalandi
Þannig hugsar orlendur teiknari sér, að stjórnarfarið í sæluríki kommún.
ista í Ungverjalandi sé réttast táknað. Kadar-stjórnin hefir lýst yfir, aö
hún muni haida áfram með sama hætti og áður að byggja upp Paradís
verkamanna, en tii slíks uppbyggingarstarfs þarf góðan fótabúnað.
Þá urðu stjómarvöld í
Bandaríkjunum hissa
Demaree Bess segir frá sjónvarpsstöíinni í
Keflavík og skilyrftum Islendinga í grein í „Sat-
urday Evening Post“.
Ameríski blaðamaðurinn Demaree Bess dvaldi hér á landi
am skeið á s. 1. hausti til að safna efni í grein fyrir „Satur-
day Evening Post“, eitt af hinum stóru, myndskreyttu
skemmtiritum Bandaríkjarína. Litlu seinna sendi ritið sér-
stakan ljósmyndara til að taka myndir til að prýða greinina.
Árangurinn birtist í blaðinu 29.
lesember s.l. og heitir greinin
',Uncle Sam’s Reluctant Ally“, eða
•,Tregir bandamenn Sáms frænda“,
ín í undirfyrirsögn segir, að sú
stolta þjóð, sem byggir það kulda-
iega og fjarlæga land, ísland, sé
ekki ákaflega hrifin af Bandaríkja-
mönnum, enda þótt hún hafi minni
ábeit á þeim en öðrum útlending-
um. Þetta er löng grein og er víða
,comið við, m.a. er 'það enn rang-
'acrmt (eftir heimildum hér í
'iteykjavík), að stjórnarslitin hafi
'irðið út af varnarmálinu. En ann-
Írs er ekki mjög mikið af vitleys-
jm í greininni, þótt ýmsar ályktan
,r blaðamannsins séu nokkuð
aæpnar.
Bjónvarpsstcðin í Keflavík.
í upphafi máls ræðir Bess um
stofnun sjónvarpsstöðvar í Kefla-
vík og segist honum þá svo frá, að
árið 1955 hafi hermálaráðuneytið
i Washington ákveðið að stofnsetja
sjónvarpsstöð á Keflavíkurflug-
velli til að hressa upp á varnar-
liðið, sem hafi búið við daufan
kost og lítil samskipti við lands-
tnenn. Amerískar sjónvarpsstöðvar
Dg þeir aðilar, sem að dagskrá
standa, höfðu lofað að leggja til
■efni fyrir stöðina án endurgjalds,
pg átti það að vera kvikmyndir og
upptökur ýmiskonar (canned pro-
•grams) og stöðin að vera í gangi
12 tíma á dag. „En áður en til
framkvæmda gæti komið“, segir
'Bess, varð að fá leyfi íslenzkra
"stjórnarvalda, sem eru með í ráð-
um um jafnvel hinar minnstu breyt
ingar á flugstöðinni. Á það var
bent, að fyrirhuguð sjónvarpsstöð
mundi verða upplyfting fyrir fs-
lendinga ekki síður en Bandaríkja
menn, þyf að hún myndi verða
það aflmikil, að hún gæti útvarpað
skýrum myndum alla leið til R-
víkur. . . . Þarna var íbúum höfuð
borgarinnar, 60.000 manns, % htua
þjóðarinnar, boðið upp á að njóta
hins bezta ameríska sjónvarpsefnis
sem völ er á, án endurgjalds".
„En þegar svar íslenzku ríkis-
stjórnarinnar kom, urðu Banda-
ríkjamennirnir alveg steinhissa.
Því að stjórnin lýsti því yfir, að
einu skilyrði yrði að fullnægja
áður en sjónvarpssendingar hæf-
ust. Senda yrði út með svo veik-
um burðum, að myndirnar gætu
með engu móti sézt í Reykjavík.
Og þarna er skýringin á því, hvers
vegna myndin í móttökurunum á
flugvellinum sjálfum er óskýrari
en hún ætti að vera^ og hvers
vegna aðeins örfáir íslendingar
hafa séð sjónvarp af nokkurri
gerð ..."
Seinna í greininni kemur fram,
að skilyrði íslendinga hafi verið
skýrt með því, að vegna tungu
og erfðavenju vilja íslendingar ó-
gjarnan veita börnum sínum tæki-
færi til að horfa á amerískt sjón-
varp 12 tíma á dag.
Togarar leita tif
ísafjarðar
ÍSAFIRÐI í gær: — Óveörið, sem
hór hefir geysað undanfarið, er nú
gengið niður og skemmdir hafa
ekki orðið meiri en vitað var í
gær. Þrir erl. togarar leituðu hér
hafnar vegna bilana. Eru tveir
þeirra brezkir og einn færeyskur.
Ekki hefir gefið á sjó það sem
af er þessari viku en fyrir helg-
ina var afli góður, fimm til sjö
lestir á bát í róðri til jafnaðar. GS
T í MI N N, miðvikudaginn 16. janúar 195*“
Erlendar íréttir
UNGVERSKA stjórnin neitar að
vita nokkuð um afdrif stúdent-
anna tveggja, sem ungversk lög-
regla handtók fyrir nokkrum dög-
"um við austurrísku landamærin.
ÍSRAELSMENN hafa lokið fyrsta á-
fanga í brottflutningi herliðs síns
frá Sinai-skaga.
EGYPZKA þjóðvarnarliðið scgist
muni senda sjálfboðaliða til Ye
men til að aðstoða íbúana gegn
árásum Breta frá Aden.
Fuglamyndir sýedar
á kvöSdvöku
Fyrsta kvöldvaka Ferðafélags
Islands á þessu ári verður haldin
í Sjálfstæðishúsinu fimmtudaginn
17. janúar. Húsið verður opnað kl.
20.30. Á þessari kvöldvöku verða
sýndar litskuggamyndir af íslenzk-
um fuglum, teknar af Birni
Björnssyni, kaupmanni frá Norð
firði, og mun dr. Finnur Guð-
mundsson, fuglafræðingur skýra
myndirnar.
Björn Björnsson er brautryðj-
andi hér á landi í töku fugla-
mynda og hefir með ódrepandi
elju og natni náð prýðilegum á-
rangri á því sviði. Fuglamyndir
eftir hann hafa birzt í erlendum
tímaritum og síðustu árin hafa
margar af myndum hans verið
birtar í Náttúrufræðingnum með
fuglagreinum Finns Guðmunds-
sonar og vakið almenna aðdáun.
Þessar myndir eru allar svart-hvít-
ar, en Björn hefir einnig tekið
fjölda litmynda af fuglum og eru
margar þeirra gullfallegar. Má lík
legt telja, að marga fýsi að sjá
þessar myndir, sem fáum hefir gef-
izt kostur á að sjá hingað til. Á
eftir fuglamyndasýningunni verð-
ur myndagetraun og verða tvenn
verðlaun veitt. Síðan verður dans
að venju.
Fyrsta vetrarsíld Norö-
mmm nijög væn
Álasundi, 15. jan. — Vetrar-
síldveiði Norðmanha hófst í gær
og komu íyrstu bátarnir að í
dag. Veiði er enn ekki mikil og
síldin ekki gengin til fulls á
grunnmiðin. f dag hefir veður
liamlað veiðuin og allir bátar í
verstöðvunum legið í höfn. Síld-
in er injög væn og íeit. Þyngd
meðalsíldarinnar, sem barst úr
fyrsta bátnum var 295 grömm,
en meðalþyngd á sama tíma í
fyrra var 275 gr. Fitumagnið
revndist 13%, en var 12,30% á
sama tíma í fyrra.
Essenhower fagnar
IVlaclVlillan vel
LONDON, 15. jan. — Eisenhower
forseti Bandarikjanna hefir sent
Macmillan forsætisráðherra Breta
heillaóskir. Fagnar hann mjög vali
hans í stöðu forsætisráðherra og
minnir á ágætt samstarf þeirra í
N-Afríku á stríðsárunum. Forsætis
ráðherrann hefir svarað og sagt, að
hann leggi hina mestu áherzlu á
vináttu Bandaríkjanna og Bret-
lands.
Eignarnám Nassers
(Framh. af 1. síðu).
tækja, sem rekin hafa verið af er-
lendum mönnum. Þá hefir Nasser
sett á stofn fjárhagsráð, sem á að
hafa yfirumsjón með fjárfestingu
hins opinbera í landinu og sam-
ræma liinar ýmsu viðreisnarað-
gerðir ríkisvaldsins. Mun ráð
þetta fá mikil fjárráð og er sjáan-
legt að það á að fá í sínar hendur
það fjármagn m. a., sem fæst við
eignarnám erlendra fyrirtækja í
landinu.
Foringjar líflátnir
(Framh. af 1. síðu).
Hann var handtekinn er Kadar-
stjórnin kom til valda og sakaður
um gagnbyltingarstarfsemi.
i
Safna vopnum.
Þá segir, að lögreglan hafi hand
tekið marga menn úr leynifélagi
einu á Búdapest-svæðinu, sem
höfðu safnað vopnum og falið.
Hugðust þeir geyma þau til betri
tíma, er hentugra tækifæri gæfist
að nota þau. Menn þessir verða
dregnir fyrir sérstakan dómstól,
sem hefir heimild til að kveða upp
dauðadóma, er fullnægja skal inn-
an sólarhrings frá dómsuppkvaðn-
ingu.
25 þús. kr. fyrir fylgdina.
Þá berast fregnir frá Vínar-
borg um, að mjög hækki nú
gjald það er náungar nokkrir
taka af flóttamönnum fyrir að
fylgja þeim yfir austurrísku
landamærin,. Hafa margir gert
sér þetta að atvinnu. Er sagt að
gjald þetta sé nú í sumum til-
fellum komið upp í 25 þús. ísl.
krónur, auk þess sé stundum
greitt í matvörum. Hafa austur-
rísk yfirvöld handtekið suma
þessa fylgdarmenn seinustu daga
og dæmt þá í allt að 14 daga
fangelsi fyrir að fara inn fyrir
austurrísku landamærin.
500 milj. frá Kínverjum.
Innanríkisráðherrann ungverski
tilkynnir að kínverska stjórnin
hafi lofað að veita Ungverjum
allt að 500 milj. króna lán auk
vöruláns upp á álíka upphæð.
Ráðherrann sagði einnig, að mynd
uð yrði stjórn á breiðari grund-
velli, þegar „eðlilegt ástand" hefði
skapazt í landinu. Ekki kæmi
samt til mála að leyfa starfsemi
sósíaldemókrata í landinu, þar eð
kommúnistar gætu ekki leyft slíkt
sundrungarstarf meðal verka-
manna.
Óvenjulegt hvassviðri
í Eyjaíirði
Akureyri: Á mánudaginn gerði
hér alveg óvenjulegt hvassviðri
af norðvestri og telja sumir veður-
hæðina meiri en orðið hefir í ára-
tug eða meira, einkum mun þó
hafa verið hvasst í útsveitum Eyja
fjarðar og í Grímsey. Á Akureyri
og í grennd urðu ekki skemmdir
af veðrinu svo að teljandi sé, en
rafmagnslaust var um stund, er
stíflulok féll fyrir vatnsæð í Lax-
árvirkjun, en ekki var sú truflun
langvinn. Hér er annars hlýviðri
á degi hverjum, jörð alauð og
vegir greiðfærir. Látinn er hér
aldurhniginn borgari, Þorvaldur
Helgason ökumaður frá Eyrarlandi
við Akureyri, á 90. aldursári.
Skákfélag stofnað
á Blönduósi
Blönduósi: Stofnað hefir verið
Skákfélag Blönduóss og nágrennis
og eru félagsmenn 23. Er mikill
áhugi ríkjandi og æfingar hafn-
ar. Stjórn skipa: Hermann Þórar-
insson, Snorri Arnfinnsson, Pálmi
Jónsson, Sveinn Ellertsson og Pét-
ur Pétursson.
Fjárhúsþak fauk
í Fnjóskadal
Fosshóli: í rokinu á mánudag-
inn fauk þak af fjárhúsi á Birn-
ingsstöðum í Fnjóskadal. Gekk
ofsaveður yfir sunnanverðan dal-
inn. Veðrið fór með þakið og
hraut ofan af torfveggjum, þeytti
burt dyraumbúnaði og jötustokk-
um, og er allt gjörónýtt. Bóndi á
Birningsstöðu'm er Ferdínand
Jónsson.
Varnarliísmenn gefa
Akureyrarbörnum
fallegt leikfang
Akureyri: Hér er staddur Ragn-
ar Stefánsson og me'ð honum þrír
menn af Keflavíkurflugvelli.
Komu þeir færandi hendi með
fallegt leikfang, er þeir gefa barna
heimilinu Pálmholti á Akureyri.
Er það járnbrautarlest, sem geng
ur fyrir rafmagni, listasmíð, að
mesíu'gerð af hagleiksmönnum á
Vellinum og hefir lcostað 100 dags
verk að gera hana. Lestin er til
sýnis í búðarglugga hjá KEA, en
fer að því búnu til barnaheimilis-
ins.
Óve^urstjón í Dýrafirði
ÞINGEYRI í gær. — Hið versta
vestan hvassviðri gekk hér yfir
í fyrrinótt og gær og varð af nokk
urt tjón, en þó hvergi í stórum
stíl. Járnplötur og þök fuku af
húsum, einstaka bátur skemmdist
lítillega og fleiri smávegis skemmd
ir urðu.
Þorrablótm í undirhúningi
EGILSSTÖÐUM I gær. — Menn'
eru nú farnir að hugsa til þorra-
blótanna liór í sveitunum. Það er
allföst venja hér á Austurlandi að
efna til þorrablóta, og er þá oftast
hangikjöt og annar rammíslenzk-
ur matur á borðum, jafnvel hákarl
og harðfiskur, þótt víðast sé not-
aður linífur og gaffall. Eru þorra-
blótin haldin í hverri sveit, nema
óvenjulegar ástæður hamli. Hér á
Egilsstöðum er undirbúið allmikið
þorrablót að venju.
Flugvélin kom ekki
austur
EGILSSTÖÐUM í gær. — Hér er
sama veöurblíðan, þó gekk í all-
mikið rok hér í gær, þótt ekki
hafi frétzt um tjón. Áætlunarflug-
vélin var væntanleg hingað í dag,
en komst ekki frá Akureyri vegna
storms, og mun hún sitja þar veð-
urteppt. Alimarkt fólk bíður hér
eftir flugfari suður.
Sauðfé Iíti<5 gefií
á Héra<5i
EGILSSTÖÐUM í gær. — f þess-
ari einmuna blíðu, þegar jörð er
marþíð og hvergi snjór í byggð er
sauðfé gefið mjög lítið, helzt fóð-
urbætir. Hefir veturinn verið svo
gjafléttur, að fádæmi eru.
Stöíarhúsií viÖ Gríms-
árvirkjun steypt
Egilsstöðum í gær: — Vinna er
nú sótt af kappi við Grímsárvirkj-
un, og hyggjast menn nota góðu
tíðina sem hezt. Vinnu var hætt
þar fyrir jólin, en hafin aftur 10.
jan. Er nú allmargt manna þar við
störf. Unnið er nú að byggingu
stöðvarhússins og verið að slá upp
fyrir því og steypa það. Væn það
mjög gott, ef unnt yrði að ljúka
því verki í vetur. — ES.
G»5$ur afli en ógæftir
Hornafirði í gær: — Hér er lítið
j róið vegna sífelldra ógæfta, en
þegar bátarnir komast út er afl-
inn allgóður, eða 14—19 skippund,
en þeir komast ekki nema í einn
og einn róður. Hér er nú statt
danskt skip að taka beinamjöl til
útflutnings. — AA.
UngmeimafélagitS í
Nesjum fimmtugt
Hornafirði í gær: — Um næstu
helgi á ungmennafélagið í Nesj-
um fimmtíu ára afmæli, og eru
menn þar að húa sig undir að
halda veglega upp á það afrnæli
um helgina í félagsheimili sínu
Mánagarði. — AA.
Skrúfuna vantar
í Hvanney
Hornafirði í gær: — Hvanney er
enn í slipp á Seyðisfirði. Var ver-
ið að skipta um vél í henni og
gera við hana að öðru leyti. Átti
því að vera lokið fyrir áraniót, en
tafir hafa orðið á að fá nýja skrúfu
■í skipið. Átti hún að koma fyrir
áramót og nú síðast með flugvél,
en mun enn sitja úti í Glasgow.
Er þetta mjög bagalegt, því að
Hvanney átti að vera byrjuð róðra,
og bíður skipshöfnin, sem búið
var að ráða, hér eftir skipinu. AA