Tíminn - 14.03.1962, Side 7

Útgefandi: FRAMSÓKNARFLOKKURINN
Framkvæmdastjóri: Tómas Árnason. Ritstjórar: Þórarinn
Þórarinsson (áb), Andrés Kristjánsson, Jón Helgason og Indriði
G Þorsteinsson Fulltrúi ritstjórnar: Tómas Karlsson. Auglýs-
ingastjóri: Egill Bjarnason. Ritstjórnarskrifstofur i Edduhúsinu;
afgreiðsla, auglýsingar og aðrar skrifstofur í Bankastræti 7.
Símar: 18300—18305 Auglýsingasími 19523. Afgreiðslusími
12323. Áskriftatrgj. kr. 55 á mán. innanl. í lausasölu kr, 3 eint,
— Prentsmiðjan Edda h.f. —
Ihaldið og Esjan
Það er bersýnilegt á Morgunblaðinu, að tvennt mun
verða meginuppistaðan í kosningaáróðri íhaldsins í sam-
bandi við bæjarstjórnarkosningarnar á vori komandi.
Annað er það, að öll gagnrýni, sem kemur fram á störf-
um bæjarstjórnarmeirihlutans, sé sprottin af fjandskap
í garð Reykvíkinga og þar geti því ekki aðrir eii óvinir
Reykjavíkur verið að verki. Hitt er það, að Tíminn hafi
farið illum orðum um Esjuna og fyrir það beri Reykvík-
ingum að hefna með því að gera hlut Framsóknarmanna
sem minnstan.
íhaldsblöðin með Mbl. í fararbroddi eru nú búin að
halda uppi þessum Esjuáróðri sínum í a. m. k. þremur
kosningum. Sennilega eru því margir farnir að gleyma
því, hvernig hann er til orðinn. Það þykir því rétt að rifja
þá sögu upp, þar sem hún varpar líka svo skýru ljósi yfir
þann málflutning, sem íhaldsblöðin ástunda aðallega í
seinni tíð.
Fyrir nokkrum árum síðan birtist hér í blaðinu ferða-
saga eftir Svein Skorra Höskuldsson, undir stöfum höf-
undar. í þessari ferðasögu kom það fram, að höfundinum
þótti Esjan ekki fallegt fjall. Það gerist svo skömmu síð-
ar, þegar kosningar voru í nánd, að Mbl. prentaði upp
þessi ummæli úr grein Skorra, án þess að geta nokkuð
um, hver höfundurinn væri, heldur sagði aðeins að þau
hefðu birzt í Tímanum og túlkuðu hug blaðsins og Fram-
sóknarmanna yfirleitt til Reykjavíkur. Svo mikill væri
nefnilega fjandskapur Framsóknarmanna til Reykjavíkur,
að þeir gætu ekki einu sinni látið Esjuna njóta sannmælis!
Á þessu hefur Mbl. svo tönnlazt við hin ólíklegustu
tækifæri síðan og nær undantekningarlaust í hvert skipti,
sem Framsóknarmenn hafa gagnrýnt Reykjavík. Við höf-
undinn sjálfan hefur Mbl. hins vegar ekki erft þessi um-
mæli, því að hann var nokkru síðar ráðinn til að senda
því greinar frá Vesturheimi, enda mun eigendur og rit-
stjóra Mbl. gilda það einu, hvort Esjan er talin fallegt eða
ljótt fjall. Hins vegar eru til margir Reykvíkingar, sem
dá Esjuna. Það er til þess að hafa áhrif á þá, sem Mbl.
beitir framangreindri rógsaðferð.
Það er með þessum hætti, sem Mbl. hagar málflutn-
ingi sínum langoftast. Ummæli eru slitin úr samhengi og
oft eignuð öðrum en þeim, sem sögðu þau, og síðan er
byggður á þessu rógur, sem haldið er uppi dag eftir dag.
Ef minnzt er á eitthvað, sem íhaldinu er óþægilegt og það
vill láta gleymast, þá er þessi rógur hertur enn meh’a
og birtar myndir með honum til að gera hann áhrifameiri,
sbr. allar myndirnar af Esjunni, sem Mbl. er búið að birta
með áðurnefndum rógi sínum.
Það er með slíkum rógsaðferðum, sem Mbl. hefur tek-
izt að blinda alltof marga og þannig tryggt vald íhaldsins
í höfuðborginni og í landinu. Það er vissulega kominn
tími til, að menn opni yfirleitt augun fyrir þessari rógs-
aðferð og ætti einmitt Esjan að geta átt góðan þátt í því
eftir það, sem á undan er gengið.
Furðulegar öfgar
Sjaldan hefur Mbl. komizt lengra í öfgafullum mál-
flutningi en þegar það reynir að túlka það, sem aðstoð
við bændur að lagður eru á þá nýr skattur, sem nemur
a. m. k. 8—9 millj. kr. á ári.
Á sama tíma og þetta er gert, eru stjórnarflokkarnir
að setja ný skattalög, sem stórlækka skatta á stærri at-
vinnurekendum. Þetta kallar Mbl. stuðning við þá. Vissu-
lega er það rétt. En hvernig getur það þá verið stuðningur
við bændur, að skattar eru hækkaðir á þeim?
T f M I N \, miðvikudagur 14. inarz 1962.
Frú Kennedy heimsækir Nehru
/
Frú Krustjoff heldur rómaða frúarveizlu í Kreml
UM ÞESSAR mundir er kona
Kennedys Bandaríkjaforseta á
ferðalagi um Indland. Það er
látið heita svo, að hún sé þar
á ferð sem venjulegur ferða-
langur, sem hafi áhuga fyrir að
kynnast landi og þjóð. Þegar
Nehru forsætisráðherra var í
Washington í boði Kennedys á
síðastl. hausti, Iét frú Kennedy
í ljós, að hún hefði mikinn á-
huga fyrir' Indlandi og einkum
þó fyrir indverskri menningu.
Nehru tók hana á orðinu og
bauð henni til Indlands. Þetta
boð var þegið með þökkum og
ætlunin var að frú Kennedy
færi í Indlandsför sina nokkru
síðar. Því var þá frestað, m.a.
vegna lasleika hennar, en það
mun og hafa ráðið nokkru um,
að Nehru átti annríkt vegna
kosningabaráttunnar. Þegar
kosningahríðinni var lokið, var
nokkurt umtal um, að frú
Kennedy myndi hætta við för-
ina og myndi verða borið við
veikjndum, en raunverulega
væru þau pólitísks eðlis. Ástæð
an væri sú, að Kennedy
forseti vildi ekki sýna
Indverjum of mikla vinsemd
vegna hlutleysisstefnu þeirr'a.
Þessi orðrómur var hins vegar
fljótt kveðinn niður, þar sem
för frúarinnar var tilkvnnt litlu
síðar. Hið rétta var, að læknar
ráðlögðu frú Kennedy til að
draga förina á langinn vegna
einhvers smálasleika, er hún
hefur kennt, en af pólitískum
ástæðum var elcki talið fært að
fresta henni, því að annars
fengi. áðurnefndur orðrómur,
sem Kennedy var illa við, byr
í vængi.
ÞAÐ hefur verið augljós
stefna Kennedys síðan hann.
kom til valda að bæta sambúð
Bandaríkjanna við hinar svo-
nefndu hlutlausu þjóðir, en
þessi sambúð var mjög stirð
meðan Dulles réð mestu um
utaniíkisstefnu Bandaríkjanna.
EinkUm hefur þó Nehru lagt
aukna áherzlu á bætta sambúð

Frú Kennedy leggur af stað í Indlandsferðina
Bandaríkjanna og Indlands. Af
þeim ástæðum bauð hann m.a.
Nehru til Washington á síðastl.
liausti. Bersýnilegt er líka, að
Nehru tekur nú meira tillit til
Bandaríkjanna en áður, t.d.
hafnaði hann tillögu Krustjoffs
um að afvopnunarráðstefnan
byrjaði sem fundur æðstu
manna Þó munu Indverjar vafa
lítið fara sínar eigin leiðir á ráð
stefnunni og vafalaust vera and
vígir fyrirhuguðum kjarnorku
sprengingum BandaríkjannaJ
Ferðalag frú Kennedy er
áreiðanlega ekki að litlu leyti
Frú Krustjoff í frúarvelzlunnl
farið í pólitískum tilgangi,
þótt annað sé látið í veðri vaka.
Frú Kennedy hefur reynzt
Bandaríkjunum sérlega góður
fulltrúi, er hún hefur ferðazt
með manni sínum erlendis. —
Þannig vann hún sér mikla
hylli, er þau hjón heimsóttu
Frakkland síðastl. sumar, og þó
jafnvel enn meiri, er þau heim
sóttu þrjú Suður-Ameríkuríki í
vetur. Þetta stafar ekki aðeins
af því að hún er talin í hópi
þeirra kvenna, sem nú þykja
fallegastar og bezt klæddar,
heldur engu ' síður vegna
framkomu, sem ber vitni um
góða greind og menntun. Það
hefur hvað eftir annað sýnt sig
að hún kann vel að haga orðum
sínum og ber gott skyn á menn
ingu og málefni þeirra landa,
sem hún heimsækir.
Af þessum ástæðum hyggja
Bandaríkjamenn gott til Ind-
iandsferðar forsetafrúar'nnar,
?ar sem Indverjar séu ekki sízt
líklegir til að kunna að meta
þessa kosti hennar.
FRÚ KENNEDY er hins veg-
ar ekki eina konan, sem gift
er valdamiklum manni, er læt-
ur bera á sér um þessar mund-
ir. Á þessu sviði eins og öllum
öðrum, tekur Krustjoff upp
samlceppnina við Bandaríkja-
menn. Á valdaskeiði Stalíns
hurfu eiginkonur stjórnmála-
manna alveg af opinberu sviði
og fjölskyldumál þessar'a manna
urðu hrein leyndarmál. Krust-
joff hefur breytt þessu í seinni
tíð og mjög tekið að semja sig
að amerískum háttum. Hann
hefur haft konu sína og dætur
með í ferðalögum sínum erlend
is og frú Krustjoff hefur stöð-
ugt komið meira og meira fram
.pinberlega. Einmitt sama dag-
inn og frú Kennedy lagði upp
(Frarah á 13. siðu.
z