Alþýðublaðið - 24.12.1944, Blaðsíða 15

JÓLABLÁÐ ALÞÝÐUBLAÐSINS >» tfe W 9 V « <9 ® WV <9 t» V» <9 t» t£® , 1S
Anatole France:
' *■; - |
Krisfyr hofsins
ÞETTA ÁR höfðu margir fiskimenn frá Saint-Val-
éry týnzt í hafi. Lík þeirra fundust á ströndinni, en
þangað höfðu öldurnar skolað þeim ásamt flökum
skipa þeirra. í níu daga samfleytt voru líkkistur born-
ar frá ströndinni til kii-kjunnar, og á eftir þeim
gengu grátnar ekkjur.
Jean Lenoél og Désiré sonur hans voru lagðir til
hinztu hvíldar í meginkirkjunni undir hvolfþakinu,
en á það höfðu þeir einu sinni hengt skip með rá
og reiða sem fórnargjöf guðsmóður til handa. Þeir
höfðu verið trúræknir menn og guðhræddir. Mon-
sieur Guillaume Truphéme, prestur í Saint-Valéry,
hafði mælt á þessa lund klökkum rómi við útför
þeirra:
„Aldrei hafa sannari drengir né betur kristnir ver-
ið lagðir í gröf til þess að bíða þar dóms drottins en
Jean Lenoél og Désiré sonur hans.“
Og þegar skip fórust með allri áhöfn við strönd-
ina, týndust og hafskip á rúmsjó úti. Enginn dagur
leið svo, að ekki skolaði einhverju vogreki á land.
Svo var það morgun nokkurn, að börn, sem voru á
bátkænu skammt frá landi, komu auga á mynd á
sjónum. Þetta var mynd af Jesú Kristi í fullri lík-
amsstærð, skorin í við, máluð eðlilegum litum og
virtist vera forngripur. Drottinn vor flaut þarna á
sjónum með útbreidda arma. Börnin höfðu mynd-
ina með sér heim til Saint-Valéry. Höfuð myndar-
innar var krýnt þyrnikórónu. Naglaför voru og á
höndum hennar og fótum. En naglamir fundust
hvergi, svo og krossinn. En armar drottins voru út-
breiddir sem væri hann reiðubúinn til krossfestingar
og blessunar eins og forðum daga.
Börnin fengu myndina Monsieur le Curé
Truphéme í hendur. Honum fórust orð við þau á
þessa lund:
„Þetta er gömul mynd af frelsaranum. Sá, sem
hefir gert hana, hlýtur að vera löngu dáinn. Enda
þótt nú séu seldar vandaðar myndir í verzlunum
í Amiens og París fyrir hundrað franka eða jafnvel
enn meira, ber að kannast við það, að hinir fornu
listamenn voru vissulega mikilhæfir og snjallir. En
mest gleðst ég þó við hugsunina um það, að ef Jesús
Kristur hefur komið þannig með útbreidda arma hing-
að til Saint-Valéry, mun hann blessa þetta hérað,
sem hefur haft svo mjög af harmi og þrengingum að
segja; og líkna sig yfir vesalings fólkið, er hættir
lífi sínu við að sækja sjóinn.“
Monsieur le Curé Truphéme lét leggja Kristmynd-
ina á háaltari kirkjunnar og hélt því næst til fund-
ar við Lemerre trésmið og fól honum að smíða fagran
kross úr vönduðum eikarvið.
ÞEGAR krossinn var fyrir hendi, var frelsarinn
negldur á hann með nýjum nöglum og honum búinn
staður í meginkirkjunni yfir stól kirkjuvarðarins. —
Þá var því athygli veitt, að mildi virtist stafa úr aug-
um hans og' tár blika á brá hans.
Einn kirkjuvarðanna, er var viðstaddur, þegar
myndin var negld á krossinn, veitti því athygli, að
tár runnu niður hvarma frelsarans. Þegar Monsieur
le Curé kom svo út í kirkju morguninn eftir til þess
að syngja messu, sá hann, sér til mikillar undrun-
ar, að krossinn yfir stól kirkjuvarðarins var auður,
en Kristmyndin lá á altarinu.
Hann lét kalla trésmiðinn fyrir sig og spurði hann,
hvers vegna hann hefði tekið Krist niður af kross-
inum. En smiðurinn svaraði því til, .að hann hefði
ekki snert myndina eftir að hún hafði verið negld á
krossinn. Þegar presturinn hafði svo yfirheyrt kirkju-
þjónana, komst hann að raun um það, að enginn
hafði farið inn í kirkjuna eftir að Kristmyndin var
negld á krossinn og hann festur yfir stól kirkjuvarð-
arins.
Presturinn sá nú fram á það, að hér myndi vera
um kraftaverk að ræða. Sunnudaginn næsta á eftir
færði hann þetta í tal við héraðsbúa og hvatti þá til
að efna til samskota, svo að unnt yrði að kaupa nýjan
kross og fegurri og verðugri þess að bera endurlausn-
ara heimsins.
Hinir fátæku fiskimenn í Saint-Valéry létu allt það
fé af hendi rakna, sem þeir töldu sig geta án verið,
og ekkjurnar gáfu brúðabaugi sína. Monsieur
Truphéme tókst þegar för á hendur til Abbeville og
lét þar smíða nýjan kross úr íbenholtsvið, er var
listasmíð hin mesta. Krossinn var fullsmíðaður að
tveim mánuðum liðnum og honum komið fyrir á
sama stað og hinum fyrri og Kristmyndin negld á
hann:
' En Jesús steig niður af krossi þessum eins og hin-
um fyrri, og að morgni lá mynd hans aftur á altarinu.