Tíminn - 04.02.1965, Blaðsíða 3

FIMMTUDAGUR 4. febrúar 1965
3
TÍMINN
t
HEIMA OG HEIMAN
Var Tippit lögreglumaður
viðgluggann, þegar Kenn-
edy forseti var myrtur?
Ný kenning í svissnesku blaði
um morðið á Kennedy forseta
Veitingamaðurinn Jack Ruby
situr í fangelsinu í Dallas.
Milljónir sjónvarpsáhorfenda
voru vitni að því, er hann
myrti Lee Harvey Oswald, sem
handtekinn hafði verið og sak-
aður um morðið á Kennedy
forseta. Það er sagt, að Ruby
sé nú algjörlega geðbilaður, en
það var hann ekki í sumar,
þegar hann var yfirheyrður
af Warren-nefndini. Skjölin um
þá yfirheyrslu eru samtals 100
vélritaðar síður. New York
Journal birti þessa yfirheyrslu
í óleyfi 18.—20 ágúst í fyrra.
Samkvæmt þessari yfir-
heyrslu átti sér stað 14. nóvem-
ber 1963 — eða viku fyrir
morð Kennedys — fundur í næt
urklúbbi Rubys. Þennan fund
sóttu Ruby sjálfur. Tippit, lög
regiumaður, (sem síðar var
myrtur), og teppasali að nafni
Weisman. Og auk þess, sagði
Warren, var viss „olíumaður
þama líka. „Hver var það?”
spurði Ruby hissa. En Warren
endurtók ekki spurninguna og
ekkert var frekar skráð um
það, að þessi fundur hefði
raunverulega átt sér stað.
Ruby sagði hins vegar, að
Kennedy hefði fallið sem fórn
ardýr samsæris, en í því sam-
særi hefði hann ekki átt neinn
þátt. Það, sem Ruby sagði frek
ar um málið, má lesa í hinni
útgefnu Warren-skýrslu um
yfirheyrsluna.
Þessar uplýsingar hafa ver-
ið dregnar fram af þýzk-banda-
ríska blaðamanninum Joaehim
Joesten við svissneska blaðið
Weltwoche. Joesten hefur gert
sjálfstæðar rannsóknir í Dallas
Þegar í upphafi rannsóknanna
var áhugi hans vakinn á Tippit
lögreglumanni. Joesten trúir
því ekki, að það hafi verið
Oswald, sem drap Tippit, — og
heldur, að lögreglumaður hafi
stungið skammbyssunni sem
fannst á Oswald þegar hann
var handtekinn í kvikmyndahús
inu í vasa hans. New York
Times hefur einnig bent á, að
Tippit-málið sé veikasti hlekkur
inn í skýrslu Warren-nefndar-
innar.
Hin athyglisverða spurning,
sem Joesten spyr í grein sini
um málið er þessi: Var það
Tippit lögreglumaður, sem stóð
við gluggann í bókageymslunni
þegar Kennedy forseti var myrt
ur þann 22. nóvember 1963?
Howard L. Brennan, sem sá
mann í glugganum, hefur sagt
álit sitt um þunga, aldur og
útlit, sem kemur betur heim
við Tippit en Oswald. Spuming-
in er því, hvort Tippit var við-
riðinn samsæri.
í Warren-skýrslunni er því
slegið föstu, að Tippit hafi í
frítíma sínum starfað í veit-
ingastofu ,sem var í eigu öfga-
samtakanna John Birch Society
Það er fátítt, að bandarískir
lögreglumenn gegni slíkum
aukastörfum, en veitingamaður-
inn hefur lýst því yfir, að hann
hafi aldrei rætt um stjórnmál
við Tippit.
Joesten segir það undarlegt,
að heilt ár skyldi líða áður en
mynd af Tippit var birt í blöð-
unum. Þegar myndin var birt,
kom í ljós, að Tippit hafði sama
ennislag og Oswald. Var það
ástæðan fyrir því, að myndin
var ekki birt fyrr? spyr han.
Ennfremur bendir Joesten á
vitnisburð lögreglumannsins
Craig í Warren-skýrslunni: 15
mínútum eftir morðið sá hann
mann hlaupa frá bókageymsl-
unni í ljósan bíl, Rambler-stat-
ion, í Elmstræti. Hér má bæta
því við — Joesten gerir það
ekki — að frú Roberts sá lög-
reglubíl fyrir utan húsið, er
Oswald var skamma stund inni
á herbergi sínu kl. 1 þann 22.
nóv. Bílstjórinn þeytti hornið
nokkrum sinnum, og frú
Roberts gætti að bílnúmerinu.
Hún hélt, að númer hans hefði
verið 106 eða 107. Lögreglubif-
reið Tippits hafði númerið 10.
Auðvitað getur Joesten ekki
fært raunverulegar sönnur á
það, að Tippit lögreglumaður
hafi verið leigumorðingi. En
skoðun hans er studd þeirri
staðreynd, að Tippit var rutt
úr vegi strax eftir morðið, —
og þar var Oswald ekki að
verki, telur hann. Reyndar telja
mörg vitni, að það hafi verið
Oswald, sem skaut Tippit, en
hér ber Joesten fram spurn-
ingu um, hvort ekki geti verið,
að Oswald hafi átt tvífara. Mað
ur, sem líktist Oswald mjög
mikið, lét á sér b»» á mörgum
stöðum í Dallas fyrir þann 22.
nóvember, og einnig varð hans
vart eftir morðið. Þessi maður
notaði einnig nafn Oswalds,
þegar hann keypti sér kíkis-
miðun á riffil.
í Warren-skýrslunni er sagt
frá því, að 23. nóvember 1963
hafi ólaunaður aðstoðarmaður
Jacks Rubys, Larry Craford,
tekið sig up frá næturklúbbi
Rubys og haldið til fjölskyldu
sinnar í Michigan. Nokkrum
dögum fyrir þessa ferð hafði
hann skrifað bréf til systur
sinnar, en hann hafði ekki póst-
lagt bréfið, og það fannst
seinna á herbergi hans. Warren
nefndin hefur ekki fundið neitt
athugavert við þetta bréf, né
heldur ferðalag Crafords.. En
Joesten telur, að þarna þurfi
nánari athugunar við, vegna
þess, að Craford var svo líkur
RUBY
Oswald, að hann gat verið tví-
fari hans. Það furðulega er, að
það hefur aldrei verið birt nein
mynd af Craford opinberlega.
Patterson kaupmaður í Dallas
heldur því fram, að Oswald
hafi komið ásamt Jack Ruby í
verzlun sína þann 1. nóvember,
en þann dag var Oswald í bóka-
geymslunni. Það hlýtur að hafa
verið Craford, sem var þá með
Ruby. En Warren-nefndin hef-
ur aldrei séð Craford, annars
myndi hún strax hafa séð, hve
nauðalikur hann er Oswald.
Joesten gagnrýnir Warren-
nefndina og segist ekki geta
trúað því, að nefndin hafi ver-
ið í góðri trú, er hún lýsti því
yfir, að Oswald hefði staðið
einn að morðinu á forsetanum.
Tilvera tvífarans og áberandi
framkoma hans á „leiksviðinu”
kallast „frame up” í Ameríku
og í þessu tilfelli átti hann að
annast um sterkar líkur, sem
bentu á Oswald. Joesten heldur
að það hafi verið Tippit lög-
reglumaður, sem skotið hafi
forsetann og að það hafi verið
Craford, sem skaut Tippit, og
Ruby, sem hafi verið í fjár-
hagskröggum, hafi verið mút-
að til að skjóta Oswald. En
þessi kenning hefur sína van-
kanta einnig. Hvernig á að
skýra þá staðreynd, að Oswald
tók byssu sína með sér að
heiman morguninn, sem Kenne-
dy var myrtur? Joesten gefur
enga skýringu á því. En hann
fullyrðir, að Oswald sé sak-
laus í þátttöku í samsærinu
gegn Walker hershöfðingja í
apríl 1963, og þar nýtur hann
stuðnings hershöfðingjans
sjálfs. í vissum veigamiklum
atriðum er það hin rússneska
kona Oswalds ein, sem vitnar.
Er fullkomlega hægt að treysta
henni? Hún er orðin vellauðug
á þeim tíma, sem liðinn er frá
morðinu, og hvaðan eru þeir
peningar komnir.
Joesten blaðamaður spyr
margra spurninga, en hann gef
ur ekki svör við þeim öllum.
Svipað og lögfræðingurinn
Mark Lane mun hann halda
áfram rannsóknum sínum á mál
inu. f mörgum löndum eru nú
starfandi nefndir, sem vinna
að rannsókn morðs Kennedys.
Formaður dönsku nefndarinnar
er Jörgen Jacobsen, lögfræðing
ur, og hann hefur tilkynnt, að
nefndin muni halda ráðstefnu
í lok þessa mánaðar til að ræða
það efni, sem þá hefur verið
dregið að. Fyrir sök Kennedys
og Oswalds verða einhverjir
að vinna að því að upplýsa þau
atriði, sem svo mjög eru óljós
ennþá. Edgar Hover, yfirmað-
ur bandarísku ríkislögreglunn-
ar, hefur lýst því yfir, mörgum
vikum eftir að Warren-skýrslan
var birt, að lögreglan myndi
halda áifram rannsóknum á
Kennedy-morðinu. Það er sum-
um nokkur huggun og vonandi
tekst Bandaríkjamönnum að ná
tökum á undirheimalífi sínu
og hreinsa til í lögregluliði
hinna einstöku rí'kja Banda-
rikjanna. — Tjeká þýddi.
Félag íslenzkra leik-
ritahöfunda stofnað
Nokkrir höfundar, sem skrif
að hafa leikverk, hafa undan
farið unnið að stofnun Félags
íslenzka leikritahöfunda. Var
félagið stofnað formlega 15.
nóvember s. 1. Tilgangur fé-
lagsins er fyrst og fremst sá
að vinna að hagsmunum ís-
lenzkra leikritahöfunda, vernda
réttindi þeirra og vinna að
kynningu íslenzkra leikverka,
bæði innan lands og utan auk
þess að gera samninga um
taxta fyrir flutning leikverka
í útvarpi og leikhúsum.
Inntökuskilyrði í félagið eru
þau, að leikverk eftir höfund
hafi verið leikið í viðurkenndu
leikhúsi eða í leiklistardagskrá
Ríkisútvarpsins. Lög félagsins
eru að nokkru sniðin eftir lög
um félaga leikritahöfunda á
á Norðurlöndum.
Félag ísl. leikritahöfunda hef
ur ráðið Jón Amalds héraðs-
dómslögmann, sem lögfræðileg
an ráðunaut og fulltrúa við
samningagerðir.
Stjórn félagsins skipa: Gunn
ar M. Magnúss, formaður, Jök
ull Jakobsson, ritari, Oddur
Björnsson, gjaldkeri. Endur-
skoðendur: Erlingur E. Hall-
dórsson og Sigurður Róberts-
son.
Aðalfundur
Aðalfundur Rithöfundafélags
íslands Var haldinn í sl. mán-
uði. Fráfarandi stjórn baðst
eindregið undan endurkjöri.
Stjórnina skipa nú Ragnheiður
Jónsdóttir, formaður, Friðjón
Stefánsson, gjaldkeri, Svein-
björn Beinteinsson, ritari, Hall
dóra B. Björnsson og Þor-
Framhald ó 12. síðu
Húsmæðrafélag
Reykjavíkur
þrítugt
Húsmæðrafélag Reykjavíkur er
þrítugt um þessi mánaðamót og
minntist félagið afmælis síns með
hófi í Þjóðleikhúskjallaranum í
gærkveldi. Tildrög þess að Hús-
mæðrafélag Reykjavíkur vgr stofn
að var stofnun Mjólkursamsölunn
ar um áramótin 1934-35, og var því
fyrst og fremst ætlað það hlutverk
að ræða við stjórn Mjólkursamsöl-
unnar um breytingar á því skipu-
lagi sem verið var að taka upp,
og standa fyrir mótmælaaðgerð-
um. Urðu hörð átök þennan vetur
út af mjólkurmálunum svonefndu
og jafnvel mjólkurverkföll háð.
Um 450 konur gengu í félagið á
stofnfundi, og var fyrsta stjórn
þess svo skipuð: Guðrún Lárusdótt
ir, formaður, Jónína Guðmundsdótt
ir, varaformaður, María Maack
gjaldkeri, Unnur Pétursdóttir, rit-
ari og meðstjórnendur Guðrún
Jónasson, Ragnhildur Pétursdótt-
ir, Margrét Kr. Jónsdóttir, María
Thoroddsen og Eygló Gísladóttir.
Jónína Guðmundsdóttir hefur
setið í stjórn félagsins frá upphafi
og í mörg ár formaður félagsins.
Mun hið mikla starf, sem félagið
hefur leyst af höndum á seinni ár-
um mjög hafa hvílt á hennar herð
um, enda er dugnaður hennar ann
álaður.
Frú Jónína og aðrar konur í nú
verandi stjórn félagsins ræddu við
blaðamenn fyrir nokkrum dögum
og skýrði þeim frá hinu helzta í
starfi félagsins á liðnum árum.
Sagði hún fyrst allýtarlega frá á-
tökunum í mjólkurmálunum og
taldi, að þótt húsmæðurnar hefðu
ekki komið fram þá þegar því, sem
þær ætluðu sér, hefðu þessar að-
gerðir og starf félagsins síðan
veitt mikið aðhald í mjólkursölu-
málum.
En Húsmæðrafélag Reykjavíkur
hefur ekki setið aðgerðarlaust síð-
an mjólkurmálum lauk. Eitt fyrsta
verkefni þess var að koma sér
upp sumarhúsi við Efra-Rauða-
vatn, og var það síðar endurnýjað
og stækkað. Þar fengu fátækar
mæður sumardvöl sér til hressing
ar. Þar fengu börn einnig að dvelj
ast. Þessi þarfa starfsemi varð
þó að hætta, þegar herinn kom,
því að hann tók húsið til sinna
þarfa, en þá höfðu 87 konur og
327 böm dvalizt þar lengri eða
skemmri tíma.
Næst sneri félagið sér að því
að reha kvöldskóla i húsmæðra-
fræðum fyrir ungar stúlkur og
giftar konur. Það hefur í mörg ár
rekið matreiðslunámskeið þar sem
hvorki meira né minna en 6000
konur hafa numið matreiðslu Þessi
námskeið voru með ýmsum hætti,
stutt eða löng eftir atvikum. Sýndi
sig, að mikil þörf var fyrir þessa
starfsemi og einnig fyrir sauma
námskeiðin, sem félagið hefur
haft á hverju ári. Þá hafa einnig
verið námskeið í föndri og list-
iðnaði. Einnig hefur félagið geng
izt fyrir fræðslufundum um ýmis
efni. Stjórnarkonur og fleiri fé-
lagskonur hafa lagt á sig mikil
aukastörf fyrir félagið af mikilli
ósérplægni.
Húsmæðrafélag Reykjavíkur hef
ur ætíð haft heldur þröngan húsa
kost. Lengi hafði það þó sæmilega
aðstöðu til námskeiðahalds í Borg
artúni 7, en það húsnæði var
tekið af félaginu fyrir nokkru. En
félagið fær hlut að Hallveigarstöð
um sem verið er að byggja, og
rætist þá úr húsnæðisþörf þess svo
að félagskonur vonast til að geta
Framh á bls. 12.