Tíminn - 04.02.1965, Qupperneq 14

FIMMTUDAGUR 4. febrúar 1965
14
TIL HVERS ....
Framnaia u » síðu
spiyrja: Þið secn skrifið um
fjarstæðurnar í samfélagi fólks
nú á tímum og um hin mein-
ingarlausu vandamál nútíma
þjóðfélags og um gervihug-
myndir og gervimat á ýmsum
fyrirbærum, en þið bendið ekki
á neina leið út úr ógöngunum
til sáluhjálpar. Er ekki til
nein leið út úr þessu?
— Eg hef ekki minnstu hug-
mynd um það.
— Hafið þér enga trú á að
til sé leið út úr þessu?
— Eg reyni að krafla mig
út úr þessu eftir beztu getu,
hvað mig sjáHan snertir. Ann
ars er ég ekki viss um að
rithöfundi s'é skylt að gefa
svör við þessu, allra sízt við
spurningum, sem verður ekki
svarað. Ri'thöfundur hefur þá
skyldu að beita félagslegri
gagnrýni af miklum fítons-
krafti, sýna fólki heiminn, eins
og hann kemur rithöfundinum
fyrir sjónir, leggja spilin á
borðið og segja: „Líkar ykkur
þetta? Ef ekki, þá breytið þvi.“
Of margir fara í leikhús með
það í huga að verða viðskila
við sjálfa sig, láta veita sér eitt
hvað óraunverulegt. Leikhúsið
má til að vera dægrastytting,
en ég held að Ödipus sé líka
dægrastytting. Mér finnst leik
ritahöfundi ekki bera skylda til
að leggja ráðgátu á borðið og
láta lausnina fylgja með. Það
er leikhúsgesta að ráða gátuna.
BRÉF TIL BLAÐSINS
Framhald af 8. síðu.
um, sem ég gat ekki haldið vegna
skulda og hafðj ekki efni á að
kaupa mér aðra í staðinn. Vinna
mín haði orðið úrtökusöm undan-
farið vegna vanheilsu. f vor s.l.
hefur svo hinum háu herrum,
sem kjörnir eru til þess að sjá
um að iðnverkamenn- og annað
þarfalýður safni ekki veraldarauði,
þótti hlýða að leggja á mig þetta
lítilræði. Nú vildi svo til að ekki
löngu seinna nánara til tekið um
mánaðamót júní-júlí, að ég þurfti
að fara á sjúkrahús vegna nýs
sjúkdóms. Lét ég þá lögfræðingi
mínum í té vottorð þar um og
óskaði endurskoðunar á afstöð-
unni til gjaldkröfunnar á hendur
mér.
Síðan hef ég verið óvinnufær
að undanteknum skömmum tíma,
sem ég vann á Múlalundi, en því
varð ég líka að hætta.
Eg lagðist inn á sjúkrahús aftur
í desember, en aðeins skamman
tíma, eins og ég gat um í upp-
hafi. Fékk ég þá aftur vottorð í
sama tilgangi, þar sem n(< er ljóst
að langt á í land ennþá, að ég end-
urheimti vinnuþrek mitt. Hafa því
hinir háu embættismenn fulla
vitneskju um ástæður mínar. Og
sjáum bara til. Sama dag og ég
fékk lögtakstilkynninguna, til-
kynntu þeir lögfræðingi mínum, að
krafan á mig væri lækkuð urn kr.
11.000,00, ellefu þúsund krónur.
Eg þyrfti þvL ekki að greiða nema
rmar kr. 30.000,00 þrjátíu þúsund
krónur „aðeins“
En greiðast varð þetta fyrir
áramót.
Hjá okkur hjónunum voru róleg
jól. Gestakomur til, eða frá, heim
ili okkar engar og ég lítið slitið
skóm eða sparifötum „Keisarinn*'
fékk það sem „keisarans“ var, og
vangoldin gjöld valda mér ekki
áhyggjum.
Vegna góðrar frændsemi „á” ég
bílinn ennþá, enda mér nauðsyn-
legur eigi ég eftir að vinna fyrir
meiri „Keisara” — gjöldum.
Af framanskráðu er ljóst að
hér er ekki um neina tilviljun að
ræða, og varla mun þetta eins-
dæmi heldur. Vona ég þó að sem
Cæstra saga sé þessari lík. Eg get
ekki að því gert að þessu líkar
aðfarir finnast mér harðneskjuleg-
ar. Mér finnst iíka, að svona „jóla-
gjafir“ eigi að leggjast niður. Við
ættum, vesalingarnir, að fá að
halda okkar jól í friði og annar
árstími skyldi fremur valinn til
annarra eins framkvæmda.
Mér er nær að álíta að það væri
ekki biblíubrot.
Hver getur svo furðað sig á þó
að ég, og mínir líkar, verði fyrir
annarlegum geðhrifum við lestur
eða að hlusta á hina sjálfumglöðu
stjórnendur lands vors og þjóðar
lofa sina ejgin vjzku ogg réttlæti?
Er ég sé eða heyri þá halda því
fram að ég lifi við efnahags- og
réttarfarsöryggi. Hversu mikið ég
hafi þeim að þakka fyrir það að
hvergi í heiminum líði nokkrum
betur enn mér í dag.
Eg get ekki þakkað það. Lái
mér hver sem vill.
Jóhann Tryggvi Ólafsson.
íþróttir
Framhald af 13. síðu.
Budokawi og B.J.A. Nú er því
tækifæri fyrir unga og röska menn
að reyna sig, og einstakt tæki-
færi til að njóta tilsagnar.
Einnig er judo-deildin að
hefja æfingar fyrir eldri menn
(old boys) og mun Fraser líta þar
inn og gefa góð ráð og sýna margt
athyglisvert, en hann hefur einnig
tekið þátt í æfingum í aikido
sem er mjög lítið þekkt enn utan
Japans, en hann hefur æft það
Undir tilsögn Japanans Senta
Yamata, sem er 6. dan, bæði í
Aikido og judo, og kenir hvort
tveggja í London.
Fraser hefur áhuga á að kynna
sér islenzka glímu, og má búast
við honum á glímuæfingar hjá
glímudeild Ármanns, og ekki ólík-
legt, að báðir aðilar hafi gagn og
gaman af þeim heimsóknum.
Judo fyrir „Old boys"
Judo-deild Ármanns hefur á-
kveðið að hefja æfingar í judo
fyrir „old boys”. Þegar talað er
um judo fyrir „gamla drengi”, er
átt við það, að æfingamar verði
miðaðar við að þátttakendur hafi
aikido og judo og kennir hvort
miðaðar við, að þátttakendur hafi
efcki iðkað íþróttir eða erfiðað
að ráði í all-langan tíma. En eins
og þeir vita, sem til þekkja, er
þesi japanska íþrótt mjög fjöl-
þætt og iðkuð af mönnum á öllum
aldri. Er skemmst að minast kvik-
tveimur árum. Og sýndi þessi 73
ára gamli öldungur svo listrænt
judo og frábæra líkamsþjálfun,
að varla gera þeir betur, sem
yngri eru, og sannar það bezt,
að aldurinn þarf ekki alltaf að
koma í veg fyrir, að afrek séu
unin í judo.
Þó að við gerum ekki ráð fyrir,
að allir feti í spor Mifunes, er
áreiðanlegt, að allir geta iðkað
judo sér til heilsubótar og ánægju.
SAMNINGURINN
Framhald af 1. síðu.
skiptiprósentan verður hin
sama. Á 50—130 tonna bátum
hækki skiptiprósentan um 1.5%,
úr 29,5% í 31.0%, í 11 staði.
Kaupliðir sjómanna hækka all
ir um 5%. Verður kauptryggingin
þannig: — Háseti 9.009.00 kr. á
mánuði. vélstjóri 13.514.00 kr. á
mánuði, 2. vélstjóri, matsveinn og
netamaður 11.261.00 kr. á mánuði.
netamaður 11.261.00 kr. á mán-
uði.
Fastaupphæðin fyrir róður verð
ur 840 krónur.
Eina breytingin, sem gerð var
frá miðlunartillögu sáttasemjara,
sem sjómenn felldu á sunnudag,
er að skiptiprósentin á línu og
netum á 50—130 tonna bátum
hækkaði um 0.2%, og að þessi
hækkun var látin ná til 50 tonna
báta, í stað 70 tonna í málamiðl-
unartillögunni.
TÍMINN
BÓLUSETT
Framhald af 1. síðu.
mótstöðukraft gegn inflúenzunni
og að því þurfi ekki að óttast víð-
tækan faraldur að þessu sinni.
Talsmaður heilbrigðisyfirvalda
Sovétríkjanna sagði í dag, að
tala inflúenzu-veikra manna í
Moskvu myndi líklega hækka
nokkuð næstu daga. Þegar nýtt
yfirlit var gert s. 1. þriðjudag,
höfðu 92.000 sjúklingar bætzt við
sagði talsmaðurinn, en hann sagði
ekkert um, hversu margir væru
veikir í allt.
f Genf er unnið að því að
koma í veg fyrir frekari útbreiðslu
inflúenzunnar, en sagt er, að
hún sé nú komin til Austur-Þýzka
lands. Charles Cockburn, yfirmað
ur vírus-deildar WHO, sagði í dag,
að inflúenza væri faraldur sem
kæmi í bylgjum og að WHO hefðí
bent á það áður að 1965 yrðl
farsótta-ár.
Nóbelsnefnd sænsku Aka-
dag, að margir ungir vísindamenn
hafi neitað að annast inflúenzu
sjúklinga, en þeim hefur verig
skipað að gera það vegna farsótt
arinnar.
HANDRITIN
Framhald af 1. síðu.
málaráðherra um það, hvort ekki
sé tímabært að afhenda íslending
um þau forn handrit íslenzk oem
varðveitt eru í Svíþjóð. f fyrir
spurninni er því haldið fram, að
í Konunglegu bókhlöðunni í
Stokkhólmi séu varðveitt 300
handrit en 50 séu í háskólabóka
safninu í Uppsölum. — íslenzka
lýðveldið hefur engar kröfur bor
ið fram á hendur landi voru, en
það er sannarlega góð og gild
ástæða fyrir Svíþjóð að afhenda
fslendingum þessi handrit, segir
fyrirspyrjandinn, Gustav Lorent-
zon. Hann heldur því fram að
Svíar eigi að íhuga, hvort þeir
eigi ekki að afhenda handritin,
jafnvel þótt Danir geri það ekki.
Hann heldur því fram, að það
væri móðgun við íslendinga að
ljósmynda handrit þau, sem varð
veitt eru í Svíþjóð og láta ís-
lendinga fá filmurnar.
Blaðið bar þessa frétt undir pró
fessor Einar Ólaf Sveinsson, for-
stöðumann Handritastofnunarinn-
ar, um álit hans á þessari frétt.
— Hún boðar enga breytingu
fyrir okkur, en það er ánægju-
legt að heyra að danska stjórnin
er svona ákveðin. Það var alltaf
ráð fyrir því gert, að afhendingin
færi frani smám saman og tæki
25 ár. f fyrstu var það miðað
við orðabókargerðina, en nú miða
þeir sýnilega við viðgerðir og
ljósmyndun. Eg sé ekki að við
getum neitt yfir þessu kvartað,
það er okkur mikils virði að fá
handritin í góðu ásigkomulagi og
kona sú, sem sér um viðgerðirnar
í Árnasafni mun vera mjög hæf
í starfi sínu. Það eru einnig góð
ar fréttir að þessu máli skuli hafa
verið hreyft í sænska þinginu,
þótt við vissum raunar fyrir að
í Svíþjóð eru allmargir menn sem
eru því hlyntir að við fáum þau
forníslenzk handrit, sem þar eru
varðveitt.
HALLGRÍMSKIRKJA
Frambald ai 16 siðu
hluti kirkjunnar verður tekinn í
notkun í haust.
Næsta verkefni verður svo sjálf-
ur turninn, og er búizt við að lokið
verði við hann á árinu. Aðspurð-
ur sagði Jörundur að betra væri
að ljúka við turninn fyrst, frekar
en miðbygginguna — skipið —
þar sem reisa þyrfti mjög dýra
vinnupalla. Pallar þessir koma til
með að kosta hálfa milljón króna,
og það yrði of dýrt að rífa þá nið-
ur og setja þá svo upp aftur
seinna. Ekki kvaðst Jörundur geta
sagt að svo komnu, hvenær byrj-
að yrði á miðbyggingunni.
HÁLF MILLJ............
Framhaid al 16 síðu.
ráðinu og hafa ekkert verið yfir-
heyrðir vegna þess. Hallgrímur
Thomsen, lögmaður, sem sér urp
málið fyrir útgerðina, bíður nú
nánari fyrirmæla að heiman og
vitneskju um það, hvort trygging
verður sett fyrir allri upphæð-
inni fyrir mánudagsmorgun.
Fráttaritari Tímans hitti Jó-
hann Örn Matthíasson um borð
í Gullfossi í morgun. Gunnar
Halldórsson hringdi í hann í
morgun og lofaði að senda hon-
um peninga og kvaðst myndi
biðja annan vélstjóra, sem er um
borð, að elda mat.
MYGLAÐ BRAUÐ
Framhald at 16. síðu.
plastumbúðirnar fyrr en þau eru
orðin vel köld. Hins vegar þarf
ekki að kæla brauðið undir stofu-
hita, þar eð brauðbúðirnar eru
ekki kældar, og hið sama gildir
um þá staði í kjörbúðunum, sem
brauð eru geymd á.
Hins vegar er nú í uppsiglingu
nýtt fyrirtæki sem mun selja
brauð innpökkuð í sérstakar um-
búðir, og eiga þau að geymast
miklu betur en brauð í þeim um-
búðum, sem nú eru notaðar.
HORNLEIKARI
Framhald af bls. 16
í gærkvöldi til að blása í hornið
fyrir Herbert Hriberschek, sem
varð að leggjast á spítala. Þegar
herra König heyrði, að við vorum
að tala um þennan unga mann frá
London, sem á að fylla tölu horn
leikaranna apnað kvöld, sagði
König:,, Já, hann með skeggið,
hann er ágætur og svo nauðalík-
ur Brahms, að við fórum strax
að kalla hann Brahms.“ Þessi
ungi hornleikari heitir annars
Frank Hawkins.
Tónleikarnir annað kvöld verða
hinir fyrstu á síðara misseri, sem
býður upp á íslenzka einleikara á
þrennum tónleikum, Rögnvald,
Einar Vigfússon sellóleikara og
Ingvar Jónasson fiðluleikara en
meðal erlendu leikaranna verða
Wilhelm Stross og Josef Suk á
fíðlu, og Jörg Demus og Anker
Blyme á píanó.
Við hittum Frank Hawkins,
hornleikara, snöggvast að Hótel
Sögu í kvöld. Hann kvaðst hafa
fengið upphringingu í gærkvöldi
frá Bernadr Walton, klarinettleik-
ara (sem lék hér einleik í Mozart-
konsert með sinfóníuhljómsveit-
inni á síðustu tónleikum) og verið
beðinn að fljúga til Reykjavíkur
eftir nokkra klukkutíma til að
leika í staðinn fýrir hornleikara,
sem forfallaðist, en hljómsveitar-
stjórinn taldi nauðsynlegt, að
fjórir hornleikarar væru mættir á
hljómleikunum. Hawkins sagðist
hvergi vera fastráðinn, en hér
hefði hann samt skamma viðdvöl,
flýgur aftur út á föstudagskvöVl,
því að hann á að leika á sinfóníu-
tónleikum í London fyrir helgina.
Þetta er í annað sinn,'sem hann
tekur þátt í tónleikum erlendis,
fór fyrir nokkrum árum með Birm
ingham-sinfóníuhljómsveitinni í
tónlcikaför til meginlandsns.
Frank Hawkns kvaðst hafa verið
skólabi'óðir Einars Vigfússonar,
sellóleikara, á tónlistarskóla í
London fyrir allmörgum árum.
Innilegar hjartans þakkir vottum við öllum þeim, sem auð-
sýndu okkur samúð og vinarhug við andlát og jarðarför manns-
ins míns, föður og tengdaföður,
Guðmundar Guðmundssonar
bónda, Högnastöðum.
Sérstakar þakjtir færum við læknum og hjúkrunarliði Lands-
spítalans fyrir góða hjúkrun.
Kristbjörg Sveinbjarnardóttir,
Ásta Guðmundsdóttir, Sigurfinnur Sigurðsson,
Sigrún Guðmundsdóttir, Guðbrandur Kristmundsson,
Ingibjörg Guðmundsdóttir, Ásgrímur Guðmundsson,
Halldóra Guðmundsdóttir, Böðvar Ingi Ingimundarson.
Jarðarför konunnar minnar,
Margrétar Jónsdóttur,
Suðurgötu 26,
sem andaðist 28. f. m. ,fer fram frá Dómkirkjunni föstudag-
inn 5. febrúar kl. 13.30.
Blóm eru vinsamlega afþökkuð, en þeir sem kynnu að vilja
minnast hinnar látnu eru beðnir að láta Krabbameinsfélag
íslands eða líknarstofnanir verða þess aðnjótandi.
Jón Ólafsson.
Maðurinn minn,
O. Kornerup Hansen
forstjóri,
lézt að heimili sínu, Suðurgötu 10, 3. febrúar s. 1.
Guðrún Kornerup-Hansen.
Litla dóttir okkar,
Kristín,
andaðist á sjúkrahusi Akraness þann 1. febrúar. Jarðarförin
fer fram frá Borgarneskirkju lauggrdaginn 6. febrúar og
hefst kl. 14.
Indríður Lárusdóttir,
Hermann Jóhannsson,
Sæunnargötu 4, Borgarnesi.
Hjartans þakkir fyrir auðsýnda samúð við andlát og jarðar-
för móður okkar og eiginkonu minnar,
Sigríðar Þorgeirsdóttur Thorsteinson
Birgir, Gunnar og Axel Thorsteinson.