Morgunblaðið - 25.09.1957, Blaðsíða 14
14
uonGvnniA&iB
Miðvikudagur 25. sept. 195?
Vélbátur til sölu
Vélbálurinn Geir goði 38 lesta með 110 ha.
June Munktel vél er til sölu fyrir mjög lágt verð
og hagkvæma greiðsluskilmála.
Uppl. hjá Lofti Loftssyni, Reykjavík.
Sími 12343.
Myndarleg og vönduð
Stúlka
sem taka vildi að sér heimili fyrir mann með
stálpuð börn, óskast. —
Stór íbúð. — Heimilisþægindi.
Tilboð sendist í pósthólf 158, Akureyri.
Lœrið ensku
eins og hún er töluð í Englandi. Tungumál geta menn
aldrei lært af bókum einum saman. Ef þér þurfið á því
að halda, að TALA ensku, þá er það ómetanleg hjálp að
æfa sig undir umsjá sérfróðra kennara í Málaskólanum
Mimi. Þér lesið bækur yðar heima eftir því sem þér hafið
tíma og tækifæri til og ræðið við kennarann á ENSKU í
sjálfum tímunum um það, sem stendur í námsköflunum.
Við þetta venjist þér á að skilja og sundurgreina hin er-
lendu hljóð og mynda setningar á enska tungu.
I Málaskólanum Mími eru flokkar við allra hæfi, hvort
sem þeir hafa lært nokkur ár í skóla eða aldrei numið
tungumál fyrr.
IViálaskólinn Hiimir
Hafnarstræti 15
Innritun í síma 22865, kl. 5—8 daglega.
Kennsla er að hefjast.
fr&nÉVíö^oa mynóiisraetólinn
DAGDEILDIR (kl. 2—7 síðd.): Myndlistadeild, teikni-
kennaradeild, listiðnaðardeild kvenna, kennsludeild hag-
nýtrar myndlistar.
SÍÐDEGIS- og KVÖLDNÁMSKEIÐ: Auglýsingateikn-
un, baldýring, barnaflokkar í föndri, teiknun og hand-
brúðugerð, Batik, bókband, föndurkennsla fyrir full-
orðna, handbrúðugerð fyrir kennara, húsateiknun
fyrir trésmiði, húsgagnateiknun fyrir húsgagnasmiði, leir
munagerð, linolþrykk (á tau), listasaga, myndmótun,
mynzturteiknun, prjón (listprjón), sáldþrykk (serigrafi
á pappír og tau), skermagerð, teiknun og málun, teiknun
fyrir silfur- og gullsmíði, tízkuteiknun, útsaumur, vefn-
aður.
Umsóknir tilkynnist fyrir lok þessa mánaðar.
Nánari upplýsingar í skrifstofu skólans, Skipholti 1, alla
virka daga nema laugardaga kl 5—7 síðd. Sími 19821.
Umsóknir tilkynnist fyrir lok þess mánaðar.
Skólastjórinn.
Vekið stóraukna aðdáun...
Snjóhvít skyrta vekur aðdáun, bæði á
manninum og þvottinum. Algengt þvotta-
duft skilar þvottinum hreinum, en ekkert
nema hið bláa Omo skilar hvítum þvotti,
sem er reglulega skjallhvítur. Sé fatnað-
urinn mislitur, verða litimir langskær-
IC-OMO 14/3-2t87-iJ
astir, ef hann er þveginn úr ilmandi bláu
Omo. Þetta kemur til af þvi, að Omo
hreinsar hverja ögn af óhreinindum,
hversu grómtekin sem fötin eru. Reynið
það í næsta þvotti! Þá munuð þér sjá
muninn.
HIÐ BLÁA OMO SKILAR YÐUR
ffiimm Hvmsm Þw&mi
Lisfaverk flutt
SVO SEM kunnugt er taka 19
íslenzkir listamenn þátt í hinni
miklu norrænu myndlistarsýn-
ingu, er opnuð verður í Gauta-
borg 12. n.m. Vegna þess þurfti
að senda héðan til Gautaborgar
um 78 listaverk, málverk, högg-
myndir, vefnað, steint gler og
svartlist.
Hingað til hefir það verið hefð-
bundin venja að senda slíkar
sýningardeildir landa í milli með
skipum, en að þessu sinni ákváðu
forráðamenn íslenzku deildarinn-
ar að láta flytja alla sýningar-
munina loftleiðis, þar sem það
var talið hagkvæmara.
Fyrsta sendingin fór héðan með
flugvél Loftleiða 19. þ.m. til
Gautaborgar og í morgun hin
síðasta með Heklu. Var það m.a.
geysistórt málverk eftir Gunn-
laug Schewing (2x3 m).
Tveir íslenzkir listamenn munu
nú á förum héðan til þess að sjá
um uppsetningu sýningarinnar
og vera fulltrúar íslenzkra mynd-
listarmanna meðan hún verður
opin.
(Frá Loftleiðum).
Um Davíð á Arnbjarg
arlæk áttræðan
HVAR á landinu sem er, sé Davíð
á Arnbjargarlæk nefndur vita
allir, sem komnir eru til vits og
ára, hver maður sá er og hvar
búsettur. Svo vítt um landið eru
dreifðir vinir hans og kunningj-
ar, starfsfélagar og þeir sem not-
ið hafa hjálpfýsi hans, ráðdeild-
ar og rausnar. Kynnin hafa verið
svo margvísleg, að þau verða vin-
um hans ógleymanleg. Nær það
jafnt til samverustunda þar sem
hann hefur verið jafnsnjall að
fjalla um torráðin vandamál,
hrókur alls fagnaðar á gleðifund-
urn eða hinn trausti vinur í raun.
Fyrir augum almennings verður
sérstaklega minnisstæður stór-
bóndinn á Arnbjargarlæk. Munu
hinir mörgu gestir, er þar hefur
að garði borið hans mörgu bú-
skaparár minnast þeirrar rausnar
er þar hefur mætt þeim. En þar
um er skerfur frúarinnar Guðrún
ar Erlendsdóttur ekki minni en
bóndans.
Jafnhliða því, sem hinir mörgu
vinir Davíðs minnast hans vegna
þessa afmælis, mun hans lengi
minnzt sem brautryðjanda í vel-
ferðarmálum sinnar sveitar og
álls Borgarfjarðarhéraðs.
Langur ér starfsferill hans um
að bæta samgöngur héraðsins.
Var hann einn af forvígismönn-
um þess, í byrjun þessarar aldar,
að stofnun Gufubátsfélags Faxa-
flóa, með kaupum og rekstri
gufuskipsins Ingólfs, og í fram-
haldi af því virkur þátttakandi í
hlutafélaginu 'Skallagrími í
kaupum og rekstri skipanna
Suðurlands, Laxfoss og Akra-
borgar.
Hafði hann glöggt auga fyrir
því að bættar samgöngur voru
höfuðskilyrði fyrir bættum hag
héraðsbúa í verzlunarmálum o.
fl. Samvinnusambönd héraðsbúa
hafa lengi búið að hans forsjá
og ráðum, og svo er um flest
velferðarmál héraðsins.
Lengst munu þó sveitungar
Davíðs minnast hans, vegna ár-
vekni hans og ráðdeildar í hrepps
málum. Verið hreppstjóri og odd-
viti hálfa öld eða lengur og sýslu-
nefndarmaður.
Þó ellin færist yfir, eru það
einlægar óskir vina hans, að hann
eigi framundan sem flesta sól-
bjarta sumardaga á Arnbjargar-
læk, þar sem hin breiða byggð
Borgarfjarðarhéraðs blasir við
augum, suður til Skarðsheiðar og
út og vestur um Borgarfjörð.
Og að hann eigi enn þess kost
að grípa til gæðingsins eða
bregða sér í bifreið til gleðifunda
með vinum sínum. eða leggja
með þeim línurnar að framgangi
óleystra velferðarmála Borgar-
fjarðarhéraðs.
Magnús Jónsson.