Morgunblaðið - 22.06.1958, Page 13

Sunnudagur 22. júní 1958
MORGUNBLAÐIÐ
13
Aðalfundur Fylkis, félags
ungra Sjálfstœðismanna
á ísafirði
35 nýir meðlimir gengu i félagið
Frá flugvellinum í Tulsa.
Við flugvirkjanám í
Bandaríkjunum
Rætt við Lárus Gunnarsson
Framh. á bls. 18.
Hin nýkjörna stjórn Fylkis. Aftari röð, talið frá vinstri: Jón
Karl Sigurðsson, gjaldkeri; Guðfinnur Magnússon, formaður;
Gaiðar S. Einarsson, varaformaöur. Fremri röð frá vinstri: Olga
Ásbergsdóttir, varastj., og Helga Þórðardóttir, ritari. Á mynd-
ina vantar Grétar Steinsson, meðstjórnanda.
SÍÐA'STLIÐIÐ IV2 ár hefur Lár-
us Gunnarsson dvalið i Tulsa,
Oklahoma, í Bandarikjunum við
flugvirkjanám. Flugvirkjun mun
ekki vera kennd hér heima, og
verða því þeir, sem æskja þess
að leggja flugvirkjun fyrir sig
að leita utan. Lárus er nýkom-
inn að vestan, og átti ég eftirfar-
andi viðtal við hann fyrir
skömmu, þar sem hann segir síð-
unni nokkuð frá dvöl sinni í
Bandaríkjunum.
— Hvað voruð þið margir við
flugvirkjanám héðan að heiman.
þegar þú fórst frá skólanum?
— Við vorum 9, 6 frá Reykja-
vik, 1 frá Hafnarfirði og 2 frá
Keflavík.
— Var margt útlendinga í skól-
anum?
— Nei. Við vorum einu nem-
' •>f aðalgötunum í Tní
endurnir frá Evrópu. Nokkrir
voru frá Suður-Ameríku, en
langflestir voru Bandaríkjamenn.
Margir Bandaríkjamannanna
voru fyrrverandi hermenn. Sum-
ir höfðu barizt í Kóreustríðinu
og á fleiri stöðum, aðrir verið í
herstöðvum erlendis. Ríkið greið-
ir skólakostnað fyrir þessa menn,
veitir þeim 110 dollara á mánuði.
Fjölskyldufeður, en þeir voru
ekki allfáir, fá þó lítið eitt hærri
„styrk“.
— Geturðu sagt okkur í stuttu
máli, hvernig náminu er hagað?
— Námið er bæði verklegt og
bóklegt. Skólatíminn er frá 8
árdegis til 2.30 síðdegis. Fyrsti
mánuðurinn er nokkurs konar
undirbúningur undir það, sem á
eftir kemur. Þá kemur alveg sér-
stakur undirbúningur undir mót-
orfræðina, og síðast er mótorinn
tekinn fyrir rækilega á sérstöku
verkstæði, sem skólinn á. Þá er
gengið undir próf í mótorfræð-
inni við sjálfan skólann Það er
samt ekki nóg. Lokapróf er íekið
hjá bandarísku flugumferðar-
stjórninni (CAA). Hlýtur nem-
andinn þá réttindi sem „Power-
plant mechanic“, þ. e. réttindi til
þess að gera við algengustu teg-
undir flugvélamótora.
Eftir þetta er „skrokkurinn"
tekinn fyrir á svipaðan hátt og
mótorinn. Þar er komið inn á t. d.
plötusmíði og logsuðu, og megum
við vera viðbúnir að þurfa að
smiða og laga til sjálfir ýmsa
hluti „skrokksins“. Prófað er á
sama hátt og áður, og eftir prófið
hjá CAA hefur nemandinn rétt-
indi sem „Airframe mechanic“.
— Hvers konar vélar fengust
þið aðallega við?
— Skólinn á sínar eigin fiug-
vélar, mótora og yfirleitt ailt,
sem viðkemur flugi. Flestar eru
þetta gamlar vélar. . svoneíndar
„trainers", af gerðinni PT-13.
Orrustuflugmönnum er kennt á
þessar vélar, áður en þeim eru
fengnar í hendur eiginlegar orr-
ustuflugvélar. Oft er það -vo, að
vélarnar laskast meira og minna,
meðan á kennslufluginu stendur.
Verður ósjaldan að taka þær al-
veg upp, og er þá upplagt að
nota þær í flugvirkjaskólanum.
— Unnuð þið nokkuð í sam-
bandi við námið?
— Já, við unnum 4 tíma á dag
og fengum fyrir það rúman doll-
ara á tímann. Vinnan var að vísu
ekki alltaf í beinu sambandi við
námið. Við vorum t, d. látnir
halda húsakosti skólans við, eftir
því sem við varð komið.
— Hve langan tima tekur nám-
ið?
— Það, sem ég tók fyrir, tók
14 mánuöi. Skóiinn veitir enn-
fremur kennslu í „flight-engine-
er“, en það er nokkurs konar sér_
menntun sem vélamaður. Það |
nám tekur 4 mánuði. Emnig er
kennd meðferð mælitækja, 8
mánaða nám, svo eitthvað sé
nefnt. í
— Er námskostnaður mikill [
þar vestra?
— Skólagjaldið er 60 dollarar
á mánuöi, en fæði og húsnæði
kostar um 70 dollara á mánuði.
Skólinn veitir þó þeim, sem það
vilja, húsnæði fyrir 15 dollara
á mánuði, en fæði verður maðui
alla vega að verða sér úti um
sjálfur.
— Hljótið þið einhvern styrk
eða lán við námið?
AÐALFUNDUR „Fylkis“, F, U. S.
á ísafirði var haldinn að Upp-
sölum laugardaginn 7. júní sl.
Formaður félagsins, Guðfinnur
Magnússon sýsluskrifari, setti
fundinn, bauð fundarmenn vel-
komna og las upp 35 inntöku-
beiðnir, sem borizt höfðu, og voru
þær allar samþykktar samhljóða.
Eru félagsmenn í „Fylki“ nú um
100 talsins.
Fundarstjóri var kjörinn Al-
bert K. Sanders og fundarritari
Helga Þórðardóttir. Þá fóru fram
venjuleg aðalfundarstörf og lagð-
ar voru fram og samþykkar til-
lögur fráfarandi stjórnar um
breytingar á lögum félagsins.
Kjörin var ný stjórn fyrir félagið,
en hana skipa: Guðfinnur Magn-
ússon, formaður; Garðar S. Ein-
arsson, verzlm.; Helga Þórðar-
dóttir, póstafgrm.; Jón Karl Sig-
urðsson, afgrm. og Grétar Steins-
son, nem.
Varastjórn: Jens Kristmanns-
son, Olga Asbergsdóttir og Birgir
Baldursson. — Endurskoðendur
voru kosnir Árni Höskuldsson og
Rúnar Steindórsson.
Að því loknu hófust almennar
umræður. Aðalræðurnar íluttu
Jóhannes Árnason, erindreki
S. U. S. og Matthías Bjarnason,
bæjarfulltrýi. Jóhannes ræddi
nokkuð þau mál, sem efst eru
á baugi hjá stjórn S. U. S., færði
félaginu árnaðaróskir af hálfu
sambandsstjórnar og kvað æski-
legt, að sem nánast samstarf tæk
ist með stjórn S. U. S. og félögum
ungra Sjálfstæðismanna í dreif-
býlinu um að efla samtökin og
starfsemi þeirra með því m. a.,
að gangast fyrir stjórnmálanám-
skeiðum, umræðufundum og sam
komum. Þá vék hann að afskipt-
um íslenzkrar æsku af stjórn-
málum og lagði áherzlu á, að
framtíð þjóðarinnar stafaði hætta
af þeirri sundrung, tortryggni og
miskunnarlausu baráttu stétta og
hagsmunasamtaka, sem einkenndi
íslenzkt þjóðlif í dag á tímum
úrræðalausrar vinstri stjórnar,
sem nyti þverrandi trausts með
þjóðinni. Kvað hann unga Sjálf-
stæðismenn hafa hér mikilvægu
hlutverki að gegna, þar sem væri
öflug sameining íslenzkrar æsku
og þjóðarinnar í heild undir
merki Sjálfstæðisstefnunnar, sem
ein íslenzkra stjórnmálastefna
væri þess megnug og vildi fara
þá leið, að vinna að gagnkvæm-
um skilningi þjóðfélagsstéttanna
á hagsmunum hverra annarra
undir kjörorði Sjálfstæðismanna:
Stétt með stétt. Hvatti hann
fundarmenn til þess að leggja sig
fram í markvissri baráttu að því
marki.
Næstur tók til máls Matthías
Bjarnason og flutti yíirlitsræðu
um stjórnmálaflokkana íslenzku.
Ræddi hann um stefnu hvers
þeirra um sig, kosti þeirra og
galla, hvaða baráttuaðferðum
þeir beittu og hvernig stefnur
þeirra reyndust í framkvæmd.
Þá talaði hann um landhelgis-
málið og kvað þjóðinni nauðsyn
að standa einhuga saman í því
mikilvæga máli, ef sigur ætti
að vinnast. Öll innbyrðis sundr-
ung og ábyrgðarleysi væri til
þess eins að veikja málstað ís-
lands.
Aðrir ræðumenn voru Albert
K. Sanders, Guðfinnur Magnús-
son, form. og Guðmundur Hall-
dórsson, sjóm. Að loknum fund-
inum var svo almennur dans-
leikur að Uppsölum á vegum fé-
lagsins.
Hafa ungir Sjálfstæðismenn á
ísafirði mikinn hug á að efla og
styrkja félag sitt sem mest og
stuðla að vaxandi áhuga unga
fólksins á þjóðfélags- og menn-
ingarmálum með því að halda
uppi fjölbreyttri félagsstarfsemi
í kaupstaðnum.
Er i ráði að efna til stjórn-
málanámskeiðs á ísafirði á veg-
um S. U. S. á hausti komandi,
ennfremur verður þá væntanlega
haustmót ungra Sjálfstæðis-
manna. Þá er í athugun að fara
hópferð á vegum félagsins á þing
Fjórðungssambands Sjálfstæðis-
manna á Vestfjörðum, sem haldið
verður í Bjarkarlundi 12—13.
júlí nk.