Morgunblaðið - 20.09.1961, Blaðsíða 13

Miðvikudagur 20. sept. 1961
MORGUNBLAÐIÐ
13

Það var á hljómleikum,
sem haldnir voru til ágóða
fyrir einhverja góðgerðastarf
semi og aðgangur dýrseldur,
nokkur þúsund ísl. kr. pr.
miða. Fyrst stjórnaði hljóm-
sveitarstjórinn CharlesMunch
nokkrum klassískum verkum
við mikla hrifningu en skyndi
lega sat Danny Kaye á sviðs-
brúninni og dinglaði þar sín-
um löngu skönkum, meðan

hann tilkynnti að nú hygðist
Munch taka sér hlé og hann
skyldi á meðan stjórna hljóm
sveitinni, er hún léki vals úr
Leðurblökunni eftir Jóhann
Strauss.
Allmargir áheyrenda urðu
súrir á svip, nokkur kröftug
mótmæli heyrðust utan úr
salnum og einhverjir kölluðu
að þetta væri helgispjöll —
en það stóð ekki lengi. Áður
en varði byrjaði hinn fyrsti
að hlæja og síðan hver af
öðrum, hlj óðf æraleikar arnir
jafnt sem áheyrendur og áð-
ur en valsinum lauk hafði
stjómandinn unnið allra
hjörtu, jafnvel þau stálhörð-
ustu.
Hljómsveitarmenn sem all-
ir eru fyrsta flokks hljóð-
færaleikarar hlýddu jafnóð-
um hverju merki leikarans
um styrkleika og hraðabreyt-
ingar og þótt Danny benti
hinum og þessum hljóðfærum
að grípa inn í, þar sem þeim
var ekki ætlað samkvæmt
forskrift valsakóngsins, voru
þeir viðbúnir og fljótir að
svara. Nokkrum sinnum féllu
þó taktar úr, þegar hljóm-
sveitarmenn gátu ekki leikið
fyrir hlátri. Það er almanna-
rómur fyrir vestan að sin-
fóníuhljómsveitinni í Boston
hafi aldrei verið þakkað með
slíkum fögnuði.
I

Hákoni
Bjarnasyni boðið
til Þýzkalands
HÁKONI Bjarnasyni skógræktar
stjóra hefur verið boðið til Vest
ur-Þýzkalands til þess að kynna
sér skógrækt og skógræktarstarf
semi þ£ir í landi. Er það ríkis-
stjórnin í Bonn, sem fyrir þessu
boði stendur. Mun hann ferðast
bæði um Norður- og Suður-
Þýzkaland og vera um 3 vikur í
förinni.
Hákon Bjarnason fer utan flug
leiðis í dag.
Septembermót í
Hafnarfirði
HAFNARFIRÐI — Hið árlega
Septembermót Taflfélags Hafnar
fjarðar hefst n.k. fimmtudag í
Alþýðuhúsinu kl. 8 e.h. Teflt verð
ur í tveim flokkum, í A-flokki
verða 10 þátttákendur, fimm héð
an úr bænum og fimm landsliðs-
og meistaraflokksmenn úr Rvík.
í B-fl. er öllum heimil þátttaka
og verður teflt eftir Monrad-
kerfi. Veitt verða ein 500 kr verð
laun í hvorum flokki. — Þátttaka
tilkynnist til Stígs Herlufaens
rakarameistara fyrir miðvikudags
kvöld. 1
Rætt um minnk-
andi síldargöngur
á ársfundi Alþj. hafrannsóknarráðsins
Björgvin, 18. sept. (NTB).
HINN 25. september n.k. munu
koma saman til fundar í Kaup-
mannahöfn fulltrúar frá nokkr-
um iöndum og ræða um möguleg
ar aðgerðir til eftirlits með síld-
veiðum og skiptast á vísindaleg-
um upplýsingum. Er ástæðan til
þessarar ráðstefnu sú fyrst og
fremst, að vísindamönnum virð-
ist ýmislegt benda til þess að síld
veiðar fari minnkandi um allan
heim.
Á ráðstefnunni verða m.a. full-
trúar frá Noregi, Danmörku,
Rússlandi, Bandaríkjunum,
Kanada og Japan. Verður m. a.
rætt um ástæður fyrir minnk-
andi síldargöngum í Kyrrahafinu
við Japan og Kaliforníu, og í
Norðursjó. Ráðstefnan mun
standa til 1. okt.
— ★ —
Morgunblaðið átti í gærkveldi
símtal við Jón Jónsson, fiskifræð
ing í tilefni þessarar fregnar.
Tjáði Jón blaðinu að hér væri
um að ræða ársfund Alþjóðahaf-
rannsóknarráðsins, sem íslend-
ingar ættu aðild að. Verður á árs-
fundinum haldinn sérstakur fund
ur um síldarrannsóknir, svo sem
getið er hér að ofan, og einnig
verður haldinn sérfundur um átu
rannsóknir. Nokkrir íslendingar
munu sækja þessa sér fundi auk
annarra á ráðstefnunni, en í hópi
fulltrúa íslands verða vantanlega
þeir Jakob Jakobsson og Jón
Jónsson.
Fangi kemst
í eiturefni
Á FIMMTUDAG komst einn fang
anna á Litla-Hruani í einhvers
konar ólyfjan, sem hann neytti
í föstu eða fljótandi formi. Þegar
komið var að honum á föstu-
dagsmorgun var hann meðvitund
arlaus og illa farinn. Hann var
fluttur á Landsspítalann og lá þar
rænulaus allan föstudaginn og
og fram á laugardag. Síðan hefur
hann verið að hjarna við og mun
nú úr allri hættu. Ekki er vitað,
hvers maðurinn neytti.
Þjófar, ölvaðir
ökuþórar og
sprúttsalar á ferð
um helgina
Talsvert var að gera hjá lög-
reglunni um helgina og nú upp
úr henni, eins og venjulagt er.
Auk þeirra mála, sem annars
staðar er getið í blaðinu, má
nefna, að þrír menn giengu á
fund rannsóknarlögreglunnar á
mánudagsmorgun, hver í sínu
lagi, og kærðu þjófnaði. Höfðu
þeir allir verið rændir allháum
upphæðum. Mál þeirra eru nú í
rannsókn.
Nokkrir menn voru teknir fast
ir fyrir að aka ölvaðir, en ekki
gerðist neinn þeirra slysavaldur.
Tveir menn voru teknir á laug
ardag vegna ólöglegrar áfengis-
sölu.
Vel búinn þjófur
AÐFARANÓTT sunnudags, kl.
eitt, vöknuðu húsráðendur á
Skeggjagötu 6 við umgang í kjall
ara hússins. Þeim tókst að gera
lögreglunni aðvart, og kom hún
þegar á staðinn. í kjallaranum
náðu þeir manni, sem komizt
hafði inn um glugga. Yar hann
búinn tækjum til innbrota, svo
sem skrúfjárnum af ýmsurn stærð
um. Mál hans er í rannsókn.
Vönduðu útvarps-
tæki stolið úr
bifreið
AÐFARANÓTT sunnudags var
brotizt inn í bifreið af Mercedes
Benz-gerð, sem stóð niðri í
Tryggvagötu, og stolið úr henni
miklu og vönduðu útvarpstæki,
12 lampa. Þeir, sem einhverjar
upplýsingar kynnu að geta veitt
um málið, eru vinsamlega beðnir
um að láta rannsóknarlögregluna
vita.
Þrír mjólkurbílar
skella
saman
HARKALEGUR árekstur varð
skammt fyrir austan Selfoss á
sunnudagsmorgun, þegar þrír
stórir mjólkurflutningabílar
skullu saman.
Tveir bílar fóru austur um
morguninn til þess að sækja
mjólk, en námu staðar ekki
langt frá Selfossi, vegna þess
að bifreiðastjórarnir sáu hest
fastan í girðingu og fóru til
að losa hann. Meðan þeir voru
að hjálpa hestinum, bar þriðja
bílinn að. Lenti hann af miklu
afli aftan á öðrum -bílnum og
kastaði honum aftan á hinn.
Bílhúsið flattist saman og bíl-
stjórinn slasaðist, en ekki hættu
lega. Bíllinn, sem varð fyrir
fyrra högginu, er illa farinn,
en sá þriðji slapp lítt sem ekkj
skemmdur.
Tveir slasast
Frá fréttaritara Mbl,
Borgarnesi, 18. sept.
TVEIR menn slösuðust í Þverár-
rétt í dag, en hvorugur er í nokk
urri hættu.
Maður um tvítugt, Sigurður
Guðsteinsson úr Reykjavík, datt
af hestbaki og hjó sjg nokkuð á
höfði.
Annar maður ætlaði að hleypa
fé ofan úr kerru, þar sem það
var að troðast undir í þrengslum.
Var hann að skera á spotta í flýti
miklum, þegar hnífurinn lenti í
lærinu á honum. Kom lagið í
slagæð’ og blæddi manninum tals
vert.
Báðifm mönnunum var ekið til
læknis niður í Borgarnesi, og
i gerði hann að sárum þeirra.