Morgunblaðið - 19.07.1963, Qupperneq 17

Föstudagur 19. júlí 1963
V o tl C V y Tt l 4 B t O '
17
Sigurður Guðmúndsson
stúdent — IViinning
Vita nostra brevis est
brevi finietur!
venit mors velociter,
rapit nos atrociter,
nemini parcetur.
ÞANN 17. júní 1962 er sigurreifur
stúdentahópur að útskrifast frá
Menntaskólanum á Akureyri.
Ærsl og unglingabrek mennta-
skólaáranna eru að baki, fram-
tíðin er hillingakennd. Að morgni
tvístrast hópurinn, sumir hverfa
til framandi landa, aðra seiðir
höfuðborgin og Háskóli íslands.
Áður en varir, er liðið ár frá þess
um mikla degi. Húfurnar missa
hvíta kollinn og eru svartar og
virðulegar, séu þær bornar á
mannamót. En einn úr hópnum
leggur af stað í langferð, tveim
dögum áður en nýir stúdenta-
kollar skarta hvítu á götum Ak-
ureyrar.
Sigurður Guðmundsson lézt af
slysförum, aðfaranótt 15. júní, er
hann var að reyna að bjarga öðr-
um manni frá drukknun. Fréttin
um lát hans barst mér að kvöldi
þess 17. júní, réttu ári eftir að ég
kvaddi hann kátan og reifan í
veizlusal.
í>að er margs að minnast, þegar
kvatt er, eftir fjögurra vetra dag-
lega samveru og brösóttan kunn-
ingsskap. Gamlir bekkjarslagir,
hrekkir og bras er þá ofarlega í
huga, og uppspretta margra
hlátra. Hver bekkur á sinn sér-
staka svip, og hver einstaklingur
hjálpar til við að skapa bekkjar-
andann. Skerfur Sigurðar var
þar drjúgur. Hann var að mörgu
leyti sérstæður persónuleiki og
batt ekki bagga sína hnútum al-
mennings. Dæmafá rósemi og
hæglæti voru einkenni hans, svo
og kýmnigáfan, sem hann beitti
jafnt til að skopast að sjálfum
sér og öðrum.
Félagsskítur var hann aldrei,
ef glens var á ferðum, og þótti
orðheppinn í ræðustól og á
mannfundum. Mikla unum hafði
hann af því, uð rökræða ýmisleg
mál við bráðlyndar bekkjarsyst-
ur og hló þá tíðum í barm sér, að
því sem hann nefndi „fákænsku
kvenþj óðarinnar“.
Sigurður skopaðist óspart að
tízku og tíðaranda og fylgdi fast
fram stefnu fornlyndra tóbaks-
manna. Sá háttur hans olli mörg-
um róstum við kvenþjóðina, eins
og að líkum lætur, en allt var
það græzkulaust gaman, enda var
kýmnigáfa Sigurðar eina vopnið,
sem hann beitti í slíkum orra-
hríðum.
Sólsfólarnir
fást í GEYSI
margar tegundir
þægilegir — vandaðir —
Geyslr hf.
Vesturgötu 1.
fallegir
2-3 lagtœkir menn
óskast.
VÉLTÆKMI H.F.
Safamýri 26. — Sími 38008 og eftir kl. 7, 16349.
Skrifstofumaður
Flutningafyrirtæki í Reykjavík vill ráða mann
til skrifstofustarfa o fl. Aðeins reglusamur, ábyggi-
legur maður kemur til greina. Upplýsingar um
menntun og fyrri störf, ásamt kaupkröfu, leggist
inn á afgr. Mbl. fyrir 28. þ.m., merkt: „Fram-
tíðarstarf — 5409“.
Síld - Síld
Stúlkur vantar strax til söltunarstöðvarinnar Nep-
tún, Seyðisfirði. — Nýtt húsnæði og góð vinnu-
skilyrði. — Uppl. í síma 37086.
Sigurður var bezti latínumaður
bekkjarins og sennilega í hópi
beztu tungumálanemenda, sem í
M. A. hafa setið. Hann miðlaði
fúslega af kunnáttu sinni, og var
því ekki óalgengt að sjá hann um
kringdan vesældarlegum bekkj-
arsystrum, er latínupróf eða
þýzkustílar fóru í hönd. Um á-
gætan námsárangur hans vitna
einkunnarskrár M. A. og glæsi-
legt stúdentsprófsskírteini.
En í Sigurði bjó meira en að-
eins iðinn nemandi og glettinn
skólabróðir. Hann sýndi líka, svo
ekki verður um villzt, að hann
átti hugrekki og snarræði í rík-
um mæli og þá takmarkalausu ó-
eigingirni, sem leggur lífið í söl-
urnar fyrir meðbróður sinn. Það
er sá vitnisburður hans, sem mun
geymast löngu eftir að háar eink-
unnir eru máðar af bókarspjöld-
um.
Það er erfitt að hugsa sér, að á
stúdentsafmælum framtíðarinnar
muni bassarödd Sigurðar ekki
bjóða okkur prís úr tóbakspontu
til hátíðabrigða á góðri stund. En
minninguna geymum við alla
ævi, um sérstæðan húmorista og
góðan dreng, sem reyndist karl-
menni á hættustund.
Eg sendi foreldrum og ættingj-
um Sigurðar innilegar samúðar-
kveðjur.
Jóna Burgess.
ÞEIR, sem guðirnir elska, deyja
ungir. Svo segir gamall talshátt-
ur, sem mönnum finnst oft sann-
ast áþreifanlega. Að minnsta
kosti fannst mér það, er ég frétti,
að Sigurður Bernharð Guðmunds
son á Flateyri væri látinn. Gat
verið, að Sigurður, þessi skemmti
legi, sérstæði maður væri látinn?
Jú, það reyndist rétt.
Sigurður var fæddur í Reykja-
vík 4. apríl 1942, en fluttist mjög
ungur vestur á Flateyri, þar sem
hann átti heima alla tíð síðan.
Sigurður fór í Menntaskólann á
Akureyri og lauk þaðan lands-
prófi. Stúdentsprófi lauk hann
frá sama skóla vorið 1962 með
mjög góðum vitnisburði, enda
frábær málamaður. Síðastliðinn
vetur var Sigurður við nám í Há
skóla fslands og lagði þar stund
á frönsku og heimspeki. Hugðist
hann í framtíðinni sigla til út-
landa og komast betur niður í
þeim tungum Norðurálfubúa, er
hann hafði lært í menntaskóla.
En örlögin gripu þar í taumana,
er hann fórst af slysförum hinn
15. júní síðastliðinn.
Ueiðir okkar Sigurðar lágu
fyrst saman í Menntaskólanum á
Akureyri veturinn 1957—1958, og
vorum við þar samtíða fjóra vet
ur. Kynntist ég honum allnáið,
t.d. bjuggum við saman í her
bergi einn vetur. Einnig lágu
leiðir okkar saman síðastliðinn
vetur.
Sigurður var með athyglisverð
ari mönnum, sem ég hef fyrir hitt
á lífsleiðinni. Vart þurfti nema að
sjá Sigurð til að taka eftir, að
þarna fór maður, sem var sjálf-
stæður í hugsun og skoðunum
Göngulag hans, fast og ákveðið
og málrómur hans djúpur og
hægur báru sem annað framferði
hans vott um sterkmótaðan per-
sónuleika. Hann var líka alltaf
hann sjálfur, týndi aldrei sjálf
um sér, sem svo oft vill henda
nútímamanninn. Manni finnst
líka stundum vera of lítið af svo
sjálfstæ >um mönnum.
Sigurður var maður, sem yndi
var að ræða við og heimsækja,
enda jafn þjóðlegur heim að
sækja sem í háttum. Tilsvör hans,
orðaval og orðgnótt báru vott
um fróðan og hugsandi mann,
sem lét lítið yfir sér. Eru mér
margar samræðustundir við hann
ógleymanlegar. Munu fleiri geta
sagt þá sömu sögu, því að Sigurð-
ur var vinmargur, og höfðu marg
ir yndi af að ræða við hann. Ró-
semi Sigurðar var viðbrugðið,
hann skipti svo til aldrei skapi,
kom alltaf fram með sömu hægð-
inni, sem oft virðist einkenna
hinn andlega sterka.
Er ég hripa þessar fátæklegu
línu. eftir Sigurð, finnst mér
vera með honum horfinn sannur
maður, .naður, sem ekki er hægt
að gleyma.
Einar G. Pétursson.
HI N mikli sláttumaður hefur
þegar slegið sinn fyrsta skára í
hóp okkar bekkjarsystkinanna.
Hvers vegna það var Sigurður
Guðmundsson — því fáum við
ekki svarað — en hinu svörum
við, að þar fór sá, sem sízt skyldi.
Ég hygg, að við bekkjarsystkin
hans úr M. A. er brautskráðumst
fyrir réttu ári og nú dveljumst
svo víða, hvert á sínum stað, get-
um öll borið, að þar, sem Sigurð-
ur fór, þar fór bekkurinn okkar.
Hvert okkar, sem hitti hann, er
við höfðum að fullu skilið, fann,
að þar var bekkjarandinn góði
kominn. Þá þyrptust minningarn-
ar að og einmitt svo margt þeirra
kæru minninga voru við Sigurð
tengdar.
Ég kynntist Sigurði fyrst að
ráði í vetur sem leið, er við
bjuggum saman í Gamla Garði.
Þau kynni urðu mér ekki von-
brigði, heldur þvert á móti full-
vissuðu mig um, að þar fór sann-
ur drengur og góður.
Oft átti ég með honum
skemmtilegar samverustundir, og
fór þá ekki hjá, að ég fyndi,
hversu skýr og heilsteypt lífs-
skoðun hans var. — Sigurður var
um margt sérlegur og sérstæður
persónuleiki og það, ásamt mann
kostum hans, gerði hann sérlega
vinsælan meðal okkar skóla-
systkinanna. Sigurður var náms-
maður góður og djúphugull og
þótti gott til hans að leita með
„latínusorgir“ sínar, og létu marg
ir huggast af þeim, er Sigurður
hafði talað um og skýrt.
Ég finn, að þessi orð eru fá-
tækleg og lítilsmegnug — aðeins
kveðja til góðs drengs — en hitt
finn ég, að minningarnar mun ég
eiga og þá minningu kærsta að
hafa kynnzt svo sönnum dreng —
það var hamingja mín.
Foreldrum hans og systkinum
votta ég samúð mína.
Hreinn Pálsson.
ÚTSALA - ÚTSALA
hefst á morgun.
Hatta & Skermabúðlii
Hænsnabú tll sölu
Kauptilboð óskast í gott hænsnabú ásamt húsum,
sem þurfa að fjarlægjast. Upplýsingar í síma 36266
í dag og næstu daga.
H júkrunarkonur
og gangastúlkur
óskast að Landakotsspítala.
Gjaldskrá fyrir vinnuvélar
Ný gjaldskrá fyrir vinnuvélar gengur í gildi frá og
með 15. þessa mánaðar.
Félag vinnuvélaeigenda.
titgerðarmenn
Undirritaður er kaupandi að allskonar notuðum
köðlum.
PÁLMI PÁLMASON
Ásvallagötu 16. — Sími 16684. Heima
kl. 12—1 og eftir kl. 6 e.h.