Morgunblaðið - 01.10.1963, Blaðsíða 23
Þriðjudagur 1. okt. 1963
MORGUNBLAÐIÐ
23
UtilMlllllll
BANDARÍSKI glæpamaður-
inn Joseph Valachi mætti s.l.
föstudag til yfirheyrslu hjá
sérstakri nefnd Öldungadeild-
arþingmanna í Washington.
Skýrði hann þingmönnunum
frá 30 ára glæpaferli sínum,
og lét sér hvergi bregða þegar
hann ræddi um morð, sem
hann hafði framið á vegum
„Cosa Nostra“ samtakanna.
Valachi, sem er sextugur að
aldri, er fæddur í New York,
en foreldrar hans voru frá
Napoli á Ítalíu. Ekki áttu
þingmennirnir auðvelt með að
skilja allt, sem hann sagði, því
hann sletti mjög ítölskum orð
um og torskildum orðatiltækj
um undirheimanna. En Valachi
kvaðst hafa hætt námi í barna
Valachi við yfirheyrslu hjá þingmannanefndinni. Vinstra megin við hann og á bak við hann
sitja lögreglumenn.
Of langt gengið að
dæma mig til dauða
— seg/r Joseph Valachi
Þess vegna skýrír hann frá starfsemi
glæpahringsins Cosa Nostra
skóla og hafið vinnu 15 ára
gamall við dýpkunarpramma
í New York. Ekki líkaði hon-
um lífið þar, og aðspurður
hve lengi hann vann fyrir sér
á heiðarlegan hátt, svaraði
hann: „Ég býst við að það
hafi verið um eitt ár.“ Nú er
hann að afplána þrjá dóma,
tvo 15—20 ára fangelsisdóma
fyrir eiturlyfjaverzlun og svo
lífstíðar fangelsisdóm fyrir að
myrða meðfanga sinn í ríkls-
fangelsinu í Atlanta.
COSA NOSTRA.
Cosa Nostra er nokkurskon-
ar dótturfyrirtæki Mafia.
Nafnið er ítalskt og getur þýtt
„hluturinn okkar“ eða „fjöl-
skyldan okkar“. Var Valachi
liðsmaður samtaka þessara í
30 ár, eða þar til fyrir þrem-
ur árum að hann var dæmd-
ur fyrir verzlun með eiturlyf.
Einu sinni, segir Valachi,
stjórnaði einn maður samtök
unum, sem skipt var niður í
flokka, eða „fjölskyldur“. Nú
fer hinsvegar nokkurra manna
stjórn með völdin. En yfir
hverri fjölskyldu“ er sérstak-
ur stjórnandi, og var Vito
Genovese, alþekktur glæpa-
maður, sem nú situr i fang-
elsi, yfirmaður Valachis. Geno
vesi stjórnaði raunar þrem-
ur „fjölskyldum” með alls
um 450—J500 „meðlimum",
sem hlýddu boði hans og
banni.
Valachi segir að hann hafi
aðallega unnið hjá Cosa
Nostra í sambandi við alls-
konar fjárhættuspil, en „svo
skrapp ég stundum út og
myrti þá“, bætti hann við,
án þess að blikna. Á síðari
styrjaldarárunum, þegar ýms-
ar nauðsynjar voru skammt-
aðar í Bandaríkjunum, hafði
hann 150 þúsund dollara tekj-
ur af sölu skömmtunarseðla,
en „við álitum það engan
glæp.“
DAUÐAKOSSINN.
Eftir að Valachi var hand-
tekinn og dæmdur var hann
sendur til ríkisfangelsisins í
Atlanta ásamt 23 mönnum öðr
um. Þeirra á meðal var Vito
Agueci, sem Valachi segir að
eigi sök á því að hann féll
í áliti hjá stjórnendum Cosa
Nostra. Og í fangelsinu sat
Vito Genovese, fyrrverandi
„fjölskyldufaðir" hans. í fang-
elsinu bar Agueci það út að
Valaohi hefði skýrt yfirvöld
unum frá starfsemi Cosa
Nostra. í fyrstu trúði Geno-
vese þessu ekki fyllilega, en
eitt kvöldið um háttatímann
tók hann í höndina á Valachi
og kyssti hann á kinnina, og
svaraði Valachi í sömu mynt.
Þegar Valachi var beðmn
að útskýra hvað kossarnir attu
að tákna sagði hann að Geno-
vese hafi með sínum kossi til-
kynnt honum að hann væri
grunaður um svík við sam-
tökin, en með því að s\ara í
sömu mynt hafi Valachi til-
kynnt að hann skildi hvað
við væri átt.
MYRTI SAKLAUSAN
Eftir þetta átti Valachi ekki
sjö dagana sæla í fangelsinu.
Gat hann sífellt átt von á því
að meðfangar hans gerðu til-
raun til að koma honum fyrir
kattarnef. Reyndi hann að
forðast öll samskipti við með-
fanga sína, og yfirgaf helzt
ekki fangaklefa sinn. En svo
var það hinn 22. maí í fyrra
að Valachi fór í gönguferð
um fangelsisgarðinn. Allt í
einu sá hann mann þar, sem
hann hélt að væri Joe Beck
frá Costa Nostra. Var hann
sannfærður um að Joe ætti
að drepa hann.
Valachi var staddur við við
bótarbyggingu við fangelsið,
sem þá var ófullgerð. Sá hann
þar járnstöng liggjandi á jörð
inni, greip hana og réðist
gegn manninum, sem hann
hélt að væri Joe Beck. „Ég sló
hann í höfuðið með járnstöng
inni, sennilega þrisvar, mjög
fast“. Maðurinn lézt, en það
var alls ekki Joe. Var Valachi
dæmdur í lífstíðar fangelsi
fyrir morðið. En ekki þótti
óhætt að hafa hann áfram í
Atlanta, heldur er hann nú
geymdur annarstaðar undir
sérstöku eftirliti lögreglunn-
ar. Og nú hefur hann sam-
þykkt að skýra þingmanna
nefndinni frá starfsemi Costa
Nostra.
„Vito Genovese gekk of
langt þegar hann fyrirskipaði
að láta drepa mig“, segir
Valachi. „Valdafíkn Genovese
er brjálæði. . . Völdin stigu
honum til höfuðs“.
— „Apartheid"
Framh. af bis. 13
blaðið, að meirihluti hvitra
manna í S-Afríku láti sig það
litlu skipta, hvað S.þ. hafi í
huga að gera, eða gera ekki.
Minnir blaðið á Kongómálið
og afskipti samtakanna þar,
og telur, að þau mum engu
góðu geta komið til leiðar í
Afríku.
• Blöð í Osló eru ánægð
með þá ákvörðun að hafna
boði stjórnar Werwoerd.
„Aftenposten“ segir: „Það er
augljóst mál, að Norðurlönd
geta ekki látið málið til sín
taka, sérstaklega, við hlið
Sameinuðu þjóðanna, sem
fjallað hafa um það í 10 ár,
með fullu samþykki Norður-
landanna. Hefði góður vilji
stjórnar S-Afríku verið að
baki boðinu, þá hefði það
e. t. v. táknað upphafið að
breyttri stefnu hennar. —
„Arheiderbladet" segir, að
boðið sé tilraun stjórnar Dr.
Verwoerds til að hindra starf
S. þ. Telur blaðið, að hefði
samstarfsvilji forsætisráðherr
áns verið fyrir hendi, þá
kæmi hann e. t. v. auga á,
hvað raunverulega felst í til-
lögum Per Hækkerup.
„Morgenbladet“ bendir á,
að nokkurs ósamræmis gæti
í gerðum norsku stjórnarinn-
ar: samtímis því, sem hún
hafni boði Dr. Verwoerd, þá
standi enn boð til Krúsjeffs,
forsætisráðherra Sovétríkj-
anna, um að heimsækja
Noreg. Blaðið minnir einníg á
heimsókn Lange til Spvétríkj
anna, þar sem stórkostlega sé
gehg'ið á mannréttindi hundr-
aða milljóna Evrópubua. Sé
sú kúgun enn alvarlegri en
áþján blökkumanna í S-
Afríku.
• í dönskum blöðum er
mikið um þetta mál ritað.
„Aktuelt" segir: „Vanda-
mál S-Afríku komust fyrir
löngu á það stig, að þau verða
ekki leyst með viðræðum
þjóða í millum. Friðurinn er
í hættu, ef til stórátaka kem-
ur í S-Afríku. Þess vegna
verða þjóðir á borð við Norð-
urlönd að stuðla að því, að um
málið verði fjallað innan vé-
banda Sameinuðu þjóðanna.
Heimsókn utanríkisráðherra
Norðurlandanna hefði mátt
túlka — eða mistúlka — og
segja hana samstöðu með Dr.
Verwoerd. Slíka áhættu er
ekki hægt að taka á sig.
hvorki með tilliti til íbúa
S-Afríku, eða þeirra þjóða í
Afríku, sem gætu talið okkur
fylgjandi apartheid. Þá gætu
menn líka talið, að við gæt-
um ekki gagnrýnt þá stefnu,
nema að heimsækja S-Afríku.
Það, sem máli skiptir nú, er
að vekja áhuga Afríkuþjóða
á tillögunum (Hækkerup).
Önnur Kaupmannahafnarblöð
taka í sama streng.
„Berlingske Tidende" telur,
að heimsóknin hefði orðið til
þess að koma í veg fyrir ár-
angur af því starfi, sem nú er
unnið hjá S.Þ. til þess að leysa
kynþáttavandamál S-Afríku.
Hins vegar bendir blaðið á, að
ráðherraheimsókn hefði e.t.v.
verið vel til þess fallin að
sannfæra marga ráðamenn í
S.-Afríku um, að þeir fylgi
rangri stefnu, sem óhjákvæmi
lega leiði til skelfingar.
„Vendsyssel Tidende“, sem
er vinstrisinnað bíað, segir, að
e.t.v. kunni það að vekja ein-
hverja hvíta S Afríkubúa til
umhugsunar, að ráðherrarnir
ekki vildu þiggja boðið. Því
kunni höfnun Norðurlanda
ekki að verða árangurslaus.
Blaðið bendir á, að kynþátta
stefna stjórnar S-Afríku sé
að grafa undan framtíð lands
ins. Blaðið segir loks: „Nei
takk var ekki léttasta ákvörð
unin, en sú skynsamlegasta.“
— KR vann
Framh. af bls. 22
fyrir vörn KR og Kjartan mark-
vörður ÍBK settist af einhverri
slembilukku á knöttinn er Ellert
óvaldaður, sótti að marki Kefl-
víkinga.
Hættulegasta færið var þó ÍBK
manna er Jón Ólafur innherji átti
hörkuskot sem stefndi í bláhorn
KR-marksins en Heimir kom
sem fljúgandi fugl og hremdi
boltann,
Á 39. mín tryggði KR sigur
sinn. Ellert byrjaði upphlaupið
gaf Sigurþór sem lék frá kanti
inn á miðju, gaf til Gunnars
Fel. sem renndi fyrir fætur Ell-
ert og hann gaf ekki eftir af
skotinu sem þó hefði mátt verja
ef staðsetning hefði verið góð.
Á Liðin.
En eftir leiknum að dæma var
sigur KR verðskuldaður. Það var
betra knattspyrnuliðið sem sigr-
aði, þó seint gengi að sækja
þann sigur í fang liðsins, sem
byggði allt á krafti og álcafa.
í Keflavíkurliðinu voru allir
sem einn ákveðnir í að vinna
og sigurinn blasti lengi vel við.
Beztir voru Magnús og Sigurð-
ur framverðir, Gísli Ellerup bak-
vörður sem lengsum hélt Gunn-
ari Felixssyni niðri og mark-
vörðurinn. En kappið var helzt
til mikið. Það fer yfir takmarkið
þegar mótherjinn er meira atriði
en knötturinn.
KR liðið hefði vel mátt sýna
betri leik og aðalgallinn var að
það lið sem sterkara er lét mót-
herjann haldast uppi að stöðva
flestar sóknartilraunir. Það gerð-
ist vegna seinagangs KR-inga.
Hafi knattspyrnuliðið yfirburði
á það að geta leikið í kringum
menn sem sækja eins stíft að
mótherja og Keflavíkurmenn
gerðu í þetta skipti.
Dómari vár Magnús Pétursson.
I erfiðu hlutverki var hann ekki
öfundsverður og skilaði sínu
hlutverki vel.
Unglingar og krakkar som„
ÞEIR unglingar og krakkar sem hug hafa á því að starfa við
dreifingu Morgunblaðsins nú í vetur, eru vinsamlegast beðnir
að hafa hið fyrsta samband við skrifstofu blaðsins eða afgr.
Hægt er að fá blaðahverfi um alla borgina og í úthverfum
hennar, svo og vestur á Seltjarnarnesi.
Sími 22480.