Morgunblaðið - 20.06.1964, Blaðsíða 17
Laugardagur 20 ?úní 1964
MORCUNSLADID
17
Ur ræðu Bjurnu Benediktssonar
uf svölum Alþingishússins
„OKKAR dýrasti arfur, íslenzk tunga, hefur og aldrei
verið í hættu frá almenningi. Þó bera nú sumir þeirra,
sem lengst hafa dvalizt með erlendum þjóðum sjálfum
sér til þroska og aukinnar víðsýni, kvíða í brjósti yfir,
að ef aðrir komist í snertingu við erlenda menningu
þá muni tungan og jafnvel þjóðernið vera í voða.
En þótt við megum ekki ofmeta eigin styrk, megum
við ekki ætla allan þorra manna svo lítilsigldan að
þola ekki reykinn af þeim réttum, sem liinir marg-
sigldu telja sjálfum sér lífsnauðsyn.“
Vel heppnaðar land-
búnaðarráðstefnur
Á UNDANFÖRNUM vikum
og mánuöum hefur Samband
ungra sjálfstæðismanna efnt til
ráðstefna víðsvegar um landið.
Á Akureyri var haldinn ráð-
stefna um stóriðju og þróun-
arsvæði, í Borgarnesi var fjall-
að um jafnvægi í efnahagsmál-
um, í Vestmannaeyjum um ísJ.
atvinnulíf á tækniöld, en á hin-
um tveimur síðustu, sem haldn-
ar hafa verið á Hellu og á Eg-
ilsstöðum hefur verið fjallað um
landbúnaðarmál. Helluráðstefnan
var haldin sunnudaginn 31.
marz og sóttu hana um 50 bænd
ur auk annara áhugamanna.
Framsöguerindi fluttu Ingólfur
Jónsson, Landbúnaðarráðherra,
Dr. Rjarni Helgason og Dr.
Sturla Friðriksson, sem einnig
sýndi mjög fróðlegar litskugga-
myndir máli sínu til skýring-
ar. Að framsöguerindunum
loknum bauð FUS í Rangár-
vallasýslu þátttakendum til
kaffidrykkju og að henni lok-
inni hófust fjörugar umræður
og fyrirspurnir. Auk frummæl-
enda tóku til máls þeir Runólf-
ur Guðmundsson, Ölversholti,
Vigfús Ólafsson, Hellu og Lár-
us Gíslason, Miðhúsum. Að lok-
um þakkaði Árni Grétar Finns-
son formaður SUS þátttakend-
um góða fundarsetu og fund-
arstjórinn Jón Þorgilsson sleit
ráðstefnunni.
Seinni landbúnaðarráðstefnan
var haldin á Egilsstáðum s.l.
laugardag, en hana sátu um 40
þátttakendur þar af rúmlega 30
bændur. Birgir ísl. Gunnarsson
v-form. SUS setti ráðstefnuna
og skipaði fundarstjóra Jón Hnef
il Aðalsteinsson. Framsöguerindi
fluttu Dr. Sturla Friðrikssón,
Stefán Aðalsteinsson og Ingólf-
ur Jónsson, ráðherra. Var gerð-
ur góður rómur að ræðunum og
urðu fjörugar umræður að þeim
loknum. Til máls tóku Snæbjörn
Jónsson, Sveinn Einarsson, Mið-
húsaseli, Helgi Gíslason, Helga-
felli, Júlíus Þórðarson, Skorra-
stað, Páll Halldórsson, Egilsstöð-
um og Þórður Benediktsson, Eg-
ilsstöðum. Ingólfur Jónsson svar
aði framkomnum fyrirspurnum,
en að því loknu héldu fundar-
menn í veitingahúsið Ás þar sem
snæddur var kvöldverður í boði
miðstjórnar Sjálfstæðisflokksins.
Þar sýndi Dr. Sturla litskugga-
myndir og Jónas Pétursson, alþm.
flutti ávarp.
Hafa landbúnaðarráðstefnur
þessar þótt takast mjög vel og
á þeim hefur komið fram almenn
ur áhugi bænda á aukinni beit-
ingu búvísinda og rannsókna 1
þágu landbúnaðarins svo og sem
látinn var í ljós ánægja með
ýmiss þau mál, sem hrundið hef-
ur verið í framkvæmd undan-
farin ár til styrktar landbúnað-
inum.
Myndin er tekin af allflestum þátttakendunum á tröppum skólahússins á Egilsstöðum í lok
ráðstefnunnar.
í fundarhléi á Hellu-ráðstefn unni bauð FUS í Rangárvalla-
sýslu til kaffidrykkju.
Að Hellu-ráðstefnunnl lok-
inni var þessl mynd tekln
fyrir utan fundarstaðinn. Á
myndinni eru talið frá vinstri:
Einar Oddsson, sýslumaður,
Jón Þorgilsson, form. FUS i
i Rangárvallasýslu, Ingólfur
! Jónsson, ráðherra, Árni Gr.
Finnsson, form. SUS, Árni
Johnsen úr Vestmannaeyjum,
dr. Bjarni Helgason, Óli Guð-
bjartsson, form. FUS í Árnes-
sýslu, dr. Sturla Friðriksson.
Ragnar Kjartansson úr stjórn
SUS og Ársæll Magnússoo.
-X
Ingólfur Jónsson, landbúnaðarráðherra flytur framsöguerindi sitt á ráðstefnunni á Egilsstöðum