Morgunblaðið - 31.01.1973, Page 10

10
MÓRGUNBLAÐIÐ, MIE>VIKUDAGUR 31. JANÚAR 1973
Vestmannaeyjiim í g:ær.
Frá Birni Vigni Sigurpálss.
NÚ ER búið er kveðja út
starfsmenn fiskimjölsverk-
smiðjanna í Eyjum og: næstu
ílaga verður unnið að því að
g:era þær tilbúnar fyrir
loðnuvertíðina, en fyrsta
loðnug:ang:an nálg:ast nú óð-
um þær slóðir, sem g:ert hafa
Vestmannaeyjar að mestu
löndunarstöð loðnuafla. Má
g:era ráð fyrir að 100—200
menn starfi við verksmiðjurn
ar þeg’ar þær eru komnar í
fullan gang. Skýrði Magnús
Magnússon bæjarstjóri frá
þessu í samtali við blaðamann
Mbl. í dag, og kvaðst hann
þar vonast til að upp úr þvi
að Fiskimjölsverksmiðjan
kæmist í gang, tækju önnur
hjól atvinnulifsins að snúast
hægt og sígandi.
Björgunars\eitir ryðja vikurbingjum af þaki fiskiðjuvers ísfélagsins í Vestmannaeyjum. (Ljósm. Mbl. Kr. Ben.)
LOÐNUMOTTAKA
UNDIRBÚIN
Eyða verður vonleysi Vest-
mannaeyinga á meginlandinu,
segir Magnús Magnússon
bæjarstjóri, í viðtali við Mbl.
TRÉSMIÐIR BJARGA
HUNDRUÐUM MILL.IÓNA
Ástandið fer nú dagbatn-
andi að segja má, sagði Magn
ús ennfremur. Nú er talið að
búið sé að bjarga meirihluta
húsa í bænum og áfram er
unnið að þvi að rýma húsin
og bjarga húsmunum. Margir
hafa þar lagt hönd á plóginn,
en ég vil sérstaklega geta
hér framlags Trésmiðafélags
Reykjavíkur, sem sendi okk-
ur yfir 100 manna lið og þeir
hafa unnið dag og nótt að
þvi að negla bárujám fyrir
glugga, sem verst liggja við
öskufallinu. Með þessu móti
hafa þeir án efa bjargað verð
mætum fyrir hundruð millj-
óna, þvi að mesta hættan hef
ur einmitt verið fólgin í því,
að glóandi gjallsteinar hafa
brotið rúður og valdið í-
kveikju. En nú, síðustu tvo
sólarhringana, hefur aðeins
komið upp eldur í einu húsi.
Var það gamalt timburhús,
sem ekki reyndist unnt að
bjarga.
Þá sagði Magnús, að björg
un húsmuna væri nú komin
í fastar skorður og miðaði
þvi verki geysivel áfram.
Flutningum með gámum á
skipum miðaði vel og um leið
og flugvöllurinn opnaðist
stæði til að hefja búslóðaflutn
inga með flugvélum.
HÚSÞÖK HREINSUÐ
Það er min skoðun, sem
ég byggi raunar á viðræðum
við jarðfræðingana, að úr
þessu fari að draga úr vikur-
gosinu, og þá ætti bæjarlífið
að færast i eðlilegra horf,
sagði Magnús.
Hann sagði að öskufallið
hefði valdið þvi, að nokkur
hús hefðu hreinlega hrunið
undan þyngslum af vikri þeim
er safnaðist í bingi á húsþök-
unum. En nú væri fjölmennt
lið i því að hreinsa Fiskimjöls
verksmiðjuna og fiskvinnslu
stöðvamar. Magnús sagði að
sérstaklega væru það flötu
þökin sem hætt væri við
hruni vegna öskulagsins og
bætti þvi við að ísl. arkitekt-
arnir mættu hafa þetta hug-
fast i framtíðinni.
ATVINNULÍFIÐ 1 GANG
Magnús var spurður að
því, hvernig honum liði í stöð
ugu sambýli við Kirkjufellið
gjósandi eldi og eimyrju.
— Þetta venst, eins og ann
að, svaraði hann, og eftir því
sem öryggis- og björgunar-
starfið verður virkara vex
öryggiskenndin. Þvi er nú unn
ið að þvi að koma Fiskimjöls-
verksmiðjunni í gang og upp
úr þvi vona ég að önnur hjól
atvinnulífsins taki að snúast.
Ég geri mér auðvitað grein
fyrir þvi, að fyrst í stað verða
hér aðeins fullhraustir karl-
menn, t.d. má reikna með
100—200 manna liði við Fiski-
mjölsverksmiðjuna. Siðan
munu fiskverkunarstöðvarn-
ar væntanlega koma á eftir.
Þær standa að vísu verr að
vígi en mjölverksmiðjan, þar
sem þær þurfa kvenfólk sem
vinnuafl, en ég held, að það
séu engir draumórar að ætla
að fyrr en varir kunnum við
að sjá hér ungar og hraustar
stúlkur i fiskverkun. Hér
þarf heldur ekki að vanta hús
næði fyrir verbúðir. Skólar
og stór íbúðarhúsnæði munu
standa auð um stund, þvi ég
geri mér grein fyrir að menn
ingar- og menntalíf í bænum
kemst ekki strax i eðlilegt
horf — ekki fyrr en með vor-
inu.
SIGRA VERÐUR
VONLEYSIÐ
Magnús var nú minntur á
að hann hefði í viðtali við
Morgunblaðið í upphafi eld-
gossins látið svo um mælt,
að hann væri sannfærður um
að Vestmannaeyjar mundu
endurheimta allt sitt fólk. Er
hann enn þeirrar skoðunar?
— Já, ég tel að Vestmanna
eyjar eigi eftir að fá meiri-
hlutann af fólkinu aftur,
sagði Magnús, Auðvitað geri
ég mér grein fyrir að eitt-
hvað af öldruðu og lasburða
fólki muni heltast úr lest-
inni. En við fáum þá bara
ungt og hraust fólk í stað-
inn. Ég er þess fullviss að
fyrsta fólkið kemur um leið
og fer að draga verulega nið-
ur i vikurgosinu.
í þessu sambandi sagði
Magnús, að hann væri sann-
færður um, að Vestmannaey
ingum á meginlandinu liði
mun verr en þeim sem í Eyj-
um væru, í daglegu sambýli
við gosstöðvarnar. Kvaðst
hann óttast, að í hópi Vest-
mannaeyinganna sem til lands
ins væru komnir, græfi um
sig vonleysi um framtíð Eyj-
anna og „höfuðverkefni okk-
ar á næstunni hlýtur að vera
að berjast gegn þessu von-
leysi af oddi og egg“.
LfFÆÐARNAR ÖRUGGAR
Loks vék Magnús ofurlít-
ið að tveimur lífæðum Vest-
mannaeyja, höfninni og vatns
leiðslunni, með tilliti til goss-
ins i Kirkjufelli, eins og nýja
fellið er nú oftast nefnt.
Magnús benti á, að gosið væri
að þvi leyti óvenjulegt, að
það væri sambland af land-
gosi og sjávargosi. Hins veg
ar rynni hraunstraumurinn
frá því til sjávar á bezta hugs
anlega stað, og stafaði hvorki
höfninni né vatnsleiðslunni
teljandi hætta af þvi. Síðustu
mælingar sýndu, að innsigl-
ingin hefði breikkað nokkuð,
og þó að hún kynni að hafa
grynnkað eitthvað, yrði auð-
velt verk að dýpka hana aft-
ur.
Um vatnsleiðsluna væri
sama að segja. Ekki hefðu
enn orðið neinar skemmdir á
henni. Að vísu hefði á kafla
yfir henni myndazt gjall- eða
vikurhryggur, en hann væri
nú aftur að mestu horfinn.
Ennfremur hefðu jarðfræð-
ingar bent á, að enda þótt
hraun kynni að renna yfir
Ieiðsluna, ryddi það jaí'nan
á undan sér talsverðu magni
af sandi og leðju þannig að
leiðslan ætti að vera tiltölu-
Iega vel varin fyrir skemmd-
um, þó að hraun rynni yfir
hana.
í Vestmannaeyjum
Götumynd frá Vestmannaeyj um. Ruddar hafa verið slöðir fyrir bifreiðar, svo að hægt væri að
halda áfram flutnlngi húsmuna. (Ljósm. Mbl. Kr. Ben.)