Morgunblaðið - 12.05.1974, Side 4

4
MORGUNBLAÐIÐ, SUNNUDAGUR 12. MAÍ 1974
m
jl /í/m i \
a iAit:
22*0*22*
RAUDARÁRSTIG 31
LOFTLEIÐIR
BILALEIGA

CAR RENTAL
21190 21188
LOFTLEIÐIR
14444 • 25555
BÍLALEIGA car rental
/Í5BÍLALEIGAN
felEYSIR
CAR RENTAL
V24460
í HVERJUM BÍL
PIOIMŒŒn
ÚTVARPOG STEREO
KASSETTUTÆKI
CORTINA 71
til sölu Mjög góður bíll. Stað-
greiðsla.
Hústjald 5—6 manna Sími
83905
ÓSKUM EFTIR NÝLEGUM
miðstöðvarkötlum með spírölum
og tilheyrandi kynditækjum. Einn-
ig vantar hita og spíralgeyma.
Upplýsingar í sima 21703 kl.
9— 10 og 3—5 e h næstu daga
MIÐALDRA OPINBERAN
STARFSMANN
vantar herbergi í austurbænum.
Upplýsingar eftir hádegi í síma
8-38-33
KEFLVÍKINGAR Suðurnesjabúar
Efni í peysufatasvuntur og blússur
í mörgum gerðum og litum
Verzl. Sigriðar Skúladóttur,
„ Keflavík
GERUM VIÐ
kaldavatnskrana og WC-kassa
Vatnsveita Reykjavíkur, sími
13134

JRorgunblatJib
•mnRGfRLDRR
mRRKRfl VflHR
„íbœnarhug”
Ég þekkti einu sinni gamla
konu, sem sagði oft við mig:
„Eg hef verið í bænarhug." Og
þessi setning þýddí býsna
margt. En aðalinntak hennar
mætti þó segja, að væri á þessa
leið:
Eg hef verið brynjuð gegn
áhyggjum, fengið huggun,
kraft, gleði, góðleika, hjarta-
frið, jafnvægi, öryggi, hvað sem
á hefur dunið.
Hún sagði samt ekki: „Eg
hefi verið eða legið á bæn.“
Takið eftir því. Og það er
ekki þannig, sem fólk leitar
svölunar og kraftar frá sjálfri
uppsprettu máttarins.
Auðvitað getur það sagt eða
seg-ir í næði nokkur bænarorð.
En um leið stillir það sína
strengi og stendur svo kannski
að starfi eða gengur tíl verka —
i bænarhug.
Þannig sannast og sést, að
bæn er ekki fyrst og fremst orð.
Hún getur ekki síður verið tón-
ar og tár, bros eða andvarp, og
þá ekki sízt starf, gjöf, fórn.
Orð, þótt stíluð séu sem bæn,
jafnvel sjálft „Faðir vor“, verð-
ur engin bæn, sé hún ekki sögð
í bænarhug og komi frá hjart-
anu. Guðstrú er fyrst og fremst
traust og öryggi þess, að við
lifum hrærumst í ljósi hans,
finnum okkur sem börn við
föðurhönd, heyrum rödd hans í
blænum eða röddum annarra,
sjáum ásýnd hans í sólskini
dagsins eða brosum samferða-
fólksins.
Fyrsta andsog barns er óp —
bæn. Þannig er óskin — bænin
um líf og kraf t — bundin hverj-
um andardrætti. Þannig þurf-
um við að skynja einnig hið
andlega líf.
Yrði andardráttur mannkyns
þannig helgaður bæn — óskum,
bróðurkærleika — væri Guðs
ríki komið með krafti.
Við þurfum stöðugt að anda,
og helzt ósjálfrátt, annars hefst
stöðug vanlfðan.
Einmitt þannig þurfum við
að vera í stöðugum bænarhug,
annars hefst stöðug vanlíðan,
sem er kölluð streita. „Biðjið án
afláts,“ sagði postulinn. Hann á
ekki við einhverjar samfelldar
orðaþulur. Hann vill, að við
öndum þannig látlaust að okk-
ur krafti kærleiks og sannleika,
góðvildar og fegurðar.
En jafnvel öndunin skapar
efnasamband, sem getur orðið
og verður banvænt. Þess vegna
þurfum við að gæta loftslagsins
— loftsins, sem við öndum að
okkur, og gæta þess einnig að
anda frá okkur öllum hindrun-
um og eiturefnum, sem hindrað
gætu eða stöðvað hinn hreina
andardrátt sálarinnar.
Andúð, móðgun, áhyggjur
geta eyðilagt sambandið við
himinlind heiðríkjunnar í
andardrætti bænar. Alla slíka
meingun þarf að fjarlægja. (Ég
meina mein en ekki men).
Oft er nú talað um
„afslöppun'*. Þar gæti kirkju-
ganga, jafnvel þótt þar væri
þögnin ein, sem flytur
predikun, orðið andlegt gufu-
bað. Við þurfum kannski að
komast brott frá og losna við
beizkju, efa og andlega fjötra.
Finna okkur aftur frjáls, glöð
og ung, hvað sem árafjöldanum
líður.
Stundum getur ferðalag á
fornar stöðvar eða fagra staði
komið í stað kirkjugöngu.
Stundum gæti það verið kon-
sert eða leikhúsferð, bfó eða
bara að hlusta á útvarpið.
Aðalatriði er, að komast aftur
i bænarhug, verða i takt við
kraft Guðs í tilverunni, ganga á
vegum hins góða, verða í sam-
ræmi við eilífðina.
Verða líkt og broshýr börn,
sem ganga um við stuðning og
öryggi föðurhandar.
En bæn og fyrirbæn liggja á
sama streng í sálinni, eiga sömu
uppsprettu. Fýrirbænin er þó
stigi ofar. Hún leitar út yfir
persónuna sjálfa, er helguð öðr-
um og gæti því átt enn meiri
elsku, fórnarlund ogfegurð.
Getum við þannig nefnt aðra
persónu og borið hana í bænar-
hug að uppsprettulindum
kærleikans, geta kraftaverk
gjörzt, undur, sem enginn getur
skýrt og sízt við sjálf, og ekki
heldurgetum við þakkað okkur
það, sem gerast kynni eða gerzt
hefur. Við erum aðeins leiðslan
fyrir ljósið, ekki ljósið sjálft
sem orsök eða verkan.
Við vorum aðeins kannski í
bænarhug. I frásögn af einni
spámannssýn Jóhannesar
postula hins „elskaða vinar''
Krists, er sagt frá skálum úr
skíra gulli, fylltum reykelsi.
Þetta var táknmynd af bæn
trúaðs hjarta.
Engin bæn, ekkert andvarp,
ekkert tár, ekkert bros, ekkert
starf er til einskis, allt hefur
sinn uppskerutíma.
Þegar gullskálin er fyllt á
barma, þá vitum við í trú, að
hún er búin dularfullum krafti
ofar áþreifanlegum efnum jarð-
ar. Okkar er að „auðmýkja sig“
undir Guðs voldugu hönd f
hjartans þökk. Ganga um í
bænarhug.
Meöfylgjandi mynd var tekin við komu Friendship skrúfuþot-
unnar TF-FIPtil Reykjavíkur. Birgir Kjaran, formaður stjórnar
Flugfélagsins tók á móti áhöfninni og Sigríður Valdemarsdóttir
færði flugliðum blóm. Talin frá vinstri: Grétar Óskarsson, yfir-
maður öryggiseftirlits Flugmálastjórnar, Olafur Indriðason, flug-
stjóri, Páll Stefánsson, flugmaður, Henning Finnbogason, verk-
stjóri tæknideildar F.Í., Sigrfður Valdemarsdóttir, Birgir Kjaran,
formaður stjórnar Flugfélags íslands og Einar Helgason, yfir-
maður innanlandsflugsins.
Flugfélagið eignast
fimmtu skrúfuþotuna
NV Fokker Friendship skrúfu-
þota bættist f innanlandsflug-
flota Flugfélags Islands sJ.
mánudag. Kaupin voru gerð í
Þýzkalandi fyrir milligöngu
norsks fjárfestingarfyrirtækis
og með ábyrgð Flugleiða hf.
Kaupverð vélarinnar var um 55
milljónir króna. Flugvélin ber
einkennisstafina TF-FIP.
Þessi flugvél er af sömu gerð
og tvær fyrri Friendship
skrúfuþotur félagsins Blikfaxi
og Snarfaxi, að öðru leyti en
því, að á þessari nýfengnu vél
eru stórar vörudyr, sem auð-
velda vöruflutninga og gera
reyndar mögulegt að flytja stór
stykki. Vélin mun nú þegar
hefja flug á innanlandsleiðum,
en hún verður ekki máluð í
einkennislitum Flugfélagsins
fyrrennæsta haust.
Þessi nýja vél er fimmta
skrúfuþotan i eigu Flugfélags-
ins. Hingað var henni flogið frá
Dússeldorf með viðkomu f Glas-
gow. Flugstjóri var Ólafur
Indriðason. Viðstaddir komu
vélarinnar, er hún lenti á
Reykjavíkurflugvelli, voru
Birgir Kjaran, formaður stjórn-
ar Flugfélagsins, og allmargt
starfsfólk.
spurt og svarað
Q Tófudráp með
vélsleða lögbrot?
Jónas Jónasson, Brekkustíg
7, Reykjavík, spyr:
Vegna fréttar í Mbl. 13. marz
um það, að fimm vaskir Akur-
eyringar hafi banað tófum með
hjálp vélsleða, vil ég spyrja,
hvort þessi dýr séu ekki vernd-
uð gegn ómannúðlegum aftök-
um?
Jórunn Sörensen hjá Sam-
bandi dýraverndunarfélaga ís-
lands svarar:
Annar kafli laganna um dýra-
vernd fjallar um deyðingu og
aðgerðir á dýrum og 8. grein
hans er svohljóðandi: „Þegar
dýr eru deydd, ber að gæta
þess, að deyðing fari fram með
jafn hröðum og sársaukalitlum
hætti og frekast er völ á.“ í
lögunum segir, að menntamála-
ráðherra skuli setja reglugerð
um þessi mál, en okkur hjá
S.D.Í. er ekki kunnugt um, að
sú reglugerð hafi verið sett.
Þá má benda á, að í lögunum
um eyðingu refa og minka er
jafnan talað um góða skot-
menn, valda skotmenn, með
góðan búnað — eða menn, sem
þeir beri fyllsta traust til. Er
þetta í samræmi við anda lag-
anna um dýravernd.
Þá má g.eta þess, að i 7. kafla
dýraverndunarlaganna, sem
fjallar um eftirlit með fram-
kvæmd laganna o.fl., er fyrsta
setningin þessi: „Löggæzlu-
menn skulu hafa vakandi auga
með því, að lögum þessum sé
fylgt.“
□ Er hægt að
endurtaka
kosningaloforðin?
Magnús Ólafsson, Sléttahrauni
34, Hafnarfirði, spyr:
„Væri hægt að fara fram á, að
endursýndir yrðu framboðs-
þættir þeir, sem sýndir voru
fyrir síðustu kosningar, þar
sem sett voru fram kosninga
loforð núverandi stjórnar-
flokka?"
Pétur Guðfinnsson, fram-
kvæmdastjóri Sjónvarpsins
svarar:
Slfkir þættir sem fyrirspyrj-
andi minnist á eru yfirleitt ekki
geymdir. Helzt eru geymdir
þeir þættir, sem taldir eru hafa
varanlegt gildi og þættir fyrir
ákveðnar kosningar geta vart
fallið undir þá skilgreiningu.
□ Vextir af
ársbók
Guðmundur Helgason, Stór-
holti 29, Reykjavík, spyr:
„Af hvaða upphæð greiða
bankar vexti af ársbók frá 1.
marz 1973 — 1. janúar 1974
þegar lagðar eru inn 3.000
krónur á mánuði?"
Jóhann Ágústsson, starfs-
mannastjóri Landsbankans
svarar:
Bankarnir mundu greiða
vexti af hverju 3.000,- króna
innleggi frá innleggsdegi og til
næstu áramóta.
Ef kr. 3000,- væru lagðar inn
á ársbók mánaðarlega frá 1.
mars til og með 1. desember
1973 yrðu vextir pr. 31/12. sam-
tals kr. 1.489,20.
Vextir af ársbókum breyttust
1. maf 1973 úr 9% i 12%.