Morgunblaðið - 04.06.1976, Blaðsíða 38

38
MORGUNBLAÐIÐ, FÖSTUDAGUR 4. JIJNl 1976
Ljmr 25 tonn-
um í hvem vikn
GUÐMUNDUR Sigurðsson Ivftingakappi úr Armanni er einn
þeirra sem trvggt hefur sér þátttöku á Ólvmpíuleikunum í
Montreal í sumar, en Guúmundur Ivfti samtals 335 kflóum á
lyftingamóti í vetur, snaraói 145 kg, jafnhattaói 190 kg. Þeir
íþróttamenn íslenzkir sem ekki hafa náó ólvmpfulágmörkunum,
en eiga möguleika á þeim, æfa mjög stfft um þessar mundir. Þeir
hinir sem svo gott sem hafa fengið farseðlana í hendurnar draga
heldur hvergi af sór og Guómundur Sigurðsson æfir til að mynda
4—5 sinnum í viku og Ivftir jafnvel 25 tonnum samanlagt í hverri
viku.
— Ég gat ekki æft eins reglu-
hundið síðastliðinn vetur eins
og ég hefði viljað, en æfði þó
mjög kerfisbundið, sagði Guð-
mundur í viðtali við Morgun-
blaðið i vikunni. — A Evrópu-
meistaramótinu í vor fékk ég
mikið og mjög gott æfingakerfi
frá norska landsliðsþjálfaran-
um og æfi eftir því núna. Það
krefst lyftinga 4—5 sinnum í
viku, auk annarra a'finga, svo
sem hlaups og sunds. Ég syndi
alltaf þegar lyftingarnar eru
ekki mjög stífar en þær geta
tekið 3—4 tíma á hverjum degi.
Eg hef hins vegar lítið gert af
þvi að hlaupa úti vegna þess
hreinlega að ég hef ekki tíma
og úthald í það. Ég vinn mína
vinnu við að keyra Vífilsstaða-
rútuna, á mína fjölskyldu og er
nú reyndar bara áhugamaður í
íþróttinni.
— Kerfi þetta, sem Norð-
maðurinn sagði mér að æfa
eftir, er búið til eftir búlgarskri
fyrirmynd, en Búlgarar virðast
hreinlega vera að verða algjör
toppur í lyftingunum. Það er
alveg yfirgengilegt hversu
miklar framfarir þeirra í íþrótt-
inni eru. Bæting um 10 kg í
lyftingum er ábyggilega ekki
lakari bæting en 7—8 sm hjá
hástökkvara.
SETUR SÉR 350 KG
LAGMARK AÓL
Ármenningar halda sitt
meistaramót í lyftingum aðra
helgi og þá ætlar Guðmundur
sér að sýna sjálfum sér og öðr-
um að hann er öruggur með 350
samanlagt i lyftingunum.
— Ég hef æft það mikið
undanfarið að ég hef ekki mátt
vera að þvi að lytia eins og gert
er í keppni. A Armannsmótinu
ætla ég mér hins vegar að lyfta
350 kg að minnsta kosti, ég veit
að ég get það og vil heizt vera
öruggur með þá þyngd þegar að
Olympíuleikunum kemur. Ég
hef ekki áhuga á að fara til
Montreal til þess eins að láta
vorkenna mér. Með því að lyfta
350 kg þar ætti ég að eiga
nokkra möguleika á að verða í
6.—8. sæti og það ætti að teljast
nokkuð gott og gefur stig, sagði
Guðmundur að lokum.
Guðmundur tók þátt í
Evrópumeistaramótinu í lyft-
ingum í lok apríl, en gekk ekki
sem skyldi. Hann hafði lyft 140
kg í snörun á æfingu nokkrum
dögum áður og þó það væri
hans bezti árangur byrjaði
hann á þeirri þyngd. En þetta
var ekki dagurinn hans
Guðmundar og lóðin vildu ekki
alla leið upp og þar með lauk
keppninni hjá eina íslendingn-
um sem þátt tók í keppninni.
Sigurvegarinn i þyngdarflokki
Guðmundar varð Sovétmaður,
sem er yfirburðarmaður í milli-
þungavigtinni, og má telja full-
víst að hann sigri einnig í
keppninni á Ólympíuleikunum.
Sá sem varð i öðru sæti á
Evrópumeistaramótinu lyfti
360 kg og 370 kg í Montreal sem
ætti að vera nægilegt til að ná í
vcrðlaun
Auk Guðmundar hefur KR-
ingurinn Gústaf Agnarsson náð
Olympíulágmarkinu og æfir
hann eins og Guðmundur af
fullum krafti. Með þeim köpp-
unum er líklegt að Brynjar
Gunnarsson formaður Lyft-
ingasambandsins fari til
Montreal sem liðsstjóri og
aðstoðarmaður.
„ Þessi bið er
alveg óþolmdi”
— segir Sigurður Jónsson formaður HSÍ
en hefur trú á að pólskur þjálfari komi
HANDKNATTLEIKSMENNIRN-
IR, flestir hverjir, taka lífinu
með ró þessa dagana og fást lítið
við æfingar. Landsliðsmennirnir
eru þó undantekning frá þessu
því fimm sinnum f viku hverri
mæta þeir á æfingar undir stjórn
Jóhannesar Sæmundssonar og
landsliðsnefndarinnar. Stjórnar-
menn í IISÍ eru farnir að undir-
búa ársþing sitt, sem verður 18.
og 19. júní og auk þess vinna þeir
að þvf að fá hingað pólska lands-
liðsþjálfarann í handknattleik.
Reyndar hefur það starf staðið 1
meira en þrjá mánuði, en enn þá
hefur ekkert ákveðið svar horizt
frá Pólverjum. Sagt er að kerfið
sé svo þungt í vöfum hjá þeim
þarna fvrir austan að það sé ekki
að marka þetta, sá pólski muni
koma, þeir þurfi bara sinn tfma
til að kippa málunum f liðinn.
í íslenzkum blöðum hefur mik-
ið verið skrifað um komu þessa
pólska þjálfara, meira en um
nokkurn annan væntanlegan
iandsliðsþjálfara fyrr og síðar.
HSl-menn virðast hafa mikla þol-
inmæði og einstaka biðlund í
þessu máli. Viku eftir viku hafa
þeir samþykkt að bíða endanlegs
svars i nokkra daga í viðbót, en
ekkert bólar á þeim pólska. Er
stjórn HSI ekki að láta draga sig á
asnaeyrunum í þessu máli? Væri
ekki réttast að afskrifa pólska
„galdramanninn", eins og ein-
hver nefndi hann, og snúa sér
annað?
Morgunblaðið sneri sér til Sig-
urðar Jónassonar formanns
Handknattleikssambands íslands
í gær og innti hann eftir því hvort
HSÍ hyggðist halda því til streitu
að fá þennan pólska þjálfara, Cer-
vinsk.v að nafni, hingað til lands
þrátt fyrir alla óvissuna í þessu
máli.
— Við ætlum okkur að fá hing-
að pólskan þjálfara, sagði Sigurð-
ur. — Komi landsliðsþjálfarinn
Cervinsky ekki eins og okkur
hafði verið lofað, þá hljótum við
að fá annan toppþjálfara frá Pól-
landi. Þjálfarar þar eru mjög vel
menntaðir og við viljum fá hingað
toppþjálfara og ekkert annað. Að
fara að snúa sér til Vestur-
Þýzkalands t.d. tel ég tóma vit-
leysu, ég tel þarlenda þjálfara
ekki geta gefið iandsliðinu meira
heldur en okkar eigin þjálfarar.
— Annars er þessi bið alveg
óþolandi hélt Sigurður áfram, en
við erum sannfærðir um að við
fáum hingað færan þjálfara frá
Pólverjum. Við höfðum samband
við þá í gær og þá var okkur sagt
að innan 10 daga yrðum við búnir
að fá endanlegt svar.
— Landsliðið æfir af fullum
krafti þessa dagana og hefur
aldrei æft meira. Þrekæfingar
eru þrisvar sinnum í viku og æf-
ingar með bolta þrfvegis í viku
þannig að það er langt í frá að
iandsliðsmennirnir sitji auðum
höndum. Um miðjan ágúst ætlum
við að vera búnir að fá hingað
toppþjálfara, ekki hvaða skussa
sem er, heldur mann frá A-
Evrópu, sem hefur góð meðmæli
og hefur sannað ágæti sitt, sagði
Sigurður að lokum.
—áij
Undirbúningur tyrir HM er n**t á dagskrá
Pólskur „galdramaöur
hefur áhuga á að koma
og taka aö sér landsliöiö fram yfir forkeppnina
Uni ekki vl^^d- og glappastefnn
"Eins og hnefahögg
í andlitið á mér"
Mynd af nokkrum fyrirsögnum úr dagblöðunum á tíma-
bilinu frá 8. marz til 2. júní þar sem fjallað er um
þjálfaramál Handknattleikssambandsins.
Deildaskipting tekin upp
ífrjálsum íþróttum íEvrópu
í stað riðlaskiptingarinnar?
FRJÁLSÍÞRÓTTASAMBAND Evrópu hélt nýlega ársfund sinn í Luxemborg. Var
þar ákveðið að keppni í riðlum þeim sem ísland keppir í i Evrópubikarkeppninni
fyrir bæði karla og konur fari fram í Ðanmörku í lok júní á næsta ári. Ekki er ólíklegt
að þetta verði í síðasta skipti, sem slík Evrópubikarkeppni verði haldin, því tillaga frá
Norðurlöndunum um deildaskiptingu í frjálsum iþróttum, eins og verið er að taka
upp í handknattleiknum, var lögð fram á fundinum og þykir líklegt að hún verði
samþykkt.
í riðli með íslenzku stúlkunum í
riðlinum í Danmörku verða
Grikkland, Noregur og Portúgal. í
piltakeppninni verða Danir, irar,
Luxemborgarar og Portúgalir
með islendingum í riðli. Dönsku
stúlkurnar þurfa ekki að taka
þátt í riðlakeppninni næsta ár
vegna góðs árangurs þeirra í
fyrra. Fara þær beint í undanúr-
slitin í Dublin.
Það kostar Danina talsvert að
halda þessi mót næsta sumar, en
þeir sáu sér fært að sjá um fram-
kvæmdina er Evrópusambandið
tilkynnti þeim að fyrir mótin
fengju þeir rúmar tvær milljónir
íslenzkra króna. Mótið fer senni-
lega fram á nýuppgerðum velli í
Söllerud — Nærum, en þar hafa
verið lögð gerviefni á allar braut-
ir. Er íslendingar á sínum tima
sýndu áhuga á að fá mót sem þau
er haldin verða í Danmörku, til-
kynnti Evrópusambandið frjáls-
íþróttaforystunni, að það væri
ekki hægt þar sem íslenzku vell-
irnir væru ófullnægjandi. Gervi-
efni væru ekki á hlaupabrautum
og þess háttar.