Morgunblaðið - 16.12.1977, Qupperneq 31
MORGUNBLAÐIÐ, FÖSTUDAGUR 16. DESEMBER 1977
31
Sprell og fjör í
Laugardalshöll
ÞAÐ VAR líf og fjör í Laugardalshöllinni í gærkvöldi á íþróttakahar-
ettinum, sem Samtök íþróttafréttamanna höfðu skipulagt. Höllin var
troðfull og mikil stemmning enda sprenghlægilegum atriðum skotið
inn á milli þeirra alvarlegu.
Ömar Ragnarsson tók nokkrar upphitunaræfingar í b.vrjun, sem
komu fólkinu í gott skap en síðan hófst keppni fþróttafréttamanna og
lyftingamanna f knattspyrnu og handknattleik og unnu fréttamennirn-
ir að venju en sigurinn var nú knappari en oft áður eða 8:8. Hefði
getað farið illa hjá fréttamönnum, ef þeir hefði ekki haft Bjarna
Felixson í markinu.
Næstur á dagskrá var körfuboltaleikur milli Bandaríkjamannanna
sem hér keppa og íslenzks úrvalsliðs og var þar hörkuskemmtilegur og
vel leikinn körfubolti á dagskrá. Er enginn vafi á því að körfuboltinn
hefur eignazt marga aðdáendur þetta kvöld. Bandaríkjamennirnir
unni naumlega 68:66.
Knattspyrnukeppni „Ómars a11 star“ og úrvalsliðs Alþingis gerði
mikla lukku og sérstaklega undruðust menn kraft Karvels Pálmason-
ar, leikni Alberts Guðmundssonar, sem er ótrúleg þegar þess er gætt
að Albert er kominn á sextugsaldurinn.
Leikurinn milli fslenz ka handknattleikslandsliðsins og úrvalsliðs
íþróttafréttamanna var mikill baráttuleikur enda keppa menn grimmt
um landsliðssætin.
LANDSLIÐIÐ bar sigur úr býtum, 20:15, eftir að staðan hafði verið
12:7 í hálfleik. Mörk landsliðsins skoruðu Janus Guðlaugsson 4, Jón H.
Karlsson 3(3v), Geir Hallsteinsson, Viggó Sigurðsson, Páll Björgvins-
son, Björgvin Björgvinsson og Ólafur Einarsson 2 mörk hver Þorbjörn
Guðmundsson og Bjarni Guðmundsson 1 mark hvor.
Mörk „pressunnar“ skoruðu Jón Pétur Jónsson 5 (2v), Þorbergur
Aðalsteinsson 4, Steindór Gunnarsson og Gústaf Björnsson 2 mörk og
Asgeir Elíasson 1 mark.