Morgunblaðið - 18.08.1978, Síða 18

18
MORGUNBLAÐIÐ, FÖSTUDAGUR 18. ÁGÚST 1978
Korchnoi nú
í essinu sínu
ÞRETTÁNDA skákin var frá-
brugðin fyrri skákum heims-
meistarans og áskorandans.
Ilingað til hefur það verið Karp-
ov sem hefur sótt en Korchnoi
varizt. en nú snerist dæmið við.
Skákin einkenndist að þessu
sinni af því að það var Korchnoi
sem tók alltaf frumkvæðið o;?
sótti hart að mótherja sínum, sem
ber 20 árum léttari aldursbyrði
en Korchnoi.
Korchnoi var virkilega í essinu
sínu í dag. Hann hóf leikinn með
drottningarbragði. Þegar Karpov
svaraði með Tartakower afbrigð-
inu kom Korchnoi heimsmeistar-
anum í opna skjöldu í tíunda leik
með því að leika sjaldgæfan, ef
ekki nýjan leik. Við þessum leik
Korchnois notaði heimsmeistarinn
mikin umhugsunartíma. Eftir
þrettán leiki hafði Karpov notað
15 mínútum meiri umhugsunar-
tíma en Korchnoi.
Mér sýndist framan af sem
Karpov ætlaði að halda sínu striki
og var skákin jafnteflisleg. En þá
var það að Korchnoi sýndi að hann
er verðugur áskorandi. Hann lék
nokkra snilldarleiki í röð og
fórnaði svo hrók fyrir riddara og
peð. Nokkuð virtist af Korchnoi
dregið undir lokin, því þegar
skákin fór í bið notaði hann 40
mínútur til að hugsa biðleikinn.
Hver sem biðleikurinn hefur
verið þá á Karpov möguleika á
mótspili í stöðunni. Mér finnst þó
sem Korchnoi eigi vinning í
biðstöðunni, en það byggist auðvit-
Harry Golombek
skrifar fyrir
Morgunblaðiö:
að á því að aðstoðarmenn hans
ráði fram úr öllum möguleikum
sem felast í henni.
Kortsnoi teflir
til vinnings!
óhætt er að segja að Kortsnoj
hafi haft undirtökin alian ti'mann
i 13. skákinni og teflt öllu
skarplegar heidur en heims-
meistarinn. Með nokkrum hnit-
miðuðum víxlleikjum tókst hon-
um að leiða skákina af hefð-
bundnum slóðum og smátt og
smátt þjarma að Karpov sem
lengi vel beið þess aðeins að
Kortsnoj léti sverfa til stáls.
Kortsnoj missti gullið tækifæri í
32. leik en þá gat hann sprengt
upp svörtu peðastöðuna á mið-
borðinu sem hefði leitt til peðs-
vinnings. En þegar Kortsnoj
hauðst tækifæri á að fórna hrók
fyrir riddara og peð stóðst hann
ekki mátið. Biðstaðan verður
væntanlega vandtefld fyrir báða
og alls óvíst um úrslit enda þótt
sýnt sé að Kortsnoj teflir til
vinnings.
13. einvfgisskák
Hvítti Kortsnoj
Svart. Karpov
Drottningarbragð.
]. c4 (Kortsnoj byrjar á sínum
hefðbundna Enska leik en Karpov
beinir skákinni inn á farveg
drottningarbragðs).
1. - Rf6, 2. Rc3 - e6. 3. RÍ3 -
d5, 4. d4 — Be7 (Karpov velur nú
í þriðja sinn í þessu einvígi
drottningarbragð sem talið er eitt
traustasta varnarkefið sem svart-
ur á völ á).
5. Bg5 — h6, (Þannig tefldist
einnig fyrsta skákin í einvíginu en
síðasti leikur svarts er upphafið að
Tartakower afbrigðinu í drottn-
ingarbragði en í framhaldi af
þessum leik hyggst svartur stað-
setja drottningarbiskup sinn á
skálínunni a8 — hl).
6. Bh4 — (H), 7. Hcl (í fyrstu
skákinni lék Kortsnoj hér 7. e3
sem er algengari leikur en með
þessum leik blandar Kortsnoj
saman tveimur byrjunarkerfum í
því skyni að þræða ekki sífellt
hinar hefðbundnu og margtefldu
leiðir).
7. — b6, 8. Bxf6 (Þessa leið hefur
Kortsnoj notað áður undir svipuð-
um kringumstæðum og með örlítið
frábrugðinni leikjaröð: í 7. ein-
vígisskák þeirra Kortsnojs og
Spasskys 1977 lék Kortsnoj í 7. leik
e3 og framhaldið varð: 7. — b6, 8.
Hcl - Bb7, 9. Bxf6 - Bxf6, 10.
cxd5 — exd5, 11. b4! og fékk góða
stöðu).
8. — Bxf6,9. cxd5 — exd5,10. g3!
(En nú kúvendir Kortsnoj á
nýstárlegan hátt! í stað þess að
leika hinum venjulega leik 10. e3
og undirbúa staðsetningu kóngs-
biskupsins á d3 hyggst hann nú
velja honum annað verkefni; á
skáklínunni hl — a8 og þannig
herja á peðið á d5. Þessi uppbygg-
ing er kunn úr öðru afbrigði
kenndu við Tarrasch).
10. - c6, 11. Bg2 - BÍ5, 12. 0-0
- Dd6, 13. e3 - Rd7 (Báðir
aðilar hafa nú lokið liðskipan sinni
að mestu og greinilegt að Kortsnoj
hafði undirbúið þessa byrjun mjög
vel því hann notaði mjög stuttan
umhugsunartíma. Kortsnoj bindur
vonir sínar við minnihlutaárás á
drottningarvæng með þrýstingi á
c6 peðið með dyggri aðstoð kóngs-
biskups síns á g2. Á móti þessu
hefur Karpov biskupaparið og
bíður nú rólega eins og hans er
vandi).
14. Rel - Hfe8, 15. Rd3 - g6,
16. Rf4 — Bg7, 17. g4! (Á þennan
hátt fær hvítur uppskipti á
riddara og biskupi svarts og
sviptir hann þannig biskupaparinu
sem var sterkasta tromp svarts.
Veikleikinn sem hvítur tekur á sig
með þessum leik er óverulegur og
kemur ekki aö sök).
17. - Be6,18. h3 - Rf8,19. Rxe6
— Rxe6, 20. Dd3 — Had8 (Hvítur
á erfitt verkefni fyrir höndum sem
er árásin á eina veikleika svarts,
sem sé peðið á c6. Næstu leikir
miðast allir við það að ná þessu
markmiði).
21. Hc2 - Rc7, 22. Ra4 - Dd7,
23. b3 - He6, 24. Rc3 - Hd6, 25.
b4 — Bf8, 26. Re2 — b5 (Loksins
þrýtur Karpov þolinmæðina og
hyggst nú aðhafast eitthvað sjálf-
ur„ Með þessum leik hyggst
Karpov koma riddara sínum á c4
og þannig loka c-línunni. Hvítur
fær á móti reit fyrir sinn riddara
á c5 ef hann kærir sig um en
Kortsnoj kýs heldur að ráðast
strax að peðunum með framrás
a-peðsins).
27. Db3 - Ra8, 28. á4 - bxa4
(Svartur hefur varla leikið þennan
leik með glöðu geði en aðrir leikir
leysa ekki vandann. Hvítur getur
valið hvort sem hann vill að beita
sér á c-línunni eða a-línunni en
svartur á hinsvegar ekkert mót-
spil)
29. Dxa4 - Rb6, 30. Db3 - Hb8,
31. Rf4 — Rc4 (Á þennan hátt
hyggst svartur loka c-línunni um
leið og hann hótar að leika a5)
Skák
eftir Gunnar
Gunnarsson,
32. Da4? (Hér missir Kortsnoj af
sterkum leik: 32. e4! — Ef t.d.
32 . . . a5, 33. exd5 - Hxb4, 34.
dxc6! og hvítur hefur góðar
vinningslíkur.)
32 ... f5 (Svartur kemur í veg
fyrir e4)
33. gxf5 — Dxf5, 34. Dxa7 —
Hxb4, 35. Ha2 — Dc8 (Er hér var
komið sögu höfðu keppendur hvor
um sig 10 mínútur til að ljúka
tilskildum leikjafjölda (40). Aðal-
átakavettvangurinn er enn sem
fyrr c-línan og hið veika peð svarts
á c6)
36. IIcl - Hb7, 37. Da4 - IIÍ7
38. Hxc4!! (Djarflega leikið hjá
Kortsnoj! Hann fórnar nú hrók
fyrir ridddara og peð og gerir sér
jafnframt vonir um að vinna síðar
peðið á c6 sem öll skákin hefur
gengið út á. Hvítur gat að
sjálfsögðu haldið áfram að tefla til
vinnings án þess að fórna skipta-
mun en þessi leikur hefur verið
freistandi fyrir Kortsnoj vegna
vonarinnar um að vinna síðar eitt
peð í viðbót og eiga vel staðsettan
riddara á miðborðinu)
38... dxc4, 39. Dxc4 - Df5. 40.
Rd3 — Bg7 og hvítur lék biðleik.
Kortsnoj hugsaði sig lengi um
biðleikinn eða 40 mínútur og hefur
því einungis 20 mínútur til þess
ljúka 15 leikjum þegar þeir setjast
að biðskákinni. Hvítur gæti- í
stöðinni leikið t.d. 41. Ha6 en aðrir
leikir koma líka til greina. Staðan
virðist gefa hvítum góð fyrirheit
en hvort það nægir til vinnings er
erfitt að segja til um. Biðskákin
verður tefld í dag, föstudag.
„Krefst réttarrann-
sóknar á því að mér
var vikið úr starfi”
— segir Þorbjörn Þorsteinsson
fv. lögregluþjónn á Seyðisfirði
„ÉG IIEF ákveðið að leita
réttar míns. Mun ég krefjast
réttarrannsóknar á því, að mér
var vikið úr starfi lögreglu-
þjóns á Seyðisfirði og færður
nauðugur til Reykjavíkur, þar
sem ég cr nú lögregluþjónn. Þá
hef ég ennfremur ákveðið að
fara í skaðabótamál við ríkið,
þar sem ég hef orðið fyrir
margvíslcgu tjóni vegna þessa
máls. Og það sem ég vil fyrst
fá að vita er, hvers vegna mér
var holað úr starfi mi'nu á
Seyðisfirði. ég hef aldrei fengið
áminningu f starfi hvorki frá
bæjarfógeta á Seyðisfirði, né
frá dómsmálaráðuneytinu í
Reykjavík,“ sagði Þorbjörn
Þorsteinsson lögregluþjónn í
samtali við Morgunblaðið í
gær, en eins og kom fram á
sfnum ti'ma. þá fór dómsmála-
ráðuneytið þess á leit við
Þorbjörn að hann léti af
störíum sem lögregluþjónn á
Seyðisfirði. Vinnur Þorbjörn
nú sem lögreglumaður í
Reykjavík. en fjölskylda hans
er cnn austur á Seyðisfirði.
„Það var um miðjan nóvember á
sl. ári, sem ég fékk bréf frá
dómsmálaráðuneytinu, um að
fyrirhugað væri að leysa mig frá
störfum og mér þá boðið starf
sem lögregluþjónn í Reykjavík.
Var mér tjáð að kvörtun um
starf mitt hefði borizt frá
bæjarstjórninni á Seyðisfirði.
Eðlilega var ég hissa, þar sem ég
hafði aldrei fengið kvörtun hvað
þá áminningu frá bæjarstjórn.
Síðan gerist það að þann 12.
desember kemur nýr lögreglu-
maður til starfa. á Seyðisfirði,
óvanur maður. Þá hætti fulltrúi
bæjarfógeta, Skúli Thoroddsen,
að ræða hið minnsta við mig um
löggæzlumál. Ég fór þá fram á
fund með bæjarfógeta og lög-
regluþjóninum, en það varð
ekki,“ segir Þorbjörn.
Þá sagði Þorbjörn að uppúr
hefði soðið þegar hann hefði
fengið lausnarbréf undirritað af
Skúla Thoroddsen, fulltrúa í
byrjun febrúar. Hann hafði þá
verið nýkominn frá Reykjavík,
en þangað þurfti hann að leita
sér lækninga við meiðslum hann
fékk í starfi.
„Ég ætlaði að ræða við Skúla
um þessi mál, en var þá tekinn
fyrir rétt, vegna þess að ég hafði
leitað mér lækninga, sem ég hélt
að lögreglumanni væri heimilt
eins og öðrum. Um leið var ég
spurður út í svonefnt kjúklinga-
mál.
Ég fór nokkru síðar, eða eftir
að ég kom suður, í dómsmála-
ráðuneytið og ræddi málið við
Baldur Möller, Hjalta Zóphan-
íasson og Þorstein Jónsson. Þeir
sögðu allir, að ég hefði ekkert
brotið af mér, en samt fékk ég
aldrei að vita hvernig stóð á
bréfinu til ráðuneytisins, sem
átti að fjalla um mín störf. Sagt
var að það hefði komið frá
bæjarstjórn Seyðisfjarðar, en ég
hef aflað mér upplýsinga um
það, að mín mál bar ekki á
góma í bæjarstjórn. Helzt held
ég að-bæjarstjórinn hafi skrifað
bréfið.
Lögmaður minn hefur einnig
farið í ráðuneytið og spurzt fyrir
um bréfið. Honum var þá tjáð,
að verið væri að hlífa mér við
máli, sem ég átti að hafa komið
nálægt. Um umrætt mál er það
að segja, að Ríkharður Björg-
vinsson, lögregluþjónn, tók
skýrslu í því og málið var að
fullu afgreitt í Reykjavík.
Því má einnig bæta við að ég
hef enn ekki fengið greitt kaup
fyrir störf, sem ég vann í
veikindaforföllum Ríkharðs
Björgvinssonar 1975 og 1976.“
Að lokum sagði Þorbjörn, að
hann væri nú apð reyna fá sig
lausan úr starfi lögregluþjóns í
Reykjavík, til þess að hann gæti
verið hjá fjölskyldu sinni austur
á Seyðisfirði. Hér í Reykjavík
þyrfti hann að sjá fyrir sér
sjálfum, auk þess sem hann
þyrfti að sjá fyrir fjölskyldunni
fyrir austan. Engu að síður
stæði í samningum, að lögreglu-
menn ættu að fá greitt fæði og
húsnæði, ef þeir væru fjarri
heimilum sínum. „Það var ríkið
sem flutti mig, en nú sé ég ekki
fram á annað en að ég verði
atvinnulaus. Á Seyðisfirði á ég
íbúðarhús og þaðan get ég ekki
farið, nema því aðeins að selja
það.“
Framleiða
einingar-
húsa hafin í
Stykkishólmi
Stykkishólmi, 16. ágúst.
BÁÐAR trésmiðjurnar hér, Tré-
smiðja Stykkishólms og Trésmiðj-
an Ösp, hafa hafið smíði á
einingahúsum, sem seld hafa verið
fokheld og þykja hin bezta smíði.
Hafa nokkrir þegar notfært sér
þessa þjónustu.
— Fréttaritari.
Tíð hunds-
bit í Hveragerði
Hveragerði 16. ágúst
NOKKRAR konur í Hveragerði
komu saman fyrir skömmu til að
ræða fegrun og snyrtingu þorps-
ins. Ennfrcmur var rætt um þau
vandræði er skapast af lausum
hundum og villiköttum. Konurn-
ar samþykktu að skora á hrepps-
nefndina að framfylgja nú þegar
gildandi reglugerðum um hunda-
hald og búfjárhald innan þorps-
ins, þar sem núverandi ástand er
óviðunandi, og í því sambandi var
bent á tíð hundsbit á börnum.
Konurnar ræddu líka um alls-
konar óþrifnað, svo sem hauga,
bílhræ, og annað því um líkt, sem
gætu verið stórhættulegt börnum
að leik.
Einnig var bent á hitarör, sem
víða eru óvafin og hafa valdið
bruna.
Það var einróma samþykkt
kvennanna að skora á hrepps-
nefndina, að hún tæki þessi mál til
alvarlegrar athugunar.
— Fréttaritari.