Morgunblaðið - 27.01.1981, Side 22

22
MORGUNBLAÐIÐ, ÞRIÐJUDAGUR 27. JANÚAR 1981
„Sálræn áhrif á mann að
kljást við jökulvötnin"
- segir Þorsteinn Guömundsson formaður
kajak-klúbbsins í viðtali við Mbl.
KAJAK-siglingar á islenskum vatnsföllum færast i aukana og á
siðasta ári var stofnaður Kajak-klúhbur íslands. Þetta er ekki
dónalegri iþrótt en svo, að ástæða þykir til að keppa í henni á
Olympiuleikum. Mbl. hafði tal af Þorsteini Guðmundssyni, formanni
islenska Kajak-klúbbsins fyrir nokkru og ræddi við hann um þessa
iþrótt. Kajak-siglingar á illúölegum jökulvötnum framkalla gæsahúð
á flestum og margir hafa áreiðanlega fordóma innanborðs i garð
kajak-siglinga. Hins vegar virðist sem breyting á sjónarmiðum sé i
orum uppgangi og flestir sem einu sinni horfa á ofurhugana leika
listir sínar verða stjarfir af hrifningu og spennu. Þorsteinn tók
sjálfur þær myndir sem fylgja grein þessari, hann tók þær er breski
bátamaðurinn Dennison og félagar hans voru hér á landi á siðasta
sumri. Voru þeir féiagar þá einkum á Þjórsá og Tungufljóti. Mbl.
spurði Þorstein fyrst hvort hér væri ekki um lífshættulega iþrótt að
ræða.
um set og þá erum við einkum á
Hvítá hjá Húsafelli. Þar rennum
við okkur alveg niður undir
Barnafoss. Ég vogaði mér einu
sinni að ónáða laxveiðimenn, var
þá að sulla í Norðurá í Stekknum
svokallaða. Þetta var um miðjan
daginn og er ég kom niður streng-
inn kom laxveiðimaður á harða-
hlaupum. Var honum mikið niðri
fyrir er hann sagði mér, að þetta
væri hvíldartími laxins og það
mætti alls ekki ónáða hann. Sann-
aðist þarna áþreifanlega, að kaj-
ak-siglingar og laxveiðar eru
íþróttir sem ekki eiga samleið
hvor með annarri."
Tungufljót ófært —
Þjórsá „heppileg“
En Kljáfoss, Þjórsá og Tungu-
fljót? „Við íslendingarnir erum
• Bretarnir töldu sig aldrei
hafa komist i hann eins krapp-
ann og á Tungufljóti, enda
fljótið iliúðlegt i meira lagi...
ekki orðnir nógu færir til að renna
okkur á Þjórsá og Tungufljóti.
Hins vegar fóru Dennison og
félagar hans á þær. Þeir voru
mjög ánægðir með Þjórsá og töldu
hana sérlega heppilega fyrir
sæmilega færa kajak-menn. Það
var hins vegar eitthvað hiaup í
Tungufljóti, bæði var fljótið
óhugnanlega gruggugt, en einnig
feiknalega straumþungt. Þeir voru
ekki lengi í ánni og töldu sig aldrei
áður hafa komið í annað eins
foráttuvatnsfall.
— Kljáfoss er frekar lítið
spennandi, flúðin er reyndar brött
en hún er allt of stutt, það er
ekkert fyrir ofan hana og ekkert
fyrir neðan og því er hún hálfgerð
lumma,“ sagði Þorsteinn. Mbl.
„Lífshættulegt ef það
er stundað vitlaust“
„Þetta er einungis hættuleg
íþrótt ef hún er stunduð vitlaust,"
sagði Þorsteinn og bætti við, að
sama gilti yfirleitt um aðrar
íþróttagreinar. Mbl. var minnugt
slyss sem varð á sínum tíma á
Ölfusá, þar sem einn íslendingur
fórst og annar bjargaðist naum-
lega. Kajakmennirnir ætluðu að
halda sýningu á Ölfusá við Selfoss
í fyrrasumar, en ekkert varð
úr ...“ Slysið hefur vafalaust setið
í Selfyssingum og er örugglega
ástæðan fyrir því að okkur var
bannað að sýna þarna á ánni. Það
er nú svo, að sumir sjá ekkert
nema hættuna við íþrótt þessa þó
svo það sé kannski skiljanlegt hjá
Selfyssingum, sem hafa ekki góða
reynslu af kajak-siglingum,“ sagði
Þorsteinn. Éru Islendingar þá
uppfullir af fordómum í garð
íþróttar þessarar? „Það er mikið
að breytast, enda íslendingar
óvanir íþróttinni og menn nálgast
gjarnan með gát það sem þeir ekki
þekkja. En við verðum varir við að
fólk líti allt öðrum augum á þetta
eftir að hafa horft á einu sinni.
T.d. koma bændur oft og horfa á.
Og það sljákkar í mönnum þegar
þeir sjá að við erum ekki að drepa
okkur. Þá hafa áhorfendur bara
gaman af.“
Mátti ekki
ónáða laxinn
Mbl. lék næst hugur á að vita
hvar kajak-menn hefðu aðstöðu til
að iðka íþrótt sína. „Best er
aðstaðan á Norðurá í Borgarfirði.
Fyrir ofan fossinn Glanna höfum
við aðgang að sumarhúsi og þar
dveljum við töluvert á vorin.
Norðurá er sérstaklega skemmti-
leg og heppileg, mátulega vatns-
mikil og blátær.
— Þegar laxveiðitíminn gengur
í garð verðum við að færa okkur

• Þorsteinn rennir sér niður Kljáfoss, sem þó þykir stuttur og bjóða upp á litil tilþrif.