Morgunblaðið - 11.02.1981, Blaðsíða 22
22
MORGUNBLAÐIÐ, MIÐVIKUDAGUR 11. FEBRÚAR 1981
t
Móöir okkar og tengdamóðir,
SOFÍA LÁRA THORS,
lézt á Borgarspítalanum 10. febrúar.
Ragnheiður Hafstein,
Margrét og örn Ó. Johnson,
Katrín Thors,
Sofia og Dieter Wendler Jóhannsson.
t
Móöir okkar,
MARGRÉT R. HALLDORSDÓTTIR,
Þjórsérgötu 5,
andaöist aö Hrafnistu 9. febrúar.
Guðrún Úlfarsdóttir,
Sigurjón Úlfarsson.
t
Eiginmaöur minn,
SVEINN KJARVAL,
innanhússarkitekt,
lést á Landspítalanum aöfaranótt 10. febrúar.
Guðrún Kjarval.
t
Litla dóttir okkar og systir,
ÁSTA,
veröur jarösungin frá Lágafellskirkju fimmtudaginn 12. febrúar kl.
14.30.
Þeim, sem vildu mlnnast hennar, er vinsamlegast bent á
barnaspítala Hringsins.
Kristín Árnadóttir, Einar Esrason,
Árni Esra Einarsson, Baldvin Esra Einarsson.
t
Bálför mannsins míns,
BEINTEINS BJARNASONAR,
fyrrv. útgerðarm.,
Lindarflöt 44, Garöabse,
veröur gerö frá Fossvogskirkju, föstudaginn 13. febrúar, kl. 3.
Sigríður Bjarnason.
t
Útför eiginmanns míns,
JÓNS Þ. GUDMUNDSSONAR,
Bræöraborgarstíg 24A,
sem lést aö Hátúni 10B 1. febrúar, fer fram frá Fossvogskirkju á
morgun fimmtudaginn 12. feb. kl. 1.30.
Lilja Gisladóttir.
t
Faöir okkar, v
KARL AUÐUNSSON,
fyrrum vélaeftirlitsmaöur,
Jaöarsbraut 31, Akranesi,
veröur jarösunginn frá Akraneskirkju föstudaginn 13. febrúar, kl.
14.00.
Börnin.
t
Innilegar þakkir færum viö öllum sem sýndu okkur vinarhug viö
andlát og útför
BORGHILDAR EINARSDÓTTUR
a-1- æ.s.tat
vra csvuTiroi,
Skólavöröustíg 41.
Sérstaka þökk eigum viö aö gjalda góöu fólki á deild E-6 í
Borgarsjúkrahúsinu fyrir umhyggju þess og alla hjálp viö hana.
Vandamenn.
t
Þökkum auösýnda samúö viö andlát og útför móöur okkar og
tengdamóöur,
STEINUNNAR MAGNÚSDÓTTUR
fré Miðvogi.
Elín Guöjónsdóttir, Alfreö D. Jónsson,
Guójón Guöjónsson, Helga Bergþórsdóttir,
Magnús Guðjónsson, Anna Sigurkarlsdóttir,
Borghildur Þóröardóttir.
Guðmundur Á. Jóhanns-
son prentarí - Minning
í dag verður til moldar borinn,
kl. 13.30 frá Fossvogskirkju, Guð-
mundur Á. Jóhannsson prentari,
sem andaðist á Borgarspítalanum
hinn 2. þ.m. eftir stutta legu.
Hann faeddist á Seyðisfirði 30.
nóv. 1899, sonur hjónanna Jó-
hanns Ág. Jóhannssonar og Jón-
ínu Bjargar Jónsdóttur og fluttu
þau búferlum til Reykjavíkur árið
1902.
Þann 1. okt. 1916 komst Guð-
mundur á námssamning í Félags-
prentsmiðjunni undir handleiðslu
Steindórs Gunnarssonar. Þá
lærðu nemarnir bæði störf prent-
ara og setjara og kom það sér vel
þegar Guðmundur hóf eigin at-
vinnurekstur. Árið 1918 var hann
ráðinn til starfs við prentun ís-
lenzku blaðanna í Kanada, og fór
hann þangað nokkru áður en
námstíma hans lauk hér, og þar
tók hann sveinspróf sitt.
Síðan vann hann í mörg ár í
ýmsum prentsmiðjum í Kanada og
Bandaríkjunum og kynnti sér
flestar hliðar prentiðnaðarins, unz
hann kom heim til Reykjavíkur
aftur árið 1931. Var hann þá af
fagmönnum talinn einn fjölhæf-
asti prentari landsins. Það ár og
lengur vorum við Guðmundur og
fleiri góðkunningjar löngum möt-
unautar og kynntist ég honum þá
vel, og leyndi það sér ekki að hér
var við velviljaðan, greindan og
skemmtilegan mann að ræða.
Nú voru kreppuár austan hafs
og vestan. Taldi Guðmundur að í
New York væri samt mikla vinnu
að fá fyrir prentara, enda var
hann kunnugur þar. Þangað fór
hann 1933. Síðari hluta vetrar
1935 fékk ég bréf frá honum, þar
sem hann tjáði mér að þarna hefði
hann unnið óslitið, nema einn
mánuð á sumrin í mestu hitunum.
Upp á síðkastið hefði ekki verið
slakað á, heldur hefði hann oft
farið í vinnu aftur eftir tveggja
eða þriggja tíma svefn, og komið
Helga Haraldsdóttir
Laxárnesi - Minning
Fædd 17. ágúst 1936.
Dáin 1. febrúar 1981.
Þá er stríði Helgu lokið eftir
hartnær 9 mánaða baráttu við
erfiðan og kvalafullan sjúkdóm.
Stundum kemur dauðinn eins og
líknandi hönd, og svo varð nú.
Maður á bágt með að sætta sig við
að 44 ára móðir og eiginkona sé
kölluð burt full af starfsvilja og
áhuga fyrir fjölskyldu sinni og
búi. Helga var svo áhugasöm að
stundum fannst manni ógjörning-
ur að framkvæma allt sem hún
ætlaði að koma í verk, en svo var
hugur hennar fleygur þar til æðri
máttarvöld stöðvuðu hana í háönn
daglegs strits. Allar skepnur áttu
hug Helgu allan, ekki síst hestarn-
ir sem hún ræddi svo oft um,
okkar stuttu kynni spruttu úr
þeim jarðvegi. Ég átti því láni að
fagna að dvelja nærri heimili
hennar flestar helgar í tvö undan-
farin sumur og var alltaf gott að
koma að Laxárnesi.
Mikil sorg er það fyrir eigin-
mann, tvær kornungar dætur og
aldraða móður að sjá á bak svo
ungri konu sem Helga var. Góður
guð styrki ykkur öll í þessum
erfiðleikum en verum minnug þess
að tíminn læknar öll sár. Hlýjar
óskir fylgja Helgu inn í bjartari
veröld, þökk fyrir hin stuttu en
góðu kynni.
Andrea Helgadóttir
SVAR MITT
EFTIR BILLY GRAHAM
Mér gengur erfiðlega að finna söfnuð, sem mér
fellur vel i geð. Eg hef verið i þremur mismunandi
kirkjudeildum, en eg kunni ekki við þær. Nú er eg að
svipast um eftir öðrum söfnuði. Getið þér leiðbeint
mér?
Það skiptir ekki miklu máli, hvers konar miða þér
límið á tóma flösku. Kristnar kirkjur eru handa
kristnum mönnum. Ef trú yðar er ekki meiri en bréf
yðar bendir til, ætti hvaða söfnuður sem er að nægja
yður.
Skvrslnr “vna. að meira en helmingur þeirra sem
bætast við söfnuðina, er einmitt ioik, sem
einum söfnuði í annan. Eg geri mér ljóst, að stundum
eru aðstæður með þeim hætti, að þetta er nauðsyn-
legt. En að öllu jöfnu er gott að finna sér kirkju, læra
að unna henni og vera henni trúr.
Víst veit eg, að ófullkomið fólk er í hverjum söfnuði.
Satt að segja er það allt ófullkomið. Kirkja Krists er
ekki fyrir dýrlinga, sem hafa náð fullnaðarprófi,
heldur syndara, sem hafa reynt náð Guðs, vilja
tilbiðja Guð og láta sér annt um að leiða aðra til trúar
á Guð.
Leitið ekki að fullkomnum söfnuði. Enginn slíkur
söfnuður er til. Gefið yður Kristi á vald skilyrðislaust
og sameinizt söfnuði, þar sem þér getið unnið baki
brotnu í þágu Drottins okkar og frelsara.
fyrir að hann hefði ekki sofið
neitt. Seinna myndi ég sjá hver
gróðinn hefði orðið.
Guðmundur kom heim úr vinnu-
víking sinni í maí 1935. Hann
stofnaði þá prentmyndagerð, sem
hann rak í 2 ár. Síðan fór hann til
Englands og keypti fyrstu
offsettprentvélina, sem keypt
hafði verið til íslands, og er talið
af fagmönnum að hann hafi þá
verið eini maðurinn á landinu með
kunnáttu til þeirra hluta. Rak
Guðmundur Lithoprent með þess-
um vélum um skeið, ásamt öðrum.
Frá 1938 til 1945 vann Guð-
mundur sem setjari í Prentsmiðj-
unni Eddu og Skálholtsprent-
smiðju. Síðarnefnda árið keypti
hann fullkomna setningavél og síðar
ýmsar prentvélar og rak m.a. eigin
útgáfu bóka og tímarita. Núna í
síðustu jólaönnum var hann 81 árs
gamall að setja uppá kraft á
setningavélina sína.
Þess má geta að Guðmundur tók
einnig drjúgan þátt í félagsmál-
um.
í maí 1935 kvæntist Guðmundur
Huldu Sigurðardóttur verzlunar-
mær í Reykjavík, en þau höfðu
fellt hugi saman áður en hann fór
í vinnuvíkinguna til New York.
Bjuggu þau síðan í hamingjusömu
hjónabandi unz Guðmundur lézt.
Þeim varð eigi barna auðið, en
tóku kjörson, sem þau hafa unnað
eins og þau ættu hann sjálf. Hann
heitir Garðar Jóhann og er einnig
lærður prentari, kvæntur þórunni
Kristinsdóttur kennara. Þau búa í
sama húsi og Hulda.
Mér er ljúft að votta fjölskyld-
unni samúð við andlát þessa
ágæta dugnaðarmanns og gamla
vinar, sem kvaddur er með sökn-
uði. Blessuð veri minning hans.
Þ. ól. hrl.
Birting
afmœlis- og
minningar-
greina.
ATHYGLI skai vakin á því, að
afmælis- og minningargreinar
verða að berast blaðinu með
góðum fyrirvara. Þannig
verður grein, sem birtast á í
miðvikudagsblaði, að berast i
sfðasta lagi fyrir hádegi á
mánudag og hliðstætt með
greinar aðra daga. Greinar
mega ekki vera i sendibréfs-
formi. Þess skal einnig getið,
af marggefnu tilefni, að frum-
ort ljóð um hinn látna eru
ekki birt á minningarorðasið-
um Morgunblaðsins. Handrit
vera vélrituð og með
góðu linubili.