Morgunblaðið - 11.02.1981, Side 32
777 ,
Siminn a afgreiðslunni er
83033
Síminn á afgreiðslunni er
83033
2H«r0unbtat>ib
MIÐVIKUDAGUR 11. FEBRÚAR 1981
Verðlaunaafhending Morgunblaðsins
Morgunblaðið heiðraði í gærdag tvo knattspyrnumenn sem sköruðu framúr á
síðasta íslandsmóti í knattspyrnu. Myndin var tekin við verðlaunaafhendinguna.
Frá vinstri: Trausti Haraldsson Fram, Haraldur Sveinsson framkvæmdastjóri
Árvakurs hf. og Matthías Ilallgrímsson Val. Sjá nánar á íþróttasíðu bls. 31.
Arnarflug hættir
flugi í Jórdaníu
ARNARFLUG heíur ákveðið að
hætta flugi fyrir ALIA, jórd-
anska flugfélagið, milli Amman í
Jórdaníu og Beirút i Líhanon.
vegna hins mjög svo ótrygga
ástands i löndunum. Magnús
Gunnarsson, framkvæmdastjóri
Arnarflugs, sagði i samtali við
Mbl., að ekki hefði þótt forsvar-
anlegt að halda fluginu áfram og
hefði orðið samkomulag um það
milli Arnarflugs og ALIA, að
slita samningnum milli félag-
anna, sem hefði annars ekki
runnið út fyrr en 1. apríl nk. og
líkur bentu til að hefði verið
framlengdur fram á sumar.
Magnús sagði, að Arnarflug
hefði hafið þetta flug fyrir ALIA í
júlímánuði sl. og hefði Boeing
720-þota félagsins verið notuð. A
vegum Arnarflugs hafa að undan-
förnu verið 13 manns í Jórdaníu
og kemur það fólk væntanlega allt
heim með vélinni í dag.
Magnús sagði, að vissulega væri
þessi endir málsins töluvert áfall
fyrir Arnarflug, en það hefðu allir
aðilar málsins verið sammála um,
að ekki kæmi annað til greina en
hætta því.
Miklar skærur hafa verið með
Jórdaníumönnum og Líbönum að
undanförnu og hefur það komið
fyrir undanfarna daga og vikur að
skotbardagar hafa geisað skammt
frá þeim stöðum, sem íslenzka
flugfólkið hefur dvalið á. Það
hefur hins vegar aldrei lent í
beinni lífshættu.
Krónan felld um 3,68%
gagnvart dollarnum
Meðalgengisskráning tekin upp að nýju
GENGI íslenzku krónunnar var í gærdag fellt um 3,68%
gagnvart Bandaríkjadollar. Hver Bandaríkjadollar
hækkaði í verði úr 6,248 krónum í 6,478 krónur.
Gengisfellingin gagnvart öðrum gjaldmiðlum var svip-
uð t.d. hækkaði brezka pundið um 3,74% í verði, danska
krónan um 3,65%, vestur-þýzka markið um 3,53% og
svissneski frankinn um 3,47%. — Geir Hallgrímsson,
formaður Sjálfstæðisflokksins sagði er hann var spurð-
ur álits á þessum aðgerðum, að ákvörðun ríkisstjórnar-
innar sýndi aðeins hversu fljótfærnislegar gamlársdags-
aðgerðirnar hefðu verið og hversu ríkisstjórnin gerði
sér enga grein fyrir afleiðingum þeirra, þrátt fyrir árs
aðgerðarleysi og umhugsunartíma.
„Það stendur tæpast steinn yfir
steini í þessum aðgerðum öllum og
þetta tímabil frá áramótum til
þessa dags hefur torveldað mjög
ákvörðun fiskverðs og ákvarðanir
í kjaramálum," sagði Geir enn-
fremur.
I fréttum Seðlabankans og rík-
isstjórnarinnar segir, að vegna
verulegrar hækkunar á Banda-
ríkjadollar undanfarnar vikur og
röskunar á erlendum peninga-
mörkuðum hafi tenging íslenzku
krónunnar við dollar valdið örri
gengishækkun krónunnar gagn-
vart gjaldmiðlum þýðingarmikilla
viðskiptalartda okkar. Augljóst sé
því, að þessi hækkun á gengi
íslenzku krónunnar geti valdið
verulegum erfiðleikum fyrir þá
sem flytja út vörur og þjónustu til
Evrópulanda, jafnframt því sem
samkeppnisstaða íslenzks iðnaðar
gagnvart iðnaði EFTA- og EBE-
ríkja veikist af sömu ástæðum.
Því þyki nú nauðsynlegt að taka
reglur og gengisviðmiðun til
endurskoðunar, og hafi verið
ákveðið að miða gengisskráningu
næstu mánuði eingöngu við með-
algengi krónunnar, eins og oftast
hafi verið gert undanfarin ár.
Verð á hverjum Bandaríkjadoll-
ar hefur hækkað um tæplega 51%
í verði frá 31. marz sl. eða á
rúmlega 10 mánaða tímabili, í
kjölfar gengisfellinga ríkisstjórn-
arinnar. Verð á pundinu hefur
hins vegar hækkað um tæplega
63%, en verð á öðrum gjaldmiðl-
um hefur hækkað minna, t.d.
vestur-þýzka markinu og dönsku
krónunni um tæplega 40%.
Sjá ennfremur fréttatil-
kynningu Seðlabanka bls. 16.
Vestmannaeyjar:
Annað prests-
embættið flutt
til lands?
TÓLF prestaköll víðs vegar
um landið hafa verið auglýst
laus til umsóknar, eins og frá
hefur verið skýrt í Mbl. Eitt
þeirra er annað prestsemba*tt-
ið i Vestmannaeyjum, en hug-
mynd er uppi um að það verði
flutt til Þorlákshafnar. Ilafa
stjórnir safnaðanna samþykkt
þennan flutning fyrir sitt
leyti, en það er kirkjumálaráð-
herra að taka endaniega
ákvörðun.
Sr. Bernharður Guðmunds-
son fréttafulltrúi kirkjunnar
tjáði Mbl. að þessi viljayfirlýs-
ing safnaðanna lægi fyrir, en
hugmyndin væri sú, að sá sem
sæti í Þorlákshöfn leysti af
Vestmannaeyjaprest í leyfum
og létti undir með prestinum í
Hveragerði, en hann hefur
einnig þjónað Þorlákshöfn og
haft að auki 3 aðrar kirkjur.
Sagði sr. Bernharður að með
síaukinni umferð um Þorláks-
höfn hefði þessi hugmynd kom-
ið upp, en gert væri ráð fyrir að
hér yrði aðeins um bráða-
birgðaráðstöfun að ræða.
Ófærðin
TALSVERT hvessti í nágrenni
Reykjavíkur og í borginni sjálfri í
gærkvöldi og sendi lögreglan út
aðvaranir til fólks og ráðlagði því
að fara ekki út úr borginni. Þá var
kominn talsverður skafrenningur
á þjóðvegunum í kring um Reykja-
vík og færð farin að spillast
nokkuð. Einnig farið að bera á því
að vegfarendur ættu í erfiðleikum
í borginni og hafði lögreglan í
talsverðu að snúast við að aðstoða
þá, sem fest höfðu bíla sína.
Útgerðarmenn og sjómenn:
Samið um lífeyrismál
SAMNINGAR náðust á milli útgerðarmanna og sjó-
manna á fundi með sáttasemjara í gær um hvaða
viðmiðun skuli vera höfð í sambandi við lífeyrissjóðs-
greiðslur. Fundur hefur verið boðaður með deiluaðilum
klukkan 9 f.h. í dag og verður þá farið að ræða aðrar
kröfur og samningsatriði.
Sjómenn telja hins vegar að
þeir hafi ekki fengið uppfyllt ýmis
loforð stjórnvalda í lífeyris- og
ýmsum réttindamálum. Verkfall
hófst á meirihluta togaraflotans
síðastliðinn mánudag og hefur
einn togari stöðvast af þeim sök-
um, en á mánudag hefst verkfall á
stórum hluta bátaflotans ef samn-
ingar hafa ekki tekist þá.
Hækkar fiskverð um
19% á morgun?
LÍKUR eru taldar á að fiskverð verði ákveðið í framhaldi af fundi
ríkisstjórnarinnar á morgun. Fiskverðsákvörðun hefur sjaldan
dregist eins lengi og nú, en fiskverð á að gilda frá 1. janúar. Línur
hafa skýrzt verulega i þessu máli siðustu daga, en enn þá munu þó
ýmis atriði vera óljós varðandi það hvernig tryggja á rekstrarskil-
yrði frystiiðnaðarins. Fundur var í stjórn Verðjöfnunarsjóðs
fiskiðnaðarins í gær og var þar m.a. rætt um breytingar á
viðmiðunarverði niður fyrir markaðsverð þannig að til útgreiðslna
komi úr frystideild sjóðsins. Ekki er hægt að ákveða viðmiðunar-
verðin fyrr en fiskverðsákvörðun liggur nánast fyrir.
Samkvæmt þeim upplýsing- kvæmt spám Hagstofunnar er
um, sem Morgunblaðið aflaði sér
í gær er nú einkum rætt um
fiskverðshækkun á bilinu 17—
19% og gildi hún til 1. marz.
Líklegt er að um mánaðamótin
komi þrep til hækkunar á fisk-
verði til samræmis við það, sem
laun hækka í landi vegna breyt-
inga á kaupgjaldsvísitölu. Sam-
reiknað með 5,7% launahækkun-
um 1. marz, en nákvæmir út-
reikningar á vísitölunni eru
væntanlegir næstu daga.
Ríkisstjórnin mun væntanlega
á næstunni flytja frumvarp á
Alþingi um breytingar á útflutn-
ingsgjöldum á sjávarafurðum.
Nú eru útflutningsgjöldin jöfn
eða 5,5% á frystum, söltuðum og
hertum afurðum. Fyrirhugað
mun vera að breyta gjöldunum
þannig, að gjöld af frystum
afurðum lækki úr 5,5% í 4,5%,
gjöldin verði óbreytt á saltfiski,
en á skreið hækki útflutnings-
gjöldin hins vegar í 10%. Þá
féllu um áramót úr gildi lög um
olíugjald, sem giltu frá 1. októ-
ber. Samkvæmt upplýsingum
Mbl. mun það vera ætlun ríkis-
stjórnarinnar að olíugjaldið
verði óbreytt eða 7,5% og frum-
varp þar að lútandi verði flutt á
næstunni. Þá má nefna að gengi
krónunnar var fellt gagnvart
dollar í gær um 3,7% og gefur sú
gengisbreyting svigrúm til um
7% hækkunar fiskverðs.