Morgunblaðið - 03.02.1982, Blaðsíða 1

32 SÍÐUR
24. tbl. 69. árg.
MIÐVIKUDAGUR 3. FEBRUAR 1982
Prentsmiðja Morgunhlaðsins.
wÆá
Bandaríkin:
Ekki byssukúla heldur steinvala
ashington. 2. ÍVbrúar. Al*.
KINHVER óþekktur hlutur lenti snemma í morgun á
brynvarinni bifreid George Bush, varaforseta Banda-
ríkjanna, og var í fyrstu óttast, að skotið hefði verið
á bílinn en seinna þóttust leyniþjónustumenn vissir
um, að það hefði bara verið steinn. Enginn meiddist
og ekki er vitað hvaðan steinninn kom.
Heilmikið uppistand var fyrst eftir að hlutur-
inn lenti á bíl varaforsetans og hölluðust flestir
að því, að það hefði verið skotið á hann. Við
nánari athugun kom þó í ljós, að það, sem talið
hafði verið beygla í þakinu, var aðeins rák í
vinylfóðrinu og engar málmagnir þar að finna. Á
myndinni sést hvar lögreglan er í þann veginn að
hefja leit í nálægum byggingum til að komast að
því hvað það var, sem lenti í bifreið Bush vara-
forseta. Síðustu fréttir herma, að brot úr stein-
steypu hafi líklega hrotið í bílinn.
Pólland:
Mótmæli í Wroclaw
gegn verðhækkunum
Yar.sjá. 2. febrúar. Al*.
VERKAMENN í verksmiðjum og
gasstöðvum í Wroclaw, fjórðu
stærstu borg Póllands, efndu til
„þögulla“ mótmæla þar í síðustu
viku vegna gífurlegra verðhækk-
ana á flestum nauðsynjum. l>essar
fréttir bárust til Varsjár í dag með
mönnum, sem komu frá Wroclaw,
en símasambandslaust er á milli
borga í Póllandi. í fréttum frá
Moskvu er það haft eftir yfir
manni Varsjárlögreglunnar, að
„gagnbyltingarsinnar“ séu nú
farnir að starfa neðanjarðar og æ
meira verði vart við andsósíalísk-
ar áletranir og dreifibréf í borg-
inni. Haig, utanríkisráðherra
Bandaríkjanna, sagði í dag, að ef
farið yrði að ráðum þeirra, sem
ákafast gagnrýndu Reagan for
seta, myndi „musteri vestrænnar
einingar hrynja til grunna yfir höf-
uð okkar“.
I fréttunum frá Wroclaw seg-
ir, að verkamenn í ýmsum verk-
smiðjum hafi „látist vinna“, til
að mótmæla verðhækkununum,
sem eru á bilinu 2—400%, en
ekki er nákvæmlega vitað hve
mikil þátttaka var í þessum að-
gerðum. Einnig er sagt, að
dreifibréfum hafi verið kastað
ofan af húsþökum í borginni og
hafi lögregluvörður verið marg-
efldur eftir það.
Alexander M. Haig, utanrík-
isráðherra Bandaríkjanna, varði
í dag ákaft stefnu Reagans for-
seta í utanríkismálum og sagði,
að þeir, sem harðast gagnrýndu
hana gengju erinda Sovétmanna
og ynnu verkin fyrir þá. Hann
sagði, að refsiaðgerðirnar gegn
Sovétríkjunum og Póllandi væru
miklu áhrifaríkari en margir
vildu vera láta, en hins vegar
hefði kornsölubann komið verr
við Bandaríkin sjálf en nokkru
sinni Sovétríkin.
Tass-fréttastofan rússneska
hafði í dag eftir yfirmanni
Varsjárlögreglunnar, að mikið
væri um dreifibréf og andsósíal-
ískar áletranir í Varsjá og væru
þar að verki „gagnbyltingar-
menn“, sem nú væru farnir að
starfa neðanjarðar.
Dozier á blaðamannafundi:
Varð að hlusta
á rokktónlist
tímunum saman
\ iccnza, 2. fcbrúar. Al*.
BANDARISKI hershöfðinginn James L. Dozier sagði í dag á fundi með
blaðamönnum, að hann hefði aldrei örvarnt en hreyfingarleysið og
„óskapleg leiðindi“ hefðu þó lagst þungt á hann þa*r sex vikur, sem
hann var á valdi Rauðu herdeildanna, hlekkjaður í litlu tjaldi í „fangelsi
alþýðunnar“. Sjálfur sagðist hann eiga nokkra sök á því, að honum var
rænt, því hann hefði ekki tekið nægilegt tillit til aðvarana ítölsku
lögreglunnar.
„Það er ekki laust við, að ég
skammist mín og vissulega er sök-
in að nokkru mín,“ sagði Dozier á
fyrsta eiginlega blaðamannafund-
inum, sem hann hefur haldið síðan
honum var bjargað úr klóm Rauðu
herdeildanna. Hann sagði, að sér
hefði aldrei komið til hugar, að
hryðjuverkamennirnir hefðu
áhuga á að ræna Bandaríkja-
manni og þess vegna ekki farið
Mannréttindanefnd SI>:
Miklar deilur
um fundarsköp
tienf, 2. febrúar. Al*.
MANNRÉTTINDANEKNI) Samein-
uðu þjóðanna frestaði í kvöld umræðu
um þá tillögu Kanadamanna, að valda-
taka herstjórnarinnar í l’óllandi yrði
tekin til umfjöllunar, og það þrátt fyrir
að frestuninni væri mótmælt af full-
trúum vestrænna þjóða, sem sögðu, að
fundarsköp hefðu verið þverbrotin.
í atkvæðagreiðslu um frestunar-
tillögu Sýrlendinga studdu hana öll
kommúnistaríkin, auk Alsírs, Ind-
iands og Mexikó, en vestrænu ríkin
öll og aðrar þriðja heims þjóðir sátu
hjá eða voru fjarverandi. í forsæti
fundarins var Ivan Garvalov frá
Rúlgaríu.
Eliott Abrams, fulltrúi Bandaríkj-
anna, sakaði Garvalov um að þver-
brjóta fundarsköp með því að troða
frestunartillögunni fram fyrir, en
fyrr hafði Garvalaov lýst því yfir, að
hann myndi fresta fundi ef ræða
ætti ástandið í einstökum ríkjum og
vildi í þess stað bara ræða dagskrá
fundarins. Abrams sagði, að ljóst
væri, að Garvalov teldi sig fulltrúa
Sovétmanna og væri staðráðinn í að
koma í veg fyrir umræður um Pól-
land.
eftir fyrirmælum ítölsku lögregl-
unnar.
Dozier sagði blaðamönnunum
frá yfirheyrslum hryðjuverka-
mannanna yfir sér og hvernig þeir
hefðu neytt hann til að hlusta á
tónlist tímunum saman. „Allt.frá
byrjun var ég neyddur til að
hlusta á háværa tóniist, hart rokk,
og þið, sem ekki hafið hlustað á
slíkt í átta eða níu stundir sam-
fleytt dag eftir dag, getið ekki gert
ykkur í hugarlund hvílík raun það
er.“ Dozier sagði, að hann hefði
verið hlekkjaður inni í litlu tjaldi
alla 42 dagana og hefði það verið
stöðugt lýst upp með 40 kerta
peru. Hann fékk ekki að raka sig
og varð að notast við færanlegt
salerni. Hann sagðist lítið hafa
talað við fangaverði sína þvi að
þeir hefðu skilið ensku illa og
sjálfur átti hann bágt með ítölsk-
una. „Þetta fólk kom mér fremur
fyrir sjónir sem glæpamenn en
herskáir hugsjónamenn," sagði
Dozier.
Flugvél rænt í
Bandaríkjunum
Miami. 2. fcbrúar. Al*.
BOEING 737-farþegaþotu frá Air
Klorida-flugfélaginu var í dag rænt
og flugmennirnir neyddir til að
fljúga til Havana á Kúbu. Þetta er
fyrsta flugránið, sem heppnast í
Bandaríkjunum í sex mánuði.
Talsmaður loftferðaeftirlitsins
bandaríska sagði í kvöld, að mað-
ur, sem sagðist vel búinn eldfim-
um vökva, hefði rænt vélinni og
væri hún nú lent á Jose Marti-
flugvellinum skammt frá Havana.
Með vélinni voru 72 farþegar og
fimm flugliðar.
„Fóstureyðingar eru mannsmorð“
Osló, 2. febrúar. Al*.
DEILURNAR um frjálsar fóstur
eyðingar eru komnar á nýtt stig í
Noregi en héraðsdómstóllinn í
Malangen í Tromsö í Norður-
Noregi hefur nú kveðið upp þann
úrskurð, að fóstureyðing jafngildi
mannsmorði. Niðurstaðan var um
leið sú, að ríkið tapaði málinu,
sem það hafði höfðað á hendur
presti nokkrum, sem neitað hafði
að inna af hendi ýmis prestverk
vegna þess hve mikla andúð hann
hafði á frjálsum fóstureyðingum.
Dómurinn var kveðinn upp
einróma og samkvæmt honum
getur Börre A. Knudsen, prest-
ur í Balsfjarðarsókn, gegnt
embætti sínu áfram þótt hann
neiti að vinna sum prestverkin,
Niðurstada héraðsdómstóls í Noregi eykur
deilurnar um frjálsar fóstureyðingar
en upp á því tók hann fyrir
þremur og hálfu ári, árið 1978,
þegar fóstureyðingalöggjöfin
norska var rýmkuð mjög veru-
lega. Að því er segir í norsku
dagblöðunum tók það dómar-
ann, Martin Beer, þrjár og
hálfa klukkustund að lesa upp
dómsniðurstöðurnar.
„Rétturinn hefur þær skoð-
anir á fóstureyðingu af manna-
völdum, að með henni sé verið
að drepa litla mannveru," sagði
í niðurstöðum réttarins, sem
réðst einnig harðlega á lauslæti
og litla siðferðiskennd hjá ungu
fólki. „Kannski er ekkert í veg-
inum fyrir því að konan eigi
barnið nema það eitt, að það
kostar peninga að eiga barn og
þegar um er að ræða bíl eða
barn ber bíllinn oft hærri hlut.“
Niðurstaða réttarins í Mal-
angen hefur vakið áköf mót-
mæli margra manna í Noregi,
einkum ýmissa lögfræðinga og
þeirra, sem hafa barist fyrir
frjálsum fóstureyðingum og í
dag lét ríkissaksóknarinn svo
ummælt, að hann myndi áfrýja
dómnum til hæstaréttar. „Beer
dómari hlýtur að hafa misskilið
málið. í stað þess að kveða upp
dóm í frávísunarmáli hefur
hann sagt skoðun sína á norsku
fóstureyðingalöggjöfinni,"
sagði Dagbladet og Carl August
Fleischer, lagaprófessor, segir,
að dómurinn sé alveg „maka-
laus“. „Það er afar sjaldgæft,
að réttur, hvað þá undirréttur,
velti því fyrir sér hvort laga-
greinar séu réttlátar eða rang-
látar, enda er það alls ekki í
hans verkahring," sagði hann.
Börre A. Knudsen, sóknar-
prestur í Balsfirði, kvaðst vera
í sjöunda himni yfir dóminum
en sa'fcðist þó verða að viður-
kenna, að hann hefði ekki átt
von á honum á þessa leið.