Morgunblaðið - 27.04.1982, Blaðsíða 31

" ' ' ——
MORGUNBLAÐIÐ, ÞRIÐJUDAGUR 27. APRÍL 1982
31
1 sluttu máli
Stjórnarskrá
á næsta þingi
Lög um blindrabókasafn
Lög um Sinfóníuhljómsveit íslands:
Ágreiningur um
skiptingu kostnaðar
Þaó er ekki á hverjum degi sem
þingmenn fá klapp frá áheyrend-
um en þaó geróist í gær, er frum-
varp um Sinfóniuhljómsveit ís-
lands var samþykkt sem lög frá
Alþingi í gær með 29 atkvæðum
gegn 3. Gegn frumvarpinu greiddu
atkvæði Karvel Pálmason (A), Al-
bert Guómundsson (S) og Garðar
Sigurðsson (Abl). Áður höfðu verið
felldar breytingartillögur frá Jó-
hanni Kinvarðssyni (F), Árna
Gunnarssyni (A), Garðari Sigurðs-
syni (Abl) og Jósef H. Þorgeirs-
syni (S), sem m.a. gengu út á það
að „kappkostað skuli“ að eigi
minna en 12% af útgjöldum
hljómsvcitarinnar fáist greidd á
tekjum af tónleikahaldi.
Flestir þingmenn, sem gerðu
grein fyrir atkvæði sínu, töldu
Sinfóníuhljómsveitina til menn-
ingarlegrar kjölfestu í þjóðlíf-
inu. Það, að skipa henni sess
með lögum, hefði í raun átt að
vera mun fyrr á ferð Halldór
Blöndal (S) sagði m.a. efnislega,
að ekki væri við hæfi að hið háa
Alþingi væri með kotungshátt í
garð hljómsveitarinnar, heldur
bæri að búa henni skilyrði við
hæfi í íslenzku menningarlífi.
Sá ágreiningur, sem upp kom,
snerist einkum um kostnaðar-
hlið málsins, hvort útgjöld um-
fram tekjur yrðu alfarið sótt í
hinn sameiginlega sjóð, ríkis-
sjóðinn, eða aðeins að rúmlega
helftinni til en 25% til RÚV,
sem hefði í fullu tré með sjálft
sig, og 18% í borgarsjóð Reyk-
víkinga, en þessir tveir aðilar
skulu, samkvæmt hinum nýju
lögum, bera uppi kostnað sveit-
arinnar á móti ríkissjóði.
Albert Guðmundsson sagði
m.a. efnislega, að hlutur Reyk-
víkinga í skattframlögum til
ríkissjóðs væri um 40%. Reyk-
víkingar bæru því, gegnum rík-
issjóðinn, fyllilega sinn hlut af
framlagi til Sinfóníuhljóm-
sveitarinnar, sem væri alls góðs
makleg. Það væri því að bera í
bakkafullan lækinn að gera
borgarsjóði enn að greiða 18%
Albert Guðmundsson
af óákveðnum útgjöldum við
Sinfóníuhljómsveitina. Veit
háttvirtur menntamálaráðherra
ekki að síðustu fjárhagsáætlun
Reykjavíkurborgar var lokað
með 40 m.kr. láni frá peninga-
stofnunum, til að ná endum
saman? Veit ráðherra ekki að
80% af heildartekjum borgar-
innar fara í beinan rekstrar-
kostnað við borgina og stofnanir
hennar, sem er hærra hlutfal!
Halldór Blöndal
en nokkru sinni fyrr? Veit hann
ekki að af þeim 20%, sem fara
til eignabreytinga (fram-
kvæmda), eru yfir 20% sektar-
vextir gjaldheimtunnar? Þar að
auki er þessi kvöð á borgarsjóð-
inn ekki bundin fastri upphæð,
heldur prósentu, sem enginn
veit fyrirfram hvað þýðir í út-
gjöldum, en slíkt er nýlunda
hvað varðar fjárhagsáætlun hjá
borginni.
Stjórnarskrá — aukaþing
Tillaga Alþýðuflokksins um auka-
þing í ágústmánuði nk. til að af-
greiða nýja stjórnarskrá hlaut
dræmar undirtektir er hún kom til
umræðu á Alþingi 20. apríl sl.
Matthías Bjarnason, talsmaður
Sjálfstæðisflokks í umræðunni, lýsti
sig andvígan tillögunni og sama
gerði Páll Pétursson, formaður
þingflokks framsóknarmanna.
Sighvatur Björgvinsson, formað-
ur þingflokks Alþýðuflokksins, sem
mælti fyrir tillögunni, lýsti þeirri
skoðun sinni, að samkvæmt ályktun
Alþingis um starfstíma stjórnar-
skrárnefndar, hefði nefndin átt að
skila af sér störfum fyrir hálfu öðru
ári og hefði í raun ekki lengur um-
boð Alþingis til starfa. Gunnar
Thoroddsen, forsætisráðherra, sem
jafnframt er formaður stjórnar-
skrárnefndar, andmælti bæði til-
lögu Alþýðuflokksins, sem og skiln-
ingi Sighvats á starfsumboði nefnd-
arinnar. Sagði hann að gert væri
ráð fyrir að nefndin ljúki störfum
og skili tillögum af sér næsta haust
svo mögulegt ætti að vera að leggja
málið fyrir næsta reglulegt Alþingi.
Málafjöld
Ríkisstjórnin hefur lagt fram
lista yfir 59 mál, 53 frumvörp og 6
tillögur til þingsályktunar, sem
æskilegt er, að hennar mati, að af-
greiða fyrir þinglausnir. Þar eru 43
mál, sem ríkisstjórnin leggur sér-
stakan þunga á. Sum þessara mála
eru mjög viðamikil og lögð fram á
síðustu dögum. Stjórnarandstaðan
hefur ekki lagzt gegn afgreiðslu á
neinu þessara mála, en áskilur þing-
inu skaplegan tíma til að vinna þau
og afgreiða. Ef ríkisstjórnin stefni
að þinglausnum um eða upp úr
næstu mánaðamótum sé sýnt, að að-
eins hluti þessara mála fái af-
greiðslu nú.
Loðdýrarækt
Guðmundur Bjarnason (F), Stef-
án Jónsson (Abl), Eiður Guðnason
(A), Egill Jónsson (S) og Davíð Að-
alsteinsson (F) hafa lagt fram frum-
varp til niðurfellingar á aðflutn-
ingsgjöldum og sölugjaldi af efni og
búnaði til loðdýrabúa, vélbúnaði og
tækjum til fóðurstöðva, vélbúnaði
og tækjum til pelsverkunar og hvers
konar öðrum sérhæfðum búnaði til
loðdýraræktar.
Langtímaáætlun um
þróunarsamvinnu
Kjartan Jóhannsson (A) o.fl.
þingmenn Alþýðuflokks hafa lagt
fram tillögu til þingsályktunar um
langtímaáætlun um þróunarsam-
vinnu. Fjárhagslegar forsendur
þessarar áætlunar verði þær að
framlög hins opinbera til þróun-
arhjálpar verði 0,7% þjóðarfram-
leiðslu en framlög almennings 0,3%.
Fylgirit með ríkisreikningi
Samþykkt hafa verið lög um
breytingu á ríkisbókhaldslögum,
sem fjalla um fylgirit með ríkis-
reikningi. Með ríkisreikningi skal
nú leggja fram greinargerð hag-
sýslustofnunar um forsendur fjár-
laga ársins og bre.vtingar á þeim
forsendum. Einnig skal gera grein
fyrir þróun verðlags, launa og ann-
arra helztu þátt í efnahagslífinu,
sem höfðu áhrif á niðurstöður ríkis-
reiknings. Yfirlit skal fylgja um
aukafjárveitingar, ásamt skýring-
um, sem og um frávik ríkisreiknings
frá samþykktum fjárveitingum.
Frávik skulu sérstaklega skýrð. Með
ríkisreikningi skal og fylgja sund-
urliðað yfirlit um launagreiðslur,
bifreiðakostnað og risnukostnað
einstakra ráðneyta, stofnana og
verkefna.
Blindrabókasafn
Samþykkt hafa verið lög um
Blindrabókasafn íslands, sem kveða
eiga um hvern veg skal staðið að því
að sjá blindum, sjónskertum og öðr-
um þeim, sem ekki geta fært sér
venjulegt prentað letur í nyt, fyrir
alhliða bókasafnsþjónustu, m.a. með
útgáfu og miðlun hljóðbóka og
blindraletursbóka með efni skáld-
verka og fræðirita, þar á meðal
námsgagna.
Erfðafjárskattur
Halldór Blöndal o.fl. þingmenn
Sjálfstæðisflokks hafa lagt fram
frumvarp til breytinga á lögum um
erfðafjárskatt, sem m.a. felur það í
sér að eftirlifandi maki skuli undan-
þeginn erfðafjárskatti, enda valdi
makamissir þungum búsifjum, sem
erfitt er að færa rök fyrir að eigi að
vera þjóðfélaginu tekjulind. Þá er
slegið föstu að erfðafjárskattur
skuli aldrei vera hærri en 45% (er
nú 50%) og skuli ekki gréiða af fé,
sem hverfur til kirkna, opinberra
sjóða, gjafasjóða, félaga, líknar- og
menningarstofnana (en af slíku er
nú 10%. skattur).
Eftirlaun alþingismanna
og ráðherra
Nýlega var lagt fram frumvarp
(flutningsmenn Jón Helgason, Helgi
Seljan, Karl Steinar Guðnason og
Þorvaldur Garðar Kristjánsson) um
breytingu á lögum um eftirlaun al-
þingismanna og lögum um eftirlaun
ráðherra. Með frumvarpinu er m.a.
lagt til að réttindi skapist um eftir-
laun viðkomenda eftir þeim reglum
sem orðnar eru almenn regla, þ.e. að
öll iðgjöld veiti réttindi. Samkvæmt
frumvarpinu er stefnt að því að
þingmenn geti farið á eftirlaun eftir
þær kosningar, sem fram fara næst
á undan því að þeir verða 65 ára, og
að svokölluð 95 ára-regla, sé upp
tekin, lítið eitt breytt. Frumvarpið
fékk skjóta afgreiðslu í efri deild og
fyrir því var mælt í neðri deild í
gær.
ísland og
Alþjóðahvalveiðiráðið
Stefán Jónsson (Abl) hefur óskað
skriflegs svars sjávarútvegsráð-
herra við nokkrum spurningum: 1)
Um hvaða mál hafa verið greidd at-
kvæði af hálfu íslendinga innan Al-
þjóðahvalveiðiráðsins? 2) Hvernig
hefur atkvæði Islands fallið við at-
kvæðagreiðslur í þessum málum og
með hvaða rökum? 3) Hvaða vís-
indaiegar athuganir liggja til
grundvallar þessari afstöðu? 4) Hef-
ur sjávarútvegsráðuneytið kannað,
hver áhrif óbreytt afstaða Islands í
hvalveiðimálum hefur haft á niark-
aðsstöðu íslenzkra sjávarafurða? 5)
Hefur ráðune.vtið kannað ásakanir
af hálfu hvalfriðunarmanna á þá
lund, að íslendingar hafi vanrækt
störf í vísindanefnd Alþjóðahval-
veiðiráðsins?
Tekjuskattur/sjúkratryggingargjöld:
VanáætluÖ í fjárlögum um 60 m.kr.
Bankaskaííar tii neðri deildar
Samkvæmt nýjum útreikning-
um, sem nú liggja fyrir, er Ijóst,
að tekjuskattar eru vanáætlaðir
um hvorki meira né minna en
56,5 m.kr. og sjúkratryggingar-
gjöld um 2,5 m.kr., eða samtals
um 59 m.kr., sagði Lárus Jónsson
(S) í efri deild Alþingis sl. mánu-
dag, er stjórnarfrumvarp um
skattskvldu innlánsstofnana var
á dagskrá.
Þessi vanáætlun kemur til af
því að skattvísitala, sem fylgja
á launabreytingu milli ára, er
aðeins hækkuð um 50% en ætti
að hækka um 53%, skv. launa-
breytingum milli tekjuáranna
1980 og 1981. Þannig nælir fjár-
málaráðherra sér í aukatekjur,
umfram fjárlagaákvörðun.
Þetta frumvarp á síðan að gefa
50 m.kr. í viðbót, sem endan-
lega verða sóttar til viðskipta-
aðila innlánsstofnana.
Fulltrúar Alþýðu- og Sjálf-
stæðisflokks í fjárhags- og við-
skiptanefnd lögðu til að þessu
frumvarpi, sem væri um margt
ábótavant, enda sýnilega flýtis-
verk, væri vísað til ríkisstjórn-
arinnar. Sú tillaga var felld.
Frumvarpið var síðan sam-
þykkt með 9 atkvæðum gegn 6,
en það á eftir að fá umfjöllun í
neðri deild.
Samband viðskiptabanka
lagði fram gagnrýnisatriði í 7
liðum um tæknileg atriði, sem
varða framkvæmd á efnisatrið-
um frumvarpsins.