Morgunblaðið - 20.08.1982, Side 23

"1
MORGUNBLAÐIÐ, FÖSTUDAGUR 20. ÁGÚST 1982
51
Útvarpið þarf að endur-
taka irásögn Þorsteins
af Geysisslysinu
Síðustu tvö sunnudagsárdegi hefír
verid þáttur í útvarpinu, sem mig
fýsir aö vekja á sérstaka athygli. Það
var frásögn Þorsteins Svanlaugsson-
ar á Akureyri af björgunarleiðangri
á Vatnajökul eftir miðjan september
1950, þegar flugvélin Geysir fórst
þar.
Það hefir tvímælalaust mikið
gildi, hvernig sem á er litið, að fá
svo nákvæma frásögn þessa leið-
angursmanns af þeim marg-
slungnu þáttum þessa gífurlega
björgunarafreks, sem að öllum
líkindum hefði fallið í skugga með
tíð og tíma. En Þorsteinn hefir
með frásögninni bjargað á spjöld
sögunnar til ómetanlegs gagns,
fyrir það innsæi er í frásögninni
var.
Eg þekkti marga af þeim
mönnum er í leiðangrinum voru,
afburða ferða- og fjallamenn, svo
sem fyrirhyggja þeirra á öllum
sviðum bar vott um. Fararstjór-
inn, Þorsteinn Þorsteinsson, átti
fáa sína líka, svo að ekki sé meira
sagt. Einbeitni hans og án efa
fleiri í björgunarhópnum, að taka
ekki mark á skeytinu sem þeim
var sent á leiðinni inn að jökli, þar
sem þeim var sagt að snúa heim,
því að verið væri að bjarga fólkinu
með flugvél — er athygli verð og
Þessa mynd tók Ólafur K. Magnússon, Ijósmyndari Morgunblaðsins, við
komu áhafnar Geysis á Reykjavíkurfíugvöll. Frá vinstri: Dagfínnur Stefáns-
son, Bolli Gunnarsson, Einar Runólfsson, Magnús Guðmundsson, Ingigerð-
ur Karlsdóttir og Guðmundur Sívertsen.
frásögn Þorsteins Svanlaugssonar
í lokin af samtali hans og Þor-
steins fararstjóra — sú frásögn
mátti ekki tapast.
Fleira skal ekki rakið, en öll
frásögnin þarf að koma aftur í út-
varpinu. Til dæmis á þessari
stundu til umhugsunar þér og
mér, þegar þörf er ofurlítillar
sjálfsafneitunar fyrir þjóðarheill.
Til umhugsunar þeim sem ung-
dóminn fræða og veita veganesti.
Endurtakið þættina og hlustið nú
þið, sem berið íslending í brjóst-
inu. Jónas Pétursson,
fyrrv. alþingismaður.
Þessir hringdu
Fjarlægið
flakið
Kona úr Mosfellssveit hringdi:
„Ég vil vinsamlegast beina þeirri
ósk til yfirvalda, að flakið af
flugvélinni sem fórst í Kistufelli
verði fjarlægt af slysstaðnum.
Þegar maður horfir til fjallsins,
sem flestir Mosfellingar gera
daglega, rifjast ætíð upp fyrir
manni sá harmleikur sem þarna
varð, en það vekur með manni
óþægilegar tilfinningar, sem
maður vill helst vera án.“
Svar við fyrir-
spurn S.G. um
kynningarlag
„Sögubrota"
Annar af umsjónarmönnum
„Sögubrota" hringdi og vildi
upplýsa S.G. en hann beindi
fyrirspurn til umsjónarmann-
anna um kynningarlag útvarps-
þáttarins: „Lagið heitir „The
Floral Dance" og er leikið af
breskri lúðrasveit sem heitir
„The Brighouse and Rastrick
Band“. Þetta lag komst ein-
hverntímann á topp tíu-listann í
Bretlandi, að mér skilst fyrir
nokkrum misserum. Þá vil ég
vekja athygli á því, vegna spurn-
inga sem okkur hafa borist um
hvers vegna svo mikil tónlist sé
leikin í þáttum okkar, að nú er
búið að taka upp alla þætti út
ágústmánuð og þá á væntanlega
aðeins eftir að taka upp einn
þátt sem verður í byrjun sept-
ember og verður það síðasti
þátturinn okkar, þannig að
þessu verður ekki breytt héðan
af. Skýringin á þessari miklu
tónlist er kannski sú, að við vild-
um aðeins hrista upp í þessu
hefðbundna formi sem hefur
verið á umfjöllun sagnfræði í út-
varpinu, yfirleitt einn maður
sem talar beint af blaði. Það
verður að vega og meta hvort
það hefur tekist eða ekki“.
Þjódsöngurinn
dreginn niður
í svaðið
Sigurborg Ilelgadóttir hringdi
og hafði þetta að segja: „Við
komum saman nokkrar vinkon-
urnar í vikunni og ræddum mik-
ið um hvernig meðferð íslenski
þjóðsöngurinn „Ó guð vors
lands“ hefur fengið í útsetningu
ungra tónlistarmanna, eins og
hann er leikinn í kvikmynd, sem
nú er sýnd í kvikmyndahúsum.
Okkur finnst hann vera dreg-
inn niður í svaðið. Við ræddum
um það, að þetta gæti hvergi
gerst meðal menningarþjóða og
hvergi yrði þetta liðið nema hér
á íslandi. Við viljum biðja fleiri
að láta heyra í sér um málið. Það
er viðbjóður að þetta skuli geta
gerst.“
Skrifiö eða
hringið til
Velvakanda
Velvakandi hvetur lesendur til
að skrifa þættinum um hvaðeina,
sem hugur þeirra stendur til —
eða hringja milli kl. 10 og 12,
mánudaga til föstudaga, ef þeir
koma þvi ekki við að skrifa.
Meðal efnis, sem vel er þegið,
eru ábendingar og orðaskipti,
fyrirspurnir og frásagnir, auk
pistla og stuttra greina. Bréf
þurfa ekki að vera vélrituð, en
nöfn, nafnnúmer og heimilisföng
verða að fylgja öllu efni til þátt-
arins, þó að höfundar óski nafn-
leyndar.
GÆTUM TUNGUNNAR
Sagt var: Hann kvaðst ekki vita, hvað veldi þessum fáleik-
um.
Rétt væri: Hann kvaðst ekki vita, hvað ylli þessum fáleik-
um.
Dregið hefur verið í happdrætti Kaupmannasamtaka
íslands. Eftirtalin númer komu upp.:
4358 2805 4431 1340
1851 4490 3935 4706
4157 1289 2956
KAU PMAN NASAMTÖK
ÍSLANDS
Hjartans þakkir til þeirra sem glöddu mig
á afmæli minu 13. ágúst meö heimsókn-
um, gjöfum og skeytum. Sérstakar þakkir
til barna og tengdabarna fyrir rausnar-
legar veitingar. Guð launi ykkur.
JÓNÍNA ÞÓRÐARDÓTTIR,
SUÐURGÖTU 14,
KEFLAVÍK.
ALLTAF A LAUGARDÖGUM
HVAÐ I VERÖLD-
INNI ER AÐ?
Samantekt um óheillaþróunina
í efnahagsmálum heimsins
AFURÐ HIRDINGJANS
VERÐUR DÝRMÆT
MUNAÐARVARA
Sagt frá austurlenskum teppum
UM LEIRBURÐINN
í DANSLAGA-
TEXTUNUM

Vönduð og menningarleg helgarlesning
AUGlÝSÍNGASTOfA KFUSTINAfi HF