Morgunblaðið - 09.11.1982, Side 38

46
MORGUNBLAÐIÐ, ÞRIÐJUDAGUR 9. NÓVEMBER 1982f''J>
Ö Varaformannskjör á flokksþingi Alþýðuflokksins:
Hörður Áskelsson organisti Hallgrímskirkju og Knut 0degárd Ijóðskáld.
Morvjunblaðið/ RAX
Liljukvöld í
Hallgrímskirkju
ANNAÐ kvöld, miðvikudagskvöld, verður efnt til svonefnds l.iljukvölds í
Hallgrímskirkju, en þar verður helgikvæðið Lilja eftir Kystein Ásgrímsson
flutt í máli og myndum og tónum.
Upphafsmaður þessarar
dagskrár er norska ljóðskáldið
Knut Odegárd, sem unnið hefur að
rannsóknum á Lilju og þýtt
verkið, sem gefið var út í viðhafn-
arútgáfu í Noregi. Odegárd hefur
einnig þýtt Geisia, dróttkvæða-
bálk Einars Skúlasonar frá 12. öld,
og er verkið nýkomið út í viðhafn-
arútgáfu í Noregi.
Á Liljukvöldinu, sem hefst kl.
20.30, mun Knut Odegárd reyna að
leiða hlustendur inn í umhverfi
Eysteins Ásgrímssonar og Lilju,
en inn á milli skiptast þau Gunnar
Eyjólfsson leikari og Þorgerður
Ingólfsdóttir á um að lesa kvæðið
og syngja hluta þess. Samtímis
verða sýndar skuggamyndir af
listaverkum Bjorns Bjornebo úr
norsku viðhafnarútgáfunni. Loks
leika trompetleikararnir Lárus
Sveinsson og Jón Sigurðsson forn
stef á hljóðfæri sín. Aðgangur er
ókeypis, en efnt verður til sam-
skota að samkomu lokinni til
ágóða fyrir orgelsjóð.
Við útgáfuna á helgikvæðunum
í Noregi hefur Knut 0degárd notið
aðstoðar Bjorns Bjornebo mynd-
listarmanns og prests í Niðarósi,
sem myndskreytt hefur kvæðin.
Bjornebo er nú staddur hér á landi
í boði Norræna hússins, þar sem
hann heldur sýningu á mynd-
skreytingum sínum við Geisla.
Jafnframt hefur Bjornebo gefið
Hallgrímskirkju allstórt upplag af
tveimur offsetprentuðum teikn-
ingum, sem eru hluti myndskreyt-
inganna úr Lilju, og verða mynd-
irnar seldar til styrktar orgelsjóði
kirkjunnar.
Orgelsjóðnum er ætlað að fjár-
magna kaup á stóru konsertorgeli
í kirkjuna, og að sögn Harðar
Áskelssonar gengur söfnunin vel.
Hann sagði listamenn hafa lagt
fram vinnu sína í guðsþjónustum,
tónleikum og á sérstökum fjáröfl-
unarkvöldum endurgjaldslaust til
styrktar fyrirtækinu, og einstakl-
inga hafa með stórum framlögum
lagt áherzlu á að vel yrði til orgel-
kaupanna vandað. Kvað Hörður
hentugt orgel mundu kosta jafn-
virði tveggja einbýlishúsa, eða um
fimm milljónir króna á núverandi
gengi.
Jafnframt þessu hafa verið lögð
drög að stofnun styrktarfélags
listalífs við Hallgrímskirkju. Fé-
lagið verður stofnað formlega á
stofnfundi 28. nóvember og verður
það kallað Listvinafélag Hall-
grímskirkju. Tilgangur félagsins
verður að stuðla að blómlegu lífi
lista í helgidóminum á Skóla-
vörðuhæð, svo nýtast megi sú að-
staða, sem fullbúin kirkja kemur
til með að bjóða upp á. Komið
verður á fót listaráði með full-
trúum hinna ýmsu listgreina. Að
sögn Harðar Áskelssonar skipar
kirkjan ekki háan sess með skáld-
um og listamönnum nú á tímum,
með örfáum undantekningum, en
kirkjan var helzta athvarf skálda
og listamanna áður fyrri, og er
það einn tilgangur félagsins að
koma listum inn í kirkjuna á ný.
Magnús H. sigraði
Vilmund naumlega
í ÖLL embætti æðstu manna Al-
þýðuflokks var aðeins eitt framboð,
nema í embætti varaformanns, þar
sem Vilmundur Gylfason bauð sig
fram á móti Magnúsi H. Magnús-
syni. Magnús hélt velli með mjög
naumum meirihluta, hlaut 52% at-
kvæða, en Vilmundur Gylfason
hlaut 46%, eða 112 atkvæði á móti
126 atkvæðum Magnúsar. Á siðasta
flokksþingi var einnig kostið um
þessa tvo menn, en þá sigraði Magn-
ús með miklum mun.
Vilmundur Gylfason hafði á
orði við menn á flokksþinginu að
ef hann tapaði í kosningunni við
Magnús þá myndi hann stokka
upp varðandi stöðu sína á vett-
vangi flokksins, en að lokinni taln-
ingu í kosningunni til varafor-
manns sté Vilmundur í ræðustól
og sagði eftirfarandi:
„Ég óska sigurvegaranum hjart-
anlega til hamingju með þessi úr-
slit. Ég er þess fullviss að þau eru
fengin af sigurvissu og sjálfs-
trausti og það er auðvitað það sem
•við verðum að fara fram á. Ég
endurtek hjartanlegar hamingju-
óskir og treysti því að þetta verði
jafnaðarstefnunni til góðs. Mér
dettur í hug enskur slagari:
„I’m sending you a big bouquet of roses,
one for every time you broke my heart.“
Þá þakkaði Vilmundur þeim
sem hefðu stutt við bakið á sér „í
svona kosningu, en það hefur oft
verið erfiður róður, eins og við vit-
um öll,“ sagði hann.
„Ég endurtek hamingjuóskir til
æðstu stofnunar flokksins," sagði
Vilmundur að lokum, „Tómas
Guðmundsson orti eitt sinn um
sjálfan sig Ég kom og kastaði rós-
um, eitt kvöld, inn um gluggann til
þín. Ég endurtek hamingjuóskir
til okkar allra, gangi ykkur allt í
haginn."
„Býst við meiri
fækkun sauðfjár í
haust en í fyrrau
segir Gunnar Guöbjartsson framkvæmda-
stjóri Framleiðsluráðs landbúnaðarins
FJÖLDI bænda höfðu í haust sam-
band við Framleiðsluráð landbúnað-
arins og lýstu sig reiðubúna til að
fækka við sig eða jafnvel farga öllu
sinu fé, að sögn Gunnars Guð-
bjartssonar framkvæmdastjóra
Framleiðsluráðs landbúnaðarins.
Gunnar sagði að Framleiðsluráðið
hefði falið 1—2 mönnum hjá öllum
búnaðarsamböndum landsins að
ganga frá samningum við þessa
bændur en ekki væri ennþá Ijóst af
hvað mörgum samningum hefði orð-
ið. Gunnar sagði að í fyrrahaust
hefði sauðfé verið fækkað mikið eða
um 32.000 fjár, sagðist hann reikna
með að jafnvel yrði fækkað enn
meira í haust.
Bændum sem slátruðu öllu sínu
fé er samkvæmt reglum Fram-
leiðsluráösins tryggt fullt verð
„Við eigum að flytja van-
traust á ríkisstjórnina“
- sagði Árni Cunnarsson á flokksþingi Alþýðuflokksins
A FLOKKSÞINGI Alþýðuflokksins
varpaði Árni Gunnarsson alþingis-
maður fram þeirri skoðun sinni að
nú væri tími til kominn að Alþýðu-
flokkurinn bæri fram vantraust á
ríkisstjórnina.
„Ríkisstjórnin," sagði Árni,
„hefur endanlega glatað tiltrú
þjóðarinnar. Alþýðuflokkurinn
hefur staðið að málum gagnvart
ríkisstjórninni eins og bezt verður
á kosið, en nú verðum við að hætta
leiknum vegna þess að þetta getur
ekki gengið lengur, það skilur
hvert mannsbarn í landinu. Við
eigum að flytja vantraust á ríkis-
stjórnina í næstu viku, það er
bezta lausnin á þessu máli fyrir
Alþýðuflokkinn og fyrir þjóðina."
Þrjár nýjar bækur frá Vöku:
Fyrstu bækur þriggja íslenskra höfunda
Sæmundar (iuðvinssonar, Guðna Kolbeinssonar og Jóns Orms Halldórssonar
í GÆK komu út hjá Bókaútgáfunni
Vöku þrjár nýjar íslenskar hækur
Spámaður í föðurlandi eftir Jón Orm
llalldór.sson, Við skráargatið eftir
Sæmund Guðvinsson og Mömmu-
strákur eftir Guðna Kolbeinsson.
Hér er um frumútgáfu þessara bóka
að ræða, að öðru leyti en því að
Mömmustrákur var lesinn upp i út-
varp fyrr á þessu ári. Bækurnar voru
kynntar á blaðamannafundi i gær,
þar sem blaðamönnum var einnig
sýnt nýtt húsnæði er Vaka hefur flutt
í við Síðumúla í Reykjavík.
Bækurnar eru allar fyrstu bæk-
ur höfunda. Bók Guðna er að sögn
hans sjálfs ætiuð fólki á ölium
aldri, en sagan segir frá litlum
strák, sem á uppvaxtarárum sínum
fer með móður sinni víða um land
og lendir í ýmsum ævintýrum.
Faðir hans býr á hinn bóginn í
Reykjavík, og hafa feðgarnir ekki
sést. í forlagskynningu á bókar-
kápu segir svo um Mömmustrák:
Ölafur Ragnarsson bókaútgefandi I Vöku ásamt höfundunum þremur,
talið frá vinstri: Olafur, Jón Ormur Halldórsson, Guðni Kolbeinsson og
Sæmundur Guðvinsson.
„Vandi hins föðurlausa barns er
megin viðfangsefni bókarinnar, en
á öllu er tekið með léttri gaman-
semi og undirtónninn er mannleg-
ur og ljúfur.'
Um skáldsögu Jóns Orms segir
Ljósm.: Kristján E. Einarsson.
svo í forlagskynningu: „Þetta er
nútímaleg saga, sem gerist á
nokkrum haustdögum í Reykjavík.
Aðalpersónan er deildarstjóri í
ráðuneyti, sem lifir mjög hvers-
dagslegu og reglubundnu lífi með
tilliti til reglugerða þessa heims.
— Óvæntir atburðir verða til þess
að hann snýr sér af alefli að því að
bæta ýmislegt sem honum finnst
fara úrskeiðis í þjóðlífinu, en það
gengur misjafnlega." Á biaða-
mannafundinuni í gær vildi Jón
Ormur undirstrika að hér væri um
skáldsögu að ræða, þar sem hvorki
hann né aðrir starfsmenn Stjórn-
arráðs Islands væru fyrirmyndir
sögupersóna. „Telji menn sig
þekkja einhverja í bókunum gera
þeir það á eigin ábyrgð,“ sagði Jón
Ormur.
í kynningu Vöku á bók Sæmund-
ar Guðvinssonar segir svo meðal
annars:
„Hvað myndi nágranninn sjá ef
hann leyfði sér að kíkja á skráar-
gatið heima hjá þér? Það gæti ver-
ið sitt af hverju, til dæmis eitthvað
af því sem birtist í þessari smellnu
bók Sæmundar Guðvinssonar.
Milli bókarspjaldanna er að
finna flokk smásagna sem tengdar
eru saman í tíma og rúmi. Athygl-
inni er beint að ósköp venjulegri
fjölskyldu í Reykjavík, eins konar
vísitölufjölskyldu, og nær Sæ-
mundur í spéspegil sinn mörgum
skemmtilegum svipmyndum af
mannlífinu í streitu og amstri
hversdagsins."
fyrir ærkjötið í haust og að fá það
greitt í desember. Þeir sem fækka
við sig verður tryggt hærra verð
fyrir kjötið næstu 5 ár, maður sem
fækkar t.d. um Ví fær fullt verð
fyrir framleiðslu næstu 5 ára. Að-
spurður um það hvort mönnum
væri heimilað að fækka sauðfé og
auka mjólkurframleiðsluna í stað-
inn sagði Gunnar að mönnum
hefði verið heimilað að færa kvóta
á milli framleiðslugreina og yrði
þetta vafalaust heimilað á meðan
svigrúm væri til þess í mjólkur-
framleiðslunni. En menn sem
hættu eða fækkuðu við sig fé í
haust fengju ekki kvóta til mjólk-
urframleiðslu fyrr en næsta haust
þar sem þeir teldust nota kvóta
sinn þetta verðlagsár með inn-
legginu í haust.
Arnarflug og
Ernir taka upp
samstarf
AKNARFLUG og Flugfélagið Ernir
á ísafirði hafa nýlega gert með sér
afgreiðslusamning, sem felur í sér
að innanlandsdeild Arnarflugs ann-
ast framvegis afgreiðslu farþega og
varnings fyrir Krni í hinni nýju flug-
afgreiðslu Arnarflugs á Reykjavíkur-
flugvelli.
I frétt frá Arnarflugi segir, að
þessi samvinna verði báðum félög-
unum til hagsbóta og muni auka
festu í daglegum rekstri Arna.
Flugáætlun Arna verður innan
ramma vaktatíma innanlands-
deildar Arnarflugs, þ.e. á bilinu
08.00—20.00 daglega.
Ernir eiga nú tvær flugvélar,
Cessna Titan, sem tekur 10 far-
þega, og Piper Aztec, sem tekur 5
farþega. Framkvæmdastjóri Arna
og aðaleigandi er Hörður Guð-
mundsson, flugmaður á ísafirði.
Dansað á
Reyðarfirði
Keyðarfjörður, 8. nóvember.
HÉR hafa verið tvær stúlkur frá
Dansskóla Sigurðar Hákonarson-
ar að kenna börnum og unglingum
dansa, hefðbundna dansa og diskó-
dansa. Kennt var í viku. Foreldra-
sýning var í gær í félagsheimilinu
og má segja að undraverður ár-
angur hafi náðst á ekki lengri
tíma.
— Gréta.
'n
INNLENT