Morgunblaðið - 18.02.1983, Blaðsíða 23
MORGUNBLAÐIÐ, FÖSTUDAGUR 18. FEBRÚAR 1983
55
f ÍU ' ií !Í
VáL?AKANDI
SVARAR í SÍMA
10100 KL. 10—12
FRÁ MANUDEGI
HiEja®™*
mm
Verða bankar og lífeyrissjóð-
ir stærstu íbúðareigendurnir?
Arnór Kagnarsson skrifar:
Nú er ljóst að lífdagar ríkis-
stjórnar Gunnars Thoroddsens
eru senn taldir. Stærsta verkefni
þessarar ríkisstjórnar var hið
sama og þeirra ríkisstjorna sem
áður höfðu setið, þ.e. að kveða
niður verðbólgudrauginn. Þeir
sem best til þekkja segja að nú
stefni verðbólgan í þriggja stafa
tölu á þessu ári. Hér á árum áður
var verðbólgan ein helzta hjálp-
arhella unga fólksins sem var að
koma þaki yfir höfuðið og var ég
einn þeirra. Brunnu óverðtryggð-
ar fjárhæðir upp á nokkrum ár-
um og fyrr en varði voru árs-
greiðslur orðnar smámunir af
tekjum fólks. Þá kom að því að öll
lán urðu verðtryggð. Lífeyris-
sjóðirnir voru að fara á hausinn
vegna gjafvaxtanna og sparifé
þeirra sem voru illa upplýstir
brann upp.
Nú er öldin önnur og svo komið
að forsvarsmenn lífeyrissjóðanna
hafa sagt (sjá Velvakanda 11.
sept. 1982) að þeir sem standi í
n.vbyggingum annars staðar á
landinu en á Stór-Reykjavíkur-
svæðinu séu ekki „normal" ef svo
má að orði komast. Þar hækka
lánin samkvæmt lánskjaravísi-
tölu meðan nýbyggingin hækkar í
verði á frjálsum markaði um
Lengi lifi verd-
bólgan, vaxi
hún og dafni
á nýja árinu
40—50% af vísitölunni. Á næstu
misserum má búast við því að
mál fari að koma upp, þar sem
ódýrara er fyrir húsbyggjendur
að ganga út úr húsum sínum og
segja lánardrottnum að hirða
þau.
A verðbólgudraugnum eru
ýmsar hliðar. Persónulega vona
ég að verðbólgan verði sem mest
miðað við núverandi ástæður og
skal ég skýra það nánar. Miðað
við núverandi skattareglur sem
gilda eru greidd 62,1% gjöld af
tekjumörkum yfir u.þ.b. 200 þús-
und krónur. Þetta þýðir það að
duglegur verkamaður kemst í
hæsta skattþrep, hvað þá iðnað-
armenn og háskólamenntaðir
menn. Menn fá því mjög háa
skatta og vegna þess að þeir eru
greiddir eftirá er það hagur minn
og margra fleiri að launin hækki
sem allra mest milli ára. Þá er
komið upp gamla dæmið sem var
svo þægilegt þegar verið var að
kaupa íbúðarhúsnæðið hér á ár-
um áður, að skattarnir brenna
upp í verðbólgunni.
Loks langar mig að brydda að-
eins upp á skattamisréttinu sem
nú er og er mér nærtækt. Ef við
gefum okkur tvö dæmi þar sem
báðar fjölskyldurnar eru hjón
með eitt barn. Annars vegar
vinnur bóndinn fyrir 450 þús. kr.
launum þ.e. hefir verulega góð
laun. Hann vinnur myrkranna á
milli og barnið þekkir hann varla.
Yfir helmingur af tekjunum fer í
hæsta skattþrep en í hinu dæm-
inu vinna hjónin bæði úti, eru í
sæmilegri vinnu — vinna 8 tíma á
dag og hafa hvort um sig 220 þús-
und kr. tekjur. Sömu tekjur í
sameiginlegan sjóð en engar tekj-
ur í hæsta skattþrep. Er þetta
eðlilegt?
Að lokum langar mig að taka
undir orð Halldórs Ásgrímssonar
sem hann viðhafði í sjónvarpinu
sl. mánudagskvöld, þar sem hann
vildi veita miklu meira fé til
skattarannsókna og eftirlits. Ég
tel að fjórfalda ætti í skatta-
rannsóknarlögreglunni og er ekki
í vafa um að þessir menn myndu
vinna fyrir árslaunum sinum á
þremur vikum.
„Hvernig er þetta á allsherjarþingi Sameinuðu þjóðanna? Miðað við mann-
fjölda höfum við Islendingar eitt heilt atkvæði, en sami fjöldi Kínverja ekki
nema einn fjögurþúsundasta úr atkvæði.“
Tilheyrir lýðræði og jafnrétti að
gæta þess að nokkurt jafnvægi
sé á milli eininga þjóðfélagsins
Þessir hringdu
Fyrirspurn til
Landsbankans
Kristján Guðmundur Krist-
jánsson hringdi og hafði eftir-
farandi að segja: — Eins og
margir hafa vafalaust tekið eft-
ir stóð Landsbankinn um tíma
fyrir því að aðstoða aldrað fólk
sem kom í aðalbankann við
Austurstræti og leiðbeina því
eftir þörfum hverju sinni. Bún-
aðarbankinn tók upp sams kon-
ar þjónustu fyrir aldraða og
stendur hún enn til boða. Mér
virðist hins vegar sem Lands-
bankinn hafi lagt þessa starf-
semi niður, þó að ég eigi erfitt
með að trúa því að svo geti ver-
ið. Leyfi ég mér því að beina
þeirri fyrirspurn til bankans,
hvað rétt sé í þessum efnum.
Hálfsársúthald
— heilsárslaun
Stcingrímur Sigurjónsson
hringdi og hafði eftirfarandi að
segja: — Ég er algjörlega sam-
mála því sem fram hefur komið
í þessum dálkum um að fækka
eigi þingmönnum svo að um
muni. Það sést best þegar farið
er að skoða fjölda úthaldsdaga á
Alþingi. Starfstíminn er liðlega
hálft ár hverju sinni, eða sex
mánuðir, því að fjórir mánuðir
fara i sumarhlé, einn í jólaleyfi
og annar í páskaleyfi. Þingmenn
þiggja heilsárslaun engu að síð-
ur og tel ég það algera ofrausn,
þegar um er að ræða 60 manns,
hvað þá fleiri. Þess vegna er það
mitt ráð, eins og margra ann-
arra, að fækka beri þingmönn-
um verulega, en auka aftur á
móti hagræðingu í störfum
þessarar stofnunar og lengja út-
haldið.
H. Kr. skrifar:
„Undanfarið hefur mátt lesa í
Morgunblaðinu ýmis gífur.vrði
vegna þess, að misjafnlega margir
kjósendur standa að baki hverjum
alþingismanni. M.a. var spurt af
hverju vitavörðurinn á Horni ætti
að hafa 5 atkvæði móti einu atkvæði
vitavarðarins á Reykjanesi. — Und-
arlegt að vitavörðurinn á Reykja-
nesi skyldi flytja frá sínum 5 at-
kvæðum og sækjast eftir því að hafa
bara eitt.
Hvernig er þetta á allsherjarþingi
Sameinuðu þjóðanna? Miðað við
mannfjölda höfum við íslendingar
eitt heilt atkvæði, en sami fjöldi
Kínverja ekki nema einn fjögurþús-
undasta úr atkvæði. Jafnaðarhetj-
urnar okkar hljóta að roðna af
blygðun og smán, þegar þær hug-
leiða þetta.
Hvert fylki í Bandaríkjunum á
tvo þingmenn í öldungadeild þings-
ins í Washington. Hvað skyldu íbú-
ar Nevada hafa mörg atkvæði gegn
einu atkvæði Kaliforníubúa, að ekki
sé talað um Alaska?
Vestfirðingar og Austfirðingar
eru hvorir um sig sérstök heild, ein-
ing í fslenzku þjóðfélagi, rétt eins og
Reykvíkingar og Reykjanesbúar.
Það tilheyrir lýðræði og jafnrétti,
að gæta þess að nokkurt jafnvægi sé
milli slíkra eininga.
Þeir, sem hafa tilfinningu fyrir
því, að héruð séu einingar, skilja
þetta. Hins vegar hefur oft og víða
borið lítinn árangur að ræða slíkt i
þéttbýliskjörnum stórra höfuð-
borga. Þvi eiga afskekktir útkjálkar
löngum erfitt í baráttu við mið-
stöðvarvald. Svo er, og hefur verið,
viða um lönd.“
GÆTUM TUNGUNNAR
Heyrst hefur: Hann er að fara eitthvert.
Rétt væri: Hann er að fara eitthvað.
Prófkjör Sjálfstæóisflokksins
í Reykjaneskjördæmi 26.-27. febrúar 1983
Stuðningsmenn
Ólafs G. Einarssonar
hafa opnað skrifstofu aö Skeiðarási 3,
Garðabæ (húsi Rafboða hf.).
Skrifstofan veröur opin kl. 17—22
virka daga og kl. 13—19 um helgar.
Sími 54555
Kínverskir
réttir
um
helgina
föstudags-
laugardags-
og sunnudags
kvöld
Fyrir þá sem kunna aö meta fisk,
fjölbreytt úrval sjávarrétta meðal annars
okkar margumtalaöa fiskisúpa.
Kaffívagnínn
Grandagaröi, sími 15932.
ALLTAF A LAUGARDÖGUM
ALLRA KVENNA VAR
HÚN KÆNST
Samtal viö Þórunni Sigurðardóttur
um GUÐRÚNU, leikrit sem hún hefur
skrifað og leikstýrir hjá L.R.
HARMLEIKUR GUÐA
OG MANNA
Helgi Hálfdanarson rekur baksvið at-
burða í Oresteiu, þríleik Æskýlosar,
sem bráölega verður sýndur í Þjóð-
leikhúsinu.
ÞRIÐJA AUGA EMILE
ZOLA
Grein í tilefni sýningar á Ijósmyndum
þessa fræga rithöfundar.
Vönduð og menningarleg helgarlesning
AUGL YSlNGAStofa kristinar hf