Morgunblaðið - 20.09.1983, Blaðsíða 38

46
MORGUNBLAÐIÐ, ÞRIÐJUDAGUR 20. SEPTEMBER 1983

COSTA del SOL
Sértijboð
fyrir eldri borgara
Verd frá aöeins kr. 16.100
COSTA del SOL
Sídasta ferö sumarsins til Costa del
Sol er 29. september í 3 vikur.
Komið og kynnið
ykkur kosti
COSTA
del SOL
A COSTA del SOL
er meöalhiti í októbermánuöi 26 gráö-
ur og fjöldi sólardaga 27.
A COSTA del SOL
er aðalgolftímabilið frá 1. október til
aprílloka og því mikiö um dýröir fyrir
golfáhugamenn enda eru yfir 20 golf-
vellir á Costa del Sol.
A COSTA del SOL
er gott veður allan ársins hring enda
er ströndin ein sú vinsælasta í heimin-
um.
Reykjavík: Austurstræti 17, aími 26611.
Akureyrí: Hatnarstræti 98, sími 22911.
Ekki verið ákveðið
að hætta rekstri eld-
húss eða þvottahúss
— segir Símon Steingrímsson
„ÞETTA verða venjuleg útboð en
áskilinn er réttur til að taka og
hafna hvaða tilboði sem er,“ sagði
Símon Steingrímsson, aðstoðar-
framkvæmdastjóri Ríkisspítalanna,
er hann var inntur eftir því hvernig
fyrirhuguð útboð Ríkisspítalanna á
ákveðnum þáttum í rekstri þeirra
væru hugsuð og hvort þau væru
bindandi.
Símon sagði þó að engin
ákvörðun hefði verið tekin um að
hætta rekstri þessara deilda Rík-
isspítalanna, það yrði ekki gert
fyrr en sæist hvort aðrir aðilar
væru tilbúnir að taka þessa þjón-
ustu að sér. „Þarna eru svo gríð-
arlegir hagsmunir f húfi að við
verðum að vera mjög öruggir um
að verktakarnir geti staðið við það
sem þeir hugsanlega tækju að sér.
Það verður að gera miklar kröfur
til þekkingar og reynslu, sérstak-
lega í sumum þjónustuþáttum, svo
sem eldhúsi."
Símon sagði að ekki yrðu í út-
boðunum kvaðir um að verktakar
þyrftu að ráða það starfsfólk sem
nú vinnur þessi störf, það hefði
ekki verið talið fært að setja slík-
ar kvaðir. Á fyrsta stigi yrði þetta
að vera algjörlega opið en það yrði
að vega og meta tilboðin í ljósi
þess hvað yrði um starfsfólkið.
Aðspurður um hvað þessi þjónusta
kostaði í dag, sagði Símon, að ekki
væri hægt að gefa það upp á með-
an á þessu útboði stæði en velta
síðastliðins árs ætti að gefa ein-
hverja hugmynd um það. Velta
eldhúss Landspítalans hefði verið
34 milljónir í fyrra og velta
þvottahúss Ríkisspítalanna hefði
þá verið um 17 milljónir.
Alvarlegt þegar starfs-
öryggi hundruða manna
er stefnt í hættu
— segir Einar Ólafsson
„ÞAÐ ER nokkuð alvarlegt mál,
eins og nú horfir í þjóðfélaginu, að
starfsöryggi nokkur hundruð manna
er stefnt í voða,“ sagði Einar Ólafs-
son, formaður Starfsmanna rfkis-
stofnana, er álits hans á fyrirhuguðu
útboði vissra þátta í þjónustu Ríkis-
spítalanna, meðal annars þvottahúsi,
var leitað.
„Það fólk sem vinnur við þá
þjónustu sem nú er talað um að
bjóða út er í Starfsmannafélagi
ríkisstofnana og er lægst launaða
starfsfólkið í heilbrigðiskerfinu.
Eftir að það er búið að taka á sig
þann bagga frá stjórnvöldum að
laun þess hafa verið lækkuð þá á
að fara að leggja störf þess niður
og leita eftir útboðum. Við erum
sannfærðir um að þarna sé þjón-
usta á ferðinni sem ekki eigi að
falla undir lögmálið um framboð
og eftirspurn. Þetta eru heilbrigð-
ismál, þetta eru líknarmál og fyrir
mitt leyti er ég ekki hrifinn af að
þetta verði gerst."
— Þú telur að aðrir geti ekki
leyst þessi verkefni jafn vel af
hendi?
„Mikið af þessu eru nokkuð
sérhæfð stöf, fólkið hefur aflað sér
starfsreynslu og kann ‘sín verk.
Mér er kunnugt um það að farið
hefur verið ofaní saumana á
kostnaði við rekstur Ríkisspítal-
anna oftar en einu sinni með að-
stoð ráðgjafarfyrirtækja og menn
hafa komist að raun um að ekki sé
hægt að gera þetta betur.“
— Er þá nokkuð að óttast í
sambandi við svona útboð?
„Ég held ekki. En ég vil líta á
þetta meira pólitískt, mér er ekki
sama um það hvaða þjónusta í
þjóðfélaginu fellur undir lögmálið
um framboð og eftirspurn, en ég
tel að líknarstarfsemi og heilsu-
gæsla eigi ekki að falla undir
slíkt."
— Er félagið á móti þeirri ráð-
stöfun að bjóða þessa þjónustu út?
„Þetta hefur ekki verið rætt á
félagslegum grundvelli nema á
vinnustöðunum, en þú mátt bók
það að persónulega er ég á móti
þessu. Ég vil minna á það að þarna
vinnur fólk með skerta starfsorku
við störf sem hæfa því og skilar
fullum starfsdegi. Þetta fólk getur
ekki gengið í hvaða vinnu sem er
enda á það samkvæmt lögum for-
gang að þeim störfum sem eru við
þess hæfi,“ sagði Einar Ólafsson
að lokum.
ASÍ um útboö á þjónustu þvottahúss ríkisspítalanna:
Fráleitt skref til
aukins sparnaðar
MIÐSTJÓRN ASÍ telur áformaö út-
boö á þjónustu þvottahúss, mötu-
neytis og ræstingu Ríkisspitalanna,
fráleitt skref til aukins sparnaðar í
rekstrinum, aö því er fram kemur í
ályktun miöstjórnar ASÍ, sem gerð
var sl. fimmtudag og kynnt var á
blaðamannafundi í gær.
í ályktuninni kemur fram að
miðstjórnin taki undir þau viðhorf
að bæta þurfi rekstur heilbrigðis-
kerfisins. Skipulagsleysi í fjár-
festingum og tækjakaupum, bið-
tími sjúklinga og fleira sé til vitn-
is um það sem betur megi fara.
Hins vegar vekur það furðu að
ríkisvaldið sem atvinnurekandi,
skuli sýna það „ábyrgðarleysi, að
ætla sér að ráðstafa stórum
vinnustöðum í hendur einkaaðil-
um, án þess að huga að þeim
áhrifum sem slíkt hefði á afkomu
og félagslega velferð starfsfólks-
ins,“ segir í ályktuninni.
Þar er minnt á að ekkert hafi
komið fram um það að umrædd
þjónusta fengist ódýrari með öðr-
um hætti og er varað við því að
„lykilstofnanir heilbrigðisþjónust-
unnar séu seldar í hendur ein-
staklingum". Síðan segir: „Verka-
lýðssamtökin hljóta að mótmæla
því harðlega að verkafólki verði
sagt upp á jafn veikum forsendum
og nú virðist áformað. Miðstjórn
gerir þá kröfu til stjórnvalda að
hætt sé við þau áform."
í gær funduðu fulltrúar ASÍ
með fjármálaráðherra, sem gegnir
stöðu heilbrigðisráðherra í fjar-
veru hans, þar sem þessi mál voru
rædd. Kom þar fram sú skoðun
fjármálaráðherra, að eftir að út-
boð hefðu farið fram, væri eðiilegt
að málin yrðu rædd við stéttarfé-
lögin og starfsfólkið og engar
ákvarðanir verði teknar fyrr en að
vandalega athuguðu máli. Kvaðst
fjármálaráðherrann myndu beita
sér fyrir slíkri málsmeðferð, að
því er fram kemur í frétt frá ASÍ.