Morgunblaðið - 20.09.1983, Blaðsíða 39

MORGUNBLAÐIÐ, ÞRIÐJUDAGUR 20. SEPTEMBER 1983
47
Tónlistarfélag Reykjavíkur:_
Vetrarstarfið
hefst með heim-
sókn frá Bonn
VETRARSfTARF Tónlistarfélagsins í
Reykjavík hefst með heimsókn Coll-
egium Musicum der UniversitSt
Bonn, sem mun halda tónleika í Há-
skólabíói, miðvikudaginn 21. sept-
ember nk. kl. 21.00.
Collegium Musicum var stofnað
af núverandi stjórnanda, Dr. Emil
Platen, árið 1953. Nafnið Colleg-
ium Musicum er gjarna notað í
Þýskalandi um músikhópa stúd-
enta og á rætur að rekja til tíma
Telemann og Bach, sem stjórnuðu
slíkum hópum og sömdu mörg
verk fyrir þá. Hópurinn sem nú
heldur tónleika á vegum Tónlist-
arfélagsins er 50 manna hljóm-
sveit og meðlimir hennar eru
stúdentar úr öllum deildum há-
skólans, fæstir með tónlist sem
aðalgrein. Auk þess að taka ríkan
þátt í félagslífi skólans heldur
hljómsveitin fjölda tónleika ár-
lega í Þýskalandi og hefur farið í
tónleikaferðir um Austur- og
yestur-Evrópu, Suður-Ameríku,
Ástralíu og víðar. Hljómsveitin
kemur hingað á leið í mikið tón-
leikaferðalag til Bandaríkjanna.
Einleikari á píanó er Paul Rey
Klecka, Bandaríkjamaður sem
starfar nú í Þýskalandi og hefur
leikið með Collegium Musicum
síðan 1970 á sembal, horn og pí-
anó.
Verkin sem leikin verða eru for-
leikur að óperunni Loreley eftir
Max Bruch, Píanókonsert í a-moll
eftir Schumann og Sinfónía nr. 8
eftir Dvorák.
Heimsókn Collegium Musicum
er árangur af góðri samvinnu við
Flugleiðir.
Stofnun samtaka lækna
gegn kjarnorkuvá
ÞANN 12. september sl. voru stofn-
uð Samtök lækna gegn kjarnorkuvá.
A fundinn komu um 80 læknar og
læknanemar. Ástæöan fyrir stofnun
samtakanna er að læknar telja yfir-
vofandi kjarnorkuvá vera eitt
stærsta heilbrigðisvandamál sem
mannkynið stendur andspænis.
Samþykkt var svohljóðandi ályktun:
Við erum hér saman komin
vegna þess að við neitum að viður-
kenna að til þess þurfi að koma að
beitt verði kjarnorkuvopnum.
Við höfnum þvi, að tæknin sé
notuð til að framleiða kjarnorku-
vopn í stað þess að bæta lífsgæði.
Við trúum því ekki, að hægt sé
að leysa stjórnmálaágreining með
kjarnorkuvopnum. Við trúum því
statt og stöðugt, að það sé á valdi
mannsins að stjórna þeirri tækni
sem hann hefur skapað.
Til áherslu bendum við á:
1. Kj arnorkustyrj öld milli stór-
veldanna myndi leiðe til meiri
hörmunga en mannkynið hefur
nokkru sinni upplifað.
2. Eftir slíka styrjöld myndu
læknar ekki geta veitt hinum
sjúku og slösuðu neina hjálp
sem að gagni kæmi.
3. Það er blekking, að almanna-
varnir gætu bjargað verulegum
fjölda mannslifa og dregið að
ráði úr áhrifum kjarnorku-
styrjaldar.
4. Jafnve! þó að kjarnorkuvopn
verði ekki notuð, dregur hinn
gífurlegi kostnaður vígbúnað-
arkapphlaupsins til sín fjár-
magn, sem sárlega vantar til
heilbrigðismála og almennra
mannlegra nauðþurfta.
5. Læknar bæði geta og eiga að
beita sér fyrir þvi að hindra
kj arnorkusty rj öld.
í lögum félagsins segir m.a.:
„Tilgangur samtakanna er að
fræða og dreifa upplýsingum til
heilbrigðisstétta, almennings og
stjórnmálamanna um áhrif kjarn-
orkuvár á heilbrigði og heilbrigð-
isþjónustu. Markmiðið er að vekja
alla til umhugsunar og aðgerða
gegn yfirvofandi tortímingar-
hættu vegna kjarnorkuvígbúnaðar
og stuðla að allsherjarafvopnun.
Samtökin eru óháð starfandi
stjórnmálahreyfingum en skulu
eiga aðild að International Phys-
icians for the Prevention of Nucle-
ar War (IPPNW).“
í stjórn voru kosnir: Ásmundur
Brekkan, læknir, Guðjón Magn-
ússon, aðstoðarlandlæknir, Guð-
rún Agnarsdóttir, alþingismaður,
Högni Óskarsson, geðlæknir, Skúli
Johnson, borgarlæknir.
í varastjórn: Atli Árnason, að-
stoðarlæknir, Kartín Fjeldsted,
yfirlæknir, Ólafur Mixa, heimilis-
læknir, Sigurður Björnsson,
krabbameinslæknir, Sigurður
Árnason, krabbameinslæknir.
Á fyrsta fundi stjórnarinnar
var Guðjón Magnússon kosinn
formaður. (FréUatilkynning.)
Stykkishólmur:
Tónlistarvið-
burður í Félags-
heimilinu
Stykkishólmi, 15. september.
HINGAÐ til Stykkishólms komu í
gær góðir gestir. Það voru þeir Krist-
inn Sigmundsson, óperusöngvari, og
undirleikari hans, Jónas Ingimund-
arson, og héldu þeir tónleika hér í
Félagsheimilinu. Þessir tónleikar
voru vel sóttir á okkar mælikvarða,
þótt við hefðum viljað að fleiri nytu
þessarar ágætu stundar.
Kristinn söng aðallega erlend
lög. Að hljómleikunum loknum
voru þeir félagar kallaðir fram
aftur og aftur og þá voru sungin
bæði innlend og erlend lög.
Af þessum tónleikum fóru menn
mjög ánægðir og við sendum þeim
félögum kærar kveðjur með þökk
fyrir komuna og óskum þeim alls
velfarnaðar á listamannsbraut-
inni. Árni
Ný íslensk kvikmynd:
„Nýtt lír‘ frumsýnd
Eyjum 29. sept. nk.
í
Karl Ágúst Úlfsson og Eggert Þorleifsson í hlutverkum sínum í myndinni
Nýtt líf, sem frumsýnd verður 29. september nk. í Vestmannaeyjum.
Ný íslensk kvikmynd, Nýtt
líf, verður frumsýnd 29. sept.
nk. Frumsýningin verður í Vest-
mannaeyjum þann dag en dag-
inn eftir, þann 30., verður hún
sýnd í Nýja bíoi í Reykjavík.
Nýtt líf er gamanmynd og
fara með helstu hlutverk þeir
Karl Ágúst Úlfsson og Eggert
Þorleifsson. Leikstjóri er Þrá-
inn Bertelsson, kvimyndatöku
annaðist Ari Kristinsson en
framleiðandi er Jón Her-
mannson og er hann einnig
hljóðmeistari.
„Við ætlum að frumsýna
þessa gleðimynd úti í Eyjum
vegna þess að þar var hún að
mestu tekin og Eyjamenn að-
stoðuðu okkur mikið þegar við
vorum þar við upptökur,"
sagði Þráinn Bertelsson í
samtali við Morgunblaðið. Um
efnisþráð hennar sagði hann:
„Myndin er um þjón og kokk
sem reknir eru af Hótel Sögu,
ekki alveg að ósekju og þeir
ákveða að byrja nýtt líf og það
í Eyjum á vertíð, eins og svo
margur pilturinn og stúlkan
hafa gert.“
Myndin var tekin í mars og
apríl sl. Aðstoðarleikstjóri
var Sigurgeir Scheving en
förðun var í höndum Jón
Karls Helgasonar.
Við höfum ákveðið
að gefa öllum krökkum
sem fara á leik
ISLANDS 0G IRLA
á Laugardalsvelli á morgun kl. 17.30
íslenska fánan
til að veifa
og hvetja nú landann
í hörkuleik
Fáninn verður afhendur fyrir leikinn við inngöngudyr.
Áfram ísland og muniö aö batamerki
september
mánaöar er
KARNABÆR
,ORÐ .
I VERia
ER BATAMERKÍ.
september
|a|8ft1ftiBla>i BATAMERKI
nranma