Morgunblaðið - 28.09.1983, Qupperneq 14

54
MORGUNBLAÐIÐ, MIÐVIKUDAGUR 28. SEPTEMBER 1983
Ljósmjnd Valdimar Kristinsson
„Enginn er annars bródir í leik“ en Tómas var ekki lengi að óska keppinaut sínum til hamingju
þegar Ijóst var að Aðalsteinn hafði borið sigurorð af honum í aukaúrsíitum í fimmgangi.
Fyrir okkur fslendingana var það heilt ævintýri að sjá hesta þýsku sveitarinnar svo góðir sem
þeir voru. Hér eru þeir Andreas Trappe á Þór og Karl Zingsheim á Fífí á fullri siglingu, en
myndin er tekin á æfingu þýsku sveitarinnar.
Af Evrópumótinu í Roderath — II. grein:
sem þessari séu minni en með
gamla laginu.
Islendingar og Þjóðverj
ar í aðalhlutverkunum
Hlutu alla
EM-titlana
utan einn
Það var stór stund hjá okkur Islendingum þegar verðlaun voru afhent í fimmgangi og á eftir var leikinn þjóðsöngur
íslands en myndin er einmitt tekin á þeirri stundu. Lengst til hægri er Evrópumeistarinn Aðalsteinn á Baldri, þá
Tómas á Fjölni, Reynir á Sprota, Piet Hoyos Austurríki á Sóta frá Kirkjubæ og Eyjólfur á Krák.
Hestar
Valdimar Kristinsson
Eftir velheppnaðan og eftirminni-
legan föstudag voru íslensku kepp-
endurnir staðráðnir í að gefa ekkert
eftir í töltinu sem var fyrsti dag-
skrárliður á laugardagsmorgni. Upp-
haflega var reiknað með að Eyjólfur
ætti möguleika á að komast í úrslitin
um 6. til 10. sæti en í samtali við
undirritaðan á miðvikudag fyrir
keppnina kvaöst Eyjólfur telja
möguleika sína minni en hann hafði
gert ráð fyrir eftir að hafa séð til
keppinauta sinna á æfingu, þannig
að á þessari stundu mátti ætla að
okkar menn hefðu engu að tapa og
með slíkt veganesti vinna menn oft
óvænt afrek.
Trappe efstur í tölti
— Islendingarnir í
einum hnapp
Töltið átti að hefjast klukkan
níu en vegna fundar út af meintu
lyfjamisferli Karls Zingsheim
seinkaði dagskrá. Aganefnd kvað
upp þann úrskurð að hann skyldi
ekki fá að halda áfram keppni og
þar með var hægt að byrja. Tómas
var fyrstur af íslendingunum í
keppni og höfðu fjórir lokið sér af
þegar hann fer inn á og voru
einkunnir lágar, Peter Mesch, Sví-
þjóð, efstur með 64 stig. Tómas og
Fjölnir fengu 78 stig og þar með
langhæstir en Adam var ekki
lengi í Paradís því Andreas
Trappe á Þór komst „naumlega"
yfir Tómas eins og einn gaman-
samur orðaði það, en hann fékk
104 stig. Engin breyting verður á
röð efstu manna lengi vel þegar
komið er að Gunnari og Galsa. Vel
tókst til hjá Gunnari og menn fóru
að reikna en allt var það heldur
fljótfærnislega gert því menn
töldu hann hærri en Tómas. Eftir
miklar vangaveltur kom það á
daginn að þeir voru jafnir með 78
stig og jafnir í 2. til 3. sæti. Næst-
ur íslendinganna var Lárus á
Bjarma en í millitíðinni tókst Evu
Barmettler að skjótast upp fyrir
Tómas og Gunnar og Lárus fór að
dæmi hennar, þótt ekki kæmist
hann upp fyrir þá svissnesku. Þeg-
ar hér var komið sögu fóru að
renna tvær grímur á íslend-
ingana, það skyldi þó ekki vera að
þeir Tómas, Gunnar og Lárus
kæmust í B-úrslit og okkar
stærsta von í töltinu, Eyjólfur á
Krák, eftir að fara í dóm. Að vísu
vissu menn að margir góðir kepp-
endur voru eftir en þegar hér var
komið var forkeppnin rúmlega
hálfnuð svo allt gat gerst. Olil
kemur næst en áður hafði Walter
Feldmann á Magnúsi fengið 91
stig og stuttu seinna Joris van
Grinsven frá Hollandi á Rauð-
dreka 89 stig. Og nú var það
spurningin hvað Olil gerði. íslend-
ingarnir voru komnir í 5. til 8.
sæti og spennan í hámarki. 78 stig
varð útkoman hjá henni og Eyjólf-
ur fór stuttu seinna í 80 stig og var
þar með efstur íslendinganna. En
það sem merkilegt var að þeir
voru allir í einum hnapp, 9. sæti
til 13., og Eyjólfur og Lárus inni í
B-úrslitum og íslendingar í
sjöunda himni yfir góðri útkomu.
Þrefaldur sigur
í skeiðinu
Á fimmtudag fyrir mótið voru
teknir tímar á tveim hestum ís-
lensku sveitarinnar á æfingu. Var
þetta gert í tvennum tilgangi,
annars vegar til að fá vitneskju
um hversu góð brautin væri og svo
hitt að vita hvort hestarnir væru
ekki í góðú formi. Sproti skeiðaði
á 22,0 sek. en Baldur á 22,5 sek. og
með þetta að veganesti mættu
okkar menn galvaskir til leiks.
Bestu tímar sem hestar útlend-
inganna höfðu náð voru rétt innan
við 24,0 sek., þannig að ekki þurfti
að örvænta á þessum vígstöðvum.
í fyrsta spretti sem Tómas var í
gleymdist að taka tíma þannig að
þeir urðu að reyna á nýjan leik.
Eftir fyrri umferð voru með lang-
bestu tímana Tómas og Fjölnir á
21,7 sek., Reynir og Sproti á 22,0
sek. og Aðalsteinn og Baldur á 22,7
sek. I seinni riðli var raðað eftir
tímum og var greinilegt á þeim
þremenningum að nú átti að gera
stóra hluti en endirinn varð nú
samt sá að þeir stukku allir upp
hver af öðrum en tímarnir úr fyrri
umferð reyndust bestu tímarnir
þrátt fyrir að farnir væru tveir
sprettir á sunnudag. Mikil gleði
ríkti eftir skeiðið því ljóst var að
Tómas var búinn að svo gott sem
tryggja sér titilinn sigurvegari
mótsins á fimmgangshesti.
Hlýðniæfingar
skemmtilegar
á að horfa
Fram að þessu hefur verið keppt
bæði í B- og C-hlýðniæfingum á
Evrópumótum sem eru miserfiðar.
Að þessu sinni var nýtt fyrir-
komulag á og er það á erlendu
máli kallað kúr. Er það þannig að
keppandinn býr sjálfur til pró-
grammið, kannski réttara að segja
að keppandinn raði æfingum sam-
an sjálfur og á þann hátt að það
falli bæði að getu hestsins og
knapa.
íslendingar hafa oftast staðið
höllum fæti í þessari keppnisgrein
og svo var einnig nú. Eyjólfur og
Reynir stóðu sig best Islend-
inganna og lenti Eyjólfur í 10.
sæti og Reynir í 11. En það var
gaman að fylgjast með útlending-
unum því það er með ólíkindum
hvað þeir gátu fengið hestana til
að gera. Sérstaklega var skemmti-
legt að fylgjast með sigurvegaran-
um, Walter Feldmann, ríða hægt
stökk með hraðabreytingum og
skiptingu af hægra stökki yfir á
vinstri og svo öfugt. Það hefur
yfirleitt verið svö að áhugi áhorf-
enda hefur verið frekar lítill fyrir
þessari keppnisgrein en þessu var
öfugt farið nú því lftið vantaði á
að áhorfendabekkirnir væru full-
skipaðir þrátt fyrir að þetta væri
á sunnudagsmorgni. Vafalaust má
þakka þetta þessu nýja fyrirkomu-
lagi og verður það að viðurkennast
þótt möguleikar okkar í keppni
Úrslitin — há-
punktur mótsins
Fljótlega eftir að hlýðnikeppn-
inni var lokið var byrjað á úrslit-
um. Eins og áður segir var keppt
til úrslita um 1. til 5. sæti og svo 6.
til 10. sæti í þrem greinum, tölti,
fimmgangi og fjórgangi. Byrjað
var á fimmgang 6. til 10. og þar
var Gunnar Arnarson í baráttunni
en var heldur óheppinn því hann
féll úr 6. sæti niður í 10. Klaus
Zwins, Austurríki, varð 6. á
Hrannari frá Sauðárkróki, Hans
Olaf Hansen, Danmörku, á Svaða
frá Svignaskarði var í 7. sæti, Els
Dutilh, Hollandi, á Mána frá Vögl-
um í 8. sæti, Morten Lund, Noregi
á Kaldár-Blakk varð svo 9. og
Gunnar 10. eins og áður sagði. Úr-
slit um 1.—5.sæti var að heita má
innbyrðis keppni milli íslendinga
en eigi að síður æsispennandi.
Austurríkismaðurinn Piet Hoyos
sem keppti á Sóta frá Kirkjubæ
skaut Eyjólfi aftur fyrir sig og
lenti í 3.-4. sæti ásamt Reyni. En
eftir venjuleg úrslit voru þeir efst-
ir og jafnir Tómas og Aðalsteinn
og urðu þeir að keppa á nýjan leik.
Aðalsteinn hafði betur í lokin en
jafnt var það. Og þar með hafði
Aðalsteinn tryggt sér EM-titla í
tveim greinum, gæðingaskeiði og
fimmgangi.
í úrslitum um 6. til 10. sæti í
fjórgangi hélt Olil sínu 7. sæti og
Lárus hristi Peter Petarse frá
Hollandi af sér en þeir voru jafnir
í 10. til 11. sæti eftir forkeppnina.
Eve Barmettler, Sviss, varð í 8.
sæti og íslendingurinn Lúther
Guðmundsson sem keppti fyrir
Danmörku varð 9.
Keppnin um 1. sætið í fjórgangi
var æsispennandi. Andreas
Trappe, Þýskalandi, sem keppti á
stóðhestinum Þór frá Sporz var
lengi vel talinn sitja besta fjór-
gangshestinn en eftir því sem leið
á mótið fóru menn að hallast á að
Skolli sem Hans Georg Gundlach,
Þýskalandi, sat væri sennilega sá
besti.
Annars voru úrslit í bæði fjór-
gangi og tölti í innbyrðiskeppni
milli Þjóðverja líkt og hjá íslend-
ingum í fimmgangi. Hans Georg
Gundlach skaust í 1. sætið og var
sigur hans nokkuð sannfærandi.
Andreas Trappe /arð að gera sér
2. sætið að góðu. Walter Feldmann
varð 3 og þótti mörgum hann hart
dæmdur. Daniela Stein varð 4. en
þeir Joris van Grinsven Hollandi í
5. sæti og Preben Troels-Smith frá
Danmörku í 6. sæti áttu aldrei
möguleika á móti sterkum Þjóð-
verjum. Einnig hafði maður það á
tilfinningunni að Olil hafi átt jafn
mikið erindi í þessi úrslit og sá
danski.
Þá var komið að því sem margir
telja hápunkt allra Evrópumóta
(jafnvel þó íslendingar séu ekki
þar í fremstu röð), nefnilega úrslit
í töltinu. Þjóðverjarnir höfðu
endurnýjað hestakost sinn frá
fyrri Evrópumótum en eigi að síð-
ur voru þeir með mjög góða og vel
þjálfaða hesta sem gaman var að
horfa á. En rétt er að byrja á úr-