Morgunblaðið - 14.12.1983, Blaðsíða 31
MORGUNBLAÐIÐ, MIÐVIKUDAGUR 14. DESEMBER 1983
63
Edda Erlendsdótt-
ir - Ný hljómplata
Tónlist
Egill Friöleifsson
Nýlega kom út hljómplata
með píanóleik Eddu Erlends-
dóttur. Edda hefur getið sér góð-
an orðstír fyrir list sína hin síð-
ustu árin og hlotið lof fyrir leik
sinn bæði hér heima og erlendis
Hún nam píanóleik við Tónlist-
arskólann í Reykjavík, þar seir
m.a. Árni Kristjánsson veitt
henni tilsögn, en stundaði fram-
haldsnám við Tónlistarháskól-
ann í París og lauk þaðan námi
1978. Mér er enn í fersku minni
er Edda hélt konsert á Kjar-
valsstöðum í febrúar 1982 ef ég
man rétt og lék þá eingöngu
franska músík með miklum
ágætum. Á þessari plötu beinir
hins vegar áttum til Vínarborg-
ar og þar er að finna verk eftir
þá Franz Schubert, Alban Berg
og Arnold Schönberg. Það er
býsna löng leið milli Schuberts
og Schönbergs hvað varðar
tónmál og framsetningu alla en
eigi að síður forvitnilegt að stilla
þeim svona hlið við hlið á sömu
hljómplötunni.
Á hlið 1 er að finna þrjá pí-
anóþætti D946 er Schubert
samdi árið sem hann lést, 1828.
Á plötuumslaginu er því haldið
fram að þessi verk séu meðal
bestu píanóverka höfundar. Ég
leyfi mér að efast um að þetta sé
rétt, a.m.k. í þeirri gerð er þau
birtast hér. Til þessu eru þessir
þættir of losaralegir í formi og
lopinn stundum teygður um of
yfir litlu efni. Hins vegar eru inn
á milli gullfallegir sprettir og
ljúfar laglínur sem sverja sig
mjög í ætt við ýmis fyrri verk
höfundar. Mér virðist Edda fara
með löndum í leik sínum og túlk-
un á þessum verkum. Allt er
vandvirknislega og faglega unn-
ið og hvergi tekin óþarfa áhætta
á hröðum augnablikum, en henni
er lagið að glæða hægu þættina
töfrum, sem halda athygli hlust-
andans vakandi og það út af
fyrir sig er ekki svo lítið afrek.
Sömu atriði einkenna raunar
einnig leik Eddu í sónötu A.
Bergs op. 1 og píanóþáttum
Schönbergs op. 11 sem eru á hlið
2. Hún gerir þessum krefjandi
verkum góð skil.
Það er fengur að þessari
fyrstu hljómplötu Eddu Er-
lendsdóttur og henni til sóma.
Egill Friðleifsson.
Þriðja tölublað
Rafeindarinnar
RAFEINDIN, sérrit um rafeindaiðnað,
þriðja tölublað er komið út.
Meðal efnis í ritinu er grein eftir
Fylki Þórisson um flutning sjón-
varpsefnis um gervitungl milli Is-
lands og annarra landa, þátturinn
„Nýtt á markaðnum", grein um
magnara eftir Ólaf Á. Guðmunds-
son, grein um rafeindastýrðar
myndavélar eftir Val R. Jóhannsson,
„Allt sem þú vilt vita um hljómtæki"
eftir Einar Erlendsson og Garðar
Runólfsson, Gunnar Gunnarsson
skrifar um hljómplötur, fjallað er
um rafeindatækjasmíði, og saman-
burður er gerður á heimilistölvum.
Útgefandi Rafeindarinnar er Út-
gáfufélagið Rafeind hf. Ritstjóri og
ábyrgðarmaður er Steinþór Þór-
oddsson.
Hv«m»g fer fluttníngur
síónvarpsefrti* um gerf ihnetti frsm?
Heim»llslólvur~könnun—
Rflfeíndastyrfter myndavéfar
SP-7000 *p«nnugjafi fyrlr þig
Vasadiskó
Mikiö úrval af vasadiskó í fjölda lita, með og án útvarps,
FM-AM Steríó.
Verö frá kr. 1.760.-
Með útvarpi verð frá kr. 2.890.-
HLJÐMBÆR
HIJ OM •HEIMILIS* SKRIFSTOFUTÆKI
HVERFISGÖTU 103 SÍMAR 25999 & 17244
f r*