Morgunblaðið - 07.01.1984, Síða 27

MORGUNBLAÐIÐ, LAUGARDAGUR 7. JANÚAR 1984
27
Lyons eða Kiwanis? Mágar kanski
eða frændur?
Lögregluvandamálið felst ekki
hvað síst í brostnum trúnaði milli
almennings og lögreglu og hrædd-
ur er ég um það að persónu-
fræðingar Reykjavíkur færu
nokkuð létt með það að finna slík
tengsl hvort sem þau yrðu fyrir
hendi eða ekki og hvert sem rík-
issaksóknari mundi senda málið.
Þvímiður.
Það er beinlínis óráðlegt í þess-
ari stöðu að lögreglan komi með
beiðni um það að fá bæði að ráða
umfangi og vetvangi þeirrar könn-
unar sem nú verður trauðla um-
flúin lengur. Væri hér réttarríki
en ekki lögregluríki þætti bréf yð-
ar til Þórðar beinlínis siðferðilega
galið.
Það er skrifað í nafni rangra
aðila til vanhæfrar persónu. Inni-
hald þess er kámug ósk um vafa-
sama „hreinsun" á kæruaðilum.
Dragið þetta bréf til baka, kæra
frú, ef þér viljið Lögreglukórnum
yðar vel. Fyr mun hann aldrei
syngja hreinan tón á almanna-
færi. Og sækið mig þá heldur fyrir
meiðyrði eftir vanalegum leiðum
ef yður sýnist það vænlegt ráð.
En gerið þó eitt fyrir mig áður-
en þér skrifið nýja meiðyrðakæru.
Flettið upp í orðabók Menning-
arsjóðs á orðunum áburður, dylgj-
ur, aðdrótt.un, ásökun og skoðið
vel merkingu orðanna. Látið sér-
fróðan textagreinanda fara yfir
það með yður hvort eitthvert þess-
ara orða gæti átt við um svo mikið
sem eina setningu í greinunum
tveim sem kært er útaf.
Þetta segi ég einkum vegna
setningarinnar: „í greinum þess-
um báðum, einkum þó þeirri fyrri,
kemur fram grófur áburður,
dylgjur og ærumeiðandi aðdrótt-
anir, í garð lögreglumanna." Þessi
fullyrðing yðar í nafni lögregiu-
sveitanna er dálítið raunaleg og
mikið fljótræði. Lögreglan er
nefnilega hvergi ásökuð í greinum
mínum, a.m.k. ekki í þeirri fyrri.
Þar er greint frá því heiðarlega og
hikspurslaust að mér þyki al-
menningsálit hér gagnvart lög-
reglunni orðið háskalegt og krafist
er hlutlausrar könnunar á því hvort
slíkt almenningsálit gæti átt við rök
að styðjast. Fyrst er semsé að ran-
saka hvort það er söguburðurinn
eða lögreglan sem er galin. Og sú
ransókn þarf að vera hlutlaus.
Niðurstaða slíkrar könnunar
skæri úr um það hvort ásakanir
mínar eiga við lögregluna eða
söguburðinn. Nema lögreglan vilji
strax játa á sig þessa sök — einsog
raunar gert er með fyrnefndri
setningu í bréfi yðar. í mínu bréfi
(sem þér stefnið útaf) var alveg
gjörsamlega vísvitandi sneitt hjá
ærumeiðandi ásökunum. Þar er
hvergi vitnað til hluta sem ég hef
sjálfur séð til lögreglunnar, öllu
slíku er viljandi slept vegna þess
að þá hefði einmitt komið til meið-
yrða. Gætum að því.
Meiðyrðatal yðar byggist því á
nokkuð veikum grunni.
En að lokum þetta:
Fyrir nokkru var hér á ferð vel
þekktur bandarískur sérfræðingur
í refsirétti. Hann mun hafa kynt
sér stöðu sakborninga í fáeinum
málum hér í dómskerfinu. Að
loknum fyrirlestri sem þér hafið
kanski hlustað á var hann spurður
nánar útí þessi dæmi sem hann
kynti sér hér. Þau voru, trúég,
nokkuð ljót. Hann var spurður
beint hvort hann áliti mögulegt að
slík dæmi gerðust í nálægum lönd-
um. Hann mun hafa svarað að
bragði:
— Ekki neinstaðar nær okkur
en í Suður-Afríku!
Þannig er staða sakbornings
hérlendis. Vitaskuld er yður
mætavel kunnugt um þetta og því
eruð þér nú væntanlega að útvega
mér þá stöðu með kæru yðar. Ný-
lega skrifaði lögregjuvarðstjóri
grein í DV og var þar með hótanir
um það að taka af mér rithöfund-
artitilinn og láta mig hafa annan
titil í staðinn. Þetta gengur víst
upp. Þessum lögregluvarðstjóra
ætla ég að senda rithöfundartitil
minn í bréfi. Það sparar honum
aðgerðirnar og titilgreyið er mér
sama um. Hitt er svo annað mál
hvort þessum Sturlungufróða
lögga tekst að hemja titilskömm-
ina hjá sér. Greyið hefur einlægt
skilað sér heim framað þessu.
En sleppum því öllu.
Máski tekst yður, frú Thorlaci-
us, að bola mér inní þungbæra
stöðu sakborningsins í þessu máli,
og þá með einhverslags rangind-
um. Vafalaust mætti þá lumbra á
mér einhverjum til ærinnar gleði.
En það „hreinsar" bara ekki lög-
regluna.
Þessvegna eruð þér vondur
ráðgjafi lögreglunnar og valdið
henni meiri skaða en nokkur
ástæða sýnist til.
Nema þarna sé jafnmikið að
fela og almenningur núorðið gerir
sér í hugarlund. Þá væri að sjálf-
sögðu öllu til fórnandi útfrá sjón-
armiði ykkar.
Einhver skaut því að mér fyrir
skemstu að plan ykkar mundi vera
það að láta Þórð setjast á málið,
jafnvel gleyma því. Skilja mig
þannig eftir sem ákærðan glæpa-
mann án þess að þurfa frekar við
mig að glíma.
Það væri svosem nógu góð
■ hugmynd.
Sé nú þannig í pottinn búið
megið þér eins búast við því að ég
komi öðru hvoru og klappi upp
þennan einsöng yðar með Lög-
reglukórnum.
Þó tónar séu óhreinir, þá sungið
er.
Með bestu kveðjum,
Þorgeir Þorgeirsson
Þorgeir Þorgeirsson er rithöíund-
ur.
Starfsnám, nýjung í
starfi Verzlunarskólans
Líkan hins nýja Verzlunarskólahúss að Ofanleiti 1, en í það flytzt skólinn á
árinu 1986.
VERZLUNARSKÓLI íslands hefur
gefið út sérstakan bækling til kynn-
ingar á starfsemi skólans. Þar er
skýrt frá markmiðum skólans, deildir
hans kynntar og rakin þróun náms í
Verzlunarskólanum. Þá er sérstak-
lega kynnt nýjung í starfsemi skólans,
svokallað starfsnám, sem er endur-
menntunarnámskeið, sem skólinn
gengst fyrir og var fyrst bryddað á
þessu á árinu 1982 með námskeiða-
haldi í nokkrum viðskiptagreinum,
vélritun og tölvufræðum. Síðan hefur
þessi starfsemi aukizt og í næstu viku
hefst innritun í námskeið í þessu
starfsnámi.
Starfsnám Verzlunarskóla ís-
lands er sérhæft nám við hinar
ýmsu starfgreinar atvinnulífsins,
svo sem verzlunarstjórn, starfs-
mannastjórn, fjármálastjórn, af-
greiðslustörf, vélritun, bókhald, er-
lend bréfaviðskipti, sölustörf, tölvu-
notkun, svo að nokkuð sé nefnt. í
bæklingnum, sem áður er getið,
segir, að reynslan sýni að 4 til 60
kennslustunda námskeið séu mun
vænlegri til árangurs en styttri
námskeið. Kennara og nemanda
gefst þá meira ráðrúm til að taka
vandamálin föstum tökum og kenn-
ari getur í ýmsum tilfellum gegnt
hlutverki rekstrarráðgjafans ekki
síður en leiðbeinandans.
Námskeiðin, sem um er að ræða
nú eru:
Bókfærsla, 60 stundir, þar sem
kennd verður almenn færslutækni í
tvöföldu bókhaldi og uppgjör.
Ensk verzlunarbréf, 40 stundir.
Kennd verður uppsetning enskra
bréfa, orðaforði aukinn, uppsetning
telexskeyta og æfð símtöl.
Rekstrarhagfræði, 40 stundir.
Helztu grundvallarhugtök rekstr-
arhagfræðinnar verða kynnt og far-
ið yfir æfingar í rekstri verzlunar-
fyrirtækja og gerð greiðsluáætlana.
Farið verður í raunhæf dæmi við
aðstoð tölvu.
Lögfræði, verzlunarréttur, 40
stundir. Kynnt verða grundvallar-
atriði íslenzks réttarkerfis, samn-
ingar, kaup, félög í atvinnurekstri,
fasteignakaup, og réttarreglur
viðskiptalífsins.
Stjórnun, 40 kennslustundir.
Þetta námskeið er einkum ætlað
þeim er fást við stjórnunarstörf,
svo sem verzlunarstjórar, deildar-
stjórar og fulltrúar í verzlunar- og
þjónustufyrirtækjum. Á námskeið-
inu verður farið í helztu grundvall-
arhugtök stjórnunarfræðinnar og
kynntar þær stjórnunaraðferðir,
sem efstar eru á baugi. Einnig verð-
ur kynnt auglýsingatækni, sem
nefnist almenningstengsl.
Vélritun, 60 stundir. Kennd er
fingrasetning, uppsetning bréfa
o.fl., hraðaæfing og notkun dikta-
phons.
Tölvuritvinnsla, 40 stundir.
Kennd verður ritvinnsla á tölvur og
notað ritvinnsluforritið Paperclip.
Tölvufræði, 60 stundir. Kynning
verður á tölvunotkun, tölvum og
helztu hugtökum við tölvuvinnslu.
Sölumennska, 40 stundir. Nám-
skeiðið er einkum ætlað þeim er
fást við sölustörf eða hyggjast tak-
ast á við verkefni tengd sölustörf-
um.
Ræðumennskan, fundarstjórn, 40
stundir. Námskeiðið er einkum ætl-
að þeim einstaklingum, sem hafa
áhuga á eða verða starfs síns vegna
að auka hæfni sína í mæltu máli.
Loks er námskeið, sem ber heitið
„í leit að atvinnu", og stendur það í
eitt kvöld. Námskeiðið er sniðið
fyrir þátttakendur í starfsnámi á
vegum skólans, sem eru í atvinnu-
leit eða munu leita sér að atvinnu í
náinni framtíð. Á námskeiðinu
verður þátttakendum gefin hug-
mynd um hvaða atriði þarf að hafa
í huga þegar sótt er um starf.
Samkvæmt upplýsingum Helga
Baldurssonar, kennara, sem er um-
sjónarmaður starfsnáms Verzlun-
arskólans, hefur verið reynt að
stilla kostnaði í hóf við þetta nám-
skeiðahald og er gert ráð fyrir að
hver kennslustund kosti um 100
krónur. I því sambandi má geta
þess að Fræðslusjóður Verzlunar-
mannafélags Reykjvíkur greiðir
helming námskostnaðar fyrir full-
gilda félagsmenn, sem verða að
sækja beiðni þar að lútandi á
skrifstofu félagsins, áður en nám-
skeiðin hefjast.
Frá
fjölbrautum
Garðaskóla
— Garðabæ
Stundatöflur nemenda veröa afhentar í skólanum
mánudaginn 9. janúar kl. 9.00. Kennsla hefst þriöju-
daginn 10. janúar skv. stundatöflum. Kennarafundur
'eröur haldinn mánudaginn 9. janúar kl. 13.00.
Vllar nánari upplýsingar veittar á skrifstofu skólans
sími 52193.
Skólastjóri.
Enska fyrir börn
Beina aöferöin. Börnum er kennd enska á ENSKU.
íslenzka er ekki töluö í tímum. LEIKIR — MYNDIR —
BÆKUR. Skemmtilegt nám.
MÍMIR, Brautarholti 4,
Sími 10004 og 11109 (kl. 1—5 e.h.)
Heba heldur
vid heilsunni
Nýtt námskeið að hefjast.
Dag- og kvöldtímar tvisvar eða
fjórum sinnum í viku.
Megrunarkúrar - Nuddkúrar
Leikíimi - Sauna - Ljós - Megrun
Sól-bekkir- Nudd - Hvíld - Kafli -
Jane Fonda leikfimi
Innritun í síma 42360 - 40935
Heilsurœktin Heba
Auðbrekku 14Kópavogl.
rMFA-------------------------------------------
Nám í erlendum
verkalýðsskólum
Genfarskólinn
Árlegt námskeiö norræna verkalýösskólans í Genf veröur
næsta sumar á tímabilinu 26. maí — 7. júlí.
Þátttakendur eru frá Noröurlöndum. Skólinn starfar i tengslum
viö þing Alþjóöavinnumálastofnunarinnar (ILO), sem haldið er á
sama tíma. Nemendur dvelja fyrstu viku skólatímans í Svíþjóö,
þá í Genf í Sviss og síöustu vikuna í Frakkiandi.
MFA greiöir þátttökugjald og feröastyrk. MFA á rétt á tveimur
námsplássum. Nauðsynlegt er aö þátttakendur hafi gott vald á
dönsku, sænsku eöa norsku. Enskukunnátta er æskileg.
Ætlast er til aö þátttakendur séu virkir félagsmenn í samtökum
launafolks meö reynslu í félagsmálastörfum og hafi áhuga á
norrænni og alþjóðlegri samvinnu.
Manchesterskólinn
Árlegt námskeiö Manchesterháskóla fyrir félagsmenn verka-
lýössamtakanna á Noröurlöndum veröur haldiö 29. apríl — 20.
júli nk. Námskeiöi Manchesterskólans er ætlaö aö kynna fó-
lagsmönnum verkalýössamtakanna í Danmörku, Finnlandi,
Noregi, íslandi og Svíþjóö, Preska verkalýöshreyfingu, breskt
samfélag, félagsmál og stjórnmál, auk þess sem þátttakendum
gefst kostur á enskunámi.
Enskukunnátta er nauðsynleg.
MFA á kost á einu til tveimur námsplássum.
Umsóknum um skólavist á Gefnarskólann og Manchester-
skólann ber aö skila til skrifstofu MFA, Grensásvegi 16, 108
Reykjavík, á þar til gerö eyöublöð, sem þar fást, fyrir 10.
febrúar nk.
Nánari upplýsingar um þessa skóla eru veittar á skrifstofu
MFA, sími 84233.
Menningar- og fræöslusamband alþýðu.