Morgunblaðið - 11.01.1984, Síða 17

MORGUNBLAÐIÐ, MIÐVIKUDAGUR 11. JANÚAR 1984
17
Við jólatréð frá Skara á Þorláksmessu.
Egilsstaðir:
Friðsæl jólahelgi
Egilsstöðum, 27. desember.
JÓLAHELGIN leið hér venju sam-
kvæmt í friði og spekt. Klukkan 18
á aðfangadag var aftansöngur í
kirkjunni og náttsöngur kl. 23. Á
jóladag var síðan hátíðarmessa
klukkan 14.
Á Þorláksmessu gekkst
Kvennahreyfingin á Héraði fyrir
friðargöngu frá Lagarfljótsbrú
að Egilsstaðakirkju þar sem
sóknarpresturinn, sr. Vigfús
Ingvar Ingvarsson, flutti ávarp.
Margmenni var í göngunni þrátt
fyrir 15 stiga frost.
Að lokinni friðargöngu var
kveikt á jólatré er vinabær Eg-
ilsstaða í Svíþjóð, Skara, sendi
Egilsstaðabúum. formaður
Norræna félagsins á Egilsstöð-
um afhenti tréð, en oddviti,
Sveinn Þórarinsson, tók við
trénu fyrir hönd heimamanna.
Kór Egilsstaðakirkju söng og
jólasveinar brugðu á leik.
Á aðfangadag voru jólasveinar
á kreiki um þorpið. Við eftir-
grennslan reyndust þar vera á
ferð jólasveinar tengdir JC-Hér-
að, en sá félagsskapur hefur
undanfarin ár útvegað jóla-
sveina til að færa góðum börnum
pakka á aðfangadag. í gærkvöldi
var dansleikur í Valaskjálf þar
sem hljómsveitirnar Aþena og
Dúkkulísurnar léku fyrir dansi. I
dag verður svo jólatrésfagnaður
í Valaskjálf fyrir yngstu kyn-
slóðina.
Veður var gott fyrir jólin þótt
frosthörkur væru og allt þar til í
gær, er hvessti og rigndi.
— Ólmfur
Jólasveinar frá JC-Hérað gengu í hús á aðfangadag.
Kennaraháskólinn:
Tölvur og tilheyrandi út-
búnaður að gjöf frá IBM
IBM-FYRIRTÆKIÐ á íslandi hef-
ur fært Kennaraháskóla íslands
að gjöf 5 tölvur af gerðinni IBM
Personal Computer, ásamt ýmsum
tilheyrandi vél- og hugbúnaði.
Verðmæti gjafarinnar er 1.300
þúsund krónur.
Forstjóri fyrirtækisins,
Gunnar M. Hansson, kom í
heimsókn í Kennaraháskólann
um áramótin og afhenti rektor
skólans formlega bréf þar sem
frá þessu er greint. í gjafabréf-
inu segi'r m.a.: „Tölvurnar verði
notaðar til þeirra kennslu- og
þróunarverkefna sem Kennara-
háskólinn telur réttast og hag-
kvæmast á hverjum tíma.“ í
bréfinu er ennfremur tekið fram
að gjöfin sé afhent skilyrðis- og
kvaðalaust af hálfu IBM.
Gjöf þessi er fyrsta verulega
skrefið til tölvuvæðingar KHÍ
en rektor gat þess að mennta-
málaráðuneytið hefði lýst yfir
fullum stuðningi við áframhald-
andi uppbyggingu og þróun á
þessu sviði. I bréfi frá ráðuneyt-
inu, dags. 30.12. sl., segir: „Eðli
sínu samkvæmt hlýtur Kenn-
araháskólinn að gegna lykil-
hlutverki í því að efla almenna
grunnmenntun í tölvulæsi og
tölvunotkun. Hefur ráðuneytið
eins og yður er kunnugt þegar
ákveðið að verja nokkru fé til
byrjunarframkvæmda á þessu
sviði."
Rektor þakkaði að lokum fyrir
hönd Kennaraháskólans gefend-
um hina rausnarlegu gjöf, sem
hann kvað koma á heppilegum
tíma. Gjöfin mundi tvímæla-
laust gjörbreyta möguleikum
Kennaraháskólans til að veita
kennaraefnum og starfandi
kennurum í landinu fræðslu um
notkun tölva í skólastarfi og
skapa bætta aðstöðu til að sinna
öðrum verkefnum, sem Kenn«
araháskólanum og stofnunum á
hans vegum er skylt að rækja
samkvæmt lögum og reglugerð.
Kvaðst rektor mundi gera það
sem í sínu valdi stæði til að von-
ir gefenda um öfluga starfsemi
skólans á næstu árum til að
gegna sem best hlutverki sínu
að þessu leyti mættu rætast.
flr fréUatilkynningu.
plisirumtipl [m^>il>
Góóan daginn!
—
TÖLVUVÆÐING
ÁN
TÖLVU ?
Góöur tölvubúnaður er dýr fjárfesting og valiö milli tegunda
er vandasamt. Erfiðleikar fjölmargra fyrirtækja og félagasam-
taka eru einmitt fólgnir í vali og nýtingu tölva í sína þágu.
Er hægt aö forðast fjárfestingaslys á þessu sviði, en njóta
þó öruggrar tölvuþjónustu á hagkvæman hátt?
TÖLVUMIÐSTÖÐIN Á SVARIÐ
•Tölvumiðstöðin býðst til að annast allt
bókhald og veita margs konar tölvuþjón-
ustu til fyrirtækja og félagasamtaka.
•Tölvumiðstöðin býður hraða og sveigjan-
lega þjónustu.
•Tölvumiðstöðin býr að sérfræðiþekkingu
og afburða tæknibúnaði.
•Tölvumiðstöðin finnur það kerfi sem best
hentar hverjum viðskiptavini.
•Tölvumiðstöðin sparar fjárfestingu í vél-
og hugbúnaði, en veitir ódýra og örugga
þjónustu sem byggir á 10 ára reynslu.
HRINGIÐ STRAX!
Ólafur Tryggvason mun veita allar nánari
UPPLÝSINGAR ( SÍMA 85933
Tölvumiðstöðin hf
Höfóabakki9 Simi 85933
s
¥
2
Q
¥
D
<